भाष्यकारमङ्गलम् Shri Bhashyakara Mangalam

श्रीवादिभीकरगुरुभिरनुगृहीतं॥ श्रीः ॥॥ श्रीमते रामानुजाय नमः ॥॥ श्रीवादिभीकरगुरवे नमः ॥श्रीपराङ्कुशपादाब्जसुरभीकृतमौलये ।श्रीवत्सचिह्ननाथाय यतिराजाय मङ्गलम् ॥ १॥

śrīvādibhīkaragurubhiranugṛhītaṃ|| śrīḥ |||| śrīmate rāmānujāya namaḥ |||| śrīvādibhīkaragurave namaḥ ||śrīparāṅkuśapādābjasurabhīkṛtamaulaye |śrīvatsacihnanāthāya yatirājāya maṅgalam || 1||

नाथपद्माक्षरामार्यपादपङ्कजसेविने ।सेव्याय सर्वयमिनां यतिराजाय मङ्गलम् ॥ २॥

nāthapadmākṣarāmāryapādapaṅkajasevine |sevyāya sarvayamināṃ yatirājāya maṅgalam || 2||

पूर्णाय पूर्णकरुणापात्रायामिततेजसे ।मालाधरप्रियायास्तु यति राजाय मङ्गलम् ॥ ३॥

pūrṇāya pūrṇakaruṇāpātrāyāmitatejase |mālādharapriyāyāstu yati rājāya maṅgalam || 3||

संसेव्य यामुनाचार्यमेकलव्योस्म्यहं गुरोः ।इत्येवं वदते नित्यं यतिराजाय मङ्गलम् ॥ ४॥

saṃsevya yāmunācāryamekalavyosmyahaṃ guroḥ |ityevaṃ vadate nityaṃ yatirājāya maṅgalam || 4||

श्रीकाञ्चीपूर्णमिश्रोक्तरहस्यार्थविदे सदा ।देवराजप्रियायास्तु यतिराजाय मङ्गलम् ॥श्रीमद्गोष्ठीपुरीपूर्णदिव्याज्ञां कुर्वते मुदा ।श्लोकार्यं गृह्णते तस्मात् यतिराजाय मङ्गलम् ॥ ६॥

śrīkāñcīpūrṇamiśroktarahasyārthavide sadā |devarājapriyāyāstu yatirājāya maṅgalam ||śrīmadgoṣṭhīpurīpūrṇadivyājñāṃ kurvate mudā |ślokāryaṃ gṛhṇate tasmāt yatirājāya maṅgalam || 6||

कूरेशकुरुकानाथदाशरथ्यादिदेशिकाः ।यच्छिष्या भान्ति ते तस्मै यतिराजाय मङ्गलम् ॥ ७॥

kūreśakurukānāthadāśarathyādideśikāḥ |yacchiṣyā bhānti te tasmai yatirājāya maṅgalam || 7||

चरमश्लोकतत्त्वार्थं ज्ञात्वार्याज्ञां विलङ्घ्य च ।दिशते तं स्वकीयेभ्यः यतिराजाय मङ्गलम् ॥ ८॥

caramaślokatattvārthaṃ jñātvāryājñāṃ vilaṅghya ca |diśate taṃ svakīyebhyaḥ yatirājāya maṅgalam || 8||

श्रीशैलपूर्णकृपया श्रीरामायणमर्थतः ।भक्त्या येन श्रुतं तस्मै यतिराजाय मङ्गलम् ॥ ९॥

śrīśailapūrṇakṛpayā śrīrāmāyaṇamarthataḥ |bhaktyā yena śrutaṃ tasmai yatirājāya maṅgalam || 9||

शङ्करादिकुदृष्टीनां बाह्यानां निधनाय च ।श्रीभाष्यं कुर्वते तस्मै यतिराजाय मङ्गलम् ॥ १०॥

śaṅkarādikudṛṣṭīnāṃ bāhyānāṃ nidhanāya ca |śrībhāṣyaṃ kurvate tasmai yatirājāya maṅgalam || 10||

