नृसिंहसरस्वतीस्तोत्रम् २ Shri Nrisimhasarasvati Stotram 2

प्राग्ब्रह्म त्वमजोऽक्रियोऽपि बहुलं स्यामित्यभूद्धीस्तयासृष्ट्वैवाण्डभुवं ततो जगदिदं सृष्टं सधर्मं गुणैः ।स्वैः स्वं भो रमयन्विहंसि सदरीनत्रावतीर्यानिशम्वन्दे श्रीनृहरे सरस्वति वरं ते श्रीपदाब्जद्वयम् ॥ १॥

prāgbrahma tvamajo'kriyo'pi bahulaṃ syāmityabhūddhīstayāsṛṣṭvaivāṇḍabhuvaṃ tato jagadidaṃ sṛṣṭaṃ sadharmaṃ guṇaiḥ |svaiḥ svaṃ bho ramayanvihaṃsi sadarīnatrāvatīryāniśamvande śrīnṛhare sarasvati varaṃ te śrīpadābjadvayam || 1||

कल्याकृष्टहृदुझ्झितक्रतुनरत्रस्ताध्वराशीर्मुदेप्रातः सूर्य इवोदितोऽस्यज महामोहान्धकारं ग्रसन् ।सद्धर्माश्रमसेतुमत्र शिथिलप्रायं सुदार्ढ्यां नयन्वन्दे श्रीनृहरे सरस्वति वरं ते श्रीपदाब्जद्वयम् ॥ २॥

kalyākṛṣṭahṛdujhjhitakratunaratrastādhvarāśīrmudeprātaḥ sūrya ivodito'syaja mahāmohāndhakāraṃ grasan |saddharmāśramasetumatra śithilaprāyaṃ sudārḍhyāṃ nayanvande śrīnṛhare sarasvati varaṃ te śrīpadābjadvayam || 2||

सर्वानन्दनिधानरूपममलं स त्वं सुखं मूर्तिमत्प्रादुष्कृत्य जनत्रयान्तरमृगक्रीडावनं पावनम् ।संसारावटमग्नमुद्धरसि भो स्वीकृत्य तुर्याश्रमम्वन्दे श्रीनृहरे सरस्वति वरं ते श्रीपदाब्जद्वयम् ॥ ३॥

sarvānandanidhānarūpamamalaṃ sa tvaṃ sukhaṃ mūrtimatprāduṣkṛtya janatrayāntaramṛgakrīḍāvanaṃ pāvanam |saṃsārāvaṭamagnamuddharasi bho svīkṛtya turyāśramamvande śrīnṛhare sarasvati varaṃ te śrīpadābjadvayam || 3||

मूके गां दृशमन्धके सुतनयं वन्ध्यासु चासून्मृतेसौभाग्यं विधवासु पल्लवमहो दत्तं सुशुष्केन्धने ।एवम्भूत इयान्तवैष महिमा त्रैलोक्यसंस्थाक्षमोवन्दे श्रीनृहरे सरस्वति वरं ते श्रीपदाब्जद्वयम् ॥ ४॥

mūke gāṃ dṛśamandhake sutanayaṃ vandhyāsu cāsūnmṛtesaubhāgyaṃ vidhavāsu pallavamaho dattaṃ suśuṣkendhane |evambhūta iyāntavaiṣa mahimā trailokyasaṃsthākṣamovande śrīnṛhare sarasvati varaṃ te śrīpadābjadvayam || 4||

मुक्तावास मुमुक्षुकल्पविटपिन् भो कामिनां कामधुग्दारिद्रानलमेघ दुष्कृतदवाग्ने तापिताराम ते ।श्रुत्यन्विष्टरजःपदं श्रुतविवादातीततत्त्वं महत्वन्दे श्रीनृहरे सरस्वति वरं ते श्रीपदाब्जद्वयम् ॥ ५॥

muktāvāsa mumukṣukalpaviṭapin bho kāmināṃ kāmadhugdāridrānalamegha duṣkṛtadavāgne tāpitārāma te |śrutyanviṣṭarajaḥpadaṃ śrutavivādātītatattvaṃ mahatvande śrīnṛhare sarasvati varaṃ te śrīpadābjadvayam || 5||

भो योगीश्वरभावितं तव पदं तीर्थाश्रयं सज्जनाजीवं कामिसुदैवतं च कमलालीलास्थलं निर्मलम् ।विद्वद्वादकरण्डकं सुकृतसंस्थानं महत्पावनंवन्दे श्रीनृहरे सरस्वति वरं ते श्रीपदाब्जद्वयम् ॥ ६॥

bho yogīśvarabhāvitaṃ tava padaṃ tīrthāśrayaṃ sajjanājīvaṃ kāmisudaivataṃ ca kamalālīlāsthalaṃ nirmalam |vidvadvādakaraṇḍakaṃ sukṛtasaṃsthānaṃ mahatpāvanaṃvande śrīnṛhare sarasvati varaṃ te śrīpadābjadvayam || 6||

वेदागोचर ते चरित्रममलं शक्तोऽत्र कः कृत्स्नशोवक्तुं वह्न्यबिनेन्दुभूखपवनात्मेतीह मूत्र्यष्टकम् ।एतद्विश्वमयं न चान्यदिह वा ओङ्काररूपेशितर्वन्दे श्रीनृहरे सरस्वति वरं ते श्रीपदाब्जद्वयम् ॥ ७॥

vedāgocara te caritramamalaṃ śakto'tra kaḥ kṛtsnaśovaktuṃ vahnyabinendubhūkhapavanātmetīha mūtryaṣṭakam |etadviśvamayaṃ na cānyadiha vā oṅkārarūpeśitarvande śrīnṛhare sarasvati varaṃ te śrīpadābjadvayam || 7||

कुण्डीदण्डकरं प्रशान्तममलं सन्न्यासिरूपं तवश्रीभीमामरजायुतिस्थितमज ध्येयं शरण्यं मयि ।ज्ञानं तारकमीश सत्यमनिशं ब्रह्मन्स्थिरीकुर्वदोवन्दे श्रीनृहरे सरस्वति वरं ते श्रीपदाब्जद्वयम् ॥ ८॥

kuṇḍīdaṇḍakaraṃ praśāntamamalaṃ sannyāsirūpaṃ tavaśrībhīmāmarajāyutisthitamaja dhyeyaṃ śaraṇyaṃ mayi |jñānaṃ tārakamīśa satyamaniśaṃ brahmansthirīkurvadovande śrīnṛhare sarasvati varaṃ te śrīpadābjadvayam || 8||

इति श्रीवासुदेवानन्दसरस्वतीविरचितं श्रीनृसिंहसरस्वतीस्तोत्रं सम्पूर्णम् ।

iti śrīvāsudevānandasarasvatīviracitaṃ śrīnṛsiṃhasarasvatīstotraṃ sampūrṇam |