वल्लभगीतम् Shrivallabhagitam

(अथ श्रीवल्लभगीतग्रन्थांशः)श्रीमद्गोकुलमण्डनं वरतनुं कल्याणवारान्निधिंविध्नौघोन्मदनागकुम्भदलनातिप्रौढसिंहाक्रमम् ।भक्तापत्तितमःसमूहहरणे श्रीसूर्यकोटिप्रभंवन्देऽहं कमलाधवं द्विजवरं श्रीवल्लभं सत्प्रियम् ॥ १॥

(atha śrīvallabhagītagranthāṃśaḥ)śrīmadgokulamaṇḍanaṃ varatanuṃ kalyāṇavārānnidhiṃvidhnaughonmadanāgakumbhadalanātiprauḍhasiṃhākramam |bhaktāpattitamaḥsamūhaharaṇe śrīsūryakoṭiprabhaṃvande'haṃ kamalādhavaṃ dvijavaraṃ śrīvallabhaṃ satpriyam || 1||

यो भक्तप्रियमादरेण कुरुते विन्दन्ति यं नामरायेनैवापहृतं जनस्य कलुषं तस्मै नमो नित्यशः ।यस्मात्सौख्यपदं गता हि सुजना यस्यास्त्यनन्ता गतिस्तस्मिन्मे मतिरस्तु गोकुलपतौ श्रीवल्लभे सर्वदा ॥ २॥

yo bhaktapriyamādareṇa kurute vindanti yaṃ nāmarāyenaivāpahṛtaṃ janasya kaluṣaṃ tasmai namo nityaśaḥ |yasmātsaukhyapadaṃ gatā hi sujanā yasyāstyanantā gatistasminme matirastu gokulapatau śrīvallabhe sarvadā || 2||

नाहं काव्यविचक्षणः सुविमला बुद्धिर्न मे स्वोद्भवानालङ्कारगतिर्न मे गणिगतिर्नैवान्यदेवाश्रयः ।श्रीमद्गोकुलनाथ विठ्ठलसुत श्रीविप्ररूपाकृतेश्रीमद्वल्लभनाथ ते पदसरोजस्यास्ति वै मे बलम् ॥ ३॥

nāhaṃ kāvyavicakṣaṇaḥ suvimalā buddhirna me svodbhavānālaṅkāragatirna me gaṇigatirnaivānyadevāśrayaḥ |śrīmadgokulanātha viṭhṭhalasuta śrīviprarūpākṛteśrīmadvallabhanātha te padasarojasyāsti vai me balam || 3||

क्वाहं मन्दमतिस्तथाल्पविषयासक्तो मनुष्योऽप्यथक्वेदं क्षीरसमुद्रकस्य मथनं सद्रत्नकोत्पादकम् ।पङ्गुर्मेरुगिरेस्तु हीच्छति यथाप्युल्लङ्घनं मन्दधीःश्रीमद्वल्लभवर्णनं खलु तथेतीच्छामि मोहाश्रितः ॥ ४॥

kvāhaṃ mandamatistathālpaviṣayāsakto manuṣyo'pyathakvedaṃ kṣīrasamudrakasya mathanaṃ sadratnakotpādakam |paṅgurmerugirestu hīcchati yathāpyullaṅghanaṃ mandadhīḥśrīmadvallabhavarṇanaṃ khalu tathetīcchāmi mohāśritaḥ || 4||

तथापि वै गोकुलनाथपादपङ्केरुहस्यातिबलं प्रगृह्य च ।तस्याज्ञया वल्लभगीतमुद्रसं करोति सङ्क्षेपत एव माहबः ॥ ५॥

tathāpi vai gokulanāthapādapaṅkeruhasyātibalaṃ pragṛhya ca |tasyājñayā vallabhagītamudrasaṃ karoti saṅkṣepata eva māhabaḥ || 5||

अथ प्रथमः प्रबन्धः कल्याणरागेण गीयते ।श्रीमल्लोलविलोचनलोकनलज्जितकोटिमनोजम् ।आनन्दितममराजभवादिविनम्य सुपादसरोजम् ॥ १॥

atha prathamaḥ prabandhaḥ kalyāṇarāgeṇa gīyate |śrīmallolavilocanalokanalajjitakoṭimanojam |ānanditamamarājabhavādivinamya supādasarojam || 1||

नमामि श्रीवल्लभमेकरसं रमते सततं वै सरसम् ॥ ध्रु०॥श्रीगोकुलमण्डितललितानहासविमोहितविश्वमजम् ।आनन्दाम्बुजमुखवचनामृतजीवितकलिग्रसिताखिलमनुजम् ॥ २॥

namāmi śrīvallabhamekarasaṃ ramate satataṃ vai sarasam || dhru0||śrīgokulamaṇḍitalalitānahāsavimohitaviśvamajam |ānandāmbujamukhavacanāmṛtajīvitakaligrasitākhilamanujam || 2||

