गोविन्दराजप्रपत्तिः Govindaraja Prapatti

यश्चैकशैलनिकटे कमलापुरीशगोविन्दराजपदयोरकरोत् प्रपत्तिम् ।तं वादिभीकरगुरोश्चरणं प्रपद्येपात्रं गुरुं वरवरं परमं गुरूणाम् ॥ १॥

yaścaikaśailanikaṭe kamalāpurīśagovindarājapadayorakarot prapattim |taṃ vādibhīkaraguroścaraṇaṃ prapadyepātraṃ guruṃ varavaraṃ paramaṃ gurūṇām || 1||

श्रीमन् निदान जगतां निखिलाण्डजातनिर्वाहशक्तिमुखदिव्यगुणैकतान ।अत्यन्तभोग्यनतदोष निरस्तदोषगोविन्दराज चरणौ शरणं प्रपद्ये ॥ २॥

śrīman nidāna jagatāṃ nikhilāṇḍajātanirvāhaśaktimukhadivyaguṇaikatāna |atyantabhogyanatadoṣa nirastadoṣagovindarāja caraṇau śaraṇaṃ prapadye || 2||

रेखारथाङ्गसरसीरुहवज्रशङ्कच्छत्राङ्कुशप्रभृतिमङ्गलचिह्नगर्भौ ।संसारतापहरणे निपुणौ नतानांगोविन्दराज चरणौ शरणं प्रपद्ये ॥ ३॥

rekhārathāṅgasarasīruhavajraśaṅkacchatrāṅkuśaprabhṛtimaṅgalacihnagarbhau |saṃsāratāpaharaṇe nipuṇau natānāṃgovindarāja caraṇau śaraṇaṃ prapadye || 3||

पश्यत्सु सान्द्रभयकौतुकमर्भकेषुप्रौढेषु सत्सु कृतकृत्यपरायणेषु ।विध्वंसितोर्ध्वशकटावपि बालभावेगोविन्दराज चरणौ शरणं प्रपद्ये ॥ ४॥

paśyatsu sāndrabhayakautukamarbhakeṣuprauḍheṣu satsu kṛtakṛtyaparāyaṇeṣu |vidhvaṃsitordhvaśakaṭāvapi bālabhāvegovindarāja caraṇau śaraṇaṃ prapadye || 4||

आलम्ब्य बाहुयुगलेन कुमारभावेगाढं कराङ्गुलियुगं किल नन्दपत्न्याः ।अभ्यस्यमानदशचङ्क्रमणाभिरामौगोविन्दराज चरणौ शरणं प्रपद्ये ॥ ५॥

ālambya bāhuyugalena kumārabhāvegāḍhaṃ karāṅguliyugaṃ kila nandapatnyāḥ |abhyasyamānadaśacaṅkramaṇābhirāmaugovindarāja caraṇau śaraṇaṃ prapadye || 5||

घोषाङ्गनाकरसरोरुहतालनादसङ्गीतसम्पदनुरूपमनोज्ञनृत्तौ ।माणिक्यनूपुरमरीचिकृताङ्गलेपौगोविन्दराज चरणौ शरणं प्रपद्ये ॥ ६॥

ghoṣāṅganākarasaroruhatālanādasaṅgītasampadanurūpamanojñanṛttau |māṇikyanūpuramarīcikṛtāṅgalepaugovindarāja caraṇau śaraṇaṃ prapadye || 6||

कुट्टाकतामुपगतौ सरसः प्रसह्यमध्येसरित्सलिलमुद्धतकालियस्य ।तत्सुन्दरीनयननन्दनसंनिवेशौगोविन्दराज चरणौ शरणं प्रपद्ये ॥ ७॥

kuṭṭākatāmupagatau sarasaḥ prasahyamadhyesaritsalilamuddhatakāliyasya |tatsundarīnayananandanasaṃniveśaugovindarāja caraṇau śaraṇaṃ prapadye || 7||

वासांसि देहि तव कृष्ण वशंवदानामस्माकमाकुलधियामिति गोपकन्याः ।उद्दिश्य यौ विदधुरञ्जलिमा प्रसादाद्गोविन्दराज चरणौ शरणं प्रपद्ये ॥ ८॥

vāsāṃsi dehi tava kṛṣṇa vaśaṃvadānāmasmākamākuladhiyāmiti gopakanyāḥ |uddiśya yau vidadhurañjalimā prasādādgovindarāja caraṇau śaraṇaṃ prapadye || 8||

