saptashati mUlam Devi Mahatmyam or Durga Saptashati

॥ देवी माहात्म्यम् ॥॥ श्री ॥॥ श्रीचण्डिकाध्यानम् ॥ॐ बन्धूककुसुमाभासां पञ्चमुण्डाधिवासिनीम् ।स्फुरच्चन्द्रकलारत्नमुकुटां मुण्डमालिनीम् ॥त्रिनेत्रां रक्तवसनां पीनोन्नतघटस्तनीम् ।पुस्तकं चाक्षमालां च वरं चाभयकं क्रमात् ॥दधतीं संस्मरेन्नित्यमुत्तराम्नायमानिताम् ।

|| devī māhātmyam |||| śrī |||| śrīcaṇḍikādhyānam ||oṃ bandhūkakusumābhāsāṃ pañcamuṇḍādhivāsinīm |sphuraccandrakalāratnamukuṭāṃ muṇḍamālinīm ||trinetrāṃ raktavasanāṃ pīnonnataghaṭastanīm |pustakaṃ cākṣamālāṃ ca varaṃ cābhayakaṃ kramāt ||dadhatīṃ saṃsmarennityamuttarāmnāyamānitām |

अथवा

athavā

या चण्डी मधुकैटभादिदैत्यदलनी या माहिषोन्मूलिनीया धूम्रेक्षणचण्डमुण्डमथनी या रक्तबीजाशनी ।शक्तिः शुम्भनिशुम्भदैत्यदलनी या सिद्धिदात्री परासा देवी नवकोटिमूर्तिसहिता मां पातु विश्वेश्वरी ॥

yā caṇḍī madhukaiṭabhādidaityadalanī yā māhiṣonmūlinīyā dhūmrekṣaṇacaṇḍamuṇḍamathanī yā raktabījāśanī |śaktiḥ śumbhaniśumbhadaityadalanī yā siddhidātrī parāsā devī navakoṭimūrtisahitā māṃ pātu viśveśvarī ||

ॐ अस्य श्रीअर्गलास्तोत्रमन्त्रस्य विष्णुरृषिः\,अनुष्टुप् छन्दः\, श्रीमहालक्ष्मीर्देवता\,श्रीजगदम्बाप्रीतये सप्तशतिपाठाङ्गत्वेन जपे विनियोगः ।ॐ नमश्चण्डिकायै ।मार्कण्डेय उवाच ।ॐ जय त्वं देवि चामुण्डे जय भूतापहारिणि ।जय सर्वगते देवि कालरात्रि नमोऽस्तु ते ॥ १॥

oṃ asya śrīargalāstotramantrasya viṣṇurṛṣiḥ\,anuṣṭup chandaḥ\, śrīmahālakṣmīrdevatā\,śrījagadambāprītaye saptaśatipāṭhāṅgatvena jape viniyogaḥ |oṃ namaścaṇḍikāyai |mārkaṇḍeya uvāca |oṃ jaya tvaṃ devi cāmuṇḍe jaya bhūtāpahāriṇi |jaya sarvagate devi kālarātri namo'stu te || 1||

जयन्ती मङ्गला काली भद्रकाली कपालिनी ।दुर्गा शिवा क्षमा धात्री स्वाहा स्वधा नमोऽस्तु ते ॥ २॥

jayantī maṅgalā kālī bhadrakālī kapālinī |durgā śivā kṣamā dhātrī svāhā svadhā namo'stu te || 2||

मधुकैटभविध्वंसि विधातृवरदे नमः ।रूपं देहि जयं देहि यशो देहि द्विषो जहि ॥ ३॥

madhukaiṭabhavidhvaṃsi vidhātṛvarade namaḥ |rūpaṃ dehi jayaṃ dehi yaśo dehi dviṣo jahi || 3||

महिषासुरनिर्नाशि भक्तानां सुखदे नमः ।रूपं देहि जयं देहि यशो देहि द्विषो जहि ॥ ४॥

mahiṣāsuranirnāśi bhaktānāṃ sukhade namaḥ |rūpaṃ dehi jayaṃ dehi yaśo dehi dviṣo jahi || 4||

