भक्तिमालनाभागोस्वामि Shri Bhaktamala By Nabhagosvami

भक्त भक्ति भगवंत गुरु चतुर नाम बपु एक ।इनके पद बंदन किए नासहिं बिघ्न अनेक ॥ १॥

bhakta bhakti bhagavaṃta guru catura nāma bapu eka |inake pada baṃdana kie nāsahiṃ bighna aneka || 1||

मंगल आदि बिचारि रह बस्तु न और अनूप ।हरिजन के जस गावते हरिजन मंगलरूप ॥ २॥

maṃgala ādi bicāri raha bastu na aura anūpa |harijana ke jasa gāvate harijana maṃgalarūpa || 2||

संतन निर्नय कियो मथि श्रुति पुरान इतिहास ।भजिबे को दोई सुघर कै हरि कै हरिदास ॥ ३॥

saṃtana nirnaya kiyo mathi śruti purāna itihāsa |bhajibe ko doī sughara kai hari kai haridāsa || 3||

(श्री)अग्रदेव आज्ञा दई भक्तन के जस गाउ ।भवसागर के तरन को नाहिन और उपाउ ॥ ४॥

(śrī)agradeva ājñā daī bhaktana ke jasa gāu |bhavasāgara ke tarana ko nāhina aura upāu || 4||

चौबीस रूप लीला रुचिर (श्री)अग्रदास उर पद धरौ ॥जय जय मीन बराह कमठ नरहरि बलि बावन ।परशुराम रघुबीर कृष्ण कीरति जगपावन ॥बुद्ध कलक्की ब्यास पृथू हरि हँस मन्वंतर ।जग्य ऋषभ हयग्रीव ध्रुव बरदेन धन्वन्तर ॥बदरीपति दत कपिलदेव सनकादिक करुणा करौ ।चौबीस रूप लीला रुचिर (श्री)अग्रदास उर पद धरौ ॥ ५॥

caubīsa rūpa līlā rucira (śrī)agradāsa ura pada dharau ||jaya jaya mīna barāha kamaṭha narahari bali bāvana |paraśurāma raghubīra kṛṣṇa kīrati jagapāvana ||buddha kalakkī byāsa pṛthū hari ham̐sa manvaṃtara |jagya ṛṣabha hayagrīva dhruva baradena dhanvantara ||badarīpati data kapiladeva sanakādika karuṇā karau |caubīsa rūpa līlā rucira (śrī)agradāsa ura pada dharau || 5||

चरन चिन्ह रघुबीर के संतन सदा सहायका ॥अंकुश अंबर कुलिश कमल जव ध्वजा धेनुपद ।शंख चक्र स्वस्तीक जम्बुफल कलस सुधाह्रद ॥अर्धचंद्र षटकोन मीन बिँदु ऊरधरेषा ।अष्टकोन त्रयकोन इंद्र धनु पुरुष बिशेषा ॥सीतापतिपद नित बसत एते मंगलदायका ।चरन चिन्ह रघुबीर के संतन सदा सहायका ॥ ६॥

carana cinha raghubīra ke saṃtana sadā sahāyakā ||aṃkuśa aṃbara kuliśa kamala java dhvajā dhenupada |śaṃkha cakra svastīka jambuphala kalasa sudhāhrada ||ardhacaṃdra ṣaṭakona mīna bim̐du ūradhareṣā |aṣṭakona trayakona iṃdra dhanu puruṣa biśeṣā ||sītāpatipada nita basata ete maṃgaladāyakā |carana cinha raghubīra ke saṃtana sadā sahāyakā || 6||

इनकी कृपा और पुनि समुझे द्वादस भक्त प्रधान ॥बिधि नारद शंकर सनकादिक कपिलदेव मनु भूप ।नरहरिदास जनक भीषम बलि शुकमुनि धर्मस्वरूप ॥अन्तरंग अनुचर हरिजू के जो इनको जस गावै ।आदि अंतलौं मंगल तिनको श्रोता बक्ता पावै ॥अजामेल परसंग यह निर्णय परम धर्म के जान ।इनकी कृपा और पुनि समुझे द्वादस भक्त प्रधान ॥ ७॥

inakī kṛpā aura puni samujhe dvādasa bhakta pradhāna ||bidhi nārada śaṃkara sanakādika kapiladeva manu bhūpa |naraharidāsa janaka bhīṣama bali śukamuni dharmasvarūpa ||antaraṃga anucara harijū ke jo inako jasa gāvai |ādi aṃtalauṃ maṃgala tinako śrotā baktā pāvai ||ajāmela parasaṃga yaha nirṇaya parama dharma ke jāna |inakī kṛpā aura puni samujhe dvādasa bhakta pradhāna || 7||

मो चित्तबृत्ति नित तहँ रहो जहँ नारायण पारषद ॥बिष्वक्सेन जय बिजय प्रबल बल मंगलकारी ।नंद सुनंद सुभद्र भद्र जग आमयहारी ॥चंड प्रचंड बिनीत कुमुद कुमुदाच्छ करुणालय ।शील सुशील सुषेण भाव भक्तन प्रतिपालय ॥लक्ष्मीपति प्रीणन प्रबीन भजनानँद भक्तन सुहृद ।॥ अथ नाभागोस्वामीकृत श्रीभक्तमाल ॥मो चित्तबृत्ति नित तहँ रहो जहँ नारायण पारषद ॥ ८॥

mo cittabṛtti nita taham̐ raho jaham̐ nārāyaṇa pāraṣada ||biṣvaksena jaya bijaya prabala bala maṃgalakārī |naṃda sunaṃda subhadra bhadra jaga āmayahārī ||caṃḍa pracaṃḍa binīta kumuda kumudāccha karuṇālaya |śīla suśīla suṣeṇa bhāva bhaktana pratipālaya ||lakṣmīpati prīṇana prabīna bhajanānam̐da bhaktana suhṛda ||| atha nābhāgosvāmīkṛta śrībhaktamāla ||mo cittabṛtti nita taham̐ raho jaham̐ nārāyaṇa pāraṣada || 8||

