अनन्तार्याष्टकम् Shri Anantarya Ashtakam

श्रीमदनन्तार्यकुमार रामानुजार्यपुत्र नारायणार्य प्रणीता॥ श्रीमदनन्तार्य विषया अष्टश्लोकी ॥वन्देऽनन्तगुरूत्तंस वंशमुक्ताफलात्मनः ।रामानुजार्यस्य सुतं श्रीनारायणदेशिकम् ॥श्रीरामानुजवरजे मुनौ शठरिपोर्गाथा विशेषार्थदेशिष्यान् प्रेक्ष्य भवत्सु वेङ्कटपतेःकःकिङ्करस्स्या दिति ।प्रश्नं कुर्वति तेषु मौनिषुच यो बद्धाञ्जलिः प्रार्थयन्प्राप श्रीनिधिकिङ्करत्वमनघं तं शेष सूरिं भजे ॥ १॥

śrīmadanantāryakumāra rāmānujāryaputra nārāyaṇārya praṇītā|| śrīmadanantārya viṣayā aṣṭaślokī ||vande'nantagurūttaṃsa vaṃśamuktāphalātmanaḥ |rāmānujāryasya sutaṃ śrīnārāyaṇadeśikam ||śrīrāmānujavaraje munau śaṭhariporgāthā viśeṣārthadeśiṣyān prekṣya bhavatsu veṅkaṭapateḥkaḥkiṅkarassyā diti |praśnaṃ kurvati teṣu mauniṣuca yo baddhāñjaliḥ prārthayanprāpa śrīnidhikiṅkaratvamanaghaṃ taṃ śeṣa sūriṃ bhaje || 1||

श्रीरङ्गाद्व्रृषभाचलं प्रचलितेश्वार्येषु भोज्यार्थिषुश्रान्तेष्वध्वनि वेङ्कटाचलपतिः चित्रान्न पात्रं वहन् ।पृष्टस्तैरिति को भवान् कुत इदं यःशिष्यभावं वदन्पद्येयद्विषये बभाण फणिराट् सूर्युत्तमं तं भजे ॥ २॥

śrīraṅgādvrṛṣabhācalaṃ pracaliteśvāryeṣu bhojyārthiṣuśrānteṣvadhvani veṅkaṭācalapatiḥ citrānna pātraṃ vahan |pṛṣṭastairiti ko bhavān kuta idaṃ yaḥśiṣyabhāvaṃ vadanpadyeyadviṣaye babhāṇa phaṇirāṭ sūryuttamaṃ taṃ bhaje || 2||

स्नातुं स्वामि सरोवरं प्रति चलन् शेषार्यवर्यःपथिव्याघ्रे चेल दशाञ्चल स्पृशि ततः शिष्येषुमुक्त्यर्थिषु ।भूयादेवमितिब्रुवन् पुनरपि स्नात्वैत्य पश्यन् मृतंदीप्तं वेङ्कटनायकाङ्घ्रिकमले हृष्टोऽस्तुनः श्रेयसे ॥ ३॥

snātuṃ svāmi sarovaraṃ prati calan śeṣāryavaryaḥpathivyāghre cela daśāñcala spṛśi tataḥ śiṣyeṣumuktyarthiṣu |bhūyādevamitibruvan punarapi snātvaitya paśyan mṛtaṃdīptaṃ veṅkaṭanāyakāṅghrikamale hṛṣṭo'stunaḥ śreyase || 3||

तिष्ठन् शेषगुरो ममिवहिगुरौ मुक्तिं परौदुर्लभांव्याघ्रादेश्च ददाति चेदपि भवान् किंमेऽत्र यास्याम्यहम् ।इत्युक्तश्च वृषाद्रि राजपतिनाऽनन्तार्य चूडामणिःमत्तः श्रैष्ठ्यमिदं तवात्र न परं सप्ताह इत्यब्रवीत् ॥ ४॥

tiṣṭhan śeṣaguro mamivahigurau muktiṃ paraudurlabhāṃvyāghrādeśca dadāti cedapi bhavān kiṃme'tra yāsyāmyaham |ityuktaśca vṛṣādri rājapatinā'nantārya cūḍāmaṇiḥmattaḥ śraiṣṭhyamidaṃ tavātra na paraṃ saptāha ityabravīt || 4||

