नवग्रहस्तवः व्यासकृतः नवग्रहविवरणसहितः Navagrahastava by Vyasa

व्यास उवाच ।शृणुष्व द्विजशार्दूल सूर्यस्तोत्रं महाफलम् ।यच्छ्रुत्वा च पठित्वा च सर्वपापैः प्रमुच्यते ॥ १॥

vyāsa uvāca |śṛṇuṣva dvijaśārdūla sūryastotraṃ mahāphalam |yacchrutvā ca paṭhitvā ca sarvapāpaiḥ pramucyate || 1||

॥ अथ सूर्यस्तोत्रम् ॥(सूर्याष्टोत्तरशतनामस्तोत्रम्)ओङ्काररूपो गवान् भास्करश्च विकर्तनः ।सूर्यो रविः काश्यपेयो भानुर्दिनकरः प्रभुः ॥ २॥

|| atha sūryastotram ||(sūryāṣṭottaraśatanāmastotram)oṅkārarūpo gavān bhāskaraśca vikartanaḥ |sūryo raviḥ kāśyapeyo bhānurdinakaraḥ prabhuḥ || 2||

लोकप्रकाशकः साक्षी श्रीमांल्लोकदिगीश्वरः ।गभस्तिमाली सप्ताश्च स्त्रिगुणः कमलासनः ॥ ३॥

lokaprakāśakaḥ sākṣī śrīmāṃllokadigīśvaraḥ |gabhastimālī saptāśca striguṇaḥ kamalāsanaḥ || 3||

ग्रहेश्वरो गुणाधारो ब्रह्मविष्णुशिवात्मकः ।ज्योतिष्मान् ज्योतिषां नाथो ब्रह्मा ब्राह्मणदैवतः ॥ ४॥

graheśvaro guṇādhāro brahmaviṣṇuśivātmakaḥ |jyotiṣmān jyotiṣāṃ nātho brahmā brāhmaṇadaivataḥ || 4||

त्रैगुण्यनायको दिव्यो लोकबन्धुर्भयापहः ।तिमिरारी रश्मिमाली सहस्रकिरणः करी ॥ ५॥

traiguṇyanāyako divyo lokabandhurbhayāpahaḥ |timirārī raśmimālī sahasrakiraṇaḥ karī || 5||

शूरः करीन्द्रो मैत्रेयः केवलात्मार्यमामलः ।पद्मप्रकाशको धाता विष्णुस्त्वष्टांशुरेव च ॥ ६॥

śūraḥ karīndro maitreyaḥ kevalātmāryamāmalaḥ |padmaprakāśako dhātā viṣṇustvaṣṭāṃśureva ca || 6||

वेदात्मा वेदवेद्यश्च यमकर्ताश्विनीपतिः ।नासत्यदत्रजनको ज्ञानज्योतिः सनातनः ॥ ७॥

vedātmā vedavedyaśca yamakartāśvinīpatiḥ |nāsatyadatrajanako jñānajyotiḥ sanātanaḥ || 7||

पूषा विवस्वानादित्यो द्वादशात्मा दिवाकरः ।अहस्करः प्रभाराशी रोगहा रुक्चिकित्सकः ॥ ८॥

pūṣā vivasvānādityo dvādaśātmā divākaraḥ |ahaskaraḥ prabhārāśī rogahā rukcikitsakaḥ || 8||

महौषधस्मृतिः पुण्यः परमार्थः स्मृतार्त्तिहा ।ऋषिस्तुत्यो जपप्रीतो गायत्रीजनकोऽव्ययः ॥ ९॥

mahauṣadhasmṛtiḥ puṇyaḥ paramārthaḥ smṛtārttihā |ṛṣistutyo japaprīto gāyatrījanako'vyayaḥ || 9||

गायत्रीजपसुप्रीतस्त्रिसन्ध्यपरसुप्रियः ।शिवपूजकसुप्रीतो विष्णुपूजकसुप्रियः ॥ १०॥

gāyatrījapasuprītastrisandhyaparasupriyaḥ |śivapūjakasuprīto viṣṇupūjakasupriyaḥ || 10||

