गणेशाष्टोत्तरशतनामस्तोत्रम् ६ Shri Ganesha Ashtottarashata Nama Stotram 6

सूर्य उवाचइक्षुसागरमध्यस्थो निजलोकनिवासकृत् ।स्वानन्दभवनाधीशो निजानन्दगृहस्थितः ॥ १॥

sūrya uvācaikṣusāgaramadhyastho nijalokanivāsakṛt |svānandabhavanādhīśo nijānandagṛhasthitaḥ || 1||

चिन्तामणिमण्डपस्थो दिव्यसिंहासनाश्रयः ।पद्मकिञ्जल्कसंविष्टः स्वयञ्ज्योतिस्स्वरूपवान् ॥ २॥

cintāmaṇimaṇḍapastho divyasiṃhāsanāśrayaḥ |padmakiñjalkasaṃviṣṭaḥ svayañjyotissvarūpavān || 2||

तीव्राशिरोधृतपदो ज्वालिनीमौलिलालितः ।नन्दानन्दितपीठश्रीः भोगदाभूषितासनः ॥ ३॥

tīvrāśirodhṛtapado jvālinīmaulilālitaḥ |nandānanditapīṭhaśrīḥ bhogadābhūṣitāsanaḥ || 3||

सकामदायिनीपीठः स्फुरदुग्रासनाश्रयः ।तेजोवतीशिरोरत्नं सत्यानित्यावतंसितः ॥ ४॥

sakāmadāyinīpīṭhaḥ sphuradugrāsanāśrayaḥ |tejovatīśiroratnaṃ satyānityāvataṃsitaḥ || 4||

सविघ्ननाशिनीपीठः सर्वशक्त्यम्बुजे स्थितः ।ज्योतिर्मध्ये सुखासीनः तत्त्वम्पदसुविग्रहः ॥ ५॥

savighnanāśinīpīṭhaḥ sarvaśaktyambuje sthitaḥ |jyotirmadhye sukhāsīnaḥ tattvampadasuvigrahaḥ || 5||

जपाकुसुमसङ्काशः शुण्डादण्डविराजितः ।गजाननो ब्रह्ममूर्द्धा जगद्देहश्शुचिस्मितः ॥ ६॥

japākusumasaṅkāśaḥ śuṇḍādaṇḍavirājitaḥ |gajānano brahmamūrddhā jagaddehaśśucismitaḥ || 6||

कुटिलालकशोभाढ्यः सोमसूर्याग्निलोचनः ।फालचन्द्रश्शूर्पकर्णो दन्तद्वयविराजितः ॥ ७॥

kuṭilālakaśobhāḍhyaḥ somasūryāgnilocanaḥ |phālacandraśśūrpakarṇo dantadvayavirājitaḥ || 7||

स्तबकाकारकुम्भाग्रो लम्बोष्ठो लम्बनासिकः ।ह्रस्वनेत्रत्रयो लम्बकर्णो निबिडमस्तकः ॥ ८॥

stabakākārakumbhāgro lamboṣṭho lambanāsikaḥ |hrasvanetratrayo lambakarṇo nibiḍamastakaḥ || 8||

कम्बुकण्ठो बृहद्बाहुः पीनवक्षाः पिचण्डिलः ।निम्ननाभिश्चतुर्बाहुः स्थूलोरुः प्रोन्नमत्कटिः ॥ ९॥

kambukaṇṭho bṛhadbāhuḥ pīnavakṣāḥ picaṇḍilaḥ |nimnanābhiścaturbāhuḥ sthūloruḥ pronnamatkaṭiḥ || 9||

श्लिष्टजानुः पीनजङ्घः पद्मपादद्वयान्वितः ।उन्नतप्रपदो गूढगुल्फस्संवृतपार्ष्णिकः ॥ १०॥

śliṣṭajānuḥ pīnajaṅghaḥ padmapādadvayānvitaḥ |unnataprapado gūḍhagulphassaṃvṛtapārṣṇikaḥ || 10||

रक्तवस्त्रधरः पीतरक्तवस्त्रोत्तरीयकः ।हेमतन्तुसमुद्भूतब्रह्मसूत्रत्रयान्वितः ॥ ११॥

raktavastradharaḥ pītaraktavastrottarīyakaḥ |hematantusamudbhūtabrahmasūtratrayānvitaḥ || 11||

भानुकोटिप्रतीकाशरत्नमौलिविराजितः ।रत्नकुण्डलशोभाढ्यः शूर्पश्रुतिविभूषणः ॥ १२॥

bhānukoṭipratīkāśaratnamaulivirājitaḥ |ratnakuṇḍalaśobhāḍhyaḥ śūrpaśrutivibhūṣaṇaḥ || 12||

दन्तालङ्कारसंयुक्तः फालपट्टविराजितः ।चिन्तामणीरत्नमयकेयूरकटकान्वितः ॥ १३॥

dantālaṅkārasaṃyuktaḥ phālapaṭṭavirājitaḥ |cintāmaṇīratnamayakeyūrakaṭakānvitaḥ || 13||

चिन्तामणीसुरचितराजमुद्राङ्गुलीयकः ।चिन्तामणीकण्ठभूषो रत्नहारसमन्वितः ॥ १४॥

cintāmaṇīsuracitarājamudrāṅgulīyakaḥ |cintāmaṇīkaṇṭhabhūṣo ratnahārasamanvitaḥ || 14||

