रामकृष्णस्तोत्रम् ८ Shri Ramakrishna Stotram (5)

लब्ध्वा पाश्चात्यशिक्षामगणितयुवका धर्महीना विमूढाःस्वैराचार प्रमत्ताः शुभमतिरहिता ध्वंसमार्गं गताश्च ।तेषामुद्धारणार्थं भुवनविजयिनं मातृमन्त्रं ददानंवन्दे श्रीरामकृष्णं कलिकलुषहरं पावनं पुण्यराशिम् ॥ १॥

labdhvā pāścātyaśikṣāmagaṇitayuvakā dharmahīnā vimūḍhāḥsvairācāra pramattāḥ śubhamatirahitā dhvaṃsamārgaṃ gatāśca |teṣāmuddhāraṇārthaṃ bhuvanavijayinaṃ mātṛmantraṃ dadānaṃvande śrīrāmakṛṣṇaṃ kalikaluṣaharaṃ pāvanaṃ puṇyarāśim || 1||

धर्मानैक्यात् पृथिव्यामजनि जनमनः स्वासुरी भेदबुद्धिर्हिंसाद्वेषोत्थदावानलदहन भयव्याकुले सर्वलोके ।सर्वे धर्माः समाना इति निजचरितैर्मयानवं दर्शयन्तंवन्दे श्रीरामकृष्णं हरिहरदयितं कालिकालीनचित्तम् ॥ २॥

dharmānaikyāt pṛthivyāmajani janamanaḥ svāsurī bhedabuddhirhiṃsādveṣotthadāvānaladahana bhayavyākule sarvaloke |sarve dharmāḥ samānā iti nijacaritairmayānavaṃ darśayantaṃvande śrīrāmakṛṣṇaṃ hariharadayitaṃ kālikālīnacittam || 2||

नाधीत्य ग्रन्थराजिं न च गुरुभवनं शिष्यरूपेण गत्वावेदान्तातीततत्त्वं सुललितवचनैर्हेलया कीर्तयन्तम् ।ज्ञाने तुङ्गं महीध्रं शिशुमिव सरलं विश्वकल्याणमूर्तिंवन्दे श्रीरामकृष्णं द्विजकुलतिलकं निर्जरं मानवाख्यम् ॥ ३॥

nādhītya grantharājiṃ na ca gurubhavanaṃ śiṣyarūpeṇa gatvāvedāntātītatattvaṃ sulalitavacanairhelayā kīrtayantam |jñāne tuṅgaṃ mahīdhraṃ śiśumiva saralaṃ viśvakalyāṇamūrtiṃvande śrīrāmakṛṣṇaṃ dvijakulatilakaṃ nirjaraṃ mānavākhyam || 3||

बाल्यात् त्यागस्य मार्गे स्थिरमतिचलितं भोगमार्गञ्च हित्वापश्यन्तं न प्रभेदं कमपि करधृते काञ्चने मृच्चये च ।जित्वा जैवप्रवृर्त्तिं प्रकृतिसहचरं ब्रह्मचर्यं चरन्तंवन्दे श्रीरामकृष्णं जगति निरुपमं साधकेष्वग्रगण्यम् ॥ ४॥

bālyāt tyāgasya mārge sthiramaticalitaṃ bhogamārgañca hitvāpaśyantaṃ na prabhedaṃ kamapi karadhṛte kāñcane mṛccaye ca |jitvā jaivapravṛrttiṃ prakṛtisahacaraṃ brahmacaryaṃ carantaṃvande śrīrāmakṛṣṇaṃ jagati nirupamaṃ sādhakeṣvagragaṇyam || 4||

जीवन्मुक्तं महान्तं विजित भव भयं शुद्धसत्त्वस्वरूपंविश्वाराध्यं महिम्ना विजित रिपुचयं तापसं देव कान्तिम् ।भक्तानामार्त्तिराशिं निजवरवपुषि स्वेच्छया धारयन्तंवन्दे श्रीरामकृष्णं शरणगसदयं तापितत्राणहेतुम् ॥ ५॥

jīvanmuktaṃ mahāntaṃ vijita bhava bhayaṃ śuddhasattvasvarūpaṃviśvārādhyaṃ mahimnā vijita ripucayaṃ tāpasaṃ deva kāntim |bhaktānāmārttirāśiṃ nijavaravapuṣi svecchayā dhārayantaṃvande śrīrāmakṛṣṇaṃ śaraṇagasadayaṃ tāpitatrāṇahetum || 5||

श्यामाध्याने निमग्नं हसित रुदितयोर्लीलया दीप्यमानंमा ! मा ! मा ! मा ! ब्रुवानं चरणसरसिजे तन्मयं लुप्तसंज्ञम् ।उद्गीते मातृमन्त्रे पुनरपि तरसा लब्ध संज्ञं सचेष्टंवन्दे श्रीरामकृष्णं स्मरहररुचिरं पूजितं सर्वलोकैः ॥ ६॥

śyāmādhyāne nimagnaṃ hasita ruditayorlīlayā dīpyamānaṃmā ! mā ! mā ! mā ! bruvānaṃ caraṇasarasije tanmayaṃ luptasaṃjñam |udgīte mātṛmantre punarapi tarasā labdha saṃjñaṃ saceṣṭaṃvande śrīrāmakṛṣṇaṃ smarahararuciraṃ pūjitaṃ sarvalokaiḥ || 6||

ग्लानौ धर्मस्य पृथ्व्यां प्रभवति कलुषे पीड्यमाने च साधौदुष्टानां शासनायावतरति भुवने विश्वराड् विश्वभूत्यै ।यो रामो यो हि कृष्णः शमनभयहरो मानवत्राणकर्ताविश्वप्रेमावतारो धृतमनुजतनु रामकृष्णः स एव ॥ ७॥

glānau dharmasya pṛthvyāṃ prabhavati kaluṣe pīḍyamāne ca sādhauduṣṭānāṃ śāsanāyāvatarati bhuvane viśvarāḍ viśvabhūtyai |yo rāmo yo hi kṛṣṇaḥ śamanabhayaharo mānavatrāṇakartāviśvapremāvatāro dhṛtamanujatanu rāmakṛṣṇaḥ sa eva || 7||

जाह्नव्याः पुलिने पवित्र धरणौ श्री मन्दिरे शोभनेघण्टाशङ्खनिनादनित्यमुखरे चोङ्कारसन्दीपिते ।दिव्ये धाम्नि दिने दिने च बहुभिः पुण्यार्थिभिः सेवितेलीनं श्रीभवतारिणीचरणयोः श्रीरामकृष्णं स्तुमः ॥ ८॥

jāhnavyāḥ puline pavitra dharaṇau śrī mandire śobhaneghaṇṭāśaṅkhaninādanityamukhare coṅkārasandīpite |divye dhāmni dine dine ca bahubhiḥ puṇyārthibhiḥ sevitelīnaṃ śrībhavatāriṇīcaraṇayoḥ śrīrāmakṛṣṇaṃ stumaḥ || 8||

इति श्रीकालीपदबन्द्योपाध्यायविद्याविनोदविरचितंश्रीश्रीरामकृष्णस्तोत्रम् सम्पूर्णम् ।

iti śrīkālīpadabandyopādhyāyavidyāvinodaviracitaṃśrīśrīrāmakṛṣṇastotram sampūrṇam |