गङ्गास्नानप्रियप्रीतो दुर्गाजपसुहृद्वरः ।पितृमातृभक्तिभक्तो धर्मो धर्मात्मदण्डकृत् ॥ ११॥

gaṅgāsnānapriyaprīto durgājapasuhṛdvaraḥ |pitṛmātṛbhaktibhakto dharmo dharmātmadaṇḍakṛt || 11||

रक्तवर्णः श्यामवर्णो धवलः कालभेदतः ।स्वयम्भूरन्नदो वारिप्रदो ह्यरुणसारथिः ॥ १२॥

raktavarṇaḥ śyāmavarṇo dhavalaḥ kālabhedataḥ |svayambhūrannado vāriprado hyaruṇasārathiḥ || 12||

पिता पितामहो देवो दक्षिणाशापतिः सुरुक् ।आकाशरत्नं तरणिश्चित्रभानुर्विरोचनः ॥ १३॥

pitā pitāmaho devo dakṣiṇāśāpatiḥ suruk |ākāśaratnaṃ taraṇiścitrabhānurvirocanaḥ || 13||

मार्त्तण्डोऽर्को वायुकर्ता सम्यक्ज्ञाता कृपामयः ।प्रातर्मध्याह्नसायाह्ने सन्ध्यावन्दनकृत्प्रियः ॥ १४॥

mārttaṇḍo'rko vāyukartā samyakjñātā kṛpāmayaḥ |prātarmadhyāhnasāyāhne sandhyāvandanakṛtpriyaḥ || 14||

प्रातर्ब्राह्मणहस्ताब्जजलाञ्जलिसुखी सदा ।तपनस्तापनो विश्वस्तीर्थोदय उदारधीः ॥ १५॥

prātarbrāhmaṇahastābjajalāñjalisukhī sadā |tapanastāpano viśvastīrthodaya udāradhīḥ || 15||

भूरसग्राहकश्चेति सूर्यनामशतं परम् ।फलश्रुतिः ।साष्टकं कथितं तुभ्यं पापरोगहरं परम् ॥ १६॥

bhūrasagrāhakaśceti sūryanāmaśataṃ param |phalaśrutiḥ |sāṣṭakaṃ kathitaṃ tubhyaṃ pāparogaharaṃ param || 16||

सर्वज्वरप्रशमनं सर्वव्याधिमहौषधम् ।पवित्रं पुण्यदं पुण्यं यः पठेत् सुसमाहितः ॥ १७॥

sarvajvarapraśamanaṃ sarvavyādhimahauṣadham |pavitraṃ puṇyadaṃ puṇyaṃ yaḥ paṭhet susamāhitaḥ || 17||

तस्य सर्वार्थसिद्धिः स्याद्यद्यन्मनसि वर्त्तते ।उत्पन्नेषु ह्यरिष्टेषु सङ्कल्प्येदं पठेत् शुभम् ॥ १८॥

tasya sarvārthasiddhiḥ syādyadyanmanasi varttate |utpanneṣu hyariṣṭeṣu saṅkalpyedaṃ paṭhet śubham || 18||

तदा तस्यारिष्टशान्तिर्भवत्येव न संशयः ।रविप्रियदिने पुण्ये रविं सम्पूज्य यः पठेत् ॥ १९॥

tadā tasyāriṣṭaśāntirbhavatyeva na saṃśayaḥ |ravipriyadine puṇye raviṃ sampūjya yaḥ paṭhet || 19||

स रवेर्मण्डलं भित्वा याति ब्रह्म ह्यनागतिम् ।॥ इति सूर्यस्तोत्रम् ॥अथ वक्ष्ये शशिस्तोत्रं तच्छृणुष्व मुदान्वितः ॥ २०॥

sa ravermaṇḍalaṃ bhitvā yāti brahma hyanāgatim ||| iti sūryastotram ||atha vakṣye śaśistotraṃ tacchṛṇuṣva mudānvitaḥ || 20||

॥ अथ शशिस्तोत्रम् ॥(चन्द्राष्टोत्तरशतनामस्तोत्रम्)चन्द्रोऽमृतमयः श्वेतो विधुर्विमलरूपवान् ।विशालमण्डलः श्रीमान् पीयूषकिरणः करी ॥ २१॥

|| atha śaśistotram ||(candrāṣṭottaraśatanāmastotram)candro'mṛtamayaḥ śveto vidhurvimalarūpavān |viśālamaṇḍalaḥ śrīmān pīyūṣakiraṇaḥ karī || 21||

