शिवध्यानस्तुतिः लक्ष्मीविष्णूकृता Lakshmivishnukrita Shiva Dhyana Stuti

(शिवरहस्यान्तर्गते सदाशिवाख्ये)अथ ध्यानम्ध्यायेन्नित्यं महादेवं साम्बं चन्द्रकलाधरम् ।मृगटङ्कधरं सौम्यं लोचनत्रयभूषितम् ॥ १॥

(śivarahasyāntargate sadāśivākhye)atha dhyānamdhyāyennityaṃ mahādevaṃ sāmbaṃ candrakalādharam |mṛgaṭaṅkadharaṃ saumyaṃ locanatrayabhūṣitam || 1||

नीलकण्ठं विरूपाक्षं रत्नसिह्मासनस्थितम् ।फुल्लकल्हारमालाङ्कं दिव्यपीताम्बरावृतम् ॥ २॥

nīlakaṇṭhaṃ virūpākṣaṃ ratnasihmāsanasthitam |phullakalhāramālāṅkaṃ divyapītāmbarāvṛtam || 2||

अनल्परत्नाकल्पेन शोभमानं महत्तरम् ।स्वहृदुत्फुल्लपद्मस्थमेवं ध्यायन्त्स शङ्करम् ॥ ३॥

analparatnākalpena śobhamānaṃ mahattaram |svahṛdutphullapadmasthamevaṃ dhyāyantsa śaṅkaram || 3||

अथ स्तुतिःसोमास्कन्द विभो त्वदीयविमलं रूपं सुधांशुस्फुरज्जूटाहिस्फुटमौलिकाञ्चितमणिस्फाराङ्गरागोद्धतम् ।त्र्यक्षं सौम्यसुधांशुकान्तिविलसत्तिर्यक्त्रिपुण्ड्राङ्कितंवीक्षेऽक्षादिविदूरगं तव विभो वक्त्रं कटाक्षोदयम् ॥ ४॥

atha stutiḥsomāskanda vibho tvadīyavimalaṃ rūpaṃ sudhāṃśusphurajjūṭāhisphuṭamaulikāñcitamaṇisphārāṅgarāgoddhatam |tryakṣaṃ saumyasudhāṃśukāntivilasattiryaktripuṇḍrāṅkitaṃvīkṣe'kṣādividūragaṃ tava vibho vaktraṃ kaṭākṣodayam || 4||

त्वत्पादाब्जमरन्दसुन्दरमहावीचीस्फुरन्मौलयोवृन्दारद्युतिवृन्दवन्दितमहानन्दाम्बुधारास्पदम् ।ध्यायं ध्यायमुपास्महे तव महापापौघभित्केवलंयुक्त्या किं मम साम्प्रतं तव विभो भक्तिं हि याचे सदा ॥ ५॥

tvatpādābjamarandasundaramahāvīcīsphuranmaulayovṛndāradyutivṛndavanditamahānandāmbudhārāspadam |dhyāyaṃ dhyāyamupāsmahe tava mahāpāpaughabhitkevalaṃyuktyā kiṃ mama sāmprataṃ tava vibho bhaktiṃ hi yāce sadā || 5||

श्री बिल्मिने कवचिने वरसोमधामसामिप्रकामशिरसे मम दुःखहन्त्रे ।पात्रे समस्तसुरतावनदीक्षितायवल्मीकमध्यविलयाय नमः शिवाय ॥ ६॥

śrī bilmine kavacine varasomadhāmasāmiprakāmaśirase mama duḥkhahantre |pātre samastasuratāvanadīkṣitāyavalmīkamadhyavilayāya namaḥ śivāya || 6||

गौरीविलासमुखपङ्कजसानुनेत्रप्रोद्यत्प्रभाधवलिताय महेश्वराय ।प्रोद्यत्सुधांशुचयवार्धितरङ्ग रिङ्खद्गङ्गातरङ्गकलितेन्दुजटालकाय ॥ ७॥

gaurīvilāsamukhapaṅkajasānunetraprodyatprabhādhavalitāya maheśvarāya |prodyatsudhāṃśucayavārdhitaraṅga riṅkhadgaṅgātaraṅgakalitendujaṭālakāya || 7||

उद्दण्डचण्डकरधारितमेरुमध्यकोदण्डकाय सततं हरशङ्कराय ।वाञ्छी(ञ्छे)श तुच्छफलदेषु न मे स्पृहा स्यात्पुच्छं त्वमेव श्रुतिमौलिगिरां सदैव ।इच्छा भवेत्तव पदे मम भक्तिभावस्त्वच्छासनं कलयतो मम किं हि भोगैः ॥ ८॥

uddaṇḍacaṇḍakaradhāritamerumadhyakodaṇḍakāya satataṃ haraśaṅkarāya |vāñchī(ñche)śa tucchaphaladeṣu na me spṛhā syātpucchaṃ tvameva śrutimauligirāṃ sadaiva |icchā bhavettava pade mama bhaktibhāvastvacchāsanaṃ kalayato mama kiṃ hi bhogaiḥ || 8||

॥ इति शिवरहस्यान्तर्गते लक्ष्मीविष्णूकृत शिवध्यानस्तुतिः सम्पूर्णा ॥॥ श्रीशिवरहस्यम् । सदाशिवाख्यः नवमांशः । अध्यायः २२ । वावृत्तश्लोकाः ॥– ॥ श्रीशिवरहस्यम् । सदाशिवाख्यः नवमांशः । अध्यायः २२ । वावृत्तश्लोकाः ॥

|| iti śivarahasyāntargate lakṣmīviṣṇūkṛta śivadhyānastutiḥ sampūrṇā |||| śrīśivarahasyam | sadāśivākhyaḥ navamāṃśaḥ | adhyāyaḥ 22 | vāvṛttaślokāḥ ||– || śrīśivarahasyam | sadāśivākhyaḥ navamāṃśaḥ | adhyāyaḥ 22 | vāvṛttaślokāḥ ||