धूम्रनेत्रवधे देवि धर्मकामार्थदायिनि ।रूपं देहि जयं देहि यशो देहि द्विषो जहि ॥ ५॥

dhūmranetravadhe devi dharmakāmārthadāyini |rūpaṃ dehi jayaṃ dehi yaśo dehi dviṣo jahi || 5||

रक्तबीजवधे देवि चण्डमुण्डविनाशिनि ।रूपं देहि जयं देहि यशो देहि द्विषो जहि ॥ ६॥

raktabījavadhe devi caṇḍamuṇḍavināśini |rūpaṃ dehi jayaṃ dehi yaśo dehi dviṣo jahi || 6||

निशुम्भशुम्भनिर्नाशि त्रैलोक्यशुभदे नमः ।रूपं देहि जयं देहि यशो देहि द्विषो जहि ॥ ७॥

niśumbhaśumbhanirnāśi trailokyaśubhade namaḥ |rūpaṃ dehi jayaṃ dehi yaśo dehi dviṣo jahi || 7||

वन्दिताङ्घ्रियुगे देवि सर्वसौभाग्यदायिनि ।रूपं देहि जयं देहि यशो देहि द्विषो जहि ॥ ८॥

vanditāṅghriyuge devi sarvasaubhāgyadāyini |rūpaṃ dehi jayaṃ dehi yaśo dehi dviṣo jahi || 8||

अचिन्त्यरूपचरिते सर्वशत्रुविनाशिनि ।रूपं देहि जयं देहि यशो देहि द्विषो जहि ॥ ९॥

acintyarūpacarite sarvaśatruvināśini |rūpaṃ dehi jayaṃ dehi yaśo dehi dviṣo jahi || 9||

नतेभ्यः सर्वदा भक्त्या चापर्णे दुरितापहे ।रूपं देहि जयं देहि यशो देहि द्विषो जहि ॥ १०॥

natebhyaḥ sarvadā bhaktyā cāparṇe duritāpahe |rūpaṃ dehi jayaṃ dehi yaśo dehi dviṣo jahi || 10||

स्तुवद्भ्यो भक्तिपूर्वं त्वां चण्डिके व्याधिनाशिनि ।रूपं देहि जयं देहि यशो देहि द्विषो जहि ॥ ११॥

stuvadbhyo bhaktipūrvaṃ tvāṃ caṇḍike vyādhināśini |rūpaṃ dehi jayaṃ dehi yaśo dehi dviṣo jahi || 11||

चण्डिके सततं युद्धे जयन्ति पापनाशिनि ।रूपं देहि जयं देहि यशो देहि द्विषो जहि ॥ १२॥

caṇḍike satataṃ yuddhe jayanti pāpanāśini |rūpaṃ dehi jayaṃ dehi yaśo dehi dviṣo jahi || 12||

देहि सौभाग्यमारोग्यं देहि देवि परं सुखम् ।रूपं देहि जयं देहि यशो देहि द्विषो जहि ॥ १३॥

dehi saubhāgyamārogyaṃ dehi devi paraṃ sukham |rūpaṃ dehi jayaṃ dehi yaśo dehi dviṣo jahi || 13||

विधेहि देवि कल्याणं विधेहि विपुलां श्रियम् ।रूपं देहि जयं देहि यशो देहि द्विषो जहि ॥ १४॥

vidhehi devi kalyāṇaṃ vidhehi vipulāṃ śriyam |rūpaṃ dehi jayaṃ dehi yaśo dehi dviṣo jahi || 14||

विधेहि द्विषतां नाशं विधेहि बलमुच्चकैः ।रूपं देहि जयं देहि यशो देहि द्विषो जहि ॥ १५॥

vidhehi dviṣatāṃ nāśaṃ vidhehi balamuccakaiḥ |rūpaṃ dehi jayaṃ dehi yaśo dehi dviṣo jahi || 15||

सुरासुरशिरोरत्ननिघृष्टचरणेऽम्बिके ।रूपं देहि जयं देहि यशो देहि द्विषो जहि ॥ १६॥

surāsuraśiroratnanighṛṣṭacaraṇe'mbike |rūpaṃ dehi jayaṃ dehi yaśo dehi dviṣo jahi || 16||