द्विजराजः शशधरः शशी शिवशिरोगृहः ।क्षीराब्धितनयो दिव्यो महात्माऽमृतवर्षणः ॥ २२॥

dvijarājaḥ śaśadharaḥ śaśī śivaśirogṛhaḥ |kṣīrābdhitanayo divyo mahātmā'mṛtavarṣaṇaḥ || 22||

रात्रिनाथो ध्वान्तहर्त्ता निर्मलो लोकलोचनः ।चक्षुराह्लादजनकस्तारापतिरखण्डितः ॥ २३॥

rātrinātho dhvāntaharttā nirmalo lokalocanaḥ |cakṣurāhlādajanakastārāpatirakhaṇḍitaḥ || 23||

षोडशात्मा कलानाथो मदनः कामवल्लभः ।हंसःस्वामी क्षीणबृद्धो गौरः सततसुन्दरः ॥ २४॥

ṣoḍaśātmā kalānātho madanaḥ kāmavallabhaḥ |haṃsaḥsvāmī kṣīṇabṛddho gauraḥ satatasundaraḥ || 24||

मनोहरो देवभोग्यो ब्रह्मकर्मविवर्द्धनः ।वेदप्रियो वेदकर्मकर्ता हर्त्ता हरो हरिः ॥ २५॥

manoharo devabhogyo brahmakarmavivarddhanaḥ |vedapriyo vedakarmakartā harttā haro hariḥ || 25||

उद्धर्ववासी निशानाथः शृङ्गारभावकर्षणः ।मुक्तिद्वारं शिवात्मा च तिथिकर्ता कलानिधिः ॥ २६॥

uddharvavāsī niśānāthaḥ śṛṅgārabhāvakarṣaṇaḥ |muktidvāraṃ śivātmā ca tithikartā kalānidhiḥ || 26||

ओषधीपतिरब्जश्च सोमो जैवातृकः शुचिः ।मृगाङ्को ग्लौः पुण्यनामा चित्रकर्मा सुरार्च्चितः ॥ २७॥

oṣadhīpatirabjaśca somo jaivātṛkaḥ śuciḥ |mṛgāṅko glauḥ puṇyanāmā citrakarmā surārccitaḥ || 27||

रोहिणीशो बुधपिता आत्रेयः पुण्यकीर्त्तकः ।निरामयो मन्त्ररूपः सत्यो राजा धनप्रदः ॥ २८॥

rohiṇīśo budhapitā ātreyaḥ puṇyakīrttakaḥ |nirāmayo mantrarūpaḥ satyo rājā dhanapradaḥ || 28||

सौन्दर्यदायको दाता राहुग्रासपराङ्मुखः ।शरण्यः पार्वतीभालभूषणं भगवानपि ॥ २९॥

saundaryadāyako dātā rāhugrāsaparāṅmukhaḥ |śaraṇyaḥ pārvatībhālabhūṣaṇaṃ bhagavānapi || 29||

पुण्यारण्यप्रियः पूर्णः पूर्णमण्डलमण्डितः ।हास्यरूपो हास्यकर्ता शुद्धः शुद्धस्वरूपकः ॥ ३०॥

puṇyāraṇyapriyaḥ pūrṇaḥ pūrṇamaṇḍalamaṇḍitaḥ |hāsyarūpo hāsyakartā śuddhaḥ śuddhasvarūpakaḥ || 30||

शरत्कालपरिप्रीतः शारदः कुमुदप्रियः ।द्युमणिर्दक्षजामाता यक्ष्मारिः पापमोचनः ॥ ३१॥

śaratkālapariprītaḥ śāradaḥ kumudapriyaḥ |dyumaṇirdakṣajāmātā yakṣmāriḥ pāpamocanaḥ || 31||

इन्दुः कलङ्कनाशी च सूर्यसङ्गमपण्डितः ।सूर्योद्भूतः सूर्यगतः सूर्यप्रियपरःपरः ॥ ३२॥

induḥ kalaṅkanāśī ca sūryasaṅgamapaṇḍitaḥ |sūryodbhūtaḥ sūryagataḥ sūryapriyaparaḥparaḥ || 32||