हरिबल्लभ सब प्रारथों (जिन) चरनरेनु आशा धरी ॥कमला गरुड सुनंद आदि षोडस प्रभुपदरति ।(हनुमंत) जामवंत सुग्रीव विभीषण शबरी खगपति ॥ध्रुव उद्धव अँबरीष बिदुर अक्रूर सुदामा ।चंद्रहास चित्रकेतु ग्राह गज पांडव नामा ॥कौषारव कुंतीबधू पट ऐंचत लज्जाहरी ।हरिबल्लभ सब प्रारथों (जिन) चरनरेनु आशा धरी ॥ ९॥

hariballabha saba prārathoṃ (jina) caranarenu āśā dharī ||kamalā garuḍa sunaṃda ādi ṣoḍasa prabhupadarati |(hanumaṃta) jāmavaṃta sugrīva vibhīṣaṇa śabarī khagapati ||dhruva uddhava am̐barīṣa bidura akrūra sudāmā |caṃdrahāsa citraketu grāha gaja pāṃḍava nāmā ||kauṣārava kuṃtībadhū paṭa aiṃcata lajjāharī |hariballabha saba prārathoṃ (jina) caranarenu āśā dharī || 9||

पदपंकज बाँछौं सदा जिनके हरि उर नित बसैं ॥योगेश्वर श्रुतदेव अंग मुचु(कुंद) प्रियब्रत जेता ।पृथू परीक्षित शेष सूत शौनक परचेता ॥शतरूपा त्रय सुता सुनीति सति सबहि मँदालस ।जग्यपत्नि ब्रजनारि किये केशव अपने बस ॥ऐसे नर नारी जिते तिनही के गाऊँ जसैं ।पदपंकज बाँछौं सदा जिनके हरि उर नित बसैं ॥ १०॥

padapaṃkaja bām̐chauṃ sadā jinake hari ura nita basaiṃ ||yogeśvara śrutadeva aṃga mucu(kuṃda) priyabrata jetā |pṛthū parīkṣita śeṣa sūta śaunaka paracetā ||śatarūpā traya sutā sunīti sati sabahi mam̐dālasa |jagyapatni brajanāri kiye keśava apane basa ||aise nara nārī jite tinahī ke gāūm̐ jasaiṃ |padapaṃkaja bām̐chauṃ sadā jinake hari ura nita basaiṃ || 10||

अंघ्री अम्बुज पांसु को जन्म जन्म हौं जाचिहौं ॥प्राचीनबर्हि सत्यब्रत रहूगण सगर भगीरथ ।बाल्मीकि मिथिलेस गए जे जे गोबिँद पथ ॥रुक्मांगद हरिचंद भरत दधीचि उदारा ।सुरथ सुधन्वा शिबिर सुमति अति बलिकी दारा ॥नील मोरध्वज ताम्रध्वज अलरक कीरति राचिहौं ।अंघ्री अम्बुज पांसु को जन्म जन्म हौं जाचिहौं ॥ ११॥

aṃghrī ambuja pāṃsu ko janma janma hauṃ jācihauṃ ||prācīnabarhi satyabrata rahūgaṇa sagara bhagīratha |bālmīki mithilesa gae je je gobim̐da patha ||rukmāṃgada haricaṃda bharata dadhīci udārā |suratha sudhanvā śibira sumati ati balikī dārā ||nīla moradhvaja tāmradhvaja alaraka kīrati rācihauṃ |aṃghrī ambuja pāṃsu ko janma janma hauṃ jācihauṃ || 11||

तिन चरन धूरी मो भूरि सिर जे जे हरिमाया तरे ॥रिभु इक्ष्वाकु अरु ऐल गाधि रघु रै गै सुचि शतधन्वा ।अमूरति अरु रन्ति उतंक भूरि देवल वैवस्वतमन्वा ॥नहुष जजाति दिलीप पुरु जदु गुह मान्धाता ।पिप्पल निमि भरद्वाज दच्छ सरभंग सँघाता ॥संजय समीक उत्तानपाद जाग्यबल्क्य जस जग भरे ।तिन चरन धूरी मो भूरि सिर जे जे हरिमाया तरे ॥ १२॥

tina carana dhūrī mo bhūri sira je je harimāyā tare ||ribhu ikṣvāku aru aila gādhi raghu rai gai suci śatadhanvā |amūrati aru ranti utaṃka bhūri devala vaivasvatamanvā ||nahuṣa jajāti dilīpa puru jadu guha māndhātā |pippala nimi bharadvāja daccha sarabhaṃga sam̐ghātā ||saṃjaya samīka uttānapāda jāgyabalkya jasa jaga bhare |tina carana dhūrī mo bhūri sira je je harimāyā tare || 12||

निमि अरु नव योगेश्वरा पादत्रान की हौं सरन ॥कबि हरि करभाजन भक्तिरत्नाकर भारी ।अन्तरिच्छ अरु चमस अनन्यता पधति उधारी ॥प्रबुध प्रेम की रासि भूरिदा आबिरहोता ।पिप्पल द्रुमिल प्रसिद्ध भवाब्धि पार के पोता ॥जयंतीनंदन जगत के त्रिबिध ताप आमयहरन ।निमि अरु नव योगेश्वरा पादत्रान की हौं सरन ॥ १३॥

nimi aru nava yogeśvarā pādatrāna kī hauṃ sarana ||kabi hari karabhājana bhaktiratnākara bhārī |antariccha aru camasa ananyatā padhati udhārī ||prabudha prema kī rāsi bhūridā ābirahotā |pippala drumila prasiddha bhavābdhi pāra ke potā ||jayaṃtīnaṃdana jagata ke tribidha tāpa āmayaharana |nimi aru nava yogeśvarā pādatrāna kī hauṃ sarana || 13||

पदपराग करुना करौ जे नेता नवधा भक्ति के ॥श्रवन परीच्छित सुमति व्याससावक कीरंतन ।सुठि सुमिरन प्रहलाद पृथु पूजा कमला चरननि मन ॥बंदन सुफलक सुबन दास दीपत्ति कपीश्वर ।सख्यत्वे पारथ समर्पन आतम बलिधर ॥उपजीवी इन नाम के एते त्राता अगतिके ।पदपराग करुना करौ जे नेता नवधा भक्ति के ॥ १४॥

padaparāga karunā karau je netā navadhā bhakti ke ||śravana parīcchita sumati vyāsasāvaka kīraṃtana |suṭhi sumirana prahalāda pṛthu pūjā kamalā caranani mana ||baṃdana suphalaka subana dāsa dīpatti kapīśvara |sakhyatve pāratha samarpana ātama balidhara ||upajīvī ina nāma ke ete trātā agatike |padaparāga karunā karau je netā navadhā bhakti ke || 14||