चिन्तामण्यग्रसंयुक्तकटिसूत्रविराजितः ।शिञ्जानमणिमञ्जीररत्नपादुकसंयुतः ॥ १५॥

cintāmaṇyagrasaṃyuktakaṭisūtravirājitaḥ |śiñjānamaṇimañjīraratnapādukasaṃyutaḥ || 15||

दूर्वाशम्यर्कमन्दारकुसुमैस्सुविराजितः ।सर्वाभरणशोभाढ्यः सुगन्धतिलकोज्ज्वलः ॥ १६॥

dūrvāśamyarkamandārakusumaissuvirājitaḥ |sarvābharaṇaśobhāḍhyaḥ sugandhatilakojjvalaḥ || 16||

रक्तगन्धविलिप्ताङ्गो रक्तमन्दारमालिकः ।पाशाङ्कुशपरशूनां धारकः पद्मधारकः ॥ १७॥

raktagandhaviliptāṅgo raktamandāramālikaḥ |pāśāṅkuśaparaśūnāṃ dhārakaḥ padmadhārakaḥ || 17||

पुष्करस्थस्वर्णघटीपूर्णरत्नाभिवर्षकः ।स्मितवक्त्रस्सुन्दराङ्गो मृदुमञ्जुलभाषकः ॥ १८॥

puṣkarasthasvarṇaghaṭīpūrṇaratnābhivarṣakaḥ |smitavaktrassundarāṅgo mṛdumañjulabhāṣakaḥ || 18||

श्वेतातपत्ररुचिरः श्वेतचामरवीजितः ।महासिद्धिमहाबुद्धिशोभिपार्श्वद्वयान्वितः ॥ १९॥

śvetātapatraruciraḥ śvetacāmaravījitaḥ |mahāsiddhimahābuddhiśobhipārśvadvayānvitaḥ || 19||

गकारमस्तकोपेतो णकारजठरान्वितः ।ईशपादद्वययुतो निर्गुणब्रह्मवक्त्रकः ॥ २०॥

gakāramastakopeto ṇakārajaṭharānvitaḥ |īśapādadvayayuto nirguṇabrahmavaktrakaḥ || 20||

सगुणब्रह्मदेहाढ्यो निजानन्दकलेबरः ।समष्टिव्यष्टिसंज्ञाढ्यब्रह्मकुम्भस्थलान्वितः ॥ २१॥

saguṇabrahmadehāḍhyo nijānandakalebaraḥ |samaṣṭivyaṣṭisaṃjñāḍhyabrahmakumbhasthalānvitaḥ || 21||

त्रयीमयनेत्रधरो महाकारणशुण्डकः ।बिन्दुकण्ठस्साङ्ख्यकर्णः चतुर्ब्रह्मभुजान्वितः ॥ २२॥

trayīmayanetradharo mahākāraṇaśuṇḍakaḥ |bindukaṇṭhassāṅkhyakarṇaḥ caturbrahmabhujānvitaḥ || 22||

जीवब्रह्मपादयुतः सोऽहम्ब्रह्मविषाणवान् ।भुक्तिमुक्तिरूपचिन्तामणिभूषणभूषितः ॥ २३॥

jīvabrahmapādayutaḥ so'hambrahmaviṣāṇavān |bhuktimuktirūpacintāmaṇibhūṣaṇabhūṣitaḥ || 23||

गणेश्वरो गणक्रीडो गणनाथो गणाधिपः ।वक्रतुण्डश्चैकरदो गजवक्त्रो महोदरः ॥ २४॥

gaṇeśvaro gaṇakrīḍo gaṇanātho gaṇādhipaḥ |vakratuṇḍaścaikarado gajavaktro mahodaraḥ || 24||

लम्बोदरो धूम्रवर्णो विकटो विघ्ननायकः ।विनायको महावाक्यलभ्ययोगसुखात्मकः ॥ २५॥

lambodaro dhūmravarṇo vikaṭo vighnanāyakaḥ |vināyako mahāvākyalabhyayogasukhātmakaḥ || 25||

इदमष्टोत्तरशतं नाम्नां गणककीर्तितम् ।यः पठेद्भक्तिभावेन भुक्तिं मुक्तिं लभेन्नरः ॥ २६॥

idamaṣṭottaraśataṃ nāmnāṃ gaṇakakīrtitam |yaḥ paṭhedbhaktibhāvena bhuktiṃ muktiṃ labhennaraḥ || 26||

यः पूजयेदनेनैव स्वानन्देशगजाननम् ।दूर्वाङ्कुरैश्शमीपत्रैः श्वेतार्ककुसुमैश्च वा ॥ २७॥

yaḥ pūjayedanenaiva svānandeśagajānanam |dūrvāṅkuraiśśamīpatraiḥ śvetārkakusumaiśca vā || 27||

मन्दारकुसुमैर्वापि पुष्पैरन्यैश्शुभाक्षतैः ।सम्प्राप्य विपुलान् भोगानन्ते ब्रह्मपदं व्रजेत् ॥ २८॥

mandārakusumairvāpi puṣpairanyaiśśubhākṣataiḥ |samprāpya vipulān bhogānante brahmapadaṃ vrajet || 28||

इति श्रीगणेशाष्टोत्तरशतनामस्तोत्रं (६) सम्पूर्णम् ।

iti śrīgaṇeśāṣṭottaraśatanāmastotraṃ (6) sampūrṇam |