विघ्नेश्वराष्टोत्तरशतनामस्तोत्रम् अथवा विनायकाष्टोत्तरशतनामस्तोत्रम् Shri Vighneshvara Ashtottarashatanama Stotram

ॐ विनायको विघ्नराजो गौरीपुत्रो गणेश्वरः ।स्कन्दाग्रजोऽव्ययो पूतो दक्षोऽध्यक्षो द्विजप्रियः ॥ १॥

oṃ vināyako vighnarājo gaurīputro gaṇeśvaraḥ |skandāgrajo'vyayo pūto dakṣo'dhyakṣo dvijapriyaḥ || 1||

अग्निगर्भच्छिदिन्द्रश्रीप्रदो वाणीबलप्रदः ।सर्वसिद्धिप्रदश्शर्वतनयः शर्वरीप्रियः ॥ २॥

agnigarbhacchidindraśrīprado vāṇībalapradaḥ |sarvasiddhipradaśśarvatanayaḥ śarvarīpriyaḥ || 2||

सर्वात्मकः सृष्टिकर्ता देवोऽनेकार्चितश्शिवः ।शुद्धो बुद्धिप्रियश्शान्तो ब्रह्मचारी गजाननः ॥ ३॥

sarvātmakaḥ sṛṣṭikartā devo'nekārcitaśśivaḥ |śuddho buddhipriyaśśānto brahmacārī gajānanaḥ || 3||

द्वैमात्रेयो मुनिस्तुत्यो भक्तविघ्नविनाशनः ।एकदन्तश्चतुर्बाहुश्चतुरश्शक्तिसंयुतः ॥ ४॥

dvaimātreyo munistutyo bhaktavighnavināśanaḥ |ekadantaścaturbāhuścaturaśśaktisaṃyutaḥ || 4||

लम्बोदरश्शूर्पकर्णो हरिर्ब्रह्म विदुत्तमः ।कालो ग्रहपतिः कामी सोमसूर्याग्निलोचनः ॥ ५॥

lambodaraśśūrpakarṇo harirbrahma viduttamaḥ |kālo grahapatiḥ kāmī somasūryāgnilocanaḥ || 5||

पाशाङ्कुशधरश्चण्डो गुणातीतो निरञ्जनः ।अकल्मषस्स्वयंसिद्धस्सिद्धार्चितपदाम्बुजः ॥ ६॥

pāśāṅkuśadharaścaṇḍo guṇātīto nirañjanaḥ |akalmaṣassvayaṃsiddhassiddhārcitapadāmbujaḥ || 6||

बीजपूरफलासक्तो वरदश्शाश्वतः कृतिः ।द्विजप्रियो वीतभयो गदी चक्रीक्षुचापधृत् ॥ ७॥ विद्वत्प्रियो

bījapūraphalāsakto varadaśśāśvataḥ kṛtiḥ |dvijapriyo vītabhayo gadī cakrīkṣucāpadhṛt || 7|| vidvatpriyo

श्रीदोऽजोत्पलकरः श्रीपतिः स्तुतिहर्षितः ।कुलाद्रिभेत्ता जटिलः कलिकल्मषनाशनः ॥ ८॥

śrīdo'jotpalakaraḥ śrīpatiḥ stutiharṣitaḥ |kulādribhettā jaṭilaḥ kalikalmaṣanāśanaḥ || 8||

चन्द्रचूडामणिः कान्तः पापहारी समाहितः ।आश्रितश्श्रीकरस्सौम्यो भक्तवाञ्छितदायकः ॥ ९॥

candracūḍāmaṇiḥ kāntaḥ pāpahārī samāhitaḥ |āśritaśśrīkarassaumyo bhaktavāñchitadāyakaḥ || 9||

शान्तः कैवल्यसुखदस्सच्चिदानन्दविग्रहः ।ज्ञानी दयायुतो दान्तो ब्रह्म द्वेषविवर्जितः ॥१०॥

śāntaḥ kaivalyasukhadassaccidānandavigrahaḥ |jñānī dayāyuto dānto brahma dveṣavivarjitaḥ ||10||

प्रमत्तदैत्यभयदः श्रीकण्ट्ःओ विबुधेश्वरः ।रमार्चितोविधिर्नागराजयज्ञोपवीतकः ॥११॥

pramattadaityabhayadaḥ śrīkaṇṭḥo vibudheśvaraḥ |ramārcitovidhirnāgarājayajñopavītakaḥ ||11||

स्थूलकण्ठः स्वयङ्कर्ता सामघोषप्रियः परः ।स्थूलतुण्डोऽग्रणीर्धीरो वागीशस्सिद्धिदायकः ॥ १२॥

sthūlakaṇṭhaḥ svayaṅkartā sāmaghoṣapriyaḥ paraḥ |sthūlatuṇḍo'graṇīrdhīro vāgīśassiddhidāyakaḥ || 12||

दूर्वाबिल्वप्रियोऽव्यक्तमूर्तिरद्भुतमूर्तिमान् ।शैलेन्द्रतनुजोत्सङ्गखेलनोत्सुकमानसः ॥ १३॥

dūrvābilvapriyo'vyaktamūrtiradbhutamūrtimān |śailendratanujotsaṅgakhelanotsukamānasaḥ || 13||

स्वलावण्यसुधासारो जितमन्मथविग्रहः ।समस्तजगदाधारो मायी मूषकवाहनः ॥१४॥

svalāvaṇyasudhāsāro jitamanmathavigrahaḥ |samastajagadādhāro māyī mūṣakavāhanaḥ ||14||

हृष्टस्तुष्टः प्रसन्नात्मा सर्वसिद्धिप्रदायकः ।अष्टोत्तरशतेनैवं नाम्नां विघ्नेश्वरं विभुं ॥ १५॥

hṛṣṭastuṣṭaḥ prasannātmā sarvasiddhipradāyakaḥ |aṣṭottaraśatenaivaṃ nāmnāṃ vighneśvaraṃ vibhuṃ || 15||

तुष्टाव शङ्करः पुत्रं त्रिपुरं हन्तुमुत्यतः ।यः पूजयेदनेनैव भक्त्या सिद्धिविनायकम् ॥१६॥

tuṣṭāva śaṅkaraḥ putraṃ tripuraṃ hantumutyataḥ |yaḥ pūjayedanenaiva bhaktyā siddhivināyakam ||16||

दूर्वादलैर्बिल्वपत्रैः पुष्पैर्वा चन्दनाक्षतैः ।सर्वान्कामानवाप्नोति सर्वविघ्नैः प्रमुच्यते ॥इति श्रीविघ्नेश्वराष्टोत्तरशतनामस्तोत्रं सम्पूर्णम् ।विनायकाष्टोत्तरशतनामस्तोत्रम्

dūrvādalairbilvapatraiḥ puṣpairvā candanākṣataiḥ |sarvānkāmānavāpnoti sarvavighnaiḥ pramucyate ||iti śrīvighneśvarāṣṭottaraśatanāmastotraṃ sampūrṇam |vināyakāṣṭottaraśatanāmastotram