हरिप्रसाद रस स्वाद के भक्त इते परमान ॥शंकर शुक सनकादि कपिल नारद हनुमाना ।बिष्वक्सेन प्रह्लाद बली भीषम जग जाना ॥अर्जुन ध्रुव अँबरीष विभीषण महिमा भारी ।अनुरागी अक्रूर सदा उद्धव अधिकारी ॥भगवंत भुक्त अवशिष्ट की कीरति कहत सुजान ।हरिप्रसाद रस स्वाद के भक्त इते परमान ॥ १५॥

hariprasāda rasa svāda ke bhakta ite paramāna ||śaṃkara śuka sanakādi kapila nārada hanumānā |biṣvaksena prahlāda balī bhīṣama jaga jānā ||arjuna dhruva am̐barīṣa vibhīṣaṇa mahimā bhārī |anurāgī akrūra sadā uddhava adhikārī ||bhagavaṃta bhukta avaśiṣṭa kī kīrati kahata sujāna |hariprasāda rasa svāda ke bhakta ite paramāna || 15||

ध्यान चतुर्भुज चित धर्यो तिनहिं सरन हौं अनुसरौं ॥अगस्त्य पुलस्त्य पुलह च्यबन बसिष्ठ सौभरि ऋषि ।कर्दम अत्रि ऋचीक गर्ग गौतम ब्यासशिषि ॥लोमस भृगु दालभ्य अंगिरा शृंगि प्रकासी ।मांडव्य बिश्वामित्र दुर्बासा सहस अठासी ॥जाबालि जमदग्नि मायादर्श कश्यप परबत पाराशर पदरज धरौं ।ध्यान चतुर्भुज चित धर्यो तिनहिं सरन हौं अनुसरौं ॥ १६॥

dhyāna caturbhuja cita dharyo tinahiṃ sarana hauṃ anusarauṃ ||agastya pulastya pulaha cyabana basiṣṭha saubhari ṛṣi |kardama atri ṛcīka garga gautama byāsaśiṣi ||lomasa bhṛgu dālabhya aṃgirā śṛṃgi prakāsī |māṃḍavya biśvāmitra durbāsā sahasa aṭhāsī ||jābāli jamadagni māyādarśa kaśyapa parabata pārāśara padaraja dharauṃ |dhyāna caturbhuja cita dharyo tinahiṃ sarana hauṃ anusarauṃ || 16||

साधन साध्य सत्रह पुराण फलरूपी श्रीभागवत ॥ब्रह्म विष्णु शिव लिंग पदम अस्कँद बिस्तारा ।बामन मीन बराह अग्नि कूरम ऊदारा ॥गरुड नारदी भविष्य ब्रह्मबैबर्त श्रवण शुचि ।मार्कंडेय ब्रह्मांड कथा नाना उपजे रुचि ॥परम धर्म श्रीमुखकथित चतुःश्लोकी निगम शत ।साधन साध्य सत्रह पुराण फलरूपी श्रीभागवत ॥ १७॥

sādhana sādhya satraha purāṇa phalarūpī śrībhāgavata ||brahma viṣṇu śiva liṃga padama askam̐da bistārā |bāmana mīna barāha agni kūrama ūdārā ||garuḍa nāradī bhaviṣya brahmabaibarta śravaṇa śuci |mārkaṃḍeya brahmāṃḍa kathā nānā upaje ruci ||parama dharma śrīmukhakathita catuḥślokī nigama śata |sādhana sādhya satraha purāṇa phalarūpī śrībhāgavata || 17||

दस आठ स्मृति जिन उच्चरी तिन पद सरसिज भाल मो ॥मनुस्मृति आत्रेय वैष्णवी हारीतक जामी ।जाग्यबल्क्य अंगिरा शनैश्चर सांवर्तक नामी ॥कात्यायनि शांडिल्य गौतमी बासिष्ठी दाषी ।सुरगुरु शातातापि पराशर क्रतु मुनि भाषी ॥आशा पास उदारधी परलोक लोक साधन सो ।दस आठ स्मृति जिन उच्चरी तिन पद सरसिज भाल मो ॥ १८॥

dasa āṭha smṛti jina uccarī tina pada sarasija bhāla mo ||manusmṛti ātreya vaiṣṇavī hārītaka jāmī |jāgyabalkya aṃgirā śanaiścara sāṃvartaka nāmī ||kātyāyani śāṃḍilya gautamī bāsiṣṭhī dāṣī |suraguru śātātāpi parāśara kratu muni bhāṣī ||āśā pāsa udāradhī paraloka loka sādhana so |dasa āṭha smṛti jina uccarī tina pada sarasija bhāla mo || 18||

पावैं भक्ति अनपायिनी जे रामसचिव सुमिरन करैं ॥धृष्टी बिजय जयंत नीतिपर सुचि सुबिनीता ।राष्टरबर्धन निपुण सुराष्टर परम पुनीता ॥अशोक सदा आनंद धर्मपालक तत्त्ववेता ।मंत्रीवर्य सुमंत्र चतुर्जुग मंत्री जेता ॥अनायास रघुपति प्रसन्न भवसागर दुस्तर तरैं ।पावैं भक्ति अनपायिनी जे रामसचिव सुमिरन करैं ॥ १९॥

pāvaiṃ bhakti anapāyinī je rāmasaciva sumirana karaiṃ ||dhṛṣṭī bijaya jayaṃta nītipara suci subinītā |rāṣṭarabardhana nipuṇa surāṣṭara parama punītā ||aśoka sadā ānaṃda dharmapālaka tattvavetā |maṃtrīvarya sumaṃtra caturjuga maṃtrī jetā ||anāyāsa raghupati prasanna bhavasāgara dustara taraiṃ |pāvaiṃ bhakti anapāyinī je rāmasaciva sumirana karaiṃ || 19||

शुभ दृष्टि वृष्टि मोपर करौ जे सहचर रघुवीर के ॥दिनकरसुत हरिराज बालिबछ केसरि औरस ।दधिमुख द्विबिद मयंद रीछपति सम को पौरस ॥उल्कासुभट सुषेन दरीमुख कुमुद नील नल ।शरभर गवय गवाच्छ पनस गँधमादन अतिबल ॥पद्म अठारह यूथपति रामकाज भट भीर के ।शुभ दृष्टि वृष्टि मोपर करौ जे सहचर रघुवीर के ॥ २०॥

śubha dṛṣṭi vṛṣṭi mopara karau je sahacara raghuvīra ke ||dinakarasuta harirāja bālibacha kesari aurasa |dadhimukha dvibida mayaṃda rīchapati sama ko paurasa ||ulkāsubhaṭa suṣena darīmukha kumuda nīla nala |śarabhara gavaya gavāccha panasa gam̐dhamādana atibala ||padma aṭhāraha yūthapati rāmakāja bhaṭa bhīra ke |śubha dṛṣṭi vṛṣṭi mopara karau je sahacara raghuvīra ke || 20||

