भगवन्निम्बार्कमहामुनीन्द्राष्टकम् Shri Bhagavannimbarkamahamunindra Ashtakam

॥ श्री राधासर्वेश्वरो विजयते ॥॥ श्री भगवन्निम्बार्काचार्याय नमः ॥गोपालसिंहो जिज्ञासुसदा हंसं वन्दे तपसि सनकादींश्च निरतान्ततो वीणापाणिं मुनिवर महन्नारदमृषिम् ।समुत्सार्याऽविद्यां जनयति विवेकं हृदि परम्भजे निम्बादित्यं भवभयविनाशाय सततम् ॥ १॥

|| śrī rādhāsarveśvaro vijayate |||| śrī bhagavannimbārkācāryāya namaḥ ||gopālasiṃho jijñāsusadā haṃsaṃ vande tapasi sanakādīṃśca niratāntato vīṇāpāṇiṃ munivara mahannāradamṛṣim |samutsāryā'vidyāṃ janayati vivekaṃ hṛdi parambhaje nimbādityaṃ bhavabhayavināśāya satatam || 1||

महाराष्ट्रे मूङ्गीत्यभिधनगरे पैठणयुतेसुनद्याः गोदायाः शुचितमतटे कृष्णवचनात् ।जयन्ती गर्भात् श्रीअरुणमुनिगेहे सुविमलेस्वभक्तानां प्रीत्यै ह्यजनि नियमानन्द वपुषा ॥ २॥

mahārāṣṭre mūṅgītyabhidhanagare paiṭhaṇayutesunadyāḥ godāyāḥ śucitamataṭe kṛṣṇavacanāt |jayantī garbhāt śrīaruṇamunigehe suvimalesvabhaktānāṃ prītyai hyajani niyamānanda vapuṣā || 2||

समेषां मन्त्राणामधिपतिरिहाष्टादशमिताऽक्षरैर्युक्तो मन्त्रस्तमधिगतवान्नारदमुनेः ।सनत्सेव्यं गुञ्जाफलसदृशचक्राङ्कितमसौतथा शालिग्रामं भुवनधवसर्वेश्वरमिमम् ॥ ३॥

sameṣāṃ mantrāṇāmadhipatirihāṣṭādaśamitā'kṣarairyukto mantrastamadhigatavānnāradamuneḥ |sanatsevyaṃ guñjāphalasadṛśacakrāṅkitamasautathā śāligrāmaṃ bhuvanadhavasarveśvaramimam || 3||

अविद्याग्रस्तानां सरलपथमाश्रित्य गतयेअधोनिम्बं देवो गिरिवरसमीपे व्रजभुवि ।श्रुतिज्ञोऽनूचानो गुणनिवहयुक्तो विमलधीःसमाधिस्थस्तेपे विगतभयकोपोऽमित तपः ॥ ४॥

avidyāgrastānāṃ saralapathamāśritya gatayeadhonimbaṃ devo girivarasamīpe vrajabhuvi |śrutijño'nūcāno guṇanivahayukto vimaladhīḥsamādhisthastepe vigatabhayakopo'mita tapaḥ || 4||

दिवाभोजी दण्डी रहसि नियमानन्दमवदत्प्रसादं याचे त्वामहनि परिगृह्णामि निशि च नो ।प्रदर्श्यार्कं निम्बे तदनु यतये नक्तममुनाप्रदत्तं निम्बार्को यमनियमवेत्ताऽभवदहो ॥ ५॥

divābhojī daṇḍī rahasi niyamānandamavadatprasādaṃ yāce tvāmahani parigṛhṇāmi niśi ca no |pradarśyārkaṃ nimbe tadanu yataye naktamamunāpradattaṃ nimbārko yamaniyamavettā'bhavadaho || 5||

स्वयं धाताऽऽयातः कपटयतिवेशे भ्रमयुतःवतारं चक्रस्य प्रखरमहसा सूर्यशतकम् ।तिरस्कर्त्तुं शक्तं प्रकृतिपरिणामेन रहितम्परिच्छेत्तुं क्वेशो यमिह तमहं स्तौम्यभयदम् ॥ ६॥

svayaṃ dhātā''yātaḥ kapaṭayativeśe bhramayutaḥvatāraṃ cakrasya prakharamahasā sūryaśatakam |tiraskarttuṃ śaktaṃ prakṛtipariṇāmena rahitamparicchettuṃ kveśo yamiha tamahaṃ staumyabhayadam || 6||

दशश्लोकी शास्त्रागमनिगमतत्त्वेन सहिताप्रपञ्चं मायायाः प्रणिगदति जीवं बहुविधम् ।परब्रह्मज्ञानं गमयति समासाच्च विमलम्प्रणीता यैस्तेभ्यो भवभयहरेभ्यो मम नमः ॥ ७॥

daśaślokī śāstrāgamanigamatattvena sahitāprapañcaṃ māyāyāḥ praṇigadati jīvaṃ bahuvidham |parabrahmajñānaṃ gamayati samāsācca vimalampraṇītā yaistebhyo bhavabhayaharebhyo mama namaḥ || 7||

द्वयोर्भावो द्वैतं न भवति तदद्वैतमिति चइदं द्वैताद्वैतं सकलभुवनेष्वस्ति विततम् ।मुनीन्द्रो निम्बार्कः श्रुतिनिकरसारं प्रकटयन्शशीवोच्चैरास्ते हि भसदसि वेदान्तगगने ॥ ८॥

dvayorbhāvo dvaitaṃ na bhavati tadadvaitamiti caidaṃ dvaitādvaitaṃ sakalabhuvaneṣvasti vitatam |munīndro nimbārkaḥ śrutinikarasāraṃ prakaṭayanśaśīvoccairāste hi bhasadasi vedāntagagane || 8||

इति श्री भगवन्निम्बार्कमहामुनीन्द्राष्टकं सम्पूर्णम् ।

iti śrī bhagavannimbārkamahāmunīndrāṣṭakaṃ sampūrṇam |