गणेशाष्टोत्तरशतनामस्तोत्रम् १ Shri Ganesha Ashtottarashatanama Stotram

श्रीगणेशाय नमः ।यम उवाच ।मन्दारमालाशमिकाष्ठजा च यस्यैव देहे भवति प्रमाणम् ।पुष्पं तयोः पत्रयुतं च शूराः सन्त्यज्य दूरं चरत प्रभीताः ॥ ३३॥

śrīgaṇeśāya namaḥ |yama uvāca |mandāramālāśamikāṣṭhajā ca yasyaiva dehe bhavati pramāṇam |puṣpaṃ tayoḥ patrayutaṃ ca śūrāḥ santyajya dūraṃ carata prabhītāḥ || 33||

दूर्वायुतं विघ्नहरस्य गाथां सङ्गायमानं यदि पापयुक्तम् ।पूजादिकारं गणनायकस्य सन्त्यज्य दूरं चरत प्रभीताः ॥ ३४॥

dūrvāyutaṃ vighnaharasya gāthāṃ saṅgāyamānaṃ yadi pāpayuktam |pūjādikāraṃ gaṇanāyakasya santyajya dūraṃ carata prabhītāḥ || 34||

(अष्टोत्तरशतनामस्तोत्रं प्रारभ्यते)ॐ गणेश हेरम्ब गजाननेति महोदर स्वानुभवप्रकाशिन् ।वरिष्ठ सिद्धिप्रिय बुद्धिनाथ वदन्तमेवं त्यजत प्रभीताः ॥ ३५॥

(aṣṭottaraśatanāmastotraṃ prārabhyate)oṃ gaṇeśa heramba gajānaneti mahodara svānubhavaprakāśin |variṣṭha siddhipriya buddhinātha vadantamevaṃ tyajata prabhītāḥ || 35||

अनेकविघ्नान्तक वक्रतुण्ड स्वसंज्ञवासिंश्च चतुर्भुजेति ।कवीश देवान्तकनाशकारिन् वदन्तमेवं त्यजत प्रभीताः ॥ ३६॥

anekavighnāntaka vakratuṇḍa svasaṃjñavāsiṃśca caturbhujeti |kavīśa devāntakanāśakārin vadantamevaṃ tyajata prabhītāḥ || 36||

महेशसूनो गजदैत्यशत्रो वरेण्यसूनो विकट त्रिनेत्र ।परेश धरणीधर एकदन्त वदन्तमेवं त्यजत प्रभीताः ॥ ३७॥ धरणीधर वर् पृथ्वीधर

maheśasūno gajadaityaśatro vareṇyasūno vikaṭa trinetra |pareśa dharaṇīdhara ekadanta vadantamevaṃ tyajata prabhītāḥ || 37|| dharaṇīdhara var pṛthvīdhara

प्रमोदमोदेति नरान्तकारे षडूर्मिहन्तर्गजकर्ण ढुण्ढे ।द्वन्द्वारिसिन्धौ स्थिरभावकारिन् वदन्तमेवं त्यजत प्रभीताः ॥ ३८॥

pramodamodeti narāntakāre ṣaḍūrmihantargajakarṇa ḍhuṇḍhe |dvandvārisindhau sthirabhāvakārin vadantamevaṃ tyajata prabhītāḥ || 38||

विनायक ज्ञानविघातशत्रो पराशरस्यात्मज विष्णुपुत्र ।अनादिपूज्याखुग सर्वपूज्य वदन्तमेवं त्यजत प्रभीताः ॥ ३९॥

vināyaka jñānavighātaśatro parāśarasyātmaja viṣṇuputra |anādipūjyākhuga sarvapūjya vadantamevaṃ tyajata prabhītāḥ || 39||

विधेर्ज लम्बोदर धूम्रवर्ण मयूरपालेति मयूरवाहिन् । विधेर्ज वर् वैरिञ्च्यसुरासुरैः सेवितपादपद्म वदन्तमेवं त्यजत प्रभीताः ॥ ४०॥

vidherja lambodara dhūmravarṇa mayūrapāleti mayūravāhin | vidherja var vairiñcyasurāsuraiḥ sevitapādapadma vadantamevaṃ tyajata prabhītāḥ || 40||