ब्रज बडए गोप पर्जन्य के सुत नीके नव नंद ॥धरानंद ध्रुवनंद तृतिय उपनंद सुनागर ।चतुर्थ तहाँ अभिनंद नंद सुखसिंधु उजागर ॥सुठि सुनंद पशुपाल निर्मल निश्चय अभिनंदन ।कर्मा धर्मानंद अनुज बल्लभ जगबंदन ॥आसपास वा बगर के जहँ बिहरत पसुप स्वछंद ।ब्रज बडे गोप पर्जन्य के सुत नीके नव नंद ॥ २१॥

braja baḍae gopa parjanya ke suta nīke nava naṃda ||dharānaṃda dhruvanaṃda tṛtiya upanaṃda sunāgara |caturtha tahām̐ abhinaṃda naṃda sukhasiṃdhu ujāgara ||suṭhi sunaṃda paśupāla nirmala niścaya abhinaṃdana |karmā dharmānaṃda anuja ballabha jagabaṃdana ||āsapāsa vā bagara ke jaham̐ biharata pasupa svachaṃda |braja baḍe gopa parjanya ke suta nīke nava naṃda || 21||

बाल बृद्ध नर नारि गोप हौं अर्थी उन पाद रज ॥नंदगोप उपनंद ध्रुव धरानंद महरि जसोदा ।कीरतिदा वृषभानु कुँवरि सहचरि मन मोदा ॥मधुमंगल सुबल सुबाहु भोज अर्जुन श्रीदामा ।मंडलि ग्वाल अनेक श्याम संगी बहु नामा ॥घोष निवासिनि की कृपा सुर नर बाँछित आदि अज ।बाल बृद्ध नर नारि गोप हौं अर्थी उन पाद रज ॥ २२॥

bāla bṛddha nara nāri gopa hauṃ arthī una pāda raja ||naṃdagopa upanaṃda dhruva dharānaṃda mahari jasodā |kīratidā vṛṣabhānu kum̐vari sahacari mana modā ||madhumaṃgala subala subāhu bhoja arjuna śrīdāmā |maṃḍali gvāla aneka śyāma saṃgī bahu nāmā ||ghoṣa nivāsini kī kṛpā sura nara bām̐chita ādi aja |bāla bṛddha nara nāri gopa hauṃ arthī una pāda raja || 22||

ब्रजराजसुवन सँग सदन मन अनुग सदा तत्पर रहैं ॥रक्तक पत्रक और पत्रि सबही मन भावैं ।मधुकंठी मधुवर्त रसाल बिसाल सुहावैं ॥प्रेमकंद मकरंद सदा आनँद चँदहासा ।पयद बकुल रसदान सारदा बुद्धि प्रकासा ॥सेवा समय बिचारिकै चारु चतुर चित की लहैं ।ब्रजराजसुवन सँग सदन मन अनुग सदा तत्पर रहैं ॥ २३॥

brajarājasuvana sam̐ga sadana mana anuga sadā tatpara rahaiṃ ||raktaka patraka aura patri sabahī mana bhāvaiṃ |madhukaṃṭhī madhuvarta rasāla bisāla suhāvaiṃ ||premakaṃda makaraṃda sadā ānam̐da cam̐dahāsā |payada bakula rasadāna sāradā buddhi prakāsā ||sevā samaya bicārikai cāru catura cita kī lahaiṃ |brajarājasuvana sam̐ga sadana mana anuga sadā tatpara rahaiṃ || 23||

सप्त द्वीप में दास जे ते मेरे सिरताज ॥जम्बुद्वीप अरु प्लच्छ सालमलि बहुत राजरिषि ।कुस पबित्र पुनि क्रौंच कौन महिमा जाने लिखि ॥साक बिपुल बिस्तार प्रसिद्ध नामी अति पुहकर ।पर्बत लोकालोक ओक टापू कंचनघर ॥हरिभृत्य बसत जे जे जहाँ तिन सन नित प्रति काज ।सप्त द्वीप में दास जे ते मेरे सिरताज ॥ २४॥

sapta dvīpa meṃ dāsa je te mere siratāja ||jambudvīpa aru placcha sālamali bahuta rājariṣi |kusa pabitra puni krauṃca kauna mahimā jāne likhi ||sāka bipula bistāra prasiddha nāmī ati puhakara |parbata lokāloka oka ṭāpū kaṃcanaghara ||haribhṛtya basata je je jahām̐ tina sana nita prati kāja |sapta dvīpa meṃ dāsa je te mere siratāja || 24||

मध्यदीप नवखंड में भक्त जिते मम भूप ॥इलाबर्त आधीस संकरषन अनुग सदाशिव ।रमनक मछ मनु दास हिरन्य कूर्म अर्जम इव ॥कुरु बराह भूभृत्य बर्ष हरिसिंह प्रहलादा ।किंपुरुष राम कपि भरत नरायन बीनानादा ॥भद्राश्व ग्रीवहय भद्रश्रव केतु काम कमला अनूप ।मध्यदीप नवखंड में भक्त जिते मम भूप ॥ २५॥

madhyadīpa navakhaṃḍa meṃ bhakta jite mama bhūpa ||ilābarta ādhīsa saṃkaraṣana anuga sadāśiva |ramanaka macha manu dāsa hiranya kūrma arjama iva ||kuru barāha bhūbhṛtya barṣa harisiṃha prahalādā |kiṃpuruṣa rāma kapi bharata narāyana bīnānādā ||bhadrāśva grīvahaya bhadraśrava ketu kāma kamalā anūpa |madhyadīpa navakhaṃḍa meṃ bhakta jite mama bhūpa || 25||

श्वेतद्वीप के दास जे श्रवन सुनो तिनकी कथा ॥श्रीनारायन बदन निरंतर ताही देखैं ।पलक परै जो बीच कोटि जमजातन लेखैं ॥तिनके दरसन काज गए तहँ बीनाधारी ।श्याम दई कर सैन उलटि अब नहिं अधिकारी ॥नारायन आख्यान दृढ तहँ प्रसंग नाहिन तथा ।श्वेतद्वीप के दास जे श्रवन सुनो तिनकी कथा ॥ २६॥

śvetadvīpa ke dāsa je śravana suno tinakī kathā ||śrīnārāyana badana niraṃtara tāhī dekhaiṃ |palaka parai jo bīca koṭi jamajātana lekhaiṃ ||tinake darasana kāja gae taham̐ bīnādhārī |śyāma daī kara saina ulaṭi aba nahiṃ adhikārī ||nārāyana ākhyāna dṛḍha taham̐ prasaṃga nāhina tathā |śvetadvīpa ke dāsa je śravana suno tinakī kathā || 26||

