गणपतिस्तोत्रम् ३ Ganapatistotram

सुवर्णवर्णसुन्दरं सितैकदन्तबन्धुरंगृहीतपाशकाङ्कुशं वरप्रदाभयप्रदम् ।चतुर्भुजं त्रिलोचनं भुजङ्गमोपवीतिनंप्रफुल्लवारिजासनं भजामि सिन्धुराननम् ॥ १॥

suvarṇavarṇasundaraṃ sitaikadantabandhuraṃgṛhītapāśakāṅkuśaṃ varapradābhayapradam |caturbhujaṃ trilocanaṃ bhujaṅgamopavītinaṃpraphullavārijāsanaṃ bhajāmi sindhurānanam || 1||

किरीटहारकुण्डलं प्रदीप्तबाहुभूषणंप्रचण्डरत्नकङ्कणं प्रशोभिताङ्ङ्घ्रयष्टिकम् ।प्रभातसूर्यसुन्दराम्बरद्वयप्रधारिणंसरलहेमनूपुरं प्रशोभिताङ्घ्रिपङ्कजम् ॥ २॥

kirīṭahārakuṇḍalaṃ pradīptabāhubhūṣaṇaṃpracaṇḍaratnakaṅkaṇaṃ praśobhitāṅṅghrayaṣṭikam |prabhātasūryasundarāmbaradvayapradhāriṇaṃsaralahemanūpuraṃ praśobhitāṅghripaṅkajam || 2||

सुवर्णदण्डमण्डितप्रचण्डचारुचामरंगृहप्रतीर्णसुन्दरं युगक्षणं प्रमोदितम् ।कवीन्द्रचित्तरञ्जकं महाविपत्तिभञ्जकंषडक्षरस्वरूपिणं भजेद्गजेन्द्ररूपिणम् ॥ ३॥

suvarṇadaṇḍamaṇḍitapracaṇḍacārucāmaraṃgṛhapratīrṇasundaraṃ yugakṣaṇaṃ pramoditam |kavīndracittarañjakaṃ mahāvipattibhañjakaṃṣaḍakṣarasvarūpiṇaṃ bhajedgajendrarūpiṇam || 3||

विरिञ्चिविष्णुवन्दितं विरूपलोचनस्तुतिंगिरीशदर्शनेच्छया समर्पितं पराशया ।निरन्तरं सुरासुरैः सपुत्रवामलोचनैःमहामखेष्टमिष्टकर्मसु (स्मृतं) भजामि तुन्दिलम् ॥ ४॥

viriñciviṣṇuvanditaṃ virūpalocanastutiṃgirīśadarśanecchayā samarpitaṃ parāśayā |nirantaraṃ surāsuraiḥ saputravāmalocanaiḥmahāmakheṣṭamiṣṭakarmasu (smṛtaṃ) bhajāmi tundilam || 4||

मदौघलुब्धचञ्चलार्कमञ्जुगुञ्जितारवंप्रबुद्धचित्तरञ्जकं प्रमोदकर्णचालकम् ।अनन्यभक्तिमानवं प्रचण्डमुक्तिदायकंनमामि नित्यमादरेण वक्रतुण्डनायकम् ॥ ५॥

madaughalubdhacañcalārkamañjuguñjitāravaṃprabuddhacittarañjakaṃ pramodakarṇacālakam |ananyabhaktimānavaṃ pracaṇḍamuktidāyakaṃnamāmi nityamādareṇa vakratuṇḍanāyakam || 5||

दारिद्र्यविद्रावणमाशु कामदं स्तोत्रं पठेदेतदजस्रमादरात् ।पुत्रीकलत्रस्वजनेषु मैत्री पुमान्मवेदेकवरप्रसादात् ॥६॥

dāridryavidrāvaṇamāśu kāmadaṃ stotraṃ paṭhedetadajasramādarāt |putrīkalatrasvajaneṣu maitrī pumānmavedekavaraprasādāt ||6||

इति श्रीमच्छङ्कराचार्यविरचितं गणपतिस्तोत्रं सम्पूर्णम् ।

iti śrīmacchaṅkarācāryaviracitaṃ gaṇapatistotraṃ sampūrṇam |