संसारमोहनगणेशकवचम् Samsaramohanam Ganeshakavacham

श्रीविष्णुरुवाच ।संसारमोहनस्यास्य कवचस्य प्रजापतिः ।ऋषिश्छन्दश्च बृहती देवो लम्बोदरः स्वयम् ॥ १॥

śrīviṣṇuruvāca |saṃsāramohanasyāsya kavacasya prajāpatiḥ |ṛṣiśchandaśca bṛhatī devo lambodaraḥ svayam || 1||

धर्मार्थकाममोक्षेषु विनियोगः प्रकीर्तितः ।सर्वेषां कवचानाञ्च सारभूतमिदं मुने ॥ २॥

dharmārthakāmamokṣeṣu viniyogaḥ prakīrtitaḥ |sarveṣāṃ kavacānāñca sārabhūtamidaṃ mune || 2||

ॐ गं हुं श्रीं गणेशाय स्वाहा मे पातु मस्तकम् ।द्वात्रिंशदक्षरो मन्त्रो ललाटं मे सदाऽवतु ॥ ३॥

oṃ gaṃ huṃ śrīṃ gaṇeśāya svāhā me pātu mastakam |dvātriṃśadakṣaro mantro lalāṭaṃ me sadā'vatu || 3||

ॐ ह्रीं क्लीं श्रीं गमिति च सन्ततं पातु लोचनम् ।तालुकं पातु विघ्नेशः सन्ततं धरणीतले ॥ ४॥

oṃ hrīṃ klīṃ śrīṃ gamiti ca santataṃ pātu locanam |tālukaṃ pātu vighneśaḥ santataṃ dharaṇītale || 4||

ॐ ह्रीं श्रीं क्लीमिति सन्ततं पातु नासिकाम् ।ॐ गौं गं शूर्पकर्णाय स्वाहा पात्वधरं मम ॥ ५॥

oṃ hrīṃ śrīṃ klīmiti santataṃ pātu nāsikām |oṃ gauṃ gaṃ śūrpakarṇāya svāhā pātvadharaṃ mama || 5||

दन्ताणि तालुकां जिह्वां पातु मे षोडशाक्षरः ॥ ६॥

dantāṇi tālukāṃ jihvāṃ pātu me ṣoḍaśākṣaraḥ || 6||

ॐ लं श्रीं लम्बोदरायेति स्वाहा गण्डं सदाऽवतु ।ॐ क्लीं ह्रीं विघ्ननाशाय स्वहा कर्णं सदाऽवतु ॥ ७॥

oṃ laṃ śrīṃ lambodarāyeti svāhā gaṇḍaṃ sadā'vatu |oṃ klīṃ hrīṃ vighnanāśāya svahā karṇaṃ sadā'vatu || 7||

ॐ श्रीं गं गजाननायेति स्वाहा स्कन्धं सदाऽवतु ।ॐ ह्रीं विनायकायेति स्वाहा पृष्ठं सदाऽवतु ॥ ८॥

oṃ śrīṃ gaṃ gajānanāyeti svāhā skandhaṃ sadā'vatu |oṃ hrīṃ vināyakāyeti svāhā pṛṣṭhaṃ sadā'vatu || 8||

ॐ क्लीं ह्रीमिति कङ्कालं पातु वक्षःस्थलञ्च गम् ।पाणौ पादौ सदा पातु सर्वाङ्गं विघ्ननिघ्नकृत् ॥ ९॥ वर् करौ पादौ

oṃ klīṃ hrīmiti kaṅkālaṃ pātu vakṣaḥsthalañca gam |pāṇau pādau sadā pātu sarvāṅgaṃ vighnanighnakṛt || 9|| var karau pādau

प्राच्यां लम्बोदरः पातु आग्नेय्यां विघ्ननायकः ।दक्षिणे पातु विघ्नेशो नैरृत्यान्तु गजाननः ॥ १०॥

prācyāṃ lambodaraḥ pātu āgneyyāṃ vighnanāyakaḥ |dakṣiṇe pātu vighneśo nairṛtyāntu gajānanaḥ || 10||

पश्चिमे पार्वतीपुत्रो वायव्यां शङ्करात्मजः ।कृष्णस्यांशश्चोत्तरे तु परिपूर्णतमस्य च ॥ ११॥

paścime pārvatīputro vāyavyāṃ śaṅkarātmajaḥ |kṛṣṇasyāṃśaścottare tu paripūrṇatamasya ca || 11||

ऐशान्यामेकदन्तश्च हेरम्बः पातु चोर्द्ध्वतः ।अधो गणाधिपः पातु सर्वपूज्यश्च सर्वतः ॥ १२॥ वर् गणाधिपोऽप्यधः

aiśānyāmekadantaśca herambaḥ pātu corddhvataḥ |adho gaṇādhipaḥ pātu sarvapūjyaśca sarvataḥ || 12|| var gaṇādhipo'pyadhaḥ

स्वप्ने जागरणे चैव पातु मे योगिनां गुरुः ॥ १३॥

svapne jāgaraṇe caiva pātu me yogināṃ guruḥ || 13||

इति ते कथितं वत्स ! सर्वमन्त्रौघविग्रहम् ।संसारमोहनं नाम कवचं परमाद्भुतम् ॥ १४॥

iti te kathitaṃ vatsa ! sarvamantraughavigraham |saṃsāramohanaṃ nāma kavacaṃ paramādbhutam || 14||

श्रीकृष्णेन पुरा दत्तं गोलोके रासमण्डले ।वृन्दावने विनीताय मह्यं दिनकरात्मज ॥ १५॥

śrīkṛṣṇena purā dattaṃ goloke rāsamaṇḍale |vṛndāvane vinītāya mahyaṃ dinakarātmaja || 15||

मया दत्तञ्च तुभ्यञ्च यस्मै कस्मै न दास्यसि ।परं वरं सर्वपूज्यं सर्वसङ्कटतारणम् ॥ १६॥

mayā dattañca tubhyañca yasmai kasmai na dāsyasi |paraṃ varaṃ sarvapūjyaṃ sarvasaṅkaṭatāraṇam || 16||

गुरुमभ्यर्च्य विधिवत् कवचं धारयेत्तु यः ।कण्ठे वा दक्षिणे बाहौ सोऽपि विष्णुर्न संशयः ॥ १७॥

gurumabhyarcya vidhivat kavacaṃ dhārayettu yaḥ |kaṇṭhe vā dakṣiṇe bāhau so'pi viṣṇurna saṃśayaḥ || 17||

अश्वमेधसहस्राणि वाजपेयशतानि च ।ग्रहेन्द्रकवचस्यास्य कलां नार्हन्ति षोडशीम् ॥ १८॥

aśvamedhasahasrāṇi vājapeyaśatāni ca |grahendrakavacasyāsya kalāṃ nārhanti ṣoḍaśīm || 18||

इदं कवचमज्न्ऽआत्वा यो भजेच्छङ्करात्मजम् ।शतलक्षप्रजप्तोऽपि न मन्त्रः सिद्धिदायकः ॥ १९॥

idaṃ kavacamajn'ātvā yo bhajecchaṅkarātmajam |śatalakṣaprajapto'pi na mantraḥ siddhidāyakaḥ || 19||

इति ब्रह्मवैवर्ते गणपतिखण्डे संसारमोहनं नामगणेशकवचं सम्पूर्णम् ॥

iti brahmavaivarte gaṇapatikhaṇḍe saṃsāramohanaṃ nāmagaṇeśakavacaṃ sampūrṇam ||