नवग्रहमङ्गलस्तोत्रम् २ अथवा नवग्रहमङ्गलाष्टकम् २ Shri Navagraha Mangalastotram Or Mangalashtakam

भास्वानर्कसमिच्च रक्तकिरणसिंहाधिपः काश्यपोगुर्विन्द्वोश्च कुजस्य मित्रमरिखत्रिस्थश्शुभः प्राङ्मुखः ।शत्रुर्भार्गवसौरयोः प्रियगुडः कालिङ्गदेशाधिपोमध्ये वर्तुलमण्डले स्थितियुतः कुर्यात् सदामङ्गलम् ॥ १॥

bhāsvānarkasamicca raktakiraṇasiṃhādhipaḥ kāśyapogurvindvośca kujasya mitramarikhatristhaśśubhaḥ prāṅmukhaḥ |śatrurbhārgavasaurayoḥ priyaguḍaḥ kāliṅgadeśādhipomadhye vartulamaṇḍale sthitiyutaḥ kuryāt sadāmaṅgalam || 1||

चन्द्रः कर्कटक प्रभुस्सितरुचिश्चात्रेय गोत्रोद्भवःचाग्नेये चतुरश्रगोऽपरमुखो गौर्यर्चया तर्पितः ।षट्सप्ताग्निदशाद्यशोभनफलोऽशत्रुर्बुधार्कप्रियःसौम्यो यामुन देशपर्णजसमित् कुर्यात् सदा मङ्गलम् ॥ २॥

candraḥ karkaṭaka prabhussitaruciścātreya gotrodbhavaḥcāgneye caturaśrago'paramukho gauryarcayā tarpitaḥ |ṣaṭsaptāgnidaśādyaśobhanaphalo'śatrurbudhārkapriyaḥsaumyo yāmuna deśaparṇajasamit kuryāt sadā maṅgalam || 2||

भौमो दक्षिण दित्रिकोण निलयोऽवन्तीपतिः खादिरप्रीतो वृश्चिकमेषयोरधिपतिर्गुर्वर्क चन्द्रप्रियः ।ज्ञारिः षट्त्रिशुभप्रदश्च वसुधादाता गुहाधीश्वरोभारद्वाजकुलोद्भवोऽरुणरुचिः कुर्यात् सदामङ्गलम् ॥ ३॥

bhaumo dakṣiṇa ditrikoṇa nilayo'vantīpatiḥ khādiraprīto vṛścikameṣayoradhipatirgurvarka candrapriyaḥ |jñāriḥ ṣaṭtriśubhapradaśca vasudhādātā guhādhīśvarobhāradvājakulodbhavo'ruṇaruciḥ kuryāt sadāmaṅgalam || 3||

सौम्यः पीत उदङ्मुखसमिधपामार्गोऽत्रिगोत्रोद्भवःबाणेशानगतस्सुहृद्रविसितो वैरी कृतानुष्णरुक् ।कन्यायुग्मपतिर्दशाष्टम चतुष्षण्णेत्रगश्शोभनोविष्ण्वाराधन तर्पितो मगधपः कुर्यात् सदा मङ्गलम् ॥ ४॥

saumyaḥ pīta udaṅmukhasamidhapāmārgo'trigotrodbhavaḥbāṇeśānagatassuhṛdravisito vairī kṛtānuṣṇaruk |kanyāyugmapatirdaśāṣṭama catuṣṣaṇṇetragaśśobhanoviṣṇvārādhana tarpito magadhapaḥ kuryāt sadā maṅgalam || 4||

जीवश्चोत्तर दिङ्मुखोत्तरककुप् जातोऽङ्गिरोगोत्रतःपीतोऽश्वत्थसमिच्च सिन्ध्वधिपतिश्चापर्क्षमीनाधिपः ।सूर्येन्दुक्षितिजप्रियस्सित बुधारातिस्समो भानुजेसप्तापत्यतपोर्थगश्शुभकरः कुर्यात् सदामङ्गलम् ॥ ५॥

jīvaścottara diṅmukhottarakakup jāto'ṅgirogotrataḥpīto'śvatthasamicca sindhvadhipatiścāparkṣamīnādhipaḥ |sūryendukṣitijapriyassita budhārātissamo bhānujesaptāpatyataporthagaśśubhakaraḥ kuryāt sadāmaṅgalam || 5||

