सत्यसङ्कल्पतीर्थस्तुतिः Shri Satyasankalpatirtha Stutih

मन्त्राक्षताप्रदानेने श्रियःपत्याभिधैर्बुदैः ।द्युमणिं कारयामास सत्सङ्कल्पो भवेन्मुदे ॥ १॥

mantrākṣatāpradānene śriyaḥpatyābhidhairbudaiḥ |dyumaṇiṃ kārayāmāsa satsaṅkalpo bhavenmude || 1||

क्षमकाले करजिग्यां द्वादशाब्दं तपश्चरन् ।अन्नदानं च यश्चक्रे सत्सङ्कल्पो भवेन्मुदे ॥ २॥

kṣamakāle karajigyāṃ dvādaśābdaṃ tapaścaran |annadānaṃ ca yaścakre satsaṅkalpo bhavenmude || 2||

महीशूर महाराज प्रार्थनानुगुणं च यः ।महीशूरपुरावासः सत्सङ्कल्पो भवेन्मुदे ॥ ३॥

mahīśūra mahārāja prārthanānuguṇaṃ ca yaḥ |mahīśūrapurāvāsaḥ satsaṅkalpo bhavenmude || 3||

सत्यसन्तुष्टतीर्थेभ्यो ददौ तुराश्रमं च यः ।तत्संसेवितपादाब्जः सत्सङ्कल्पो भवेन्मुदे ॥ ४॥

satyasantuṣṭatīrthebhyo dadau turāśramaṃ ca yaḥ |tatsaṃsevitapādābjaḥ satsaṅkalpo bhavenmude || 4||

हरिपादोद्भवा गङ्गा पावनी यस्य सन्निधौ ।दृश्यतेऽद्यापि तद्भक्तैः सत्सङ्कल्पो भवेन्मुदे ॥ ५॥

haripādodbhavā gaṅgā pāvanī yasya sannidhau |dṛśyate'dyāpi tadbhaktaiḥ satsaṅkalpo bhavenmude || 5||

गुरुराजाभिधो विप्रः गुत्तलान्वयजः सुधीः ।यत्सेवया यतिर्भूत सत्सङ्कल्पो भवेन्मुदे ॥ ६॥

gururājābhidho vipraḥ guttalānvayajaḥ sudhīḥ |yatsevayā yatirbhūta satsaṅkalpo bhavenmude || 6||

यो भक्त्या भजते नित्यं सत्यसङ्कल्पसद्गुरुन् ।श्लोकषट्कं पठन् यस्य शत्रुषट्कजयो भवेत् ॥ ७॥

yo bhaktyā bhajate nityaṃ satyasaṅkalpasadgurun |ślokaṣaṭkaṃ paṭhan yasya śatruṣaṭkajayo bhavet || 7||

इति श्रीमत्सत्यात्मतीर्थविरहिता श्रीसत्यसङ्कल्पतीर्थस्तुतिः समाप्ता ।॥ श्रीकृष्णार्पणमस्तु ॥

iti śrīmatsatyātmatīrthavirahitā śrīsatyasaṅkalpatīrthastutiḥ samāptā ||| śrīkṛṣṇārpaṇamastu ||