आचार्यप्रपत्तिः Shri Acharyaprapattih

श्रीमत्प्रसन्नमुखमण्डलमुज्ज्वलन्तं,विश्वप्रकाशकृतये जगदाश्रयं तम् ।श्री श्रीनिवासचरितामृतपूर्णपात्रं,श्रीबालदेशिकमहं शरणं प्रपद्ये ॥ १॥

śrīmatprasannamukhamaṇḍalamujjvalantaṃ,viśvaprakāśakṛtaye jagadāśrayaṃ tam |śrī śrīnivāsacaritāmṛtapūrṇapātraṃ,śrībāladeśikamahaṃ śaraṇaṃ prapadye || 1||

निर्हेतुकेन करुणाचरणेन नित्यंलोकस्य सर्वहृदयानि समाविशन्तम् ।विद्वद्विचक्षणविलक्षणभक्तिरम्यंश्रीबालदेशिकमहं शरणं प्रपद्ये ॥ २॥

nirhetukena karuṇācaraṇena nityaṃlokasya sarvahṛdayāni samāviśantam |vidvadvicakṣaṇavilakṣaṇabhaktiramyaṃśrībāladeśikamahaṃ śaraṇaṃ prapadye || 2||

नित्यं प्रसन्नमनसा मनसां मुनीनांसम्मोहनाय धृतचारुचरित्रचर्यम् ।निर्लेपनिमर्दनिरामयमद्वयं तंश्रीबालदेशिकमहं शरणं प्रपद्ये ॥ ३॥

nityaṃ prasannamanasā manasāṃ munīnāṃsammohanāya dhṛtacārucaritracaryam |nirlepanimardanirāmayamadvayaṃ taṃśrībāladeśikamahaṃ śaraṇaṃ prapadye || 3||

योगं परं भगवतः प्रतिपत्तिजातंनारायणस्य जगतीषु विबोधयन्तम् ।विद्या विवृद्धतपसा वपुषा विवृद्धंश्रीबालदेशिकमहं शरणं प्रपद्ये ॥ ४॥

yogaṃ paraṃ bhagavataḥ pratipattijātaṃnārāyaṇasya jagatīṣu vibodhayantam |vidyā vivṛddhatapasā vapuṣā vivṛddhaṃśrībāladeśikamahaṃ śaraṇaṃ prapadye || 4||

सुप्रातरेव सततं परिहाय शय्यांप्रेयां समादरभरेण हरिं स्तुवन्तम् ।स्वाध्यायपाठनिरतं विरतं विवादैःश्रीबालदेशिकमहं शरणं प्रपद्ये ॥ ५॥

suprātareva satataṃ parihāya śayyāṃpreyāṃ samādarabhareṇa hariṃ stuvantam |svādhyāyapāṭhanirataṃ virataṃ vivādaiḥśrībāladeśikamahaṃ śaraṇaṃ prapadye || 5||

कृत्वा क्रियाः सपठनाः पटुना क्रमेणसान्ध्यं समाप्य सकलं च तदाश्रयेण ।सत्कृत्य चातिथिकुलं सुखमास्थितं तंश्रीबालदेशिकमहं शरणं प्रपद्ये ॥ ६॥

kṛtvā kriyāḥ sapaṭhanāḥ paṭunā krameṇasāndhyaṃ samāpya sakalaṃ ca tadāśrayeṇa |satkṛtya cātithikulaṃ sukhamāsthitaṃ taṃśrībāladeśikamahaṃ śaraṇaṃ prapadye || 6||

नानारससमृद्धपरिचारकपाणिपात्रैःसम्प्रार्थिताङ्घ्रिरजसं परमादरेणश्री श्रीपतेरपि सदा मनसोऽनुरूपंश्रीबालदेशिकमहं शरणं प्रपद्ये ॥ ७॥

nānārasasamṛddhaparicārakapāṇipātraiḥsamprārthitāṅghrirajasaṃ paramādareṇaśrī śrīpaterapi sadā manaso'nurūpaṃśrībāladeśikamahaṃ śaraṇaṃ prapadye || 7||