स्निग्धरूपः प्रसन्नश्च मुक्ताकर्पूरसुन्दरः ।जगदाह्लादसन्दर्शो ज्योतिःशास्त्रप्रमाणकः ॥ ३३॥

snigdharūpaḥ prasannaśca muktākarpūrasundaraḥ |jagadāhlādasandarśo jyotiḥśāstrapramāṇakaḥ || 33||

सूर्याभावदुःखहर्त्ता वनस्पतिगतः कृती ।यज्ञरूपो यज्ञभागी वैद्यो विद्याविशारदः ॥ ३४॥

sūryābhāvaduḥkhaharttā vanaspatigataḥ kṛtī |yajñarūpo yajñabhāgī vaidyo vidyāviśāradaḥ || 34||

रश्मिकोटिर्दीप्तिकारी गौरभानुरिति द्विज ।फलश्रुतिः ।नाम्नामष्टोत्तरशतं चन्द्रस्य पापनाशनम् ॥ ३५॥

raśmikoṭirdīptikārī gaurabhānuriti dvija |phalaśrutiḥ |nāmnāmaṣṭottaraśataṃ candrasya pāpanāśanam || 35||

चन्द्रोदये पठेद्यस्तु स तु सौन्दर्यवान्भवेत् ।पौर्णमास्यां पठेदेतं स्तवं दिव्यं विशेषतः ॥ ३६॥

candrodaye paṭhedyastu sa tu saundaryavānbhavet |paurṇamāsyāṃ paṭhedetaṃ stavaṃ divyaṃ viśeṣataḥ || 36||

स्तवस्यास्य प्रसादेन त्रिसन्ध्यापठितस्य च ।सदाप्रसादास्तिष्ठन्ति ब्राह्मणाश्च द्विजोत्तम ॥ ३७॥

stavasyāsya prasādena trisandhyāpaṭhitasya ca |sadāprasādāstiṣṭhanti brāhmaṇāśca dvijottama || 37||

श्राद्धे चापि पठेदेतं स्तवं पीयूषरूपिणम् ।तत्तु श्राद्धमनन्तञ्च कलानाथप्रसादतः ॥ ३८॥

śrāddhe cāpi paṭhedetaṃ stavaṃ pīyūṣarūpiṇam |tattu śrāddhamanantañca kalānāthaprasādataḥ || 38||

दुःस्वप्ननाशनं पुण्यं दाहज्वरविनाशनम् ।ब्राह्मणाद्याः पठेयुस्तु स्त्रीशूद्राः शृणुयुस्तथा ॥ ३९॥

duḥsvapnanāśanaṃ puṇyaṃ dāhajvaravināśanam |brāhmaṇādyāḥ paṭheyustu strīśūdrāḥ śṛṇuyustathā || 39||

ब्राह्मणाः शृणुयुश्चापि लभेयुश्च समं फलम् ।॥ इति शशिस्तोत्रम् ॥अथान्येषान्तु नामानि स्तोत्ररूपाणि मे शृणु ॥ ४०॥

brāhmaṇāḥ śṛṇuyuścāpi labheyuśca samaṃ phalam ||| iti śaśistotram ||athānyeṣāntu nāmāni stotrarūpāṇi me śṛṇu || 40||

॥ अथ मङ्गलस्तवम् ॥(मङ्गलैकविंशनामानि)मङ्गलस्य स्तवं वक्ष्ये सर्वमङ्गलदायकम् ।मङ्गलो भूमिपुत्रश्च रक्ताङ्गोऽरुणलोचनः ॥ ४१॥

|| atha maṅgalastavam ||(maṅgalaikaviṃśanāmāni)maṅgalasya stavaṃ vakṣye sarvamaṅgaladāyakam |maṅgalo bhūmiputraśca raktāṅgo'ruṇalocanaḥ || 41||

अङ्गारको दीप्तारः शस्त्रपाणिः ऋणापहा ।मेषराश्यधिपो रक्तो रक्ताम्बरधरस्तथा ॥ ४२॥

aṅgārako dīptāraḥ śastrapāṇiḥ ṛṇāpahā |meṣarāśyadhipo rakto raktāmbaradharastathā || 42||

