श्रीपादराजपञ्चकम् Shri Shripadaraja Panchakam

वन्दे श्रीपादराजं रुचितमहृदयं पूजितश्रीसहायंनिर्धूताशेषहेयं निभृतशुभचयं भूमिदेवाभिगेयम् ।विप्रेभ्यो दत्तदेयं निजजनसदयं खण्डिताशेषमायंनिष्टप्तस्वर्णकायं बहुगुणनिलयं वादिसङ्घैरजेयम् ॥ १॥

vande śrīpādarājaṃ rucitamahṛdayaṃ pūjitaśrīsahāyaṃnirdhūtāśeṣaheyaṃ nibhṛtaśubhacayaṃ bhūmidevābhigeyam |viprebhyo dattadeyaṃ nijajanasadayaṃ khaṇḍitāśeṣamāyaṃniṣṭaptasvarṇakāyaṃ bahuguṇanilayaṃ vādisaṅghairajeyam || 1||

क्षुभ्यद्वादिकरीन्द्रवादपटलीकुम्भच्छटाभेदनप्रौढप्राभवतर्कसङ्घनिकरश्रेणीविलासोज्वलः ।गोपीनाथमहीद्रशेखरलसत्पादस्थलावासकृत्पायान्मां भवघोरकुञ्जरभयाच्छ्रीपादराट् केसरी ॥ २॥

kṣubhyadvādikarīndravādapaṭalīkumbhacchaṭābhedanaprauḍhaprābhavatarkasaṅghanikaraśreṇīvilāsojvalaḥ |gopīnāthamahīdraśekharalasatpādasthalāvāsakṛtpāyānmāṃ bhavaghorakuñjarabhayācchrīpādarāṭ kesarī || 2||

बिभ्राणं क्षौमवासः करधृतवलयं हारकेयूरकाञ्चीग्रैवेयस्वर्णमालामणिगणखचितानेकभूषाप्रकर्षम् ।भुञ्जानं षष्टिशाकान् दहयगजशिबिकानर्घ्यशय्यारथाढ्यम्ग्वन्दे श्रीपादराजं त्रि भुवनविदितं घोरदारिद्र्यशान्त्यै ॥ ३॥

bibhrāṇaṃ kṣaumavāsaḥ karadhṛtavalayaṃ hārakeyūrakāñcīgraiveyasvarṇamālāmaṇigaṇakhacitānekabhūṣāprakarṣam |bhuñjānaṃ ṣaṣṭiśākān dahayagajaśibikānarghyaśayyārathāḍhyamgvande śrīpādarājaṃ tri bhuvanaviditaṃ ghoradāridryaśāntyai || 3||

यद्वृन्दावनसेवया सुविमलां विद्यां पशून् सन्ततिंध्यानात् ज्ञानमनल्पकीर्तिनिवहं प्राप्नोति शीघ्रं जनः ।तं वन्दे नरसिंहतीर्थनिलयं श्रीव्यासराट् पूजितंध्यायन्तं मनसा नृसिंहचरणं श्रीपादराजं गुरुम् ॥ ४॥

yadvṛndāvanasevayā suvimalāṃ vidyāṃ paśūn santatiṃdhyānāt jñānamanalpakīrtinivahaṃ prāpnoti śīghraṃ janaḥ |taṃ vande narasiṃhatīrthanilayaṃ śrīvyāsarāṭ pūjitaṃdhyāyantaṃ manasā nṛsiṃhacaraṇaṃ śrīpādarājaṃ gurum || 4||

काशीकेदारमायाकरिगिरिमधुराद्वारकावेङ्कटाद्रिश्रीमुष्णक्षेत्रपूर्वत्रिभुवनविलसत्पुण्यभूमीनिवासः ।गुल्मादिव्याधिहर्ता गुरुगुणनिलयो भूतभेतालभेदीभूयाच्छ्रीपादराजो निखिलशुभततिप्राप्तये सन्ततं नः ॥ ५॥

kāśīkedāramāyākarigirimadhurādvārakāveṅkaṭādriśrīmuṣṇakṣetrapūrvatribhuvanavilasatpuṇyabhūmīnivāsaḥ |gulmādivyādhihartā guruguṇanilayo bhūtabhetālabhedībhūyācchrīpādarājo nikhilaśubhatatiprāptaye santataṃ naḥ || 5||

इति श्रीव्यासराजयतिकृत श्रीपादराजपञ्चकं सम्पूर्णम् ।

iti śrīvyāsarājayatikṛta śrīpādarājapañcakaṃ sampūrṇam |