नवग्रहस्तोत्रम् ३ Shri Navagrahastotram By Shri Vadirajayati

भास्वान्मे भासयेत् तत्त्वं चन्द्रश्चाह्लादकृद्भवेत् ।मङ्गलो मङ्गलं दद्यात् बुधश्च बुधतां दिशेत् ॥ १॥

bhāsvānme bhāsayet tattvaṃ candraścāhlādakṛdbhavet |maṅgalo maṅgalaṃ dadyāt budhaśca budhatāṃ diśet || 1||

गुरुर्मे गुरुतां दद्यात् कविश्च कवितां दिशेत् ।शनिश्च शं प्रापयतु केतुः केतुं जयेऽर्पयेत् ॥ २॥

gururme gurutāṃ dadyāt kaviśca kavitāṃ diśet |śaniśca śaṃ prāpayatu ketuḥ ketuṃ jaye'rpayet || 2||

राहुर्मे राहयेद्रोगं ग्रहाः सन्तु करग्रहाः ।नवं नवं ममैश्वर्यं दिशन्त्वेते नवग्रहाः ॥ ३॥

rāhurme rāhayedrogaṃ grahāḥ santu karagrahāḥ |navaṃ navaṃ mamaiśvaryaṃ diśantvete navagrahāḥ || 3||

शने दिनमणेः सूनो ह्यनेकगुणसन्मणे ।अरिष्टं हर मेऽभीष्टं कुरु मा कुरु सङ्कटम् ॥ ४॥

śane dinamaṇeḥ sūno hyanekaguṇasanmaṇe |ariṣṭaṃ hara me'bhīṣṭaṃ kuru mā kuru saṅkaṭam || 4||

हरेरनुग्रहार्थाय शत्रुणां निग्रहाय च ।वादिराजयतिप्रोक्तं ग्रहस्तोत्रं सदा पठेत् ॥ ५॥

hareranugrahārthāya śatruṇāṃ nigrahāya ca |vādirājayatiproktaṃ grahastotraṃ sadā paṭhet || 5||

॥ इति श्रीवादिराजयतिविरचितं नवग्रहस्तोत्रम् ॥

|| iti śrīvādirājayativiracitaṃ navagrahastotram ||