शूकराश्यधिपो देवो यात्रामङ्गलवृत्तिदः ।समुद्रशोषकश्चैव वह्निनेत्रः प्रतापवान् ॥ ४३॥

śūkarāśyadhipo devo yātrāmaṅgalavṛttidaḥ |samudraśoṣakaścaiva vahninetraḥ pratāpavān || 43||

धनदः प्रीतवदनः प्रलयात्मा प्रमोददः ।फलश्रुतिः ।इत्येकविंशतिं नाम्नां मङ्गलस्य तु यः पठेत् ॥ ४४॥

dhanadaḥ prītavadanaḥ pralayātmā pramodadaḥ |phalaśrutiḥ |ityekaviṃśatiṃ nāmnāṃ maṅgalasya tu yaḥ paṭhet || 44||

स एव निरृणो भूत्वा धार्मिकश्च धनी भवेत् ।सम्पूज्य रक्तपुष्पेण मङ्गलाहे च मङ्गलम् ॥ ४५॥

sa eva nirṛṇo bhūtvā dhārmikaśca dhanī bhavet |sampūjya raktapuṣpeṇa maṅgalāhe ca maṅgalam || 45||

स्तवमेतं पठित्वा तु निरृणः सन् धनी भवेत् ।॥ इति मङ्गलस्तवम् ॥अथ वक्ष्ये बुधस्यापि स्तोत्रं बुद्धिविवर्द्धनम् ॥ ४६॥

stavametaṃ paṭhitvā tu nirṛṇaḥ san dhanī bhavet ||| iti maṅgalastavam ||atha vakṣye budhasyāpi stotraṃ buddhivivarddhanam || 46||

॥ अथ बुधस्तोत्रम् ॥(बुधैकविंशनामानि)बुधो गौरतनुः सौम्यो मानवीशः शुभाननः ।शुभग्रहः पुण्यकीर्त्तिस्तारेयश्च इलापतिः ॥ ४७॥

|| atha budhastotram ||(budhaikaviṃśanāmāni)budho gauratanuḥ saumyo mānavīśaḥ śubhānanaḥ |śubhagrahaḥ puṇyakīrttistāreyaśca ilāpatiḥ || 47||

पुरूरवपिता धीरः कुमारो राजवल्ल्भः ।राजपुत्रो राज्यदाता ब्रह्मराज उषर्वुधः ॥ ४८॥

purūravapitā dhīraḥ kumāro rājavallbhaḥ |rājaputro rājyadātā brahmarāja uṣarvudhaḥ || 48||

द्वन्द्वराश्यधिपश्चैव सिंहराश्यधिपस्तथा ।नवग्रहप्रियश्चेति नाम्नामेवैकविंशतिम् ॥ ४९॥

dvandvarāśyadhipaścaiva siṃharāśyadhipastathā |navagrahapriyaśceti nāmnāmevaikaviṃśatim || 49||

फलश्रुतिः ।बुधस्य यः पठेदेतां स यात्रायां सुखं लभेत् ।ग्रहास्तस्य प्रसन्नाः स्युः पुत्रवान् धनवान् भवेत् ॥ ५०॥

phalaśrutiḥ |budhasya yaḥ paṭhedetāṃ sa yātrāyāṃ sukhaṃ labhet |grahāstasya prasannāḥ syuḥ putravān dhanavān bhavet || 50||

धर्मज्ञानञ्च पाण्डित्यं जायते तस्य सर्वशः ।॥ इति बुधस्तोत्रम् ॥अथ वक्ष्ये गुरुस्तोत्रं जावाले शृणु कथ्यते ॥ ५१॥

dharmajñānañca pāṇḍityaṃ jāyate tasya sarvaśaḥ ||| iti budhastotram ||atha vakṣye gurustotraṃ jāvāle śṛṇu kathyate || 51||

॥ अथ गुरुस्तोत्रम् ॥( गुरुसप्तविंशनामावलिः )देवाचार्यो गुरुर्जीवः कमनीयः सुरेश्वरः ।वाचस्पतिः पण्डितश्च सर्वशास्त्रवरः सुरः ॥ ५२॥

|| atha gurustotram ||( gurusaptaviṃśanāmāvaliḥ )devācāryo gururjīvaḥ kamanīyaḥ sureśvaraḥ |vācaspatiḥ paṇḍitaśca sarvaśāstravaraḥ suraḥ || 52||