शुक्रो भार्गवगोत्रजस्सितरुचिः पूर्वाननः पूर्वदिक्काम्बोजाधिपतिस्तुलावृषभपश्चौदुम्बरैस्तर्पितः ।सौम्यायः सुहृदम्बिका स्तुतिवशात्प्रीतोऽर्कचन्द्राहितोनारी भोगकरश्शुभो भृगुसुतः कुर्यात् सदा मङ्गलम् ॥ ६॥

śukro bhārgavagotrajassitaruciḥ pūrvānanaḥ pūrvadikkāmbojādhipatistulāvṛṣabhapaścaudumbaraistarpitaḥ |saumyāyaḥ suhṛdambikā stutivaśātprīto'rkacandrāhitonārī bhogakaraśśubho bhṛgusutaḥ kuryāt sadā maṅgalam || 6||

सौरिः कृष्णरुचिश्चपश्चिममुखः सौराष्ट्रपः काश्यपोनाथः कुम्भमृगर्क्षयोः प्रियसुहृच्छुक्रज्ञयोर्गृध्रगः ।षट्त्रिस्थश्शुभदोऽशुभो तनुगतिश्चापाकृतौ मण्डलेसन्तिष्ठन् चिरजीवितादि फलदः कुर्यात् सदा मङ्गलम् ॥ ७॥

sauriḥ kṛṣṇaruciścapaścimamukhaḥ saurāṣṭrapaḥ kāśyaponāthaḥ kumbhamṛgarkṣayoḥ priyasuhṛcchukrajñayorgṛdhragaḥ |ṣaṭtristhaśśubhado'śubho tanugatiścāpākṛtau maṇḍalesantiṣṭhan cirajīvitādi phaladaḥ kuryāt sadā maṅgalam || 7||

राहुर्बर्बरदेशपो निऋऋतौ कृष्णाङ्ग शूर्पासनोयाम्याशाभिमुखश्च चन्द्ररविरुत् पैठीनसिः क्रौर्यवान् ।षट्त्रिस्थश्शुभकृत्करालवदनः प्रीतश्च दूर्वाहुतौदुर्गापूजनतः प्रसन्नहृदयः कुर्यात् सदा मङ्गलम् ॥ ८॥

rāhurbarbaradeśapo niṛṛtau kṛṣṇāṅga śūrpāsanoyāmyāśābhimukhaśca candraravirut paiṭhīnasiḥ krauryavān |ṣaṭtristhaśśubhakṛtkarālavadanaḥ prītaśca dūrvāhutaudurgāpūjanataḥ prasannahṛdayaḥ kuryāt sadā maṅgalam || 8||

केतुर्जेमिनिगोत्रजः कुशसमिद्वायव्यकोणेस्थितःचित्राङ्क ध्वजलाञ्छनो हि भगवान् याम्याननश्शोभनः ।सन्तुष्टो गणनाथ पूजनवशात् गङ्गादितीर्थप्रदःषट्त्रिस्थश्शुभकृच्च चित्रिततनुः कुर्यात् सदा मङ्गलम् ॥ ९॥

keturjeminigotrajaḥ kuśasamidvāyavyakoṇesthitaḥcitrāṅka dhvajalāñchano hi bhagavān yāmyānanaśśobhanaḥ |santuṣṭo gaṇanātha pūjanavaśāt gaṅgāditīrthapradaḥṣaṭtristhaśśubhakṛcca citritatanuḥ kuryāt sadā maṅgalam || 9||

इति श्रीनवग्रहमङ्गलस्तोत्रं अथवा श्रीनवग्रहमङ्गलाष्टकं सम्पूर्णम् ।चल्लेद् अस् अष्टकम्, पेर्हप्स् मिस्तकेन्ल्य्।

iti śrīnavagrahamaṅgalastotraṃ athavā śrīnavagrahamaṅgalāṣṭakaṃ sampūrṇam |called as aṣṭakam, perhaps mistakenly|