धर्मप्रधानचरितैर्व्यपनीय कालंमाध्याह्निकं परिसमाप्य यथा क्रमेण ।किञ्चिद्विरम्य पठकानपि पाठयन्तंश्रीमन्मुकुन्दगुरुमन्वहमाश्रयामि ॥ ८॥

dharmapradhānacaritairvyapanīya kālaṃmādhyāhnikaṃ parisamāpya yathā krameṇa |kiñcidviramya paṭhakānapi pāṭhayantaṃśrīmanmukundagurumanvahamāśrayāmi || 8||

अध्यास्य लोकमुपदिश्य हितोपदेशान्सम्भाष्य भूसुरगणान्समुपास्य सन्ध्याम् ।नीराजने भगवतः कृतचित्तमार्यंश्रीमन्मुकुन्दगुरुमन्वहमाश्रयामि ॥ ९॥

adhyāsya lokamupadiśya hitopadeśānsambhāṣya bhūsuragaṇānsamupāsya sandhyām |nīrājane bhagavataḥ kṛtacittamāryaṃśrīmanmukundagurumanvahamāśrayāmi || 9||

श्रीभारतेन किल भागवतेन वापिश्रीसाम्प्रदायिकनिबन्धशतैस्तथान्यैः ।रामायणादिचरितै रजनीं नयन्तंश्रीमन्मुकुन्दगुरुमन्वहमाश्रयामि ॥ १०॥

śrībhāratena kila bhāgavatena vāpiśrīsāmpradāyikanibandhaśataistathānyaiḥ |rāmāyaṇādicaritai rajanīṃ nayantaṃśrīmanmukundagurumanvahamāśrayāmi || 10||

होराचतुष्टयविवक्षितमध्यरात्रेयोगं दधान इव यः प्रतियाति नीचम् ।तं सर्वभव्यविभवैर्भुवि भासमानंश्रीमन्मुकुन्दगुरुमन्वहमाश्रयामि ॥ ११॥

horācatuṣṭayavivakṣitamadhyarātreyogaṃ dadhāna iva yaḥ pratiyāti nīcam |taṃ sarvabhavyavibhavairbhuvi bhāsamānaṃśrīmanmukundagurumanvahamāśrayāmi || 11||

सौशील्यमङ्गलगुणैः समलङ्कृतं तंसद्भाववर्तनविधिं प्रदिशन्तमुच्चैः ।आचार्यवृत्तविकसत्सुयशो मयूखंश्रीमन्मुकुन्दगुरुमन्वहमाश्रयामि ॥ १२॥

sauśīlyamaṅgalaguṇaiḥ samalaṅkṛtaṃ taṃsadbhāvavartanavidhiṃ pradiśantamuccaiḥ |ācāryavṛttavikasatsuyaśo mayūkhaṃśrīmanmukundagurumanvahamāśrayāmi || 12||

श्रीडीडवानपुरतः प्रकटीभवन्तंश्रीरामधाम बहुधा च समाश्रयन्तम् ।श्रीमद्घनाभगुरुमञ्जुलपुण्यपुञ्जंश्रीमन्मुकुन्दगुरुमन्वहमाश्रयामि ॥ १३॥

śrīḍīḍavānapurataḥ prakaṭībhavantaṃśrīrāmadhāma bahudhā ca samāśrayantam |śrīmadghanābhagurumañjulapuṇyapuñjaṃśrīmanmukundagurumanvahamāśrayāmi || 13||

इत्यात्मबोधरसिकस्य गुरोर्नवीनांदासेन रामकविना रचितां प्रपत्तिम् ।प्रीत्या प्रभातसमये पठतां जनानांकल्याणकल्पलतिका वितता भवन्ति ॥ १४॥

ityātmabodharasikasya gurornavīnāṃdāsena rāmakavinā racitāṃ prapattim |prītyā prabhātasamaye paṭhatāṃ janānāṃkalyāṇakalpalatikā vitatā bhavanti || 14||

इति श्री आचार्यप्रपत्तिः ॥

iti śrī ācāryaprapattiḥ ||