रामकृष्णस्तोत्रम् ९ Shri Ramakrishna Stotram (6)

आचण्डालाप्रतिहतरयो यस्य प्रेमप्रवाहःलोकातीतोऽप्यहह न जहौ लोककल्याणमार्गम् ।त्रैलोक्येऽप्यप्रतिममहिमा जानकीप्राणबन्धोभक्त्या ज्ञानं वृतवरवपुः सीतया यो हि रामः ॥स्तब्धीकृत्य प्रलयकलितं वाहवोत्थं महान्तंहित्वा रात्रिं प्रकृतिसहजामन्धतामिस्रमिश्राम् ।गीतं शान्तं मधुरमपि यः सिंहनादं जगर्जसोऽयं जातः प्रथितपुरुषो रामकृष्णस्त्विदानीम् ॥नरदेव देव जय जय नरदेव ॥शक्तिसमुद्रसमुत्थतरङ्गंदर्शितप्रेमविजृम्भितरङ्गम् ।संशयराक्षसनाशमहास्त्रंयामि गुरुं शरणं भववैद्यम् ॥ १॥

ācaṇḍālāpratihatarayo yasya premapravāhaḥlokātīto'pyahaha na jahau lokakalyāṇamārgam |trailokye'pyapratimamahimā jānakīprāṇabandhobhaktyā jñānaṃ vṛtavaravapuḥ sītayā yo hi rāmaḥ ||stabdhīkṛtya pralayakalitaṃ vāhavotthaṃ mahāntaṃhitvā rātriṃ prakṛtisahajāmandhatāmisramiśrām |gītaṃ śāntaṃ madhuramapi yaḥ siṃhanādaṃ jagarjaso'yaṃ jātaḥ prathitapuruṣo rāmakṛṣṇastvidānīm ||naradeva deva jaya jaya naradeva ||śaktisamudrasamutthataraṅgaṃdarśitapremavijṛmbhitaraṅgam |saṃśayarākṣasanāśamahāstraṃyāmi guruṃ śaraṇaṃ bhavavaidyam || 1||

नरदेव देव जय जय नरदेव ॥अद्वयतत्त्वसमाहितचित्तंप्रोज्ज्वलभक्तिपटावृतवृत्तम् ।कर्मकलेवरमद्भुतचेष्टंयामि गुरुं शरणं भववैद्यम् ॥ २॥

naradeva deva jaya jaya naradeva ||advayatattvasamāhitacittaṃprojjvalabhaktipaṭāvṛtavṛttam |karmakalevaramadbhutaceṣṭaṃyāmi guruṃ śaraṇaṃ bhavavaidyam || 2||

नरदेव देव जय जय नरदेव ॥इति स्वामिविवेकनन्दविरचितं श्रीरामकृष्णस्तोत्रं सम्पूर्णम् ।

naradeva deva jaya jaya naradeva ||iti svāmivivekanandaviracitaṃ śrīrāmakṛṣṇastotraṃ sampūrṇam |