लक्ष्मीस्तोत्रम् (देवकृतम्) Shridevakrita Lakshmi Stotram

क्षमस्व भगवंत्यव क्षमाशीले परात्परे ।शुद्धसत्त्वस्वरूपे च कोपादिपरिवर्जिते ॥उपमे सर्वसाध्वीनां देवीनां देवपूजिते ।त्वया विना जगत्सर्वं मृततुल्यं च निष्फलम् ॥सर्वसम्पत्स्वरूपा त्वं सर्वेषां सर्वरूपिणी ।रासेश्वर्यधि देवी त्वं त्वत्कलाः सर्वयोषितः ॥कैलासे पार्वती त्वं च क्षीरोदे सिन्धुकन्यका ।स्वर्गे च स्वर्गलक्ष्मीस्त्वं मर्त्यलक्ष्मीश्च भूतले ॥वैकुंठे च महालक्ष्मीर्देवदेवी सरस्वती ।गंगा च तुलसी त्वं च सावित्री ब्रह्मालोकतः ॥कृष्णप्राणाधिदेवी त्वं गोलोके राधिका स्वयम् ।रासे रासेश्वरी त्वं च वृंदावन वनेवने ॥कृष्णा प्रिया त्वं भांडीरे चंद्रा चंदनकानने ।विरजा चंपकवने शतशृंगे च सुंदरी ॥पद्मावती पद्मवने मालती मालतीवने ।कुंददंती कुंदवने सुशीला केतकीवने ॥कदंबमाला त्वं देवी कदंबकाननेऽपि च ।राजलक्ष्मी राजगेहे गृहलक्ष्मीगृहे गृहे ॥इत्युक्त्वा देवताः सर्वा मुनयो मनवस्तथा ।रूरूदुर्नम्रवदनाः शुष्ककंठोष्ठ तालुकाः ॥इति लक्ष्मीस्तवं पुण्यं सर्वदेवैः कृतं शुभम् ।यः पठेत्प्रातरूत्थाय स वै सर्वै लभेद् ध्रुवम् ॥अभार्यो लभते भार्यां विनीतां सुसुतां सतीम् ।सुशीलां सुंदरीं रम्यामतिसुप्रियवादिनीम् ॥पुत्रपौत्रवतीं शुद्धां कुलजां कोमलां वराम् ।अपुत्रो लभते पुत्रं वैष्णवं चिरजीविनम् ।परमैश्वर्ययुक्तं च विद्यावंतं यशस्विनम् ।भ्रष्टराज्यो लभेद्राज्यं भ्रष्टश्रीर्लभते श्रियम् ॥हतबंधुर्लभेद्बंधुं धनभ्रष्टो धनं लभेत् ।कीर्तिहीनो लभेत्कीर्तिं प्रतिष्ठां च लभेद् ध्रुवम् ॥सर्वमंगलदं स्तोत्रं शोकसंतापनाशनम् ।हर्षानंदकरं शश्वद्धर्म मोक्षसुहृत्प्रदम् ॥॥ इति श्रीदेवकृत लक्ष्मीस्तोत्रं सम्पूर्णम् ॥

kṣamasva bhagavaṃtyava kṣamāśīle parātpare |śuddhasattvasvarūpe ca kopādiparivarjite ||upame sarvasādhvīnāṃ devīnāṃ devapūjite |tvayā vinā jagatsarvaṃ mṛtatulyaṃ ca niṣphalam ||sarvasampatsvarūpā tvaṃ sarveṣāṃ sarvarūpiṇī |rāseśvaryadhi devī tvaṃ tvatkalāḥ sarvayoṣitaḥ ||kailāse pārvatī tvaṃ ca kṣīrode sindhukanyakā |svarge ca svargalakṣmīstvaṃ martyalakṣmīśca bhūtale ||vaikuṃṭhe ca mahālakṣmīrdevadevī sarasvatī |gaṃgā ca tulasī tvaṃ ca sāvitrī brahmālokataḥ ||kṛṣṇaprāṇādhidevī tvaṃ goloke rādhikā svayam |rāse rāseśvarī tvaṃ ca vṛṃdāvana vanevane ||kṛṣṇā priyā tvaṃ bhāṃḍīre caṃdrā caṃdanakānane |virajā caṃpakavane śataśṛṃge ca suṃdarī ||padmāvatī padmavane mālatī mālatīvane |kuṃdadaṃtī kuṃdavane suśīlā ketakīvane ||kadaṃbamālā tvaṃ devī kadaṃbakānane'pi ca |rājalakṣmī rājagehe gṛhalakṣmīgṛhe gṛhe ||ityuktvā devatāḥ sarvā munayo manavastathā |rūrūdurnamravadanāḥ śuṣkakaṃṭhoṣṭha tālukāḥ ||iti lakṣmīstavaṃ puṇyaṃ sarvadevaiḥ kṛtaṃ śubham |yaḥ paṭhetprātarūtthāya sa vai sarvai labhed dhruvam ||abhāryo labhate bhāryāṃ vinītāṃ susutāṃ satīm |suśīlāṃ suṃdarīṃ ramyāmatisupriyavādinīm ||putrapautravatīṃ śuddhāṃ kulajāṃ komalāṃ varām |aputro labhate putraṃ vaiṣṇavaṃ cirajīvinam |paramaiśvaryayuktaṃ ca vidyāvaṃtaṃ yaśasvinam |bhraṣṭarājyo labhedrājyaṃ bhraṣṭaśrīrlabhate śriyam ||hatabaṃdhurlabhedbaṃdhuṃ dhanabhraṣṭo dhanaṃ labhet |kīrtihīno labhetkīrtiṃ pratiṣṭhāṃ ca labhed dhruvam ||sarvamaṃgaladaṃ stotraṃ śokasaṃtāpanāśanam |harṣānaṃdakaraṃ śaśvaddharma mokṣasuhṛtpradam |||| iti śrīdevakṛta lakṣmīstotraṃ sampūrṇam ||