गोरक्षणे किल बभूव यदीयरेणुरक्रूरमस्तकमणेः सरणिं समेतः ।तावद्भुतावनुपमावतिपावनौ तेगोविन्दराज चरणौ शरणं प्रपद्ये ॥ ९॥

gorakṣaṇe kila babhūva yadīyareṇurakrūramastakamaṇeḥ saraṇiṃ sametaḥ |tāvadbhutāvanupamāvatipāvanau tegovindarāja caraṇau śaraṇaṃ prapadye || 9||

मल्लावहे मधुरया मधुराङ्गनानांफुल्लारविन्ददलतल्लजलोचनानाम् ।वाण्या प्रशंसितपरार्ध्यगतिप्रकारौगोविन्दराज चरणौ शरणं प्रपद्ये ॥ १०॥

mallāvahe madhurayā madhurāṅganānāṃphullāravindadalatallajalocanānām |vāṇyā praśaṃsitaparārdhyagatiprakāraugovindarāja caraṇau śaraṇaṃ prapadye || 10||

कंसं निपात्य कनकासनतः पृथिव्यामुद्धृत्य सागसमनागसमुग्रसेनम् ।राज्येऽभिषिच्य विनिवारितभूमिभारौगोविन्दराज चरणौ शरणं प्रपद्ये ॥ ११॥

kaṃsaṃ nipātya kanakāsanataḥ pṛthivyāmuddhṛtya sāgasamanāgasamugrasenam |rājye'bhiṣicya vinivāritabhūmibhāraugovindarāja caraṇau śaraṇaṃ prapadye || 11||

दुर्योधने दुरभिमानिनि दुर्भगाणामग्रेसरे भजति ते शिरसः प्रदेशम् ।धन्येन यन्निकटतः स्थितमर्जुनेनगोविन्दराज चरणौ शरणं प्रपद्ये ॥ १२॥

duryodhane durabhimānini durbhagāṇāmagresare bhajati te śirasaḥ pradeśam |dhanyena yannikaṭataḥ sthitamarjunenagovindarāja caraṇau śaraṇaṃ prapadye || 12||

सारथ्यवेषसमलङ्कृतपाण्डुसूनोर्युद्धाङ्गणोज्ज्वलरथाञ्चलसंनिवेशौ ।सान्द्रेन्द्रनीलपरिभावुकभव्यरूपौगोविन्दराज चरणौ शरणं प्रपद्ये ॥ १३॥

sārathyaveṣasamalaṅkṛtapāṇḍusūnoryuddhāṅgaṇojjvalarathāñcalasaṃniveśau |sāndrendranīlaparibhāvukabhavyarūpaugovindarāja caraṇau śaraṇaṃ prapadye || 13||

भक्त्या प्रसन्नहृदयेन धनञ्जयेनयत्रार्चितानि कुसुमानि शिवोत्तमाङ्गे ।साक्षात्कृतानि सहसाद्भुतवैभवौ तौगोविन्दराज चरणौ शरणं प्रपद्ये ॥ १४॥

bhaktyā prasannahṛdayena dhanañjayenayatrārcitāni kusumāni śivottamāṅge |sākṣātkṛtāni sahasādbhutavaibhavau taugovindarāja caraṇau śaraṇaṃ prapadye || 14||

अस्मद्गुरुप्रभृतिभिः कमलावसानैरादर्शितौ करुणया मम देशिकेन्द्रैः ।सत्त्वोत्तरैः सकलजीवदयापरैस्तैर्गोविन्दराज चरणौ शरणं प्रपद्ये ॥ १५॥

asmadguruprabhṛtibhiḥ kamalāvasānairādarśitau karuṇayā mama deśikendraiḥ |sattvottaraiḥ sakalajīvadayāparaistairgovindarāja caraṇau śaraṇaṃ prapadye || 15||

अस्मात्पितामहमशेषगुणाभिराममाचार्यरत्नमयि वादिभयङ्करार्यम् ।गोवर्धनाद्रिधृतिधारितगोप वीक्ष्यगोविन्दराज मम दुर्लपितं क्षमस्व ॥ १६॥

asmātpitāmahamaśeṣaguṇābhirāmamācāryaratnamayi vādibhayaṅkarāryam |govardhanādridhṛtidhāritagopa vīkṣyagovindarāja mama durlapitaṃ kṣamasva || 16||

। इति श्रीगोविन्दराजप्रपत्तिः सम्पूर्णा ।

| iti śrīgovindarājaprapattiḥ sampūrṇā |