विद्यावन्तं यशस्वन्तं लक्ष्मीवन्तञ्च मां कुरु ।रूपं देहि जयं देहि यशो देहि द्विषो जहि ॥ १७॥

vidyāvantaṃ yaśasvantaṃ lakṣmīvantañca māṃ kuru |rūpaṃ dehi jayaṃ dehi yaśo dehi dviṣo jahi || 17||

देवि प्रचण्डदोर्दण्डदैत्यदर्पनिषूदिनि ।रूपं देहि जयं देहि यशो देहि द्विषो जहि ॥ १८॥

devi pracaṇḍadordaṇḍadaityadarpaniṣūdini |rūpaṃ dehi jayaṃ dehi yaśo dehi dviṣo jahi || 18||

प्रचण्डदैत्यदर्पघ्ने चण्डिके प्रणताय मे ।रूपं देहि जयं देहि यशो देहि द्विषो जहि ॥ १९॥

pracaṇḍadaityadarpaghne caṇḍike praṇatāya me |rūpaṃ dehi jayaṃ dehi yaśo dehi dviṣo jahi || 19||

चतुर्भुजे चतुर्वक्त्रसंस्तुते परमेश्वरि ।रूपं देहि जयं देहि यशो देहि द्विषो जहि ॥ २०॥

caturbhuje caturvaktrasaṃstute parameśvari |rūpaṃ dehi jayaṃ dehi yaśo dehi dviṣo jahi || 20||

कृष्णेन संस्तुते देवि शश्वद्भक्त्या सदाम्बिके ।रूपं देहि जयं देहि यशो देहि द्विषो जहि ॥ २१॥

kṛṣṇena saṃstute devi śaśvadbhaktyā sadāmbike |rūpaṃ dehi jayaṃ dehi yaśo dehi dviṣo jahi || 21||

हिमाचलसुतानाथसंस्तुते परमेश्वरि ।रूपं देहि जयं देहि यशो देहि द्विषो जहि ॥ २२॥

himācalasutānāthasaṃstute parameśvari |rūpaṃ dehi jayaṃ dehi yaśo dehi dviṣo jahi || 22||

इन्द्राणीपतिसद्भावपूजिते परमेश्वरि ।रूपं देहि जयं देहि यशो देहि द्विषो जहि ॥ २३॥

indrāṇīpatisadbhāvapūjite parameśvari |rūpaṃ dehi jayaṃ dehi yaśo dehi dviṣo jahi || 23||

देवि भक्तजनोद्दामदत्तानन्दोदयेऽम्बिके ।रूपं देहि जयं देहि यशो देहि द्विषो जहि ॥ २४॥

devi bhaktajanoddāmadattānandodaye'mbike |rūpaṃ dehi jayaṃ dehi yaśo dehi dviṣo jahi || 24||

भार्यां मनोरमां देहि मनोवृत्तानुसारिणीम् ।रूपं देहि जयं देहि यशो देहि द्विषो जहि ॥ २५॥

bhāryāṃ manoramāṃ dehi manovṛttānusāriṇīm |rūpaṃ dehi jayaṃ dehi yaśo dehi dviṣo jahi || 25||

तारिणि दुर्गसंसारसागरस्याचलोद्भवे ।रूपं देहि जयं देहि यशो देहि द्विषो जहि ॥ २६॥

tāriṇi durgasaṃsārasāgarasyācalodbhave |rūpaṃ dehi jayaṃ dehi yaśo dehi dviṣo jahi || 26||

इदं स्तोत्रं पठित्वा तु महास्तोत्रं पठेन्नरः ।सप्तशतीं समाराध्य वरमाप्नोति दुर्लभम् ॥ २७॥

idaṃ stotraṃ paṭhitvā tu mahāstotraṃ paṭhennaraḥ |saptaśatīṃ samārādhya varamāpnoti durlabham || 27||