धिषणो गीस्पतिर्ब्रह्मा ब्राह्मणश्च बृहस्पतिः ।श्रीमानाङ्गिरसस्तारावल्लभो जीवनप्रदः ॥ ५३॥

dhiṣaṇo gīspatirbrahmā brāhmaṇaśca bṛhaspatiḥ |śrīmānāṅgirasastārāvallabho jīvanapradaḥ || 53||

ज्येष्ठो ज्येष्ठग्रहो विज्ञो धनुर्मीनाधिपो जयः ।शुभग्रहो यज्ञकर्ता कृती चित्रशिखण्डिजः ॥ ५४॥

jyeṣṭho jyeṣṭhagraho vijño dhanurmīnādhipo jayaḥ |śubhagraho yajñakartā kṛtī citraśikhaṇḍijaḥ || 54||

फलश्रुतिः ।नामान्येतानि जीवस्य पाद्यानि सप्तविंशतिः ।बुद्धिवृद्धिकराण्याहुः प्रसादेन बृहस्पतेः ॥ ५५॥

phalaśrutiḥ |nāmānyetāni jīvasya pādyāni saptaviṃśatiḥ |buddhivṛddhikarāṇyāhuḥ prasādena bṛhaspateḥ || 55||

ब्राह्मणो वेदविज्ञः स्यादन्येषां स्वोचितं फलम् ।यात्रायां मङ्गलश्चापि स्तवराजो बृहस्पतेः ॥ ५६॥

brāhmaṇo vedavijñaḥ syādanyeṣāṃ svocitaṃ phalam |yātrāyāṃ maṅgalaścāpi stavarājo bṛhaspateḥ || 56||

॥ इति गुरुस्तोत्रम् ॥शृणुष्व द्विजशार्दूल शुक्रनामानि सम्प्रति ।शिवावताररूपस्य दैत्याचार्यस्य धीमतः ॥ ५७॥

|| iti gurustotram ||śṛṇuṣva dvijaśārdūla śukranāmāni samprati |śivāvatārarūpasya daityācāryasya dhīmataḥ || 57||

॥ अथ शुक्रस्तोत्रम् ॥(शुक्रसप्तविंशनामानि)शुक्रो दैत्यगुरुः श्रीमान् कविः काव्यश्च भार्गवः ।सितः शुक्लः शुचिर्विप्रो महात्मा शङ्करः प्रभुः ॥ ५८॥

|| atha śukrastotram ||(śukrasaptaviṃśanāmāni)śukro daityaguruḥ śrīmān kaviḥ kāvyaśca bhārgavaḥ |sitaḥ śuklaḥ śucirvipro mahātmā śaṅkaraḥ prabhuḥ || 58||

उशना उत्तमौजाश्च उदयी उज्वलत्प्रभः ।ऊर्ज्जस्वी वृषराशीशस्तुलाराश्यधिपस्तथा ॥ ५९॥

uśanā uttamaujāśca udayī ujvalatprabhaḥ |ūrjjasvī vṛṣarāśīśastulārāśyadhipastathā || 59||

मृतसञ्जीवको ज्ञाता विद्याविनयपण्डितः ।सद्ग्रहः साधुशीलश्च ययातिश्वशुरो वशी ॥ ६०॥

mṛtasañjīvako jñātā vidyāvinayapaṇḍitaḥ |sadgrahaḥ sādhuśīlaśca yayātiśvaśuro vaśī || 60||

फलश्रुतिः ।एतानि कविनामानि प्रोक्तानि सप्तविंशतिः ।पठ शृणुष्व जावाले पाठय श्रावयापि च ॥ ६१॥

phalaśrutiḥ |etāni kavināmāni proktāni saptaviṃśatiḥ |paṭha śṛṇuṣva jāvāle pāṭhaya śrāvayāpi ca || 61||

शुक्राचार्यस्तवं यस्तु पठेत् शुक्रदिनेषु च ।तस्य प्रीतो भवेत् शुक्रः श्वेतपुष्पैश्च पूजितः ॥ ६२॥