उरग अष्टकुल द्वारपति सावधान हरिधाम थिति ॥इलापत्र मुख अनँत अनँत कीरति बिस्तारत ।पद्म संकु पन प्रगट ध्यान उरते नहीं टारत ॥अँशुकंबल बासुकी अजित आग्या अनुबरती ।करकोटक तच्छक सुभट्ट सेवा सिर धरती ॥आगमोक्त शिवसंहिता अगर एकरस भजन रति ।उरग अष्टकुल द्वारपति सावधान हरिधाम थिति ॥ २७॥

uraga aṣṭakula dvārapati sāvadhāna haridhāma thiti ||ilāpatra mukha anam̐ta anam̐ta kīrati bistārata |padma saṃku pana pragaṭa dhyāna urate nahīṃ ṭārata ||am̐śukaṃbala bāsukī ajita āgyā anubaratī |karakoṭaka tacchaka subhaṭṭa sevā sira dharatī ||āgamokta śivasaṃhitā agara ekarasa bhajana rati |uraga aṣṭakula dvārapati sāvadhāna haridhāma thiti || 27||

चौबीस प्रथम हरि बपु धरे त्यों चतुर्व्यूह कलिजुग प्रगट ॥(श्री)रामानुज उदार सुधानिधि अवनि कल्पतरु ।(श्रीरामानन्द उदार सुधानिधि अवनि कल्पतरु ।)विष्णुस्वामी बोहित्थ सिन्धु संसार पार करु ॥मध्वाचारज मेघ भक्ति सर ऊसर भरिया ।निम्बादित्य आदित्य कुहर अज्ञान जु हरिया ॥जनम करम भागवत धरम संप्रदाय थापी अघट ।चौबीस प्रथम हरि बपु धरे त्यों चतुर्व्यूह कलिजुग प्रगट ॥ २८॥

caubīsa prathama hari bapu dhare tyoṃ caturvyūha kalijuga pragaṭa ||(śrī)rāmānuja udāra sudhānidhi avani kalpataru |(śrīrāmānanda udāra sudhānidhi avani kalpataru |)viṣṇusvāmī bohittha sindhu saṃsāra pāra karu ||madhvācāraja megha bhakti sara ūsara bhariyā |nimbāditya āditya kuhara ajñāna ju hariyā ||janama karama bhāgavata dharama saṃpradāya thāpī aghaṭa |caubīsa prathama hari bapu dhare tyoṃ caturvyūha kalijuga pragaṭa || 28||

रमा पद्धति रामानुज विष्णुस्वामि त्रिपुरारी ।निम्बादित्य सनकादिका मधु कर गुरु मुख चारि ॥ २९॥

ramā paddhati rāmānuja viṣṇusvāmi tripurārī |nimbāditya sanakādikā madhu kara guru mukha cāri || 29||

सँप्रदाय सिरोमनि सिंधुजा रच्यो भक्ति बित्तान ॥बिष्वकसेन मुनिवर्य सुपुनि शठकोप प्रनीता ।बोपदेव भागवत लुप्त उधर्यो नवनीता ॥मंगल मुनि श्रीनाथ पुंडरीकाच्छ परमजस ।राममिश्र रसरासि प्रगट परताप परांकुस ॥यामुन मुनि रामानुज तिमिरहरन उदय भान ।सँप्रदाय सिरोमनि सिंधुजा रच्यो भक्ति बित्तान ॥ ३०॥

sam̐pradāya siromani siṃdhujā racyo bhakti bittāna ||biṣvakasena munivarya supuni śaṭhakopa pranītā |bopadeva bhāgavata lupta udharyo navanītā ||maṃgala muni śrīnātha puṃḍarīkāccha paramajasa |rāmamiśra rasarāsi pragaṭa paratāpa parāṃkusa ||yāmuna muni rāmānuja timiraharana udaya bhāna |sam̐pradāya siromani siṃdhujā racyo bhakti bittāna || 30||

सहस आस्य उपदेस करि जगत उद्धरन जतन कियो ॥गोपुर ह्वै आरूढ उच्च स्वर मंत्र उचार्यो ।सूते नर परे जागि बहत्तरि श्रवननि धार्यो ॥तितनेई गुरुदेव पधति भई न्यारी न्यारी ।कुर तारक सिष प्रथम भक्ति बपु मंगलकारी ॥कृपनपाल करुणा समुद्र रामानुज सम नहीं बियो ।सहस आस्य उपदेस करि जगत उद्धरन जतन कियो ॥ ३१॥

sahasa āsya upadesa kari jagata uddharana jatana kiyo ||gopura hvai ārūḍha ucca svara maṃtra ucāryo |sūte nara pare jāgi bahattari śravanani dhāryo ||titaneī gurudeva padhati bhaī nyārī nyārī |kura tāraka siṣa prathama bhakti bapu maṃgalakārī ||kṛpanapāla karuṇā samudra rāmānuja sama nahīṃ biyo |sahasa āsya upadesa kari jagata uddharana jatana kiyo || 31||

चतुर महंत दिग्गज चतुर भक्ति भूमि दाबे रहैं ॥श्रुतिप्रज्ञा श्रुतिदेव ऋषभ पुहकर इभ ऐसे ।श्रुतिधामा श्रुतिउदधि पराजित बामन जैसे ॥रामानुज गुरुबंधु बिदित जग मंगलकारी ।शिवसंहिता प्रनीत ग्यान सनकादिक सारी ॥इँदिरा पधति उदारधी सभा साखि सारँग कहैं ।चतुर महंत दिग्गज चतुर भक्ति भूमि दाबे रहैं ॥ ३२॥

catura mahaṃta diggaja catura bhakti bhūmi dābe rahaiṃ ||śrutiprajñā śrutideva ṛṣabha puhakara ibha aise |śrutidhāmā śrutiudadhi parājita bāmana jaise ||rāmānuja gurubaṃdhu bidita jaga maṃgalakārī |śivasaṃhitā pranīta gyāna sanakādika sārī ||im̐dirā padhati udāradhī sabhā sākhi sāram̐ga kahaiṃ |catura mahaṃta diggaja catura bhakti bhūmi dābe rahaiṃ || 32||

आचारज जामात की कथा सुनत हरि होइ रति ॥मालाधारी मृतक बह्यो सरिता में आयो ।दाहकृत्य ज्यों बंधु न्यौति सब कुटुँब बुलायो ॥नाक सँकोचहिं बिप्र तबहिं हरिपुर जन आए ।जेंवत देखे सबनि जात काहू नहिं पाए ॥लालाचारज लक्षधा प्रचुर भई महिमा जगति ।आचारज जामात की कथा सुनत हरि होइ रति ॥ ३३॥