वरिन् महाखुध्वज शूर्पकर्ण शिवाज सिंहस्थ अनन्तवाह ।दितौज विघ्नेश्वर शेषनाभे वदन्तमेवं त्यजत प्रभीताः ॥ ४१॥

varin mahākhudhvaja śūrpakarṇa śivāja siṃhastha anantavāha |ditauja vighneśvara śeṣanābhe vadantamevaṃ tyajata prabhītāḥ || 41||

अणोरणीयन् महतो महीयन् रवेर्ज योगेश वरिष्ठराज ।निधीश मन्त्रेश च शेषपुत्र वदन्तमेवं त्यजत प्रभीताः ॥ ४२॥

aṇoraṇīyan mahato mahīyan raverja yogeśa variṣṭharāja |nidhīśa mantreśa ca śeṣaputra vadantamevaṃ tyajata prabhītāḥ || 42||

वरप्रदातर्ह्यदितेश्च सूनो पराशरज्ञानद तारवक्त्र । पराशरज्ञानद वर् परात्पर, ज्ञानदगुहाग्रज ब्रह्मप पार्श्वपुत्र वदन्तमेवं त्यजत प्रभीताः ॥ ४३॥

varapradātarhyaditeśca sūno parāśarajñānada tāravaktra | parāśarajñānada var parātpara, jñānadaguhāgraja brahmapa pārśvaputra vadantamevaṃ tyajata prabhītāḥ || 43||

सिन्धोश्च शत्रो परशुप्रपाणे शमीश पुष्पप्रिय विघ्नहारिन् ।दूर्वाभरैरर्चित देवदेव वदन्तमेवं त्यजत प्रभीताः ॥ ४४॥

sindhośca śatro paraśuprapāṇe śamīśa puṣpapriya vighnahārin |dūrvābharairarcita devadeva vadantamevaṃ tyajata prabhītāḥ || 44||

धियः प्रदातश्च शमीप्रियेति सुसिद्धिदातश्च सुशान्तिदातः ।अमेयमायामितविक्रमेति वदन्तमेवं त्यजत प्रभीताः ॥ ४५॥

dhiyaḥ pradātaśca śamīpriyeti susiddhidātaśca suśāntidātaḥ |ameyamāyāmitavikrameti vadantamevaṃ tyajata prabhītāḥ || 45||

द्विधा चतुर्थीप्रिय कश्यपाज्ज धनप्रद ज्ञानप्रद प्रकाश ।चिन्तामणे चित्तविहारकारिन् वदन्तमेवं त्यजत प्रभीताः ॥ ४६॥

dvidhā caturthīpriya kaśyapājja dhanaprada jñānaprada prakāśa |cintāmaṇe cittavihārakārin vadantamevaṃ tyajata prabhītāḥ || 46||

यमस्य शत्रो अभिमानशत्रो विधेर्जहन्तः कपिलस्य सूनो । विधेर्जहन्तः वर् विघ्नौघहन्तःविदेह स्वानन्द अयोगयोग वदन्तमेवं त्यजत प्रभीताः ॥ ४७॥

yamasya śatro abhimānaśatro vidherjahantaḥ kapilasya sūno | vidherjahantaḥ var vighnaughahantaḥvideha svānanda ayogayoga vadantamevaṃ tyajata prabhītāḥ || 47||

गणस्य शत्रो कमलस्य शत्रो समस्थ भावज्ञ च भालचन्द्र । समस्थ भावज्ञ वर् समस्तभावज्ञअनादिमध्यान्तमयप्रचारिन् वदन्तमेवं त्यजत प्रभीताः ॥ ४८॥

gaṇasya śatro kamalasya śatro samastha bhāvajña ca bhālacandra | samastha bhāvajña var samastabhāvajñaanādimadhyāntamayapracārin vadantamevaṃ tyajata prabhītāḥ || 48||

