हनूमत्स्तोत्रम् आपदुद्धारक Apaduddharaka Shrihanumatstotram

विभीषणकृतम्श्रीहनुमते नमः । अस्य श्रीहनुमत्स्तोत्रमहामन्त्रस्य, विभीषणऋषिः, अनुष्टुप् छन्दः, हनुमान् देवता । मम शत्रुमुखस्तम्भनार्थेसर्वकार्यसिद्ध्यर्थे च जपे विनियोगः ।ध्यानम्चन्द्राभं चरणारविन्दयुगलं कौपीनमौञ्जीधरंनाभ्यां वै कटिसूत्रयुक्तवसनं यज्ञोपवीतावृतम् ।हस्ताभ्यामवलम्ब्य चाञ्जलिमथो हारावलीकुण्डलंबिभ्रद्दीर्घशिखं प्रसन्नवदनं दिव्याञ्जनेयं भजे ॥मन्त्रःॐ नमो हनुमते रुद्राय ।मम सर्वदुष्टजनमुखस्तम्भनं कुरु कुरु ॥मम सर्वकार्यसिद्धिं कुरु कुरु । ऐं ह्रां ह्रीं ह्रूं फट् स्वाहा ।नोते अष्टवारं जपेत् ।आपन्नाखिललोकार्तिहारिणे श्रीहनूमते ।अकस्मादागतोत्पातनाशनाय नमोऽस्तु ते ॥ १॥

vibhīṣaṇakṛtamśrīhanumate namaḥ | asya śrīhanumatstotramahāmantrasya, vibhīṣaṇaṛṣiḥ, anuṣṭup chandaḥ, hanumān devatā | mama śatrumukhastambhanārthesarvakāryasiddhyarthe ca jape viniyogaḥ |dhyānamcandrābhaṃ caraṇāravindayugalaṃ kaupīnamauñjīdharaṃnābhyāṃ vai kaṭisūtrayuktavasanaṃ yajñopavītāvṛtam |hastābhyāmavalambya cāñjalimatho hārāvalīkuṇḍalaṃbibhraddīrghaśikhaṃ prasannavadanaṃ divyāñjaneyaṃ bhaje ||mantraḥoṃ namo hanumate rudrāya |mama sarvaduṣṭajanamukhastambhanaṃ kuru kuru ||mama sarvakāryasiddhiṃ kuru kuru | aiṃ hrāṃ hrīṃ hrūṃ phaṭ svāhā |note aṣṭavāraṃ japet |āpannākhilalokārtihāriṇe śrīhanūmate |akasmādāgatotpātanāśanāya namo'stu te || 1||

सीतावियुक्तश्रीरामशोकदुःखभयापह ।तापत्रयस्य संहारिन्नाञ्जनेय नमोऽस्तु ते ॥ २॥

sītāviyuktaśrīrāmaśokaduḥkhabhayāpaha |tāpatrayasya saṃhārinnāñjaneya namo'stu te || 2||

आधिव्याधिमहामारिग्रहपीडापहारिणे ।प्राणापहन्त्रे दैत्यानां रामप्राणात्मने नमः ॥ ३॥

ādhivyādhimahāmārigrahapīḍāpahāriṇe |prāṇāpahantre daityānāṃ rāmaprāṇātmane namaḥ || 3||

संसारसागरावर्तागतसम्भ्रान्तचेतसाम् ।शरणागतमर्त्यानां शरण्याय नमोऽस्तु ते ॥ ४॥

saṃsārasāgarāvartāgatasambhrāntacetasām |śaraṇāgatamartyānāṃ śaraṇyāya namo'stu te || 4||

राजद्वारे बिलद्वारे प्रवेशे भूतसङ्कुले ।गजसिंहमहाव्याघ्रचोरभीषणकानने ॥ ५॥

rājadvāre biladvāre praveśe bhūtasaṅkule |gajasiṃhamahāvyāghracorabhīṣaṇakānane || 5||

महाभयेऽग्निसंस्थाने शत्रुसङ्गसमाश्रिते ।शरणागतमर्त्यानां शरण्याय नमो नमः ॥ ६॥

mahābhaye'gnisaṃsthāne śatrusaṅgasamāśrite |śaraṇāgatamartyānāṃ śaraṇyāya namo namaḥ || 6||

प्रदोषे वा प्रभाते वा ये स्मरन्त्यञ्जनासुतम् ।अर्थसिद्धियशःकामान् प्राप्नुवन्ति न संशयः ॥ ७॥

pradoṣe vā prabhāte vā ye smarantyañjanāsutam |arthasiddhiyaśaḥkāmān prāpnuvanti na saṃśayaḥ || 7||

कारागृहे प्रयाणे च सङ्ग्रामे देशविप्लवे ।ये स्मरन्ति हनूमन्तं तेषां सन्ति न आपदः ॥ ८॥ नास्ति विपत्तयः

kārāgṛhe prayāṇe ca saṅgrāme deśaviplave |ye smaranti hanūmantaṃ teṣāṃ santi na āpadaḥ || 8|| nāsti vipattayaḥ

वज्रदेहाय कालाग्निरुद्रायामिततेजसे ।नमः प्लवगसैन्यानां प्राणभूतात्मने नमः ॥ ९॥

vajradehāya kālāgnirudrāyāmitatejase |namaḥ plavagasainyānāṃ prāṇabhūtātmane namaḥ || 9||

दुष्टदैत्यमहादर्पदलनाय महात्मने ।ब्रह्मास्त्रस्तम्भनायास्मै नमः श्रीरुद्रमूर्तये ॥ १०॥

duṣṭadaityamahādarpadalanāya mahātmane |brahmāstrastambhanāyāsmai namaḥ śrīrudramūrtaye || 10||

जप्त्वा स्तोत्रमिदं पुण्यं वसुवारं पठेन्नरः ।राजस्थाने सभास्थाने वादे प्राप्ते जपेद्ध्रुवम् ॥ ११॥

japtvā stotramidaṃ puṇyaṃ vasuvāraṃ paṭhennaraḥ |rājasthāne sabhāsthāne vāde prāpte japeddhruvam || 11||

विभीषणकृतं स्तोत्रं यः पठेत् प्रयतो नरः ।सर्वापद्भ्यो विमुच्येत नात्र कार्या विचारणा ॥ १२॥

vibhīṣaṇakṛtaṃ stotraṃ yaḥ paṭhet prayato naraḥ |sarvāpadbhyo vimucyeta nātra kāryā vicāraṇā || 12||