सर्वमङ्गलाष्टकम् Sarvamangala Ashtakam

श्रीगणेशाय नमः ।लक्ष्मीर्यस्य परिग्रहः कमलभूः सूनुर्गरुत्मान् रथःपौत्रश्चन्द्रविभूषणः सुरगुरुः शेषश्च शय्यासनः ।ब्रह्माण्डं वरमन्दिरं सुरगणा यस्य प्रभोः सेवकाःस त्रैलोक्यकुटुम्बपालनपरः कुर्यात् सदा मङ्गलम् ॥ १॥

śrīgaṇeśāya namaḥ |lakṣmīryasya parigrahaḥ kamalabhūḥ sūnurgarutmān rathaḥpautraścandravibhūṣaṇaḥ suraguruḥ śeṣaśca śayyāsanaḥ |brahmāṇḍaṃ varamandiraṃ suragaṇā yasya prabhoḥ sevakāḥsa trailokyakuṭumbapālanaparaḥ kuryāt sadā maṅgalam || 1||

ब्रह्मा वायुगिरीशशेषगरुडा देवेन्द्रकामौ गुरुश्चन्द्रार्कौ वरुणानलौ मनुयमौ वित्तेशविघ्नेश्वरौ ।नासत्यौ निरृतिर्मरुद्गणयुताः पर्जन्यमित्रादयःसस्त्रीकाः सुरपुङ्गवाः प्रतिदिनं कुर्वन्तु वो मङ्गलम् ॥ २॥

brahmā vāyugirīśaśeṣagaruḍā devendrakāmau guruścandrārkau varuṇānalau manuyamau vitteśavighneśvarau |nāsatyau nirṛtirmarudgaṇayutāḥ parjanyamitrādayaḥsastrīkāḥ surapuṅgavāḥ pratidinaṃ kurvantu vo maṅgalam || 2||

विश्वामित्रपराशरौर्वभृगवोऽगस्त्यः पुलस्त्यः क्रतुःश्रीमानत्रिमरीचिकौत्सपुलहाः शक्तिर्वसिष्ठोऽङ्गिराः ।माण्डवयो जमदग्निगौतमभरद्वाजादयस्तापसाःश्रीमद्विश्णुपदाब्जभक्तिनिरताः कुर्वन्तु वो मङ्गलम् ॥ ३॥

viśvāmitraparāśaraurvabhṛgavo'gastyaḥ pulastyaḥ kratuḥśrīmānatrimarīcikautsapulahāḥ śaktirvasiṣṭho'ṅgirāḥ |māṇḍavayo jamadagnigautamabharadvājādayastāpasāḥśrīmadviśṇupadābjabhaktiniratāḥ kurvantu vo maṅgalam || 3||

मान्धाता नहुषोऽम्बरीषसगरौ राजा पृथुर्हैहयःश्रीमान् धर्मसुतो नलो दशरथो रामो ययातिर्यदुः ।इक्ष्वाकुश्च विभीशणश्च भरतश्चोत्तानपादध्रुवावित्याद्या भुवि भूभुजः प्रतिदिनं कुर्वन्तु वो मङ्गलम् ॥ ४॥

māndhātā nahuṣo'mbarīṣasagarau rājā pṛthurhaihayaḥśrīmān dharmasuto nalo daśaratho rāmo yayātiryaduḥ |ikṣvākuśca vibhīśaṇaśca bharataścottānapādadhruvāvityādyā bhuvi bhūbhujaḥ pratidinaṃ kurvantu vo maṅgalam || 4||

श्रीमेरुर्हिमवाँश्च मन्दरगिरिः कैलासशैलस्तथामाहेन्द्रो मलयश्च विन्ध्यनिषधौ सिंहस्तथा रैवतः ।सह्याद्रिर्वरगन्धमादनगिरिर्मैनाकगोमन्तकावित्याद्या भुवि भूभृतः प्रतिदिनं कुर्वन्तु वो मङ्गलम् ॥ ५॥