नमामि श्रीवल्लभमेकरसं रमते सततं वै सरसम् । ध्रु०॥आजानुभुजयुगजनाभयदं शरणागतकालभयापहरम् ।स न कलिमलतूलकदम्बसमग्रविदाहकरं नृवरम् ॥ ३॥

namāmi śrīvallabhamekarasaṃ ramate satataṃ vai sarasam | dhru0||ājānubhujayugajanābhayadaṃ śaraṇāgatakālabhayāpaharam |sa na kalimalatūlakadambasamagravidāhakaraṃ nṛvaram || 3||

नमामि श्रीवल्लभमेकरसं रमते सततं वै सरसम् ॥ ध्रु०॥श्रीवल्लभकुलकुमुदावलिसुखराशिकरामलचन्द्रमसम् ।कोटिमदनबलदर्पहरं मधुराधरहासविलासरसम् ॥ ४॥

namāmi śrīvallabhamekarasaṃ ramate satataṃ vai sarasam || dhru0||śrīvallabhakulakumudāvalisukharāśikarāmalacandramasam |koṭimadanabaladarpaharaṃ madhurādharahāsavilāsarasam || 4||

नमामि श्रीवल्लभमेकरसं रमते सततं वै सरसम् ॥ ध्रु०॥हीरकमणिगणजटितकुण्डलरुचिशोभितलोलकपोलवरम् ।कलिकालार्तिजनितभवतापजनामृतपूरकपद्मकरम् ॥ ५॥

namāmi śrīvallabhamekarasaṃ ramate satataṃ vai sarasam || dhru0||hīrakamaṇigaṇajaṭitakuṇḍalaruciśobhitalolakapolavaram |kalikālārtijanitabhavatāpajanāmṛtapūrakapadmakaram || 5||

नमामि श्रीवल्लभमेकरसं रमते सततं वै सरसम् ॥ ध्रु०॥वेदागम्यमनङ्गालयहृदयाम्बुजमद्भुतकेलिकरम् ।त्रिभुवननिरुपमविमलोदरहृतमानिनीमानसमतिमधुरम् ॥ ६॥

namāmi śrīvallabhamekarasaṃ ramate satataṃ vai sarasam || dhru0||vedāgamyamanaṅgālayahṛdayāmbujamadbhutakelikaram |tribhuvananirupamavimalodarahṛtamāninīmānasamatimadhuram || 6||

नमामि श्रीवल्लभमेकरसं रमते सततं वै सरसम् ॥ ध्रु०॥शीतलसुभगचरणकमलाश्रितवल्लभनिजसुखराशिमलम् ।निर्मलचामीकरवरकलेवररूपविमर्दितकामखलम् ॥ ७॥

namāmi śrīvallabhamekarasaṃ ramate satataṃ vai sarasam || dhru0||śītalasubhagacaraṇakamalāśritavallabhanijasukharāśimalam |nirmalacāmīkaravarakalevararūpavimarditakāmakhalam || 7||

नमामि श्रीवल्लभमेकरसं रमते सततं वै सरसम् ॥ ध्रु०॥मनुजाकृतिधारिणमतिललितं द्विजकुलमण्डनमङ्गनिवासम् ॥मन्मथमन्मथललितगतिं चरणाम्बुजरक्षितमाहवदासम् ॥ ८॥

namāmi śrīvallabhamekarasaṃ ramate satataṃ vai sarasam || dhru0||manujākṛtidhāriṇamatilalitaṃ dvijakulamaṇḍanamaṅganivāsam ||manmathamanmathalalitagatiṃ caraṇāmbujarakṣitamāhavadāsam || 8||

नमामि श्रीवल्लभमेकरसं रमते सततं वै सरसम् ॥ ध्रु०॥श्रीमद्वल्लभवारिधिं ह्यगणितानन्दोदकालङ्कृतम् ।वगृमि खलु मुक्तिशुक्तिममलोद्भवाहुसद्भोगिनम् ॥ १॥

namāmi śrīvallabhamekarasaṃ ramate satataṃ vai sarasam || dhru0||śrīmadvallabhavāridhiṃ hyagaṇitānandodakālaṅkṛtam |vagṛmi khalu muktiśuktimamalodbhavāhusadbhoginam || 1||

मुक्ताभक्तिमलं हि मीननयनं चावर्तनाभिं ॥॥।??दीम् ।भक्तश्रेणिममोघनामतरणं स्वेच्छागतिं तं भजे ॥ २॥

muktābhaktimalaṃ hi mīnanayanaṃ cāvartanābhiṃ |||||??dīm |bhaktaśreṇimamoghanāmataraṇaṃ svecchāgatiṃ taṃ bhaje || 2||

इति श्रीमाधवदासविरचितं श्रीवल्लभगीतं सम्पूर्णम् ।

iti śrīmādhavadāsaviracitaṃ śrīvallabhagītaṃ sampūrṇam |