हनूमत्स्तोत्रम् २ Shrihanumatstotram 2

आपन्नाखिललोकार्तिहारिणे श्रीहनूमते ।अकस्मादागतोत्पातनाशनाय नमो नमः ॥ १॥

āpannākhilalokārtihāriṇe śrīhanūmate |akasmādāgatotpātanāśanāya namo namaḥ || 1||

वामे करे वैरिभिदं वहन्तं शैलं परे शृङ्खलहारटङ्कम् ।दधानमच्छाच्छसुवर्णवर्णं भजे ज्वलत्कुण्डलमाञ्जनेयम् ॥ २॥

vāme kare vairibhidaṃ vahantaṃ śailaṃ pare śṛṅkhalahāraṭaṅkam |dadhānamacchācchasuvarṇavarṇaṃ bhaje jvalatkuṇḍalamāñjaneyam || 2||

विभीषण उवाचसीतावियुक्ते श्रीरामे शोकदुःखभयापह ।तापत्रयाग्निसंहारिन्नाञ्जनेय नमोऽस्तुते ॥ ३॥

vibhīṣaṇa uvācasītāviyukte śrīrāme śokaduḥkhabhayāpaha |tāpatrayāgnisaṃhārinnāñjaneya namo'stute || 3||

आधिव्याधिमहामारिग्रहपीडापहारिणे ।प्राणापहर्त्रे दैत्यानां रामप्रियहितात्मने ॥ ४॥

ādhivyādhimahāmārigrahapīḍāpahāriṇe |prāṇāpahartre daityānāṃ rāmapriyahitātmane || 4||

संसारसागरावर्तगतनिश्रान्तचेतसाम् ।शरणागतसञ्जीवी सौमित्रिप्राणरक्षकः ॥ ५॥

saṃsārasāgarāvartagataniśrāntacetasām |śaraṇāgatasañjīvī saumitriprāṇarakṣakaḥ || 5||

सुचरित्रः सदानन्दः सर्वदा भक्तवत्सलः ।सुरद्विषां सुसंहारी सुग्रीवानन्दवर्धनः ॥ ६॥

sucaritraḥ sadānandaḥ sarvadā bhaktavatsalaḥ |suradviṣāṃ susaṃhārī sugrīvānandavardhanaḥ || 6||

य इदं हनुमत्स्तोत्रं पठेन्नित्यं नरोत्तमः ।सिद्ध्यन्ति सर्वकार्याणि धनधान्यसमृद्धयः ॥ ७॥

ya idaṃ hanumatstotraṃ paṭhennityaṃ narottamaḥ |siddhyanti sarvakāryāṇi dhanadhānyasamṛddhayaḥ || 7||

मृत्युदारिद्र्यनाशं च सङ्ग्रामे विजयी भवेत् ।लाभं च राजवश्यं च सत्यं पावनकीर्तनम् ॥ ८॥

mṛtyudāridryanāśaṃ ca saṅgrāme vijayī bhavet |lābhaṃ ca rājavaśyaṃ ca satyaṃ pāvanakīrtanam || 8||

परं मन्त्रं परं तन्त्रं परयन्त्रं निवारयेत् ।परविद्याविनाशं च ह्यात्ममन्त्रस्य रक्षकम् ॥ ९॥

paraṃ mantraṃ paraṃ tantraṃ parayantraṃ nivārayet |paravidyāvināśaṃ ca hyātmamantrasya rakṣakam || 9||