॥ इति श्रीमार्कण्डेयपुराणे अर्गलास्तोत्रं समाप्तम् ॥

|| iti śrīmārkaṇḍeyapurāṇe argalāstotraṃ samāptam ||

ॐ अस्य श्रीकीलकमन्त्रस्य शिवऋषिः\, अनुष्टुप् छन्दः\,श्रीमहासरस्वती देवता\, श्रीजगदम्बाप्रीत्यर्थंसप्तशतीपाठाङ्गत्वेन जपे विनियोगः ।ॐ नमश्चण्डिकायै ।मार्कण्डेय उवाच ।ॐ विशुद्धज्ञानदेहाय त्रिवेदीदिव्यचक्षुषे ।श्रेयःप्राप्तिनिमित्ताय नमः सोमार्धधारिणे ॥ १॥

oṃ asya śrīkīlakamantrasya śivaṛṣiḥ\, anuṣṭup chandaḥ\,śrīmahāsarasvatī devatā\, śrījagadambāprītyarthaṃsaptaśatīpāṭhāṅgatvena jape viniyogaḥ |oṃ namaścaṇḍikāyai |mārkaṇḍeya uvāca |oṃ viśuddhajñānadehāya trivedīdivyacakṣuṣe |śreyaḥprāptinimittāya namaḥ somārdhadhāriṇe || 1||

सर्वमेतद्विजानीयान्मन्त्राणामपि कीलकम् ।सोऽपि क्षेममवाप्नोति सततं जप्यतत्परः ॥ २॥

sarvametadvijānīyānmantrāṇāmapi kīlakam |so'pi kṣemamavāpnoti satataṃ japyatatparaḥ || 2||

सिद्ध्यन्त्युच्चाटनादीनि कर्माणि सकलान्यपि ।एतेन स्तुवतां देवीं स्तोत्रवृन्देन भक्तितः ॥ ३॥

siddhyantyuccāṭanādīni karmāṇi sakalānyapi |etena stuvatāṃ devīṃ stotravṛndena bhaktitaḥ || 3||

न मन्त्रो नौषधं तस्य न किञ्चिदपि विद्यते ।विना जप्येन सिद्ध्येत्तु सर्वमुच्चाटनादिकम् ॥ ४॥

na mantro nauṣadhaṃ tasya na kiñcidapi vidyate |vinā japyena siddhyettu sarvamuccāṭanādikam || 4||

समग्राण्यपि सेत्स्यन्ति लोकशङ्कामिमां हरः ।कृत्वा निमन्त्रयामास सर्वमेवमिदं शुभम् ॥ ५॥

samagrāṇyapi setsyanti lokaśaṅkāmimāṃ haraḥ |kṛtvā nimantrayāmāsa sarvamevamidaṃ śubham || 5||

स्तोत्रं वै चण्डिकायास्तु तच्च गुह्यं चकार सः ।समाप्नोति स पुण्येन तां यथावन्निमन्त्रणाम् ॥ ६॥

stotraṃ vai caṇḍikāyāstu tacca guhyaṃ cakāra saḥ |samāpnoti sa puṇyena tāṃ yathāvannimantraṇām || 6||

सोऽपि क्षेममवाप्नोति सर्वमेव न संशयः ।कृष्णायां वा चतुर्दश्यामष्टम्यां वा समाहितः ॥ ७॥

so'pi kṣemamavāpnoti sarvameva na saṃśayaḥ |kṛṣṇāyāṃ vā caturdaśyāmaṣṭamyāṃ vā samāhitaḥ || 7||

ददाति प्रतिगृह्णाति नान्यथैषा प्रसीदति ।इत्थं रूपेण कीलेन महादेवेन कीलितम् ॥ ८॥

dadāti pratigṛhṇāti nānyathaiṣā prasīdati |itthaṃ rūpeṇa kīlena mahādevena kīlitam || 8||

यो निष्कीलां विधायैनां चण्डीं जपति नित्यशः ।स सिद्धः स गणः सोऽथ गन्धर्वो जायते ध्रुवम् ॥ ९॥

yo niṣkīlāṃ vidhāyaināṃ caṇḍīṃ japati nityaśaḥ |sa siddhaḥ sa gaṇaḥ so'tha gandharvo jāyate dhruvam || 9||

न चैवापाटवं तस्य भयं क्वापि न जायते ।नापमृत्युवशं याति मृते च मोक्षमाप्नुयात् ॥ १०॥

na caivāpāṭavaṃ tasya bhayaṃ kvāpi na jāyate |nāpamṛtyuvaśaṃ yāti mṛte ca mokṣamāpnuyāt || 10||

