कृष्णाश्रयः Krishnashrayah
kṛṣṇāśrayaḥ
Krishnashrayah (कृष्णाश्रयः): a stotra to Kṛṣṇa, by vallabhAchArya. 12 verses in Sanskrit with Devanagari and IAST.
- Stotra
- Stotra
- Kṛṣṇa
- Stotra
कृष्णाश्रयः
1 / 12
सर्वमार्गेषु नष्टेषु कलौ च खलधर्मिणि ।पाषण्डप्रचुरे लोके कृष्ण एव गतिर्मम ॥ १॥
sarvamārgeṣu naṣṭeṣu kalau ca khaladharmiṇi |pāṣaṇḍapracure loke kṛṣṇa eva gatirmama || 1||
म्लेच्छाकान्तेषु देशेषु पापैकनिलयेषु च ।सत्पीडाव्यग्रलोकेषु कृष्ण एव गतिर्मम ॥ २॥
mlecchākānteṣu deśeṣu pāpaikanilayeṣu ca |satpīḍāvyagralokeṣu kṛṣṇa eva gatirmama || 2||
गङ्गादितीर्थवर्येषु दुष्टैरेवावृतेष्विह ।तिरोहिताधिदैवेषु कृष्ण एव गतिर्मम ॥ ३॥
gaṅgāditīrthavaryeṣu duṣṭairevāvṛteṣviha |tirohitādhidaiveṣu kṛṣṇa eva gatirmama || 3||
अहङ्कारविमूढेषु सत्सु पापानुवर्तिषु ।लोभपूजार्थयलेषु कृष्ण एव गतिर्मम ॥ ४॥
ahaṅkāravimūḍheṣu satsu pāpānuvartiṣu |lobhapūjārthayaleṣu kṛṣṇa eva gatirmama || 4||
अपरिज्ञाननष्टेषु मन्त्रेष्वव्रतयोगिषु ।तिरोहितार्थदैवेषु कृष्ण एव गतिर्मम ॥ ५॥
aparijñānanaṣṭeṣu mantreṣvavratayogiṣu |tirohitārthadaiveṣu kṛṣṇa eva gatirmama || 5||
नानावादविनष्टेषु सर्वकर्मव्रतादिषु ।पाषण्डैकप्रयत्नेषु कृष्य एव गतिर्मम ॥ ६॥
nānāvādavinaṣṭeṣu sarvakarmavratādiṣu |pāṣaṇḍaikaprayatneṣu kṛṣya eva gatirmama || 6||
अजामिलादिदोषाणां नाशकोऽनुभवे स्थितः ।ज्ञापिताखिलमाहात्म्यः कृष्ण एव गतिर्मम ॥ ७॥
ajāmilādidoṣāṇāṃ nāśako'nubhave sthitaḥ |jñāpitākhilamāhātmyaḥ kṛṣṇa eva gatirmama || 7||
प्राकृताः सकला देवा गणितानन्दकं बृहत् ।पूर्णानन्दो हरिस्तस्मात्कृष्ण एव गतिर्मम ॥ ८॥
prākṛtāḥ sakalā devā gaṇitānandakaṃ bṛhat |pūrṇānando haristasmātkṛṣṇa eva gatirmama || 8||
विवेकधैर्यभक्त्यादिरहितस्य विशेषतः ।पापासक्तस्य दीनस्य कृष्ण एव गतिर्मम ॥ ९॥
vivekadhairyabhaktyādirahitasya viśeṣataḥ |pāpāsaktasya dīnasya kṛṣṇa eva gatirmama || 9||
सर्वसामर्थ्यसहितः सर्वत्रैवाखिलार्थकृत् ।शरणस्थसमुद्धारं कृष्णं विज्ञापयाम्यहम् ॥ १०॥
sarvasāmarthyasahitaḥ sarvatraivākhilārthakṛt |śaraṇasthasamuddhāraṃ kṛṣṇaṃ vijñāpayāmyaham || 10||
कृष्णाश्रयमिदं स्तोत्रं यः पठेत्कृष्णसन्निधौ ।तस्याश्रयो भवेत्कृष्ण इति श्रीवल्लभोऽब्रवीत् ॥ ११॥
kṛṣṇāśrayamidaṃ stotraṃ yaḥ paṭhetkṛṣṇasannidhau |tasyāśrayo bhavetkṛṣṇa iti śrīvallabho'bravīt || 11||
इति श्रीवल्लभाचार्यविरचितं कृष्णाश्रयस्तोत्रं समाप्तम् ।
iti śrīvallabhācāryaviracitaṃ kṛṣṇāśrayastotraṃ samāptam |
॥ इति कृष्णाश्रयः सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Krishnashrayah?
Krishnashrayah has 12 verses on this page, each shown with its number, Devanagari text and transliteration, and meaning where available.
Can I read Krishnashrayah in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Krishnashrayah?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
Who composed Krishnashrayah?
vallabhAchArya.