śukrācāryastavaṃ yastu paṭhet śukradineṣu ca |tasya prīto bhavet śukraḥ śvetapuṣpaiśca pūjitaḥ || 62||

शतावृत्तिं पठन्नस्य कविर्भवति नान्यथा ।प्रत्यहं भक्तिभावेन यः पठेत् सुसमाहितः ॥ ६३॥

śatāvṛttiṃ paṭhannasya kavirbhavati nānyathā |pratyahaṃ bhaktibhāvena yaḥ paṭhet susamāhitaḥ || 63||

तस्य धर्मे शुभा बुद्धिर्भवत्येव न संशयः ।इत्येतत् कथितं स्तोत्रं शुक्राचार्यस्य भास्वतः ॥ ६४॥

tasya dharme śubhā buddhirbhavatyeva na saṃśayaḥ |ityetat kathitaṃ stotraṃ śukrācāryasya bhāsvataḥ || 64||

॥ इति शुक्रस्तोत्रम् ॥अथ वक्ष्ये शृणु स्तोत्रं शनेः सूरसुतस्य ह ।शनिग्रहो भवद् येन तुष्टः शुभवरप्रदः ॥ ६५॥

|| iti śukrastotram ||atha vakṣye śṛṇu stotraṃ śaneḥ sūrasutasya ha |śanigraho bhavad yena tuṣṭaḥ śubhavarapradaḥ || 65||

॥ अथ शनिस्तोत्रम् ॥सूर्यपुत्रः शनिः श्यामो मन्दोऽमन्दः शनैश्चरः ।छायागर्भोद्भवो वीरो दीर्घवक्त्रः प्रतापवान् ॥ ६६॥

|| atha śanistotram ||sūryaputraḥ śaniḥ śyāmo mando'mandaḥ śanaiścaraḥ |chāyāgarbhodbhavo vīro dīrghavaktraḥ pratāpavān || 66||

एकाक्षः सर्वसञ्चारी दीर्घवासी शुभाक्षरः ।एतानि शनिनामानि यः पठेत्प्रयतो नरः ॥ ६७॥

ekākṣaḥ sarvasañcārī dīrghavāsī śubhākṣaraḥ |etāni śanināmāni yaḥ paṭhetprayato naraḥ || 67||

फलश्रुतिः ।तस्याष्टमगतोऽप्येष भवेदेकादशस्थवत् ।शनिवारे तु सम्पूज्य शनिं सूर्यसुतं नरः ॥ ६८॥

phalaśrutiḥ |tasyāṣṭamagato'pyeṣa bhavedekādaśasthavat |śanivāre tu sampūjya śaniṃ sūryasutaṃ naraḥ || 68||

लभते वाञ्छितं सर्वं ग्रहारिष्टविनाशजम् ।प्रत्यहं प्रातरुत्थाय यः पठेत्तु शनेः स्तवम् ॥ ६९॥

labhate vāñchitaṃ sarvaṃ grahāriṣṭavināśajam |pratyahaṃ prātarutthāya yaḥ paṭhettu śaneḥ stavam || 69||

तस्य सर्वे ग्रहाः साधो भवन्ति सुखदायकाः ।इति ते कथितं विप्र शनिस्तोत्रं महद्गुणम् ॥ ७०॥

tasya sarve grahāḥ sādho bhavanti sukhadāyakāḥ |iti te kathitaṃ vipra śanistotraṃ mahadguṇam || 70||

॥ इति शनिस्तोत्रम् ॥राहुनामान्यथो वक्ष्ये राहुप्रीतिकराणि च ।

|| iti śanistotram ||rāhunāmānyatho vakṣye rāhuprītikarāṇi ca |

॥ अथ राहुनामाष्टकम् ॥पीयुषपायी मस्ताख्यो राहुर्भिन्नगतिस्तमः ॥ ७१॥

|| atha rāhunāmāṣṭakam ||pīyuṣapāyī mastākhyo rāhurbhinnagatistamaḥ || 71||

उपरागग्रहः पुण्यचरित्रः पुत्रवद्भयः ।फलश्रुतिः ।राहुनामाष्टकमिदं राहुप्रीतिकरं परम् ॥ ७२॥

uparāgagrahaḥ puṇyacaritraḥ putravadbhayaḥ |phalaśrutiḥ |rāhunāmāṣṭakamidaṃ rāhuprītikaraṃ param || 72||

