नृसिंहभारतीपादसुवर्णमालास्तवराजः Shri Nrisimhabharatipadasuvarnamalastavarajah

ओङ्कारमन्त्रराजप्रजपनसंसक्तमानसाम्भोजान् ।त्रिजगच्छ्लाघितचरितान्वन्दे नरसिंहभारतीपादान् ॥ १॥

oṅkāramantrarājaprajapanasaṃsaktamānasāmbhojān |trijagacchlāghitacaritānvande narasiṃhabhāratīpādān || 1||

नवनवकवित्वजननप्रणवान्मूकेऽपि पादनम्रजने ।नयनजितारुणकञ्जान्वन्दे नरसिंहभारतीपादान् ॥ २॥

navanavakavitvajananapraṇavānmūke'pi pādanamrajane |nayanajitāruṇakañjānvande narasiṃhabhāratīpādān || 2||

मोहनिवारणचतुराञ्छ्रुत्यन्तार्थप्रबोधकैर्वचनैः ।मोदितनतनरनिकरान्वन्दे नरसिंहभारतीपादान् ॥ ३॥

mohanivāraṇacaturāñchrutyantārthaprabodhakairvacanaiḥ |moditanatanaranikarānvande narasiṃhabhāratīpādān || 3||

नृपपशुपजडविदग्र्यप्रस्तरकलधौतसमहृदम्भोजान् ।नृहरिपदार्चनसक्तान्वन्दे नरसिंहभारतीपादान् ॥ ४॥

nṛpapaśupajaḍavidagryaprastarakaladhautasamahṛdambhojān |nṛharipadārcanasaktānvande narasiṃhabhāratīpādān || 4||

सिंहधुरन्धरहृदयान्कामक्रोधेभगर्वनिर्भेदे ।सिन्दूरशोणवसनान्वन्दे नरसिंहभारतीपादान् ॥ ५॥

siṃhadhurandharahṛdayānkāmakrodhebhagarvanirbhede |sindūraśoṇavasanānvande narasiṃhabhāratīpādān || 5||

हरिहरसमानबुद्धीन्विरहविहीनांश्चिदात्मताबुद्।ह्ध्या ।हसितजितकुन्दकान्तीन्वन्दे नरसिंहभारतीपादान् ॥ ६॥

hariharasamānabuddhīnvirahavihīnāṃścidātmatābud|hdhyā |hasitajitakundakāntīnvande narasiṃhabhāratīpādān || 6||

भागीकृतपुण्यौघान्सुहृदरिवर्गे क्रमेण निःशेषम् ।भारतजनपुण्यनिधीन्वन्दे नरसिंहभारतीपादान् ॥ ७॥

bhāgīkṛtapuṇyaughānsuhṛdarivarge krameṇa niḥśeṣam |bhāratajanapuṇyanidhīnvande narasiṃhabhāratīpādān || 7||

रत्नलसत्कुक्षिगणेट् चन्द्रशिरःशारदाम्बिकार्चनतः ।रचितजगच्छुभपङ्कीन्वन्दे नरसिंहभारतीपादान् ॥ ८॥

ratnalasatkukṣigaṇeṭ candraśiraḥśāradāmbikārcanataḥ |racitajagacchubhapaṅkīnvande narasiṃhabhāratīpādān || 8||

त्यै प्र्याद्यायै येषां न भवन्तीशाजहरिपदान्यपि भो ।तांस्तूलीकृतविश्वान्वन्दे नरसिंहभारतीपादान् ॥ ९॥

tyai pryādyāyai yeṣāṃ na bhavantīśājaharipadānyapi bho |tāṃstūlīkṛtaviśvānvande narasiṃhabhāratīpādān || 9||

जगदाचार्यनृसिहप्रसादलेशात्तबुद्धिकणिकेन ।शिष्यब्रुवेण तेषां रचितः स्तव एष जयतु तत्कृपया ॥ १०॥

jagadācāryanṛsihaprasādaleśāttabuddhikaṇikena |śiṣyabruveṇa teṣāṃ racitaḥ stava eṣa jayatu tatkṛpayā || 10||

इति शृङ्गेरि श्रीजगद्गुरु श्रीसच्चिदानन्दशिवाभिनवनृसिंहभारतीस्वामिभिः विरचितः श्रीनरसिंहभारतीपादसुवर्णमालास्तवराजःसम्पूर्णः ।

iti śṛṅgeri śrījagadguru śrīsaccidānandaśivābhinavanṛsiṃhabhāratīsvāmibhiḥ viracitaḥ śrīnarasiṃhabhāratīpādasuvarṇamālāstavarājaḥsampūrṇaḥ |