गङ्गाष्टोत्तरशतनामस्तोत्रम् Shri Ganga Ashtottarashatanamastotram

ध्यानम् ।सितमकरनिषण्णां शुभ्रवर्णां त्रिनेत्रांकरधृतकलशोद्यत्सोत्पलामत्यभीष्टाम् ।विधिहरिहररूपां सेन्दुकोटीरचूडांकलितसितदुकूलां जाह्नवीं तां नमामि ॥अथ स्तोत्रम् ।श्रीनारद उवाच ।गङ्गा नाम परं पुण्यं कथितं परमेश्वर ।नामानि कति शस्तानि गङ्गायाः प्रणिशंस मे ॥ १॥

dhyānam |sitamakaraniṣaṇṇāṃ śubhravarṇāṃ trinetrāṃkaradhṛtakalaśodyatsotpalāmatyabhīṣṭām |vidhiharihararūpāṃ sendukoṭīracūḍāṃkalitasitadukūlāṃ jāhnavīṃ tāṃ namāmi ||atha stotram |śrīnārada uvāca |gaṅgā nāma paraṃ puṇyaṃ kathitaṃ parameśvara |nāmāni kati śastāni gaṅgāyāḥ praṇiśaṃsa me || 1||

श्रीमहादेव उवाच ।नाम्नां सहस्रमध्ये तु नामाष्टशतमुत्तमम् ।जाह्नव्या मुनिशार्दूल तानि मे शृणु तत्त्वतः ॥ २॥

śrīmahādeva uvāca |nāmnāṃ sahasramadhye tu nāmāṣṭaśatamuttamam |jāhnavyā muniśārdūla tāni me śṛṇu tattvataḥ || 2||

गङ्गा त्रिपथगा देवी शम्भुमौलिविहारिणी ।जाह्नवी पापहन्त्री च महापातकनाशिनी ॥ ३॥

gaṅgā tripathagā devī śambhumaulivihāriṇī |jāhnavī pāpahantrī ca mahāpātakanāśinī || 3||

पतितोद्धारिणी स्रोतस्वती परमवेगिनी ।विष्णुपादाब्जसम्भूता विष्णुदेहकृतालया ॥ ४॥

patitoddhāriṇī srotasvatī paramaveginī |viṣṇupādābjasambhūtā viṣṇudehakṛtālayā || 4||

स्वर्गाब्धिनिलया साध्वी स्वर्णदी सुरनिम्नगा ।मन्दाकिनी महावेगा स्वर्णशृङ्गप्रभेदिनी ॥ ५॥

svargābdhinilayā sādhvī svarṇadī suranimnagā |mandākinī mahāvegā svarṇaśṛṅgaprabhedinī || 5||

देवपूज्यतमा दिव्या दिव्यस्थाननिवासिनी ।सुचारुनीररुचिरा महापर्वतभेदिनी ॥ ६॥

devapūjyatamā divyā divyasthānanivāsinī |sucārunīrarucirā mahāparvatabhedinī || 6||

भागीरथी भगवती महामोक्षप्रदायिनी ।सिन्धुसङ्गगता शुद्धा रसातलनिवासिनी ॥ ७॥

bhāgīrathī bhagavatī mahāmokṣapradāyinī |sindhusaṅgagatā śuddhā rasātalanivāsinī || 7||

महाभोगा भोगवती सुभगानन्ददायिनी ।महापापहरा पुण्या परमाह्लाददायिनी ॥ ८॥

mahābhogā bhogavatī subhagānandadāyinī |mahāpāpaharā puṇyā paramāhlādadāyinī || 8||

पार्वती शिवपत्नी च शिवशीर्षगतालया ।शम्भोर्जटामध्यगता निर्मला निर्मलानना ॥ ९॥

pārvatī śivapatnī ca śivaśīrṣagatālayā |śambhorjaṭāmadhyagatā nirmalā nirmalānanā || 9||

महाकलुषहन्त्री च जह्नुपुत्री जगत्प्रिया ।त्रैलोक्यपावनी पूर्णा पूर्णब्रह्मस्वरूपिणी ॥ १०॥

mahākaluṣahantrī ca jahnuputrī jagatpriyā |trailokyapāvanī pūrṇā pūrṇabrahmasvarūpiṇī || 10||

जगत्पूज्यतमा चारुरूपिणी जगदम्बिका ।लोकानुग्रहकर्त्री च सर्वलोकदयापरा ॥ ११॥

jagatpūjyatamā cārurūpiṇī jagadambikā |lokānugrahakartrī ca sarvalokadayāparā || 11||

याम्यभीतिहरा तारा पारा संसारतारिणी ।ब्रह्माण्डभेदिनी ब्रह्मकमण्डलुकृतालया ॥ १२॥

yāmyabhītiharā tārā pārā saṃsāratāriṇī |brahmāṇḍabhedinī brahmakamaṇḍalukṛtālayā || 12||

सौभाग्यदायिनी पुंसां निर्वाणपददायिनी ।अचिन्त्यचरिता चारुरुचिरातिमनोहरा ॥ १३॥

saubhāgyadāyinī puṃsāṃ nirvāṇapadadāyinī |acintyacaritā cārurucirātimanoharā || 13||

मर्त्यस्था मृत्युभयहा स्वर्गमोक्षप्रदायिनी ।पापापहारिणी दूरचारिणी वीचिधारिणी ॥ १४॥

martyasthā mṛtyubhayahā svargamokṣapradāyinī |pāpāpahāriṇī dūracāriṇī vīcidhāriṇī || 14||

