नृसिंहगिर्यष्टोत्तरशतनामस्तोत्रम् Shrinrisimhagiri Ashtottarashatanamastotram

ब्रह्मवर्ण समुद्भूतो ब्रह्ममार्गप्रवर्द्धकः ।ब्रह्मज्ञानसदासक्तो व्रह्मज्ञानपरायणः ॥ १॥

brahmavarṇa samudbhūto brahmamārgapravarddhakaḥ |brahmajñānasadāsakto vrahmajñānaparāyaṇaḥ || 1||

शिवपञ्चाक्षररतोऽशिवज्ञानविनाशकः ॥शिवाभिषेकनिरतः शिवपूजापरायणः ॥ २॥

śivapañcākṣararato'śivajñānavināśakaḥ ||śivābhiṣekanirataḥ śivapūjāparāyaṇaḥ || 2||

नारायणप्रवचनो नारायणपरायणः ।नारायणप्रत्नतनुर्नारायणनयस्थितः ॥ ३॥

nārāyaṇapravacano nārāyaṇaparāyaṇaḥ |nārāyaṇapratnatanurnārāyaṇanayasthitaḥ || 3||

दक्षिणामूर्तिपीठस्थो दक्षिणामूर्तिदेवतः ।श्रीमेधादक्षिणामूर्तिमन्त्रयन्त्रसदारतः ॥ ४॥

dakṣiṇāmūrtipīṭhastho dakṣiṇāmūrtidevataḥ |śrīmedhādakṣiṇāmūrtimantrayantrasadārataḥ || 4||

मण्डलेशवरप्रेष्ठो मण्डलेशवरप्रदः ।मण्डलेशगुरुश्रेष्ठो मण्डलेशवरस्तुतः ॥ ५॥

maṇḍaleśavarapreṣṭho maṇḍaleśavarapradaḥ |maṇḍaleśaguruśreṣṭho maṇḍaleśavarastutaḥ || 5||

निरञ्जनप्रपीठस्थो निरञ्जनविचारकः ।निरञ्जनसदाचारो निरञ्जनतनुस्थितः ॥ ६॥

nirañjanaprapīṭhastho nirañjanavicārakaḥ |nirañjanasadācāro nirañjanatanusthitaḥ || 6||

वेदविद्वेदहृदयो वेदपाठप्रवर्तकः।वेदराद्धान्तसंविष्टोऽवेदपथप्रखण्डकः ॥ ७॥

vedavidvedahṛdayo vedapāṭhapravartakaḥ|vedarāddhāntasaṃviṣṭo'vedapathaprakhaṇḍakaḥ || 7||

शाङ्कराद्वैतव्याख्याता शाङ्कराद्वैतसंस्थितः ।शाकराद्वैतविद्वेष्टृविनाशनपरायणः ॥ ८॥

śāṅkarādvaitavyākhyātā śāṅkarādvaitasaṃsthitaḥ |śākarādvaitavidveṣṭṛvināśanaparāyaṇaḥ || 8||

अत्याश्रमाचाररतो भूतिधारणतत्परः ।सिद्धासनसमासीनो काञ्चनाभो मनोहरः ॥ ९॥

atyāśramācārarato bhūtidhāraṇatatparaḥ |siddhāsanasamāsīno kāñcanābho manoharaḥ || 9||

अक्षमालाधृतग्रीवः काषायपरिवेष्टितः ।ज्ञानमुद्रादक्षहस्तो वामहस्तकमण्डलुः ॥ १०॥

akṣamālādhṛtagrīvaḥ kāṣāyapariveṣṭitaḥ |jñānamudrādakṣahasto vāmahastakamaṇḍaluḥ || 10||

सन्न्यासाश्रमनिर्भाता परहंसधुरन्धरः ।सन्न्यासिनयसंस्कर्ता परहंसप्रमाणकः ॥ ११॥

sannyāsāśramanirbhātā parahaṃsadhurandharaḥ |sannyāsinayasaṃskartā parahaṃsapramāṇakaḥ || 11||

माधुर्यपूर्णचरितो मधुराकारविग्रहः ।मधुवाङ्निग्रहरतो मधुविद्याप्रदायकः ॥ १२॥

mādhuryapūrṇacarito madhurākāravigrahaḥ |madhuvāṅnigraharato madhuvidyāpradāyakaḥ || 12||

मधुरालापचतुरो निग्रहानुग्रहक्षमः ।आर्द्धरात्रध्यानरतस्त्रिपुण्ड्राङ्कितमस्तकः ॥ १३॥

madhurālāpacaturo nigrahānugrahakṣamaḥ |ārddharātradhyānaratastripuṇḍrāṅkitamastakaḥ || 13||

आरण्यवार्तिकपरः पुष्पमालाविभूषितः ।वेदान्तवार्तानिरतः प्रस्थानत्रयभूषणः ॥ १४॥

āraṇyavārtikaparaḥ puṣpamālāvibhūṣitaḥ |vedāntavārtānirataḥ prasthānatrayabhūṣaṇaḥ || 14||

सानन्दज्ञानभाष्यादिग्रन्थग्रन्थिप्रभेदकः ।दृष्टान्तानूक्तिकुशलो दृष्टान्तार्थनिरूपकः ॥ १५॥

sānandajñānabhāṣyādigranthagranthiprabhedakaḥ |dṛṣṭāntānūktikuśalo dṛṣṭāntārthanirūpakaḥ || 15||