ācāraja jāmāta kī kathā sunata hari hoi rati ||mālādhārī mṛtaka bahyo saritā meṃ āyo |dāhakṛtya jyoṃ baṃdhu nyauti saba kuṭum̐ba bulāyo ||nāka sam̐kocahiṃ bipra tabahiṃ haripura jana āe |jeṃvata dekhe sabani jāta kāhū nahiṃ pāe ||lālācāraja lakṣadhā pracura bhaī mahimā jagati |ācāraja jāmāta kī kathā sunata hari hoi rati || 33||

श्रीमारग उपदेश कृत श्रवन सुनौ आख्यान सुचि ॥गुरू गमन (कियो) परदेश सिष्य सुरधुनी दृढाई ।एक मज्जन एक पान हृदय बंदना कराई ॥गुरु गंगा में प्रबिसि सिष्य को बेगि बुलायो ।विष्णुपदी भय मानि कमलपत्रन पर धायो ॥पादपद्म ता दिन प्रगट सब प्रसन्न मुनि परम रुचि ।श्रीमारग उपदेश कृत श्रवन सुनौ आख्यान सुचि ॥ ३४॥

śrīmāraga upadeśa kṛta śravana sunau ākhyāna suci ||gurū gamana (kiyo) paradeśa siṣya suradhunī dṛḍhāī |eka majjana eka pāna hṛdaya baṃdanā karāī ||guru gaṃgā meṃ prabisi siṣya ko begi bulāyo |viṣṇupadī bhaya māni kamalapatrana para dhāyo ||pādapadma tā dina pragaṭa saba prasanna muni parama ruci |śrīmāraga upadeśa kṛta śravana sunau ākhyāna suci || 34||

(श्री)रामानंद पद्धति प्रताप अवनि अमृत ह्वै अवतर्यो ॥देवाचारज दुतिय महामहिमा हरियानँद ।तस्य राघवानंद भये भक्तन को मानद ॥पृथ्वी पत्रावलम्ब करी कासी अस्थायी ।चारि बरन आश्रम सबही को भक्ति दृढाई ॥तिन के रामानंद प्रगट बिश्वमंगल जिन बपु धर्यो ।(श्री)रामानंद पद्धति प्रताप अवनि अमृत ह्वै अवतर्यो ॥ ३५॥

(śrī)rāmānaṃda paddhati pratāpa avani amṛta hvai avataryo ||devācāraja dutiya mahāmahimā hariyānam̐da |tasya rāghavānaṃda bhaye bhaktana ko mānada ||pṛthvī patrāvalamba karī kāsī asthāyī |cāri barana āśrama sabahī ko bhakti dṛḍhāī ||tina ke rāmānaṃda pragaṭa biśvamaṃgala jina bapu dharyo |(śrī)rāmānaṃda paddhati pratāpa avani amṛta hvai avataryo || 35||

(श्री)रामानँद रघुनाथ ज्यों दुतिय सेतु जगतरन कियो ॥अनंतानंद कबीर सुखा सुरसुरा पद्मावती नरहरी ।पीपा भावानंद रैदास धना सेन सुरसुर की घरहरी ॥औरो सिष्य प्रसिष्य एक ते एक उजागर ।जगमंगल आधार भक्ति दसधा के आगर ॥बहुत काल बपु धारी के प्रनत जनन को पार दियो ।(श्री)रामानँद रघुनाथ ज्यों दुतिय सेतु जगतरन कियो ॥ ३६॥

(śrī)rāmānam̐da raghunātha jyoṃ dutiya setu jagatarana kiyo ||anaṃtānaṃda kabīra sukhā surasurā padmāvatī naraharī |pīpā bhāvānaṃda raidāsa dhanā sena surasura kī gharaharī ||auro siṣya prasiṣya eka te eka ujāgara |jagamaṃgala ādhāra bhakti dasadhā ke āgara ||bahuta kāla bapu dhārī ke pranata janana ko pāra diyo |(śrī)rāmānam̐da raghunātha jyoṃ dutiya setu jagatarana kiyo || 36||

अनंतानंद पद परसि कै लोकपाल से ते भये ॥जोगानंद गयेस करमचँद अल्ह पैहारी ।सारिरामदास श्रीरंग अवधि गुन महिमा भारी ॥तिनके नरहरि उदित मुदित मेघा मंगलतन ।रघुबर जदुबर गाइ विमल कीरति संच्यो धन ॥हरिभक्ति सिन्धुबेला रचे पानि पद्मजा सिर दये ।अनंतानंद पद परसि कै लोकपाल से ते भये ॥ ३७॥

anaṃtānaṃda pada parasi kai lokapāla se te bhaye ||jogānaṃda gayesa karamacam̐da alha paihārī |sārirāmadāsa śrīraṃga avadhi guna mahimā bhārī ||tinake narahari udita mudita meghā maṃgalatana |raghubara jadubara gāi vimala kīrati saṃcyo dhana ||haribhakti sindhubelā race pāni padmajā sira daye |anaṃtānaṃda pada parasi kai lokapāla se te bhaye || 37||

निर्वेद अवधि कलि कृष्णदास अन परिहरि पय पान कियो ॥जाके सिर कर धर्यो तासु कर तर नहीं आड्यो ।अर्प्यो पद निर्बान सोक निर्भय करि छाड्यो ॥तेजपुंज बल भजन महामुनि ऊरधरेता ।सेवत चरनसरोज राय राना भुवि जेता ॥दाहिमा बंस दिनकर उदय संत कमल हिय सुख दियो ।निर्वेद अवधि कलि कृष्णदास अन परिहरी पय पान कियो ॥ ३८॥

nirveda avadhi kali kṛṣṇadāsa ana parihari paya pāna kiyo ||jāke sira kara dharyo tāsu kara tara nahīṃ āḍyo |arpyo pada nirbāna soka nirbhaya kari chāḍyo ||tejapuṃja bala bhajana mahāmuni ūradharetā |sevata caranasaroja rāya rānā bhuvi jetā ||dāhimā baṃsa dinakara udaya saṃta kamala hiya sukha diyo |nirveda avadhi kali kṛṣṇadāsa ana pariharī paya pāna kiyo || 38||