यः पठेच्छृणुयाद्वापि राहुदोषैर्न सोऽन्वितः ।॥ इति राहुनामाष्टकम् ॥केतुनामान्यथो वक्ष्ये जावाले शृणु भक्तितः ॥ ७३॥

yaḥ paṭhecchṛṇuyādvāpi rāhudoṣairna so'nvitaḥ ||| iti rāhunāmāṣṭakam ||ketunāmānyatho vakṣye jāvāle śṛṇu bhaktitaḥ || 73||

॥ अथ केतुनामानि ॥सैंहिकेयो धूमनामा दीर्घाङ्गो बहुरूपवान् ।स्कन्धरूपतनुः केतुर्महाभीमग्रहो ग्रहः ॥ ७४॥

|| atha ketunāmāni ||saiṃhikeyo dhūmanāmā dīrghāṅgo bahurūpavān |skandharūpatanuḥ keturmahābhīmagraho grahaḥ || 74||

शेषग्रहाख्यो नवमग्रहश्चेति द्विजोत्तम ।फलश्रुतिः ।केतूनाञ्चारुनामानि कथितानि मया तव ॥ ७५॥

śeṣagrahākhyo navamagrahaśceti dvijottama |phalaśrutiḥ |ketūnāñcārunāmāni kathitāni mayā tava || 75||

केतुप्रीतिकराण्याहुः पुत्रसम्पतप्रदानि च ।॥ इति केतुनामानि ॥नवग्रहस्तवस्य फलश्रुतिः ।नवग्रहाणामेते वै स्तवाः सर्वे निरूपिताः ॥ ७६॥

ketuprītikarāṇyāhuḥ putrasampatapradāni ca ||| iti ketunāmāni ||navagrahastavasya phalaśrutiḥ |navagrahāṇāmete vai stavāḥ sarve nirūpitāḥ || 76||

पुण्याः पापहरः सर्वे श्राव्यः पाद्याः प्रयत्नतः ।नवग्रहस्तवाध्यायं यः पठेत् प्रातरुत्थितः । ७७॥

puṇyāḥ pāpaharaḥ sarve śrāvyaḥ pādyāḥ prayatnataḥ |navagrahastavādhyāyaṃ yaḥ paṭhet prātarutthitaḥ | 77||

प्रदक्षिणाः ग्रहास्तस्य सूर्यचन्द्रादयो द्विज ।धनं धान्यं धरां धर्मं कीर्त्तिमायुर्यशः श्रियम् ॥ ७८॥

pradakṣiṇāḥ grahāstasya sūryacandrādayo dvija |dhanaṃ dhānyaṃ dharāṃ dharmaṃ kīrttimāyuryaśaḥ śriyam || 78||

पुत्रान् पौत्रान् शुभां भार्यां गोविन्दे नतिमुत्तमाम् ।अन्तकाले च गङ्गायां मरणं ददते ध्रुवम् ॥ ७९॥

putrān pautrān śubhāṃ bhāryāṃ govinde natimuttamām |antakāle ca gaṅgāyāṃ maraṇaṃ dadate dhruvam || 79||

दुःस्वप्ननाशनाः सर्वे ज्ञातिश्रैष्ठ्यप्रसाधकाः ।पितॄणां प्रीतिदा एते नवग्रहमहास्तवाः ॥ ८०॥

duḥsvapnanāśanāḥ sarve jñātiśraiṣṭhyaprasādhakāḥ |pitṝṇāṃ prītidā ete navagrahamahāstavāḥ || 80||

॥ इति बृहद्धर्मपुराणन्तर्गते नवग्रहस्तवहः ॥॥ बृहद्धर्मपुराणम् । उत्तरखण्डः । अध्यायः ११। १८०॥

|| iti bṛhaddharmapurāṇantargate navagrahastavahaḥ |||| bṛhaddharmapurāṇam | uttarakhaṇḍaḥ | adhyāyaḥ 11| 180||