रामानुजचतुःश्लोकी Shri Ramanujachatuhshloki

श्रीरस्तु ।श्रीमते हयग्रीवाय नमः ।श्रीमते रामानुजाय नमः ॥अनिशं भजतामनन्यभाजां चरणाम्भोरुहमादरेण पुंसाम् ।वितरन्निभृतं विभूतिमिष्टां जय रामानुज रङ्गधाम्नि नित्यम् ॥ १॥

śrīrastu |śrīmate hayagrīvāya namaḥ |śrīmate rāmānujāya namaḥ ||aniśaṃ bhajatāmananyabhājāṃ caraṇāmbhoruhamādareṇa puṃsām |vitarannibhṛtaṃ vibhūtimiṣṭāṃ jaya rāmānuja raṅgadhāmni nityam || 1||

भुवि नो विमतांस्त्वदीयसूक्तिः कुलिशीभूयः कुदृष्टिभिस्समेतान् ।शकलीकुरुते विपश्चिदीड्या जय रामानुज शेषशैलशृङ्गे ॥ २॥

bhuvi no vimatāṃstvadīyasūktiḥ kuliśībhūyaḥ kudṛṣṭibhissametān |śakalīkurute vipaścidīḍyā jaya rāmānuja śeṣaśailaśṛṅge || 2||

श्रुतिषु स्मृतिषु प्रमाणतत्त्वं कृपयाऽऽलोक्य विशुद्धया हि बुद्।ह्ध्या ।अकृथाः स्वत एव भाष्यरत्नं जय रामानुज हस्तिधाम्नि नित्यम् ॥ ३॥

śrutiṣu smṛtiṣu pramāṇatattvaṃ kṛpayā''lokya viśuddhayā hi bud|hdhyā |akṛthāḥ svata eva bhāṣyaratnaṃ jaya rāmānuja hastidhāmni nityam || 3||

जय मायिमतान्धकारभानो जय बाह्यप्रमुखाटवीकृशानो ।जय संश्रितसिन्धुशीतभानो जय रामानुज यादवाद्रिशृङ्गे ॥ ४॥

jaya māyimatāndhakārabhāno jaya bāhyapramukhāṭavīkṛśāno |jaya saṃśritasindhuśītabhāno jaya rāmānuja yādavādriśṛṅge || 4||

रामानुजचतुःश्लोकीं यः पठेन्नियतः सदा ।प्राप्नुयात् परमां भक्तिं यतिराजपदाब्जयोः ॥इति श्रीरामानुजचतुःश्लोकी समाप्ता ।

rāmānujacatuḥślokīṃ yaḥ paṭhenniyataḥ sadā |prāpnuyāt paramāṃ bhaktiṃ yatirājapadābjayoḥ ||iti śrīrāmānujacatuḥślokī samāptā |