योगलक्ष्मीनरसिंह सुप्रभातम् Shri Yogalakshminarasimha Shuprabhatam

चोलसिंहपुर (श्रीघटिकाचल)कौसल्या सुप्रजा राम\! पूर्वा सन्ध्या प्रवर्तते ।उत्तिष्ठ नरशार्दूल\! कर्तव्यं दैवमाह्निकम् ॥उत्तिष्ठोत्तिष्ठ गोविन्द\! उत्तिष्ठ गरुडध्वज\! ।उत्तिष्ठ कमलाकान्त\! त्रैलोक्यं मङ्गलं कुरु ॥मातः सुधाफललते\! महनीयशोभे\! (महनीयशीले)वक्षोविहाररसिके\! नृहरेरजस्रम् ।क्षीराम्बुराशितनये\! श्रितकल्पवल्लि\!श्रीमन्नृसिंहदयिते\! तव सुप्रभातम् ॥ १॥

colasiṃhapura (śrīghaṭikācala)kausalyā suprajā rāma\! pūrvā sandhyā pravartate |uttiṣṭha naraśārdūla\! kartavyaṃ daivamāhnikam ||uttiṣṭhottiṣṭha govinda\! uttiṣṭha garuḍadhvaja\! |uttiṣṭha kamalākānta\! trailokyaṃ maṅgalaṃ kuru ||mātaḥ sudhāphalalate\! mahanīyaśobhe\! (mahanīyaśīle)vakṣovihārarasike\! nṛharerajasram |kṣīrāmburāśitanaye\! śritakalpavalli\!śrīmannṛsiṃhadayite\! tava suprabhātam || 1||

तव सुप्रभातमनवद्यवैभवे\!घटिकेशसद्गुणनिवासभूतले ।घटिताखिलार्थघटिकाद्रिशेखरेघटिकाद्रिनाथदयिते\! दयानिधे ॥ २॥

tava suprabhātamanavadyavaibhave\!ghaṭikeśasadguṇanivāsabhūtale |ghaṭitākhilārthaghaṭikādriśekhareghaṭikādrināthadayite\! dayānidhe || 2||

अत्र्यादिका मुनिगणा विरचय्य सन्ध्यांदिव्यस्रवन्मधुझरीक सरोरुहाणि ।पादार्पणाय परिगृह्य पुरः प्रपन्नाःश्रीमन्नृसिंह विजयीभव सुप्रभातम् ॥ ३॥

atryādikā munigaṇā viracayya sandhyāṃdivyasravanmadhujharīka saroruhāṇi |pādārpaṇāya parigṛhya puraḥ prapannāḥśrīmannṛsiṃha vijayībhava suprabhātam || 3||

सप्तर्षिसङ्घकृत संस्तुतिसुप्रसन्नश्रीमन्नृसिंह गुणरूप रमामहीभ्याम् ।साकं नृसिंहगिरिसत्त्वकृताधिवासश्रीमन्नृसिंह\! विजयीभव सुप्रभातम् ॥ ४॥

saptarṣisaṅghakṛta saṃstutisuprasannaśrīmannṛsiṃha guṇarūpa ramāmahībhyām |sākaṃ nṛsiṃhagirisattvakṛtādhivāsaśrīmannṛsiṃha\! vijayībhava suprabhātam || 4||

देवारिभञ्जनमरुत्सुतदत्तशङ्खचक्रातपत्रितफणीश्वरपत्रिशेषिन् ।देवेन्द्रमुख्यसुरपूजितपादपद्मश्रीमन्नृसिंह! विजयीभव सुप्रभातम् ॥ ५॥

devāribhañjanamarutsutadattaśaṅkhacakrātapatritaphaṇīśvarapatriśeṣin |devendramukhyasurapūjitapādapadmaśrīmannṛsiṃha! vijayībhava suprabhātam || 5||

स्वामिन् ! सुरेश ! मधुरेश ! समाहितार्थध्यानप्रवीण ! विनतावनजागरूक ।सर्वज्ञ ! सन्ततसमीरितसर्ववृत्त !श्रीमन्नृसिंह ! विजयीभव सुप्रभातम् ॥ ६॥

svāmin ! sureśa ! madhureśa ! samāhitārthadhyānapravīṇa ! vinatāvanajāgarūka |sarvajña ! santatasamīritasarvavṛtta !śrīmannṛsiṃha ! vijayībhava suprabhātam || 6||

प्रह्लादरक्षणनिदानकृतावतार\!मुग्धस्वकीयनखरैः स्पुटितारिवक्षः ।सर्वाभिवन्द्यनिजवैभवचन्द्रकान्त\!श्रीमन्नृसिंह विजयीभव सुप्रभातम् ॥ ७॥

prahlādarakṣaṇanidānakṛtāvatāra\!mugdhasvakīyanakharaiḥ spuṭitārivakṣaḥ |sarvābhivandyanijavaibhavacandrakānta\!śrīmannṛsiṃha vijayībhava suprabhātam || 7||