यास्यन् केरलसंज्ञकं जनपदं पाथेय बन्धं पथिस्नात्वाऽऽराध्य जगद्गुरुं तदनु यो भोक्तुं विविच्यादरात् ।धृष्ट्वा तत्रपिपीलिका इति मया नान्यत्र नेया इमाःशेषाद्रिं पुनरेत्य ताश्चमुमुशे नन्तास्म्यनन्तं गुरुम् ॥ ५॥

yāsyan keralasaṃjñakaṃ janapadaṃ pātheya bandhaṃ pathisnātvā''rādhya jagadguruṃ tadanu yo bhoktuṃ vivicyādarāt |dhṛṣṭvā tatrapipīlikā iti mayā nānyatra neyā imāḥśeṣādriṃ punaretya tāścamumuśe nantāsmyanantaṃ gurum || 5||

श्रीमच्चम्पक जाति कुन्दकुटजा ध्युत्फुल्ल पुष्पाकरेयस्योद्यानवरे परस्स भगवान् श्रीवेङ्कटेशो निशि ।त्यक्त्वानन्दविमानमन्वहमहो लक्ष्म्यासहारंस्त हातस्मै शेषगुरूत्तमाय सततं कुर्यां नमस्सन्ततिम् ॥ ६॥

śrīmaccampaka jāti kundakuṭajā dhyutphulla puṣpākareyasyodyānavare parassa bhagavān śrīveṅkaṭeśo niśi |tyaktvānandavimānamanvahamaho lakṣmyāsahāraṃsta hātasmai śeṣagurūttamāya satataṃ kuryāṃ namassantatim || 6||

श्रीमद्वेङ्कटनायक प्रियतमा वात्सल्य सीमा रमानिश्युद्यान लतान्त केलिसमये ग्रस्ताति भीतेव सा ।सप्रेमस्मितमाह मुग्धमधुरं भोस्तात तातेति यंतं वन्दे गुरुमौलि शेखरमहं शेषार्यवर्यं सदा ॥ ७॥

śrīmadveṅkaṭanāyaka priyatamā vātsalya sīmā ramāniśyudyāna latānta kelisamaye grastāti bhīteva sā |sapremasmitamāha mugdhamadhuraṃ bhostāta tāteti yaṃtaṃ vande gurumauli śekharamahaṃ śeṣāryavaryaṃ sadā || 7||

कन्याकक्षकरात्त पुष्पपिटकं काल्यागतं श्रीनिधिःमह्यं देहि तवात्मजामिति भृशं यं प्रार्थ्यलेभे नतः ।कन्याशुल्कमितीव सस्पृहतरं प्रोद्धृत्य कण्टान्निजात्मालां यस्य गलेऽर्पयन् तमनिशं शेषार्यवर्यं श्रये ॥ ८॥

kanyākakṣakarātta puṣpapiṭakaṃ kālyāgataṃ śrīnidhiḥmahyaṃ dehi tavātmajāmiti bhṛśaṃ yaṃ prārthyalebhe nataḥ |kanyāśulkamitīva saspṛhataraṃ proddhṛtya kaṇṭānnijātmālāṃ yasya gale'rpayan tamaniśaṃ śeṣāryavaryaṃ śraye || 8||

श्रीमद्रामानुजाचार्य पुत्र नारायणोदितम् ।कलयन्तु सदा सन्तोऽनन्तार्याष्टकमादरात् ॥॥ श्रीमदनन्तार्य अष्टश्लोकी सम्पूर्णम् ॥अचर्य।ओर्ग्

śrīmadrāmānujācārya putra nārāyaṇoditam |kalayantu sadā santo'nantāryāṣṭakamādarāt |||| śrīmadanantārya aṣṭaślokī sampūrṇam ||acarya|org