कारुण्यपूर्णा करुणामयी दुरितनाशिनी ।गिरिराजसुता गौरीभगिनी गिरिशप्रिया ॥ १५॥

kāruṇyapūrṇā karuṇāmayī duritanāśinī |girirājasutā gaurībhaginī giriśapriyā || 15||

मेनकागर्भसम्भूता मैनाकभगिनीप्रिया ।आद्या त्रिलोकजननी त्रैलोक्यपरिपालिनी ॥ १६॥

menakāgarbhasambhūtā mainākabhaginīpriyā |ādyā trilokajananī trailokyaparipālinī || 16||

तीर्थश्रेष्ठतमा श्रेष्ठा सर्वतीर्थमयी शुभा ।चतुर्वेदमयी सर्वा पितृसन्तृप्तिदायिनी ॥ १७॥

tīrthaśreṣṭhatamā śreṣṭhā sarvatīrthamayī śubhā |caturvedamayī sarvā pitṛsantṛptidāyinī || 17||

शिवदा शिवसायुज्यदायिनी शिववल्लभा ।तेजस्विनी त्रिनयना त्रिलोचनमनोरमा ॥ १८॥

śivadā śivasāyujyadāyinī śivavallabhā |tejasvinī trinayanā trilocanamanoramā || 18||

सप्तधारा शतमुखी सगरान्वयतारिणी ।मुनिसेव्या मुनिसुता जह्नुजानुप्रभेदिनी ॥ १९॥

saptadhārā śatamukhī sagarānvayatāriṇī |munisevyā munisutā jahnujānuprabhedinī || 19||

मकरस्था सर्वगता सर्वाशुभनिवारिणी ।सुदृश्या चाक्षुषीतृप्तिदायिनी मकरालया ॥ २०॥

makarasthā sarvagatā sarvāśubhanivāriṇī |sudṛśyā cākṣuṣītṛptidāyinī makarālayā || 20||

सदानन्दमयी नित्यानन्ददा नगपूजिता ।सर्वदेवाधिदेवैश्च परिपूज्यपदाम्बुजा ॥ २१॥

sadānandamayī nityānandadā nagapūjitā |sarvadevādhidevaiśca paripūjyapadāmbujā || 21||

एतानि मुनिशार्दूल नामानि कथितानि ते ।शस्तानि जाह्नवीदेव्याः सर्वपापहराणि च ॥ २२॥

etāni muniśārdūla nāmāni kathitāni te |śastāni jāhnavīdevyāḥ sarvapāpaharāṇi ca || 22||

य इदं पठते भक्त्या प्रातरुत्थाय नारद ।गङ्गायाः परमं पुण्यं नामाष्टशतमेव हि ॥ २३॥

ya idaṃ paṭhate bhaktyā prātarutthāya nārada |gaṅgāyāḥ paramaṃ puṇyaṃ nāmāṣṭaśatameva hi || 23||

तस्य पापानि नश्यन्ति ब्रह्महत्यादिकान्यपि ।आरोग्यमतुलं सौख्यं लभते नात्र संशयः ॥ २४॥

tasya pāpāni naśyanti brahmahatyādikānyapi |ārogyamatulaṃ saukhyaṃ labhate nātra saṃśayaḥ || 24||

यत्र कुत्रापि संस्नायात्पठेत्स्तोत्रमनुत्तमम् ।तत्रैव गङ्गास्नानस्य फलं प्राप्नोति निश्चितम् ॥ २५॥

yatra kutrāpi saṃsnāyātpaṭhetstotramanuttamam |tatraiva gaṅgāsnānasya phalaṃ prāpnoti niścitam || 25||

प्रत्यहं प्रपठेदेतद् गङ्गानामशताष्टकम् ।सोऽन्ते गङ्गामनुप्राप्य प्रयाति परमं पदम् ॥ २६॥

pratyahaṃ prapaṭhedetad gaṅgānāmaśatāṣṭakam |so'nte gaṅgāmanuprāpya prayāti paramaṃ padam || 26||

गङ्गायां स्नानसमये यः पठेद्भक्तिसंयुतः ।सोऽश्वमेधसहस्राणां फलमाप्नोति मानवः ॥ २७॥

gaṅgāyāṃ snānasamaye yaḥ paṭhedbhaktisaṃyutaḥ |so'śvamedhasahasrāṇāṃ phalamāpnoti mānavaḥ || 27||

गवामयुतदानस्य यत्फलं समुदीरितम् ।तत्फलं समवाप्नोति पञ्चम्यां प्रपठन्नरः ॥ २८॥

gavāmayutadānasya yatphalaṃ samudīritam |tatphalaṃ samavāpnoti pañcamyāṃ prapaṭhannaraḥ || 28||

कार्तिक्यां पौर्णमास्यां तु स्नात्वा सगरसङ्गमे ।यः पठेत्स महेशत्वं याति सत्यं न संशयः ॥ २९॥

kārtikyāṃ paurṇamāsyāṃ tu snātvā sagarasaṅgame |yaḥ paṭhetsa maheśatvaṃ yāti satyaṃ na saṃśayaḥ || 29||

॥ इति श्रीमहाभागवते महापुराणे श्रीगङ्गाष्टोत्तरशतनामस्तोत्रं सम्पूर्णम् ॥

|| iti śrīmahābhāgavate mahāpurāṇe śrīgaṅgāṣṭottaraśatanāmastotraṃ sampūrṇam ||