अखण्डानन्ददशकम् Shri Akhandanandadashakam

रामकृष्णगतप्राणमखण्डानन्दनामकम् ।नमामि स्वामिपादं तं शुद्धसत्त्वसमन्वितम् ॥ १॥

rāmakṛṣṇagataprāṇamakhaṇḍānandanāmakam |namāmi svāmipādaṃ taṃ śuddhasattvasamanvitam || 1||

सद्ब्राह्मणकुलोद्भूतं नानागुणविभूषितम् ।वन्दे गङ्गाधरं चाहं बाल्यादेव विवेकिनम् ॥ २॥

sadbrāhmaṇakulodbhūtaṃ nānāguṇavibhūṣitam |vande gaṅgādharaṃ cāhaṃ bālyādeva vivekinam || 2||

अवतारवरिष्ठेन कृपा यस्मिन् स्वतः कृता ।नमस्तस्मै कृतार्थाय नैष्ठिकब्रह्मचारिणे ॥ ३॥

avatāravariṣṭhena kṛpā yasmin svataḥ kṛtā |namastasmai kṛtārthāya naiṣṭhikabrahmacāriṇe || 3||

विषयवीतरागाय संसारत्यागिने तथा ।नमो मायाविमुक्ताय संन्यासव्रतधारिणे ॥ ४॥

viṣayavītarāgāya saṃsāratyāgine tathā |namo māyāvimuktāya saṃnyāsavratadhāriṇe || 4||

साहसेनामितेनैव तीर्थभ्रमेण तत्परम् ।परिव्राजमहं वन्दे युवानमकुतोभयम् ॥ ५॥

sāhasenāmitenaiva tīrthabhrameṇa tatparam |parivrājamahaṃ vande yuvānamakutobhayam || 5||

भ्रमणदति विज्ञं च दीनदुःखेन कातरम् ।नमामि जीवसेवायै सर्वार्थार्पितजीवनम् ॥ ६॥

bhramaṇadati vijñaṃ ca dīnaduḥkhena kātaram |namāmi jīvasevāyai sarvārthārpitajīvanam || 6||

दुर्भिक्ष पीड़ैतानां तु बहुधा प्राणरक्षकम् ।नमामि नित्यं शिरसा अनाथबालसेविनम् ॥ ७॥

durbhikṣa pīड़aitānāṃ tu bahudhā prāṇarakṣakam |namāmi nityaṃ śirasā anāthabālasevinam || 7||

जीवेषु शिवबुद्धिश्चाप्यासीद् यस्य स्वभावतः ।तस्य पादद्वयं चापि वन्दे नित्यं विशेषतः ॥ ८॥

jīveṣu śivabuddhiścāpyāsīd yasya svabhāvataḥ |tasya pādadvayaṃ cāpi vande nityaṃ viśeṣataḥ || 8||

बहूनामाश्रितानां तु भवव्याधिविनाशकम् ।नमामि सङ्घाचार्यं तं सर्वेषां च हितैषिणम् ॥ ९॥

bahūnāmāśritānāṃ tu bhavavyādhivināśakam |namāmi saṅghācāryaṃ taṃ sarveṣāṃ ca hitaiṣiṇam || 9||

परिणामिवयस्येव त्यक्तपूतकलेवरम् ।नौमि गङ्गाधरं चैव रामकृष्णे समाहितम् ॥ १०॥

pariṇāmivayasyeva tyaktapūtakalevaram |naumi gaṅgādharaṃ caiva rāmakṛṣṇe samāhitam || 10||

इति स्वामिभावघनानन्दविरचितं श्रीमदखण्डानन्ददशकम् सम्पूर्णम् ।प्रणाममन्त्रःअखण्डानन्दसिन्धौ यः सततं वै मीनायते ।कर्मयोगातिनिष्ठायाखण्डानन्दाय ते नमः ॥

iti svāmibhāvaghanānandaviracitaṃ śrīmadakhaṇḍānandadaśakam sampūrṇam |praṇāmamantraḥakhaṇḍānandasindhau yaḥ satataṃ vai mīnāyate |karmayogātiniṣṭhāyākhaṇḍānandāya te namaḥ ||