श्रीकृष्णस्तोत्रम् (युधिष्ठिरकृतं २ महाभारतान्तर्गतम् तव कृष्ण प्रसादेन नयेन च बलेन च) Yudhishthirakritam 2 Shri Krishna Stotram

तव कृष्ण प्रसादेन नयेन च बलेन च ।बुद्।ह्ध्या च यदुशार्दूल तथा विक्रमणेन च ॥ २॥

tava kṛṣṇa prasādena nayena ca balena ca |bud|hdhyā ca yaduśārdūla tathā vikramaṇena ca || 2||

पुनः प्राप्तमिदं राज्यं पितृपैतामहं मया ।नमस्ते पुण्डरीकाक्ष पुनः पुनररिन्दम ॥ ३॥

punaḥ prāptamidaṃ rājyaṃ pitṛpaitāmahaṃ mayā |namaste puṇḍarīkākṣa punaḥ punararindama || 3||

त्वामेकमाहुः पुरुषं त्वामाहुः सात्वतां पतिम् ।नामभिस्त्वां बहुविधैः स्तुवन्ति परमर्षयः ॥ ४॥

tvāmekamāhuḥ puruṣaṃ tvāmāhuḥ sātvatāṃ patim |nāmabhistvāṃ bahuvidhaiḥ stuvanti paramarṣayaḥ || 4||

विश्वकर्मन्नमस्तेऽस्तु विश्वात्मन्विश्वसम्भव ।विष्णो जिष्णो हरे कृष्ण वैकुण्ठ पुरुषोत्तम ॥ ५॥

viśvakarmannamaste'stu viśvātmanviśvasambhava |viṣṇo jiṣṇo hare kṛṣṇa vaikuṇṭha puruṣottama || 5||

अदित्याः सप्तरात्रं तु पुराणे गर्भतां गतः ।पृश्निगर्भस्त्वमेवैकस्त्रियुगं त्वां वदन्त्यपि ॥ ६॥

adityāḥ saptarātraṃ tu purāṇe garbhatāṃ gataḥ |pṛśnigarbhastvamevaikastriyugaṃ tvāṃ vadantyapi || 6||

शुचिश्रवा हृषीकेशो घृतार्चिर्हंस उच्यसे ।त्रिचक्षुः शम्भुरेकस्त्वं विभुर्दामोदरोऽपि च ॥ ७॥

śuciśravā hṛṣīkeśo ghṛtārcirhaṃsa ucyase |tricakṣuḥ śambhurekastvaṃ vibhurdāmodaro'pi ca || 7||

वराहोऽग्निर्बृहद्भानुर्वृषणस्तार्क्ष्यलक्षणः ।अनीकसाहः पुरुषः शिपिविष्ट उरुक्रमः ॥ ८॥

varāho'gnirbṛhadbhānurvṛṣaṇastārkṣyalakṣaṇaḥ |anīkasāhaḥ puruṣaḥ śipiviṣṭa urukramaḥ || 8||

वाचिष्ठ उग्रः सेनानीः सत्यो वाजसनिर्गुहः ।अच्युतश्च्यावनोऽरीणां सङ्कृतिर्विकृतिर्वृषः ॥ ९॥

vāciṣṭha ugraḥ senānīḥ satyo vājasanirguhaḥ |acyutaścyāvano'rīṇāṃ saṅkṛtirvikṛtirvṛṣaḥ || 9||

कृतवर्त्मा त्वमेवाद्रिर्वृषगर्भो वृषाकपिः ।सिन्धुक्षिदूर्मिस्त्रिककुत्त्रिधामा त्रिवृदच्युतः ॥ १०॥

kṛtavartmā tvamevādrirvṛṣagarbho vṛṣākapiḥ |sindhukṣidūrmistrikakuttridhāmā trivṛdacyutaḥ || 10||

संराड्विराट्स्वराट्चैव सुरराड्धर्मदो भवः ।विभुर्भूरभिभूः कृष्णः कृष्णवर्त्मा त्वमेव च ॥ ११॥

saṃrāḍvirāṭsvarāṭcaiva surarāḍdharmado bhavaḥ |vibhurbhūrabhibhūḥ kṛṣṇaḥ kṛṣṇavartmā tvameva ca || 11||

स्विष्टकृद्भिषगावर्तः कपिलस्त्वं च वामनः ।यज्ञो ध्रुवः पतङ्गश्च जयत्सेनस्त्वमुच्यसे ॥ १२॥

sviṣṭakṛdbhiṣagāvartaḥ kapilastvaṃ ca vāmanaḥ |yajño dhruvaḥ pataṅgaśca jayatsenastvamucyase || 12||

शिखण्डी नहुषो बभ्रुर्दिवस्पृक्त्वं पुनर्वसुः ।सुबभ्रुरुक्षो रुक्मस्त्वं सुषेणो दुन्दुभिस्तथा ॥ १३॥

śikhaṇḍī nahuṣo babhrurdivaspṛktvaṃ punarvasuḥ |subabhrurukṣo rukmastvaṃ suṣeṇo dundubhistathā || 13||

गभस्तिनेमिः श्रीपद्मं पुष्करं पुष्पधारणः ।ऋभुर्विभुः सर्वसूक्ष्मस्त्वं सावित्रं च पठ्यसे ॥ १४॥

gabhastinemiḥ śrīpadmaṃ puṣkaraṃ puṣpadhāraṇaḥ |ṛbhurvibhuḥ sarvasūkṣmastvaṃ sāvitraṃ ca paṭhyase || 14||

अम्भोनिधिस्त्वं ब्रह्मा त्वं पवित्रं धाम धन्व च ।हिरण्यगर्भं त्वामाहुः स्वधा स्वाहा च केशव ॥ १५॥

ambhonidhistvaṃ brahmā tvaṃ pavitraṃ dhāma dhanva ca |hiraṇyagarbhaṃ tvāmāhuḥ svadhā svāhā ca keśava || 15||

योनिस्त्वमस्य प्रलयश्च कृष्ण त्वमेवेदं सृजसि विश्वमग्रे ।विश्वं चेदं त्वद्वशे विश्वयोने नमोऽस्तु ते शार्ङ्गचक्रासिपाणे ॥ १६॥

yonistvamasya pralayaśca kṛṣṇa tvamevedaṃ sṛjasi viśvamagre |viśvaṃ cedaṃ tvadvaśe viśvayone namo'stu te śārṅgacakrāsipāṇe || 16||

इति महाभारते शान्तिपर्वणि ४३ अध्यायान्तर्गतंयुधिष्ठिरकृतं श्रीकृष्णस्तोत्रं सम्पूर्णम् ।महाभारत । शान्तिपर्व । अध्याय ४३/३१६॥महाभारत । शान्तिपर्व । अध्याय ४३/३-१६॥

iti mahābhārate śāntiparvaṇi 43 adhyāyāntargataṃyudhiṣṭhirakṛtaṃ śrīkṛṣṇastotraṃ sampūrṇam |mahābhārata | śāntiparva | adhyāya 43/316||mahābhārata | śāntiparva | adhyāya 43/3-16||