वीकानेरगुरुर्वाग्मी वङ्गदेशप्रपूजितः ।लाहौरसरगोदादौ हिन्दूधर्मप्रचारकः ॥ १६॥

vīkāneragururvāgmī vaṅgadeśaprapūjitaḥ |lāhaurasaragodādau hindūdharmapracārakaḥ || 16||

गणेशजययात्रादिप्रतिष्ठापनतत्परः ।गणेशशक्तिसूर्येशविष्णुभक्तिप्रचारकः ॥ १७॥

gaṇeśajayayātrādipratiṣṭhāpanatatparaḥ |gaṇeśaśaktisūryeśaviṣṇubhaktipracārakaḥ || 17||

सर्ववर्णसमाम्नातलिङ्गपूजाप्रवर्द्धकः ।गीतोत्सवसपर्यादिचित्रयज्ञप्रवर्तकः ॥ १८॥

sarvavarṇasamāmnātaliṅgapūjāpravarddhakaḥ |gītotsavasaparyādicitrayajñapravartakaḥ || 18||

लोकेश्वरानन्दप्रियो दयानन्दप्रसेवितः ।आत्मानन्दगिरिज्ञानसतीर्थ्यपरिवेष्टितः ॥ १९॥

lokeśvarānandapriyo dayānandaprasevitaḥ |ātmānandagirijñānasatīrthyapariveṣṭitaḥ || 19||

अनन्तश्रद्धापरमप्रकाशानन्दपूजितः ।जूनापीठस्थरामेशवरानन्दगिरेर्गुरुः ॥ २०॥

anantaśraddhāparamaprakāśānandapūjitaḥ |jūnāpīṭhastharāmeśavarānandagirerguruḥ || 20||

माधवानन्दसंवेष्टा काशिकानन्ददेशिकः ।वेदान्तमूर्तिराचार्यो शान्तो दान्तः प्रभुस्सुहृत् ॥ २१॥

mādhavānandasaṃveṣṭā kāśikānandadeśikaḥ |vedāntamūrtirācāryo śānto dāntaḥ prabhussuhṛt || 21||

निर्ममो विश्वतरणिः स्मितास्यो निर्मलो महान् ।तत्त्वमस्यादिवाक्योत्थदिव्यज्ञानप्रदायकः ॥ २२॥

nirmamo viśvataraṇiḥ smitāsyo nirmalo mahān |tattvamasyādivākyotthadivyajñānapradāyakaḥ || 22||

गिरीशानन्दसम्प्राप्तपरमहंसपरम्पराजनार्दनगिरिब्रह्यसंन्यासाश्रमदीक्षितः ॥ २३॥

girīśānandasamprāptaparamahaṃsaparamparājanārdanagiribrahyasaṃnyāsāśramadīkṣitaḥ || 23||

मण्डलेशकुलश्रेष्ठजयेन्द्रपुरीसंस्तुतः ।रामानन्दगिरिस्थानस्थापितो मण्डलेश्वरः ॥ २४॥

maṇḍaleśakulaśreṣṭhajayendrapurīsaṃstutaḥ |rāmānandagiristhānasthāpito maṇḍaleśvaraḥ || 24||

शन्दमहेशानन्दाय स्वकीयपददायकः ।यतीन्द्रकृष्णानन्दैश्च पूजितपादपद्मक्ः ॥ २५॥

śandamaheśānandāya svakīyapadadāyakaḥ |yatīndrakṛṣṇānandaiśca pūjitapādapadmakḥ || 25||

उषोत्थानस्नानपूजाजपध्यानप्रचोदकः ।तुरीयाश्रमसंविष्ठभाष्यपाठप्रवर्तकः ॥ २६॥

uṣotthānasnānapūjājapadhyānapracodakaḥ |turīyāśramasaṃviṣṭhabhāṣyapāṭhapravartakaḥ || 26||

अष्टलक्ष्यीप्रदस्तृप्तः स्पर्शदीक्षाविधायकः ।अहैतुककृपासिन्धुरनघोभक्तवत्सलः ॥ २७॥

aṣṭalakṣyīpradastṛptaḥ sparśadīkṣāvidhāyakaḥ |ahaitukakṛpāsindhuranaghobhaktavatsalaḥ || 27||

विकारशून्यो दुर्धर्षः शिवसक्तो वरप्रदः ।काशीवासप्रियो मुक्तो भक्तमुक्तिविधायकः ॥ २८॥

vikāraśūnyo durdharṣaḥ śivasakto varapradaḥ |kāśīvāsapriyo mukto bhaktamuktividhāyakaḥ || 28||

श्रीभत्परमहंसादिसमस्तबिरुदाङ्कितः ।नृसिंहब्रह्म वेदान्तजगत्यद्य जगद्गुरुः ॥ २९॥

śrībhatparamahaṃsādisamastabirudāṅkitaḥ |nṛsiṃhabrahma vedāntajagatyadya jagadguruḥ || 29||

विलयं यान्ति पापानि गुरुनामानुकीर्तनात् ।मुच्यते नात्र सन्देहः श्रद्धाभक्तिसमन्वितः ॥ ३०॥

vilayaṃ yānti pāpāni gurunāmānukīrtanāt |mucyate nātra sandehaḥ śraddhābhaktisamanvitaḥ || 30||

इति श्रीनृसिंहगिरिमहामण्डलेश्वराष्टोत्तरशतनामस्तोत्रम् ॥

iti śrīnṛsiṃhagirimahāmaṇḍaleśvarāṣṭottaraśatanāmastotram ||