ऋणहरगणेशस्तोत्रम् ऋणमोचनमहागणपतिस्तोत्रम् Rinahara Ganeshastotram

कैलासपर्वते रम्ये शम्भुं चन्द्रार्धशेखरम् ।षडाम्नायसमायुक्तं पप्रच्छ नगकन्यका ॥ १॥

kailāsaparvate ramye śambhuṃ candrārdhaśekharam |ṣaḍāmnāyasamāyuktaṃ papraccha nagakanyakā || 1||

पार्वत्युवाचदेवेश परमेशान सर्वशास्त्रार्थपारग ।उपायं ऋणनाशस्य कृपया वद साम्प्रतम् ॥ २॥

pārvatyuvācadeveśa parameśāna sarvaśāstrārthapāraga |upāyaṃ ṛṇanāśasya kṛpayā vada sāmpratam || 2||

श्रीशिवःसम्यक्पृष्टं त्वया भद्रे लोकानां हितकाम्यया ।तत्सर्वं सम्प्रवक्ष्यामि सावधानावधारय ॥ ३॥

śrīśivaḥsamyakpṛṣṭaṃ tvayā bhadre lokānāṃ hitakāmyayā |tatsarvaṃ sampravakṣyāmi sāvadhānāvadhāraya || 3||

ॐ अस्य श्रीऋणहरमहागणपतिस्तोत्रस्य सदाशिव ऋषिःअनुष्टुप्छन्दः श्रीऋणहर महागणपतिर्देवता ।ग्लौं बीजम् । गः शक्तिः । गों कीलकम् । मम ऋणनाशने जपेविनियोगः ॐ गणेश अङ्गुष्ठाभ्यां नमः । ऋणं छिन्धि तर्जनीभ्यांनमः । वरेण्यं मध्यमाभ्यां नमः । हुं अनामिकाभ्यां नमः । नमःकनिष्ठिकाभ्यां नमः । फट् करतलकरपृष्ठाभ्यां नमः । एवंहृदयादिन्यासाः ।ध्यानंसिन्दूरवर्णं द्विभुजं गणेशंलम्बोदरं पद्मदले निविष्टम् ।ब्रह्मादिदेवैः परिसेव्यमानंसिद्धैर्युतं तं प्रणमामि देवम् ॥पञ्चपूजाः ।सृष्ट्यादौ ब्रह्मणा सम्यक् पूजितः फलसिद्धये ।सदैव पार्वतीपुत्रः ऋणनाशं करोतु मे ॥ १॥

oṃ asya śrīṛṇaharamahāgaṇapatistotrasya sadāśiva ṛṣiḥanuṣṭupchandaḥ śrīṛṇahara mahāgaṇapatirdevatā |glauṃ bījam | gaḥ śaktiḥ | goṃ kīlakam | mama ṛṇanāśane japeviniyogaḥ oṃ gaṇeśa aṅguṣṭhābhyāṃ namaḥ | ṛṇaṃ chindhi tarjanībhyāṃnamaḥ | vareṇyaṃ madhyamābhyāṃ namaḥ | huṃ anāmikābhyāṃ namaḥ | namaḥkaniṣṭhikābhyāṃ namaḥ | phaṭ karatalakarapṛṣṭhābhyāṃ namaḥ | evaṃhṛdayādinyāsāḥ |dhyānaṃsindūravarṇaṃ dvibhujaṃ gaṇeśaṃlambodaraṃ padmadale niviṣṭam |brahmādidevaiḥ parisevyamānaṃsiddhairyutaṃ taṃ praṇamāmi devam ||pañcapūjāḥ |sṛṣṭyādau brahmaṇā samyak pūjitaḥ phalasiddhaye |sadaiva pārvatīputraḥ ṛṇanāśaṃ karotu me || 1||

त्रिपुरस्यवधात् पूर्वं शम्भुना सम्यगर्चितः ।सदैव पार्वतीपुत्रः ऋणनाशं करोतु मे ॥ २॥

tripurasyavadhāt pūrvaṃ śambhunā samyagarcitaḥ |sadaiva pārvatīputraḥ ṛṇanāśaṃ karotu me || 2||

हिरण्यकशिप्वादीनां वधार्ते विष्णुनार्चितः ।सदैव पार्वतीपुत्रः ऋणनाशं करोतु मे ॥ ३॥

hiraṇyakaśipvādīnāṃ vadhārte viṣṇunārcitaḥ |sadaiva pārvatīputraḥ ṛṇanāśaṃ karotu me || 3||