पैहारी परसाद तें सिष्य सबै भए पारकर ॥कील्ह अगर केवल्ल चरनब्रत हठी नरायन ।सूरज पुरुषा पृथू त्रिपुर हरिभक्ति परायन ॥पद्मनाभ गोपाल टेक टीला गदाधारी ।देवा हेम कल्यान गंग गंगासम नारी ॥विष्णुदास कन्हर रँगा चाँदन सबिरी गोबिँद पर ।पैहारी परसाद तें सिष्य सबै भए पारकर ॥ ३९॥

paihārī parasāda teṃ siṣya sabai bhae pārakara ||kīlha agara kevalla caranabrata haṭhī narāyana |sūraja puruṣā pṛthū tripura haribhakti parāyana ||padmanābha gopāla ṭeka ṭīlā gadādhārī |devā hema kalyāna gaṃga gaṃgāsama nārī ||viṣṇudāsa kanhara ram̐gā cām̐dana sabirī gobim̐da para |paihārī parasāda teṃ siṣya sabai bhae pārakara || 39||

गांगेय मृत्यु गंज्यो नहीं त्यों कील्ह करन नहिं काल बस ॥राम चरन चिंतवनि रहति निसि दिन लौ लागी ।सर्वभूत सिर नमित सूर भजनानँद भागी ॥सांख्य जोग मत सुदृढ कियो अनुभव हस्तामल ।ब्रह्मरंध्र करि गमन भए हरितन करनी बल ॥सुमेरदेवसुत जगबिदित भू बिस्तार्यो बिमल जस ।गांगेय मृत्यु गंज्यो नहीं त्यों कील्ह करन नहिं काल बस ॥ ४०॥

gāṃgeya mṛtyu gaṃjyo nahīṃ tyoṃ kīlha karana nahiṃ kāla basa ||rāma carana ciṃtavani rahati nisi dina lau lāgī |sarvabhūta sira namita sūra bhajanānam̐da bhāgī ||sāṃkhya joga mata sudṛḍha kiyo anubhava hastāmala |brahmaraṃdhra kari gamana bhae haritana karanī bala ||sumeradevasuta jagabidita bhū bistāryo bimala jasa |gāṃgeya mṛtyu gaṃjyo nahīṃ tyoṃ kīlha karana nahiṃ kāla basa || 40||

(श्री)अग्रदास हरिभजन बिन काल बृथा नहिं बित्तयो ॥सदाचार ज्यों संत प्राप्त जैसे करि आये ।सेवा सुमिरन सावधान (चरन) राघव चित लाये ॥प्रसिध बाग सों प्रीति स्वहथ कृत करत निरंतर ।रसना निर्मल नाम मनहु बरषत धाराधर ।(श्री)कृष्णदास कृपा करि भक्ति दत मन बच क्रम करि अटल दयो ।(श्री)अग्रदास हरिभजन बिन काल वृथा नहिं बित्तयो ॥ ४१॥

(śrī)agradāsa haribhajana bina kāla bṛthā nahiṃ bittayo ||sadācāra jyoṃ saṃta prāpta jaise kari āye |sevā sumirana sāvadhāna (carana) rāghava cita lāye ||prasidha bāga soṃ prīti svahatha kṛta karata niraṃtara |rasanā nirmala nāma manahu baraṣata dhārādhara |(śrī)kṛṣṇadāsa kṛpā kari bhakti data mana baca krama kari aṭala dayo |(śrī)agradāsa haribhajana bina kāla vṛthā nahiṃ bittayo || 41||

कलिजुग धर्मपालक प्रगट आचारज शंकर सुभट ॥उच्छृंखल अग्यान जिते अनईश्वरवादी ।बौद्ध कुतर्की जैन और पाखंडहि आदि ॥बिमुखन को दियो दंड ऐंचि सन्मारग आने ।सदाचार की सींव बिश्व कीरतिहिं बखाने ॥ईश्वरांस अवतार महि मर्यादा माँडी अघट ।कलिजुग धर्मपालक प्रगट आचारज शंकर सुभट ॥ ४२॥

kalijuga dharmapālaka pragaṭa ācāraja śaṃkara subhaṭa ||ucchṛṃkhala agyāna jite anaīśvaravādī |bauddha kutarkī jaina aura pākhaṃḍahi ādi ||bimukhana ko diyo daṃḍa aiṃci sanmāraga āne |sadācāra kī sīṃva biśva kīratihiṃ bakhāne ||īśvarāṃsa avatāra mahi maryādā mām̐ḍī aghaṭa |kalijuga dharmapālaka pragaṭa ācāraja śaṃkara subhaṭa || 42||

नामदेव प्रतिग्या निर्बही (ज्यों) त्रेता नरहरिदास की ॥बालदसा बिट्ठल पानि जाके पय पीयो ।मृतक गऊ जिवाय परचौ असुरन को दीयो ॥सेज सलिल ते काढै पहिले जैसी ही होती ।देवल उल्ट्यो देखि सकुचि रहे सबही सोती ॥पँडुरनाथ कृत अनुग ज्यों छानि स्वकर छै घास की ।नामदेव प्रतिग्या निर्बही (ज्यों) त्रेता नरहरिदास की ॥ ४३॥

nāmadeva pratigyā nirbahī (jyoṃ) tretā naraharidāsa kī ||bāladasā biṭṭhala pāni jāke paya pīyo |mṛtaka gaū jivāya paracau asurana ko dīyo ||seja salila te kāḍhai pahile jaisī hī hotī |devala ulṭyo dekhi sakuci rahe sabahī sotī ||pam̐ḍuranātha kṛta anuga jyoṃ chāni svakara chai ghāsa kī |nāmadeva pratigyā nirbahī (jyoṃ) tretā naraharidāsa kī || 43||

जयदेव कबी नृपचक्कवै खँडमँडलेश्वर आन कबि ॥प्रचुर भयो तिहुँ लोक गीतगोविन्द उजागर ।कोक काव्य नवरस सरस शृंगार को सागर ॥अष्टपदी अभ्यास करै तेहि बुद्धि बढावै ।राधारमन प्रसन्न सुनत तहँ निश्चय आवै ॥संत सरोरुह खंड को पद्मापति सुखजनक रबि ।जयदेव कबी नृपचक्कवै खँडमँडलेश्वर आन कबि ॥ ४४॥

jayadeva kabī nṛpacakkavai kham̐ḍamam̐ḍaleśvara āna kabi ||pracura bhayo tihum̐ loka gītagovinda ujāgara |koka kāvya navarasa sarasa śṛṃgāra ko sāgara ||aṣṭapadī abhyāsa karai tehi buddhi baḍhāvai |rādhāramana prasanna sunata taham̐ niścaya āvai ||saṃta saroruha khaṃḍa ko padmāpati sukhajanaka rabi |jayadeva kabī nṛpacakkavai kham̐ḍamam̐ḍaleśvara āna kabi || 44||