ज्ञात्वा प्रारभ्य कुर्वीत ह्यकुर्वाणो विनश्यति ।ततो ज्ञात्वैव सम्पूर्णमिदं प्रारभ्यते बुधैः ॥ ११॥

jñātvā prārabhya kurvīta hyakurvāṇo vinaśyati |tato jñātvaiva sampūrṇamidaṃ prārabhyate budhaiḥ || 11||

सौभाग्यादि च यत्किञ्चिद् दृश्यते ललनाजने ।तत्सर्वं तत्प्रसादेन तेन जप्यमिदं शुभम् ॥ १२॥

saubhāgyādi ca yatkiñcid dṛśyate lalanājane |tatsarvaṃ tatprasādena tena japyamidaṃ śubham || 12||

शनैस्तु जप्यमानेऽस्मिन् स्तोत्रे सम्पत्तिरुच्चकैः ।भवत्येव समग्रापि ततः प्रारभ्यमेव तत् ॥ १३॥

śanaistu japyamāne'smin stotre sampattiruccakaiḥ |bhavatyeva samagrāpi tataḥ prārabhyameva tat || 13||

ऐश्वर्यं तत्प्रसादेन सौभाग्यारोग्यमेव च ।शत्रुहानिः परो मोक्षः स्तूयते सा न किं जनैः ॥ १४॥

aiśvaryaṃ tatprasādena saubhāgyārogyameva ca |śatruhāniḥ paro mokṣaḥ stūyate sā na kiṃ janaiḥ || 14||

चण्डिकां हृदयेनापि यः स्मरेत् सततं नरः ।हृद्यं काममवाप्नोति हृदि देवी सदा वसेत् ॥ १५॥

caṇḍikāṃ hṛdayenāpi yaḥ smaret satataṃ naraḥ |hṛdyaṃ kāmamavāpnoti hṛdi devī sadā vaset || 15||

अग्रतोऽमुं महादेवकृतं कीलकवारणम् ।निष्कीलञ्च तथा कृत्वा पठितव्यं समाहितैः ॥ १६॥

agrato'muṃ mahādevakṛtaṃ kīlakavāraṇam |niṣkīlañca tathā kṛtvā paṭhitavyaṃ samāhitaiḥ || 16||

॥ इति श्रीभगवत्याः कीलकस्तोत्रं समाप्तम् ॥

|| iti śrībhagavatyāḥ kīlakastotraṃ samāptam ||

अस्य श्रीचण्डीकवचस्य ब्रह्मा ऋषिः \, अनुष्टुप् छन्दः \,चामुण्डा देवता \, अङ्गन्यासोक्तमातरो बीजम् \,दिग्बन्धदेवतास्तत्वम् \, श्रीजगदम्बाप्रीत्यर्थे जपे विनियोगः ।ॐ नमश्चण्डिकायै ।मार्कण्डेय उवाच ।ॐ यद्।ह्गुह्यं परमं लोके सर्वरक्षाकरं नृणाम् ।यन्न कस्यचिदाख्यातं तन्मे ब्रूहि पितामह ॥ १॥

asya śrīcaṇḍīkavacasya brahmā ṛṣiḥ \, anuṣṭup chandaḥ \,cāmuṇḍā devatā \, aṅganyāsoktamātaro bījam \,digbandhadevatāstatvam \, śrījagadambāprītyarthe jape viniyogaḥ |oṃ namaścaṇḍikāyai |mārkaṇḍeya uvāca |oṃ yad|hguhyaṃ paramaṃ loke sarvarakṣākaraṃ nṛṇām |yanna kasyacidākhyātaṃ tanme brūhi pitāmaha || 1||

ब्रह्मोवाच ।अस्ति गुह्यतमं विप्र सर्वभूतोपकारकम् ।देव्यास्तु कवचं पुण्यं तच्छृणुष्व महामुने ॥ २॥

brahmovāca |asti guhyatamaṃ vipra sarvabhūtopakārakam |devyāstu kavacaṃ puṇyaṃ tacchṛṇuṣva mahāmune || 2||