भक्तोचितादिसरसः सुगुणं प्रकृष्टंतीर्थं सुवर्णघटपूरितमादरेण ।धृत्वा श्रुतिप्रवचनैकपरा लसन्तिश्रीमन्नृसिंह\! विजयीभव सुप्रभातम् ॥ ८॥

bhaktocitādisarasaḥ suguṇaṃ prakṛṣṭaṃtīrthaṃ suvarṇaghaṭapūritamādareṇa |dhṛtvā śrutipravacanaikaparā lasantiśrīmannṛsiṃha\! vijayībhava suprabhātam || 8||

संश्लाघनीयपरमोत्तररङ्गवासिसूरिस्तुतिप्रथितविग्रहकान्तिकान्त\!सद्भिःसमर्चितपदाम्बुज\! साधुरक्षिन्श्रीमन्नृसिंह\! विजयीभव सुप्रभातम् ॥ ९॥

saṃślāghanīyaparamottararaṅgavāsisūristutiprathitavigrahakāntikānta\!sadbhiḥsamarcitapadāmbuja\! sādhurakṣinśrīmannṛsiṃha\! vijayībhava suprabhātam || 9||

तीर्थानि गोमुखगतान्यखिलानि धृत्वाभव्यानि भव्यनिकराः परितो लसन्ति ।गायन्ति गानचतुरास्तव दिव्यवृत्तंश्रीमन्नृसिंह\! विजयीभव सुप्रभातम् ॥ १०॥

tīrthāni gomukhagatānyakhilāni dhṛtvābhavyāni bhavyanikarāḥ parito lasanti |gāyanti gānacaturāstava divyavṛttaṃśrīmannṛsiṃha\! vijayībhava suprabhātam || 10||

वाराणासीप्रथितविष्णुपदीप्रयागविख्यातविश्वनतसद्घ्टिकाचलेन्द्र\!संप्रार्थितार्थपरिदानकृतैकदीक्ष\!श्रीमन्नृसिंह\! विजयीभव सुप्रभातम् ॥ ११॥

vārāṇāsīprathitaviṣṇupadīprayāgavikhyātaviśvanatasadghṭikācalendra\!saṃprārthitārthaparidānakṛtaikadīkṣa\!śrīmannṛsiṃha\! vijayībhava suprabhātam || 11||

पार्श्वद्वयस्थित रमामहिशोभमान\!श्रीचोलसिंहपुरभाग्यकृतावतार\!स्वामिन् सुशीलसुलभाश्रितपारिजात\!श्रीमन्नृसिंह\! विजयीभव सुप्रभातम् ॥ १२॥

pārśvadvayasthita ramāmahiśobhamāna\!śrīcolasiṃhapurabhāgyakṛtāvatāra\!svāmin suśīlasulabhāśritapārijāta\!śrīmannṛsiṃha\! vijayībhava suprabhātam || 12||

श्रीश्रीनिवासघनदेशिकवर्यभक्तिसंवर्धितप्रतिदिनोत्सवशोभमान ।कल्याणचेलकनकोज्ज्वलभूषणाढ्य\!श्रीमन्नृसिंह\! विजयीभव सुप्रभातम् ॥ १३॥

śrīśrīnivāsaghanadeśikavaryabhaktisaṃvardhitapratidinotsavaśobhamāna |kalyāṇacelakanakojjvalabhūṣaṇāḍhya\!śrīmannṛsiṃha\! vijayībhava suprabhātam || 13||

श्रीब्रह्मतीर्थतटमागतमञ्जनाभं\देवं प्रणम्य वरदं घटिकाद्रिमेत्य ।वाधूलमानिधिमहागुरेष आस्तेश्रीमन्नृसिंह\! विजयीभव सुप्रभातम् ॥ १४॥

śrībrahmatīrthataṭamāgatamañjanābhaṃ\devaṃ praṇamya varadaṃ ghaṭikādrimetya |vādhūlamānidhimahāgureṣa āsteśrīmannṛsiṃha\! vijayībhava suprabhātam || 14||

आचार्यपूरुषवरा ह्यभिरामवृद्धाअर्हाभिपूज्यतरमङ्गलवस्तुहस्ताः ।त्वत्पादपङ्कजसिषेविषया प्रपन्नाःश्रीमन्नृसिंह\! विजयीभव सुप्रभातम् ॥ १५॥

ācāryapūruṣavarā hyabhirāmavṛddhāarhābhipūjyataramaṅgalavastuhastāḥ |tvatpādapaṅkajasiṣeviṣayā prapannāḥśrīmannṛsiṃha\! vijayībhava suprabhātam || 15||

श्रीमन्नृसिंहगिरिशेखरसुप्रभातंये मानवाः प्रतिदिनं पठितुं प्रवृत्ताः ।तेभ्यः प्रसन्नवदनः कमलासहायःसर्वाणि वाञ्चितफलानि ददाति कामम् ॥ १६॥

śrīmannṛsiṃhagiriśekharasuprabhātaṃye mānavāḥ pratidinaṃ paṭhituṃ pravṛttāḥ |tebhyaḥ prasannavadanaḥ kamalāsahāyaḥsarvāṇi vāñcitaphalāni dadāti kāmam || 16||

॥ इति श्री योगलक्ष्मीनरसिंह सुप्रभातं सम्पूर्णम् ॥

|| iti śrī yogalakṣmīnarasiṃha suprabhātaṃ sampūrṇam ||