श्रीधर श्रीभागवत में परम धरम निरनय कियो ॥तीनि कांड एकत्व सानि कोउ अग्य बखानत ।कर्मठ ज्ञानी ऐंचि अर्थ को अनरथ बानत ॥परमहंस संहिता बिदित टीका बिस्तार्यो ।षट सास्त्र अविरुद्ध वेद संमत हि बिचार्यो ॥परमानन्द प्रसाद ते माधो स्वकर सुधार दियो ।श्रीधर श्रीभागवत में परम धरम निरनय कियो ॥ ४५॥

śrīdhara śrībhāgavata meṃ parama dharama niranaya kiyo ||tīni kāṃḍa ekatva sāni kou agya bakhānata |karmaṭha jñānī aiṃci artha ko anaratha bānata ||paramahaṃsa saṃhitā bidita ṭīkā bistāryo |ṣaṭa sāstra aviruddha veda saṃmata hi bicāryo ||paramānanda prasāda te mādho svakara sudhāra diyo |śrīdhara śrībhāgavata meṃ parama dharama niranaya kiyo || 45||

कृष्ण कृपा कोपर प्रगट बिल्वमंगल मंगलस्वरूप ॥करुनामृत सुकबित्त जुक्ति अनुछिष्ट उचारी ।रसिक जनन जीवन जु हृदय हारावलि धारी ॥हरि पकरायो हाथ बहुरि तहँ लियो छुटाई ।कहा भयो कर छुटैं बदौं जो हियतें जाई ॥चिंतामनि सँग पाइ कै ब्रजबधु केली बरनि अनूप ।कृष्ण कृपा कोपर प्रगट बिल्वमंगल मंगलस्वरूप ॥ ४६॥

kṛṣṇa kṛpā kopara pragaṭa bilvamaṃgala maṃgalasvarūpa ||karunāmṛta sukabitta jukti anuchiṣṭa ucārī |rasika janana jīvana ju hṛdaya hārāvali dhārī ||hari pakarāyo hātha bahuri taham̐ liyo chuṭāī |kahā bhayo kara chuṭaiṃ badauṃ jo hiyateṃ jāī ||ciṃtāmani sam̐ga pāi kai brajabadhu kelī barani anūpa |kṛṣṇa kṛpā kopara pragaṭa bilvamaṃgala maṃgalasvarūpa || 46||

कलिजीव जँजाली कारने विष्णुपुरी बडै निधि सची ॥भगवत धर्म उतंग आन धर्म आन न देखा ।पीतर पटतर बिगत निकष ज्यों कुंदनरेखा ॥कृष्णकृपा कहि बेलि फलित सत्संग दिखायो ।कोटि ग्रंथ को अर्थ तेरह बिरचन में गायो ॥महासमुद्र भागवत तें भक्ति रत्न राजी रची ।कलिजीव जँजाली कारने विष्णुपुरी बडै निधि सची ॥ ४७॥

kalijīva jam̐jālī kārane viṣṇupurī baḍai nidhi sacī ||bhagavata dharma utaṃga āna dharma āna na dekhā |pītara paṭatara bigata nikaṣa jyoṃ kuṃdanarekhā ||kṛṣṇakṛpā kahi beli phalita satsaṃga dikhāyo |koṭi graṃtha ko artha teraha biracana meṃ gāyo ||mahāsamudra bhāgavata teṃ bhakti ratna rājī racī |kalijīva jam̐jālī kārane viṣṇupurī baḍai nidhi sacī || 47||

विष्णुस्वामि सँप्रदाय दृढ ज्ञानदेव गंभीरमति ॥नाम त्रिलोचन सिष्य सूर ससि सदृस उजागर ।गिरा गंग उन्हारि काब्य रचना प्रेमाकर ॥आचारज हरिदास अतुल बल आनँददायन ।तेहिं मारग बल्लभ बिदित पृथु पधति परायन ॥नवधा प्रधान सेवा सुदृढ मन बच क्रम हरिचरन रति ।विष्णुस्वामि सँप्रदाय दृढ ज्ञानदेव गंभीरमति ॥ ४८॥

viṣṇusvāmi sam̐pradāya dṛḍha jñānadeva gaṃbhīramati ||nāma trilocana siṣya sūra sasi sadṛsa ujāgara |girā gaṃga unhāri kābya racanā premākara ||ācāraja haridāsa atula bala ānam̐dadāyana |tehiṃ māraga ballabha bidita pṛthu padhati parāyana ||navadhā pradhāna sevā sudṛḍha mana baca krama haricarana rati |viṣṇusvāmi sam̐pradāya dṛḍha jñānadeva gaṃbhīramati || 48||

संतसाखि जानत सबै प्रगट प्रेम कलिजुग प्रधान ॥भक्तदास इक भूप श्रवन सीता हर कीनो ।मार मार करि खड्ग बाजि सागर मँह दीनो ॥नरसिँह को अनुकरन होइ हिरनाकुस मार्यो ।वहै भयो दसरथहि राम बिछुरत तन छार्यो ॥कृष्ण दाम बांधे सुने तेहि छन दीयो प्रान ।संतसाखि जानत सबै प्रगट प्रेम कलिजुग प्रधान ॥ ४९॥

saṃtasākhi jānata sabai pragaṭa prema kalijuga pradhāna ||bhaktadāsa ika bhūpa śravana sītā hara kīno |māra māra kari khaḍga bāji sāgara mam̐ha dīno ||narasim̐ha ko anukarana hoi hiranākusa māryo |vahai bhayo dasarathahi rāma bichurata tana chāryo ||kṛṣṇa dāma bāṃdhe sune tehi chana dīyo prāna |saṃtasākhi jānata sabai pragaṭa prema kalijuga pradhāna || 49||

प्रसाद अवग्या जानि कै पानि तज्यो एकै नृपति ॥हौं का कहौं बनाइ बात सबही जग जाने ।करते दौना भयो स्याम सौरभ सुख माने ॥छपन भोगतें पहिल खीच करमा की भावे ।सिलपिल्ले के कहत कुँअरि पै हरि चलि आवे ॥भक्तन हित सुत विष दियो भूपनारि प्रभु राखि पति ।प्रसाद अवग्या जानि कै पानि तज्यो एकै नृपति ॥ ५०॥

prasāda avagyā jāni kai pāni tajyo ekai nṛpati ||hauṃ kā kahauṃ banāi bāta sabahī jaga jāne |karate daunā bhayo syāma saurabha sukha māne ||chapana bhogateṃ pahila khīca karamā kī bhāve |silapille ke kahata kum̐ari pai hari cali āve ||bhaktana hita suta viṣa diyo bhūpanāri prabhu rākhi pati |prasāda avagyā jāni kai pāni tajyo ekai nṛpati || 50||