नरसिंहभारतीपादाष्टकम् Shri Narasimhabharatipadashtakam

श्रीकीर्तिप्रतिभानां भवनं भविता यदीयपदनत्यातान्दासीकृतभूपान्वन्दे नरसिंहभारतीपादान् ॥ १॥

śrīkīrtipratibhānāṃ bhavanaṃ bhavitā yadīyapadanatyātāndāsīkṛtabhūpānvande narasiṃhabhāratīpādān || 1||

चित्रं यन्मुखचन्द्रालोकाद्विकसन्ति चित्तपद्मानि ।शिष्याणामनिशं तान्वन्दे नरसिंहभारतीपादान् ॥ २॥

citraṃ yanmukhacandrālokādvikasanti cittapadmāni |śiṣyāṇāmaniśaṃ tānvande narasiṃhabhāratīpādān || 2||

सरसान्कवितासारान्वर्षत्यास्येषु नम्रजनतायाः ।यदपाङ्गवारिदस्तान्वन्दे नरसिंहभारतीपादान् ॥ ३॥

sarasānkavitāsārānvarṣatyāsyeṣu namrajanatāyāḥ |yadapāṅgavāridastānvande narasiṃhabhāratīpādān || 3||

एनःपर्वतभेदे शतकोटिधुरं दधाति यद्भक्तिः ।पापाब्धिबाडवांस्तान्वन्दे नरसिंहभारतीपादान् ॥ ४॥

enaḥparvatabhede śatakoṭidhuraṃ dadhāti yadbhaktiḥ |pāpābdhibāḍavāṃstānvande narasiṃhabhāratīpādān || 4||

यद्वाक्श्रुतिर्नराणां भवसागरतारणे नौका ।शीलितनिगमान्तांस्तान्वन्दे नरसिंहभारतीपादान् ॥ ५॥

yadvākśrutirnarāṇāṃ bhavasāgaratāraṇe naukā |śīlitanigamāntāṃstānvande narasiṃhabhāratīpādān || 5||

त्रासितकामगजेन्द्रान्स्ववचश्चातुर्यतोषितार्यजनान् ।क्रोधाहिवैनतेयान्वन्दे नरसिंहभारतीपादान् ॥ ६॥

trāsitakāmagajendrānsvavacaścāturyatoṣitāryajanān |krodhāhivainateyānvande narasiṃhabhāratīpādān || 6||

वितरणधिक्कृतकर्णान्क्षमया निर्धूतमेदिनीगर्वान् ।विरतिविधूतार्यशुकान्वन्दे नरसिंहभारतीपादान् ॥ ७॥

vitaraṇadhikkṛtakarṇānkṣamayā nirdhūtamedinīgarvān |viratividhūtāryaśukānvande narasiṃhabhāratīpādān || 7||

यत्पादाम्बुजभक्तिस्तत्त्वप्रासादगमननिःश्रेणी ।तान्नतसुखाब्धिचन्द्रान्वन्दे नरसिंहभारतीपादान् ॥ ८॥

yatpādāmbujabhaktistattvaprāsādagamananiḥśreṇī |tānnatasukhābdhicandrānvande narasiṃhabhāratīpādān || 8||

भूषितविभाण्डकात्मजजनिभूमीन्कीर्तिराजितदिगन्तान् ।विश्वोत्तंसितपादान्वन्दे नरसिंहभारतीपादान् ॥ ९॥

bhūṣitavibhāṇḍakātmajajanibhūmīnkīrtirājitadigantān |viśvottaṃsitapādānvande narasiṃhabhāratīpādān || 9||

स्तुतिमेनां गुरुकृपया रचितामवनावहर्निशं पठताम् ।करुणानीरधयः स्युर्हृष्टा नरसिंहभारतीपादाः ॥ १०॥

stutimenāṃ gurukṛpayā racitāmavanāvaharniśaṃ paṭhatām |karuṇānīradhayaḥ syurhṛṣṭā narasiṃhabhāratīpādāḥ || 10||

इति शृङ्गेरि श्रीजगद्गुरु श्रीसच्चिदानन्दशिवाभिनवनृसिंहभारतीस्वामिभिः विरचितं श्रीनरसिंहभारतीपादाष्टकं सम्पूर्णम् ।

iti śṛṅgeri śrījagadguru śrīsaccidānandaśivābhinavanṛsiṃhabhāratīsvāmibhiḥ viracitaṃ śrīnarasiṃhabhāratīpādāṣṭakaṃ sampūrṇam |