कुर्वन्नुपनिषद्भाष्यं जगद्रक्षां करोति यः ।दायायाः परतन्त्राय भाष्यकाराय मङ्गलम् ॥ ११॥

kurvannupaniṣadbhāṣyaṃ jagadrakṣāṃ karoti yaḥ |dāyāyāḥ paratantrāya bhāṣyakārāya maṅgalam || 11||

द्रमिडोपनिषद्व्याख्यां कालयेति कृपाबलात् ।शासते कुरुकेशं तं भाष्यकाराय मङ्गलम् ॥ १२॥

dramiḍopaniṣadvyākhyāṃ kālayeti kṛpābalāt |śāsate kurukeśaṃ taṃ bhāṣyakārāya maṅgalam || 12||

गत्वा तु शारदापीठं वृत्तिं बोधायनस्य च ।अवलोक्यागतायास्तु भाष्यकाराय मङ्गलम् ॥ १३॥

gatvā tu śāradāpīṭhaṃ vṛttiṃ bodhāyanasya ca |avalokyāgatāyāstu bhāṣyakārāya maṅgalam || 13||

परमाणुमृषावादिवादसंहारकारिणे ।तस्मै भगवते श्रीमद्भाष्यकाराय मङ्गलम् ॥ १४॥

paramāṇumṛṣāvādivādasaṃhārakāriṇe |tasmai bhagavate śrīmadbhāṣyakārāya maṅgalam || 14||

श्रीमत्कुरङ्गपूर्णाय श्रीभाष्यं वदते स्वयम् ।पित्रे सम्पत्सुतस्यापि भाष्यकाराय मङ्गलम् ॥ १५॥

śrīmatkuraṅgapūrṇāya śrībhāṣyaṃ vadate svayam |pitre sampatsutasyāpi bhāṣyakārāya maṅgalam || 15||

दत्त्वा वृषगिरीशस्य शङ्खचक्रे रमापतेःपरमप्रीतियुक्ताय भाष्यकाराय मङ्गलम् ॥ १६॥

dattvā vṛṣagirīśasya śaṅkhacakre ramāpateḥparamaprītiyuktāya bhāṣyakārāya maṅgalam || 16||

सन्न्यासं कुर्वते काञ्च्यामनन्तसरसीतटे ।वरदे न्यस्तभाराय भाष्यकाराय मङ्गलम् ॥ १७॥

sannyāsaṃ kurvate kāñcyāmanantasarasītaṭe |varade nyastabhārāya bhāṣyakārāya maṅgalam || 17||

श्रीमन्महाभूतपुरे श्रीमत्केशवयज्वनः ।कान्तिमत्यां प्रसूताय यतिराजाय मङ्गलम् ॥ १८॥

śrīmanmahābhūtapure śrīmatkeśavayajvanaḥ |kāntimatyāṃ prasūtāya yatirājāya maṅgalam || 18||

शेषो वा सैन्यनाथो वा श्रीपतिर्वेति सात्त्विकैः ।वितर्क्याय महाप्राज्ञैः यतिराजाय मङ्गलम् ॥ १९॥

śeṣo vā sainyanātho vā śrīpatirveti sāttvikaiḥ |vitarkyāya mahāprājñaiḥ yatirājāya maṅgalam || 19||

प्रकृष्टगुणपूर्णाय प्राप्याय स्वाङ्घ्रिसेविनाम् ।प्रपन्नसार्थवाहाय यतिराजाय मङ्गलम् ॥ २०॥

prakṛṣṭaguṇapūrṇāya prāpyāya svāṅghrisevinām |prapannasārthavāhāya yatirājāya maṅgalam || 20||

वेदात्मकप्रमाणेन सात्त्विकैश्च प्रमातृभिः ।प्रमेयेण सह श्रीमान् वर्धतां यतिशेखरः ॥ २१॥

vedātmakapramāṇena sāttvikaiśca pramātṛbhiḥ |prameyeṇa saha śrīmān vardhatāṃ yatiśekharaḥ || 21||

इति श्रीवादिभीकरगुरुभिरनुगृहीतं श्रीभाष्यकारमङ्गलं सम्पूर्णम् ।॥ श्रीवादिभीकरगुरवे नमः ॥

iti śrīvādibhīkaragurubhiranugṛhītaṃ śrībhāṣyakāramaṅgalaṃ sampūrṇam ||| śrīvādibhīkaragurave namaḥ ||