महिषस्य वधे देव्या गणनाथः प्रपूजितः ।सदैव पार्वतीपुत्रः ऋणनाशं करोतु मे ॥ ४॥

mahiṣasya vadhe devyā gaṇanāthaḥ prapūjitaḥ |sadaiva pārvatīputraḥ ṛṇanāśaṃ karotu me || 4||

तारकस्य वधात् पूर्वं कुमारेण प्रपूजितः ।सदैव पार्वतीपुत्रः ऋणनाशं करोतु मे ॥ ५॥

tārakasya vadhāt pūrvaṃ kumāreṇa prapūjitaḥ |sadaiva pārvatīputraḥ ṛṇanāśaṃ karotu me || 5||

भास्करेण गणेशो हि पूजितश्च स्वसिद्धये।सदैव पार्वतीपुत्रः ऋणनाशं करोतु मे ॥ ६॥

bhāskareṇa gaṇeśo hi pūjitaśca svasiddhaye|sadaiva pārvatīputraḥ ṛṇanāśaṃ karotu me || 6||

शशिना कान्तिवृद्ध्यर्थं पूजितो गणनायकः ।सदैव पार्वतीपुत्रः ऋणनाशं करोतु मे ॥ ७॥

śaśinā kāntivṛddhyarthaṃ pūjito gaṇanāyakaḥ |sadaiva pārvatīputraḥ ṛṇanāśaṃ karotu me || 7||

पालनाय च तपसां विश्वामित्रेण पूजितः ।सदैव पार्वतीपुत्रः ऋणनाशं करोतु मे ॥ ८॥

pālanāya ca tapasāṃ viśvāmitreṇa pūjitaḥ |sadaiva pārvatīputraḥ ṛṇanāśaṃ karotu me || 8||

इदं ऋणहरं स्तोत्रं तीव्रदारिद्र्यनाशनम् ।एकवारं पठेन्नित्यं वर्षमेकं समाहितः ॥ ९॥

idaṃ ṛṇaharaṃ stotraṃ tīvradāridryanāśanam |ekavāraṃ paṭhennityaṃ varṣamekaṃ samāhitaḥ || 9||

दारिद्र्यं दारुणं त्यक्त्वा कुबेरसमतां व्रजेत् ।फडन्तोऽयं महामन्त्रः सार्धपञ्चदशाक्षरः ॥ १०॥

dāridryaṃ dāruṇaṃ tyaktvā kuberasamatāṃ vrajet |phaḍanto'yaṃ mahāmantraḥ sārdhapañcadaśākṣaraḥ || 10||

मन्त्रो यथाॐ गणेश ऋणं छिन्धि वरेण्यं हुं नमः फट् ।इमं मन्त्रं पठेदन्ते ततश्च शुचिभावनः ॥ ११॥

mantro yathāoṃ gaṇeśa ṛṇaṃ chindhi vareṇyaṃ huṃ namaḥ phaṭ |imaṃ mantraṃ paṭhedante tataśca śucibhāvanaḥ || 11||

एकविंशति सङ्ख्याभिः पुरश्चरणमीरितम् ।सहस्रावर्तनात्सम्यक् षण्मासं प्रियतां व्रजेत् ॥ १२॥

ekaviṃśati saṅkhyābhiḥ puraścaraṇamīritam |sahasrāvartanātsamyak ṣaṇmāsaṃ priyatāṃ vrajet || 12||

बृहस्पतिसमो ज्ञाने धने धनपतिर्भवेत् ।अस्यैवायुतसङ्ख्याभिः पुरश्चरणमीरितम् ॥ १३॥

bṛhaspatisamo jñāne dhane dhanapatirbhavet |asyaivāyutasaṅkhyābhiḥ puraścaraṇamīritam || 13||

लक्षमावर्तनात्सम्यग्वाञ्छितं फलमाप्नुयात् ।भूतप्रेतपिशाचानां नाशनं स्मृतिमात्रतः ॥ १४॥

lakṣamāvartanātsamyagvāñchitaṃ phalamāpnuyāt |bhūtapretapiśācānāṃ nāśanaṃ smṛtimātrataḥ || 14||

इति श्रीकृष्णयामलतन्त्रान्तर्गतं ऋणहरगणपतिस्तोत्रं सम्पूर्णम् ।

iti śrīkṛṣṇayāmalatantrāntargataṃ ṛṇaharagaṇapatistotraṃ sampūrṇam |