śrīmerurhimavām̐śca mandaragiriḥ kailāsaśailastathāmāhendro malayaśca vindhyaniṣadhau siṃhastathā raivataḥ |sahyādrirvaragandhamādanagirirmainākagomantakāvityādyā bhuvi bhūbhṛtaḥ pratidinaṃ kurvantu vo maṅgalam || 5||

गङ्गा सिन्धुसरस्वती च यमुना गोदावरी नर्मदाकृष्णा भीमरथी च फल्गुसरयूः श्रीगण्डकी गोमती ।कावेरीकपिलाप्रयागविनतावेत्रावतीत्यादयोनद्यः श्रीहरिपादपङ्कजभवाः (प्रतिदिनं) कुर्वन्तु वो मङ्गलम् ॥ ६॥

gaṅgā sindhusarasvatī ca yamunā godāvarī narmadākṛṣṇā bhīmarathī ca phalgusarayūḥ śrīgaṇḍakī gomatī |kāverīkapilāprayāgavinatāvetrāvatītyādayonadyaḥ śrīharipādapaṅkajabhavāḥ (pratidinaṃ) kurvantu vo maṅgalam || 6||

वेदाश्चोपनिषद्गणाश्च विविधाः साङ्गा पुराणान्वितावेदान्ता अपि मन्त्रतन्त्रसहितास्तर्कस्मृतीनां गणाः ।काव्यालङ्कृतिनीतिनाटकगणाः शब्दाश्च नानाविधाःश्रीविष्णोर्गुणराशिकीर्तनकराः (प्रतिदिनं) कुर्वन्तु वो मङ्गलम् ॥ ७॥

vedāścopaniṣadgaṇāśca vividhāḥ sāṅgā purāṇānvitāvedāntā api mantratantrasahitāstarkasmṛtīnāṃ gaṇāḥ |kāvyālaṅkṛtinītināṭakagaṇāḥ śabdāśca nānāvidhāḥśrīviṣṇorguṇarāśikīrtanakarāḥ (pratidinaṃ) kurvantu vo maṅgalam || 7||

आदित्यादिनवग्रहाः शुभकरा मेषादयो राशयोनक्षत्राणि सयोगकाश्च तिथयस्तद्देवतस्तद्गणाः ।मासाब्दा ऋतवस्तथैव दिवसाः सन्ध्यास्तथा रात्रयाःसर्वे स्थावरजङ्गमाः प्रतिदिनं कुर्वन्तु वो मङ्गलम् ॥ ८॥

ādityādinavagrahāḥ śubhakarā meṣādayo rāśayonakṣatrāṇi sayogakāśca tithayastaddevatastadgaṇāḥ |māsābdā ṛtavastathaiva divasāḥ sandhyāstathā rātrayāḥsarve sthāvarajaṅgamāḥ pratidinaṃ kurvantu vo maṅgalam || 8||

इत्येतद्वरमङ्गलाष्टकमिदं श्रीराजराजेश्वरेणाऽऽखातं जगतामभीष्टफलदं सर्वाशुभध्वंसनम् ।माङ्गल्यादिशुभक्रियासु सततं सन्ध्यासु वा याः पठेद्धर्मार्थादिसमस्तवाञ्छितफलं प्राप्नोत्यसौ मानवाः ॥ ९॥

ityetadvaramaṅgalāṣṭakamidaṃ śrīrājarājeśvareṇā''khātaṃ jagatāmabhīṣṭaphaladaṃ sarvāśubhadhvaṃsanam |māṅgalyādiśubhakriyāsu satataṃ sandhyāsu vā yāḥ paṭheddharmārthādisamastavāñchitaphalaṃ prāpnotyasau mānavāḥ || 9||

इति श्रीराजराजेश्वरयतिविरचितं सर्वमङ्गलाष्टकं सम्पूर्णम् ।

iti śrīrājarājeśvarayativiracitaṃ sarvamaṅgalāṣṭakaṃ sampūrṇam |