निम्बाद्रीलक्ष्मीनृसिंहप्रपत्तिः Shri Nimbadrilakshminrisimhaprapattih

लक्ष्मी पक्षिरथस्य वक्षसि गतामब्जे क्षणीमब्जाम् ।क्षुद्रक्षुब्धदरिद्रभक्तजनतारक्षादुरीणक्षमाम् ।क्षीरोदप्रिय पुत्रिकान्त्रिजगतः क्षेमङ्करी भास्वरीम् ।वन्दे निम्बगिरीशमेश नृहरेर्वामाङ्कगां मातरम् ॥ १॥

lakṣmī pakṣirathasya vakṣasi gatāmabje kṣaṇīmabjām |kṣudrakṣubdhadaridrabhaktajanatārakṣādurīṇakṣamām |kṣīrodapriya putrikāntrijagataḥ kṣemaṅkarī bhāsvarīm |vande nimbagirīśameśa nṛharervāmāṅkagāṃ mātaram || 1||

जननी जगतामशेषशक्तेर्जगदीशस्य जनार्दनस्य पत्नीम् ।कमलाममलाब्जपत्रनेत्रां कलये मनसा हिरण्यवर्णाम् ॥ २॥

jananī jagatāmaśeṣaśakterjagadīśasya janārdanasya patnīm |kamalāmamalābjapatranetrāṃ kalaye manasā hiraṇyavarṇām || 2||

लक्ष्मीपते नरहरे नतभक्तपालनारायणाश्रित सुखप्रद दैत्यहारिन् ।निम्बाद्रिकन्दरनिवास सुरेशवन्द्यलक्ष्मीनृसिंहचरणौ शरणं प्रपद्ये ॥ ३॥

lakṣmīpate narahare natabhaktapālanārāyaṇāśrita sukhaprada daityahārin |nimbādrikandaranivāsa sureśavandyalakṣmīnṛsiṃhacaraṇau śaraṇaṃ prapadye || 3||

भक्तस्समर्पित पवित्रसहस्रनामपूजाविधीय तुलसीदलशोभमानौ ।प्राप्यां भवाब्धितरणे तरणिस्स्वरूपांनिम्बाद्रिनाथचरणौ शरणं प्रपद्ये ॥ ४॥

bhaktassamarpita pavitrasahasranāmapūjāvidhīya tulasīdalaśobhamānau |prāpyāṃ bhavābdhitaraṇe taraṇissvarūpāṃnimbādrināthacaraṇau śaraṇaṃ prapadye || 4||

कालीयमस्तकमणीन्द्र विशेषशोभानीराजितो सुरनदीजननालवालोम् ।भूम्यन्तरिक्ष परिमापक मानदण्डोंनिम्बाद्रिनाथचरणौ शरणं प्रपद्ये ॥ ५॥

kālīyamastakamaṇīndra viśeṣaśobhānīrājito suranadījananālavālom |bhūmyantarikṣa parimāpaka mānadaṇḍoṃnimbādrināthacaraṇau śaraṇaṃ prapadye || 5||

राजीवचक्ररथशङ्खघटातपत्रसन्तानहस्तिमणिवज्रविशेषचिन्हेः ।युक्तौ सुरासुरकिरीटमणिद्युभासांनिम्बाद्रिनाथचरणौ शरणं प्रपद्ये ॥ ६॥

rājīvacakrarathaśaṅkhaghaṭātapatrasantānahastimaṇivajraviśeṣacinheḥ |yuktau surāsurakirīṭamaṇidyubhāsāṃnimbādrināthacaraṇau śaraṇaṃ prapadye || 6||

पद्माक्षमादिमहिषिभिरदभ्रभीत्यासंवाह्यमानमृदुलौ मधुरायमानाम् ।तापत्रयातुरजनस्य शरण्यभूतौनिम्बाद्रिनाथचरणौ शरणं प्रपद्ये ॥ ७॥

padmākṣamādimahiṣibhiradabhrabhītyāsaṃvāhyamānamṛdulau madhurāyamānām |tāpatrayāturajanasya śaraṇyabhūtaunimbādrināthacaraṇau śaraṇaṃ prapadye || 7||

पङ्केरुहद्वयसमागमसुन्दरौ तौभक्ताक्षिभृङ्गपरिवेष्टितनीलशोभाम् ।राकाकलाधरदशेव नखप्रकाशांनिम्बाद्रिनाथ चरणौ शरणं प्रपद्ये ॥ ८॥

paṅkeruhadvayasamāgamasundarau taubhaktākṣibhṛṅgapariveṣṭitanīlaśobhām |rākākalādharadaśeva nakhaprakāśāṃnimbādrinātha caraṇau śaraṇaṃ prapadye || 8||

सद्भक्तमानससरोवरराजहंसासाङ्गाखिलश्रुतिशिरोमकटायमानाम् ।ब्रह्मादिकीरजगदेकशरण्यभूतौनिम्बाद्रिनाथ चरणौ शरणं प्रपद्ये ॥ ९॥

sadbhaktamānasasarovararājahaṃsāsāṅgākhilaśrutiśiromakaṭāyamānām |brahmādikīrajagadekaśaraṇyabhūtaunimbādrinātha caraṇau śaraṇaṃ prapadye || 9||

प्रह्लादगौतमसती मुचकुन्द पार्थभीष्मादिभक्तजनसंवितभव्यरूपौ ।सर्वाद्यशान्तिकरसर्वशरण्यभूतेनिम्बाद्रिनाथ चरणौ शरणं प्रपद्ये ॥ १०॥

prahlādagautamasatī mucakunda pārthabhīṣmādibhaktajanasaṃvitabhavyarūpau |sarvādyaśāntikarasarvaśaraṇyabhūtenimbādrinātha caraṇau śaraṇaṃ prapadye || 10||

गोविन्दलान्वयसुधाकरनारसिंहश्रीश्रीनिवासगुरुपुङ्गवयुग्मकेन ।प्राप्यौ तवेति ममदर्शितपैतृकस्वौनिम्बाद्रिनाथ चरणौ शरणं प्रपद्ये ॥ ११॥

govindalānvayasudhākaranārasiṃhaśrīśrīnivāsagurupuṅgavayugmakena |prāpyau taveti mamadarśitapaitṛkasvaunimbādrinātha caraṇau śaraṇaṃ prapadye || 11||

इति श्रीनिम्बाद्रीलक्ष्मीनृसिंहप्रपत्तिः सम्पूर्णा ।

iti śrīnimbādrīlakṣmīnṛsiṃhaprapattiḥ sampūrṇā |