विभो जगद्रूप गुणेश भूमन् पुष्टेः पते आखुगतेति बोध ।कर्तश्च पातश्च तु संहरेति वदन्तमेवं त्यजत प्रभीताः ॥ ४९॥

vibho jagadrūpa guṇeśa bhūman puṣṭeḥ pate ākhugateti bodha |kartaśca pātaśca tu saṃhareti vadantamevaṃ tyajata prabhītāḥ || 49||

(फलश्रुतिः)इदमष्टोत्तरशतं नाम्नां तत् प्रपठन्ति ये ।शृण्वन्ति तेषु कुरुत भीता मा वै प्रवेशनम् ॥ ५०॥

(phalaśrutiḥ)idamaṣṭottaraśataṃ nāmnāṃ tat prapaṭhanti ye |śṛṇvanti teṣu kuruta bhītā mā vai praveśanam || 50||

भुक्तिमुक्तिप्रदं ढुण्ढेर्धनधान्यप्रवर्धनम् ।ब्रह्मभूयकरं स्तोत्रं जपतो नित्यमादरात् ॥ ५१॥

bhuktimuktipradaṃ ḍhuṇḍherdhanadhānyapravardhanam |brahmabhūyakaraṃ stotraṃ japato nityamādarāt || 51||

यत्र कुत्र गणेशस्य चिह्नयुक्तानि वै भटाः ।धामानि तत्र कुरुत सम्भीता मा प्रवेशनम् ॥ ५२॥

yatra kutra gaṇeśasya cihnayuktāni vai bhaṭāḥ |dhāmāni tatra kuruta sambhītā mā praveśanam || 52||

तेन संस्थापिताः सर्वे स्वस्वकार्येषु सेवकाः ।केशाद्यास्तत्र के यूयं वयं भजत तं सदा ॥ ५३॥

tena saṃsthāpitāḥ sarve svasvakāryeṣu sevakāḥ |keśādyāstatra ke yūyaṃ vayaṃ bhajata taṃ sadā || 53||

एवमुक्त्वा यमः सर्वान् किङ्करान् मौनमादधे ।यामाः सर्वे गणेशानं भजते भावसंयुताः ॥ ५४॥

evamuktvā yamaḥ sarvān kiṅkarān maunamādadhe |yāmāḥ sarve gaṇeśānaṃ bhajate bhāvasaṃyutāḥ || 54||

इदं शमीभवं पुण्यं माहात्म्यं यः शृणोति चेत् ।पठति सिद्धिदं तस्य मन्दारस्य भविष्यति ॥ ५५॥

idaṃ śamībhavaṃ puṇyaṃ māhātmyaṃ yaḥ śṛṇoti cet |paṭhati siddhidaṃ tasya mandārasya bhaviṣyati || 55||

ओमिति श्रीमदान्त्ये पुराणोपनिषदि श्रीमन्मौद्गलेमहापुराणे पञ्चमे खण्डे लम्बोदरचरिते शमीमन्दारस्पर्शमहिमावर्णनं नाम षड्विंशतितमाऽध्यायान्तर्गतं यमकृतंश्रीगणेशाष्टोत्तरशतनामस्तोत्रं समाप्तम् ॥॥ मुद्गलपुराणं पञ्चमः खण्डः । अध्यायः २६ । ५\।२६। ३३५५॥– ॥ मुद्गलपुराणं पञ्चमः खण्डः । अध्यायः २६ । ५।२६। ३३-५५॥

omiti śrīmadāntye purāṇopaniṣadi śrīmanmaudgalemahāpurāṇe pañcame khaṇḍe lambodaracarite śamīmandārasparśamahimāvarṇanaṃ nāma ṣaḍviṃśatitamā'dhyāyāntargataṃ yamakṛtaṃśrīgaṇeśāṣṭottaraśatanāmastotraṃ samāptam |||| mudgalapurāṇaṃ pañcamaḥ khaṇḍaḥ | adhyāyaḥ 26 | 5\|26| 3355||– || mudgalapurāṇaṃ pañcamaḥ khaṇḍaḥ | adhyāyaḥ 26 | 5|26| 33-55||