विन्ध्यवासिनिदशपदी Shri Vindhyavasini Dashapadi

श्रीविन्ध्यवासिन्यै नमः ।सौवर्णाम्बुजमध्यगां त्रिनयनां सौदामिनीसन्निभांशखं चक्रवराभयानि दधतीमिन्दोः कलां बिभ्रतीम् ।ग्रैवेयाङ्गदहारकुण्डलधरामाखण्डलाद्यैः स्तुतांध्यायेद् विन्ध्यनिवासिनीं शशिमुखीं पार्श्वस्थपञ्चाननाम् ॥सिंहस्था मृगराजगा च विजया दुर्गा च पद्मावतीनागाधीश्वरविष्टरा च ललिता लक्ष्मीः सरोजस्थिता ।मातङ्गी च सुरत्नपीठपदवी स्तुत्याश्च सर्वाः परंसौवर्णाम्बुजमध्यगा विजयते तासां हि विन्ध्येश्वरी ॥ १॥

śrīvindhyavāsinyai namaḥ |sauvarṇāmbujamadhyagāṃ trinayanāṃ saudāminīsannibhāṃśakhaṃ cakravarābhayāni dadhatīmindoḥ kalāṃ bibhratīm |graiveyāṅgadahārakuṇḍaladharāmākhaṇḍalādyaiḥ stutāṃdhyāyed vindhyanivāsinīṃ śaśimukhīṃ pārśvasthapañcānanām ||siṃhasthā mṛgarājagā ca vijayā durgā ca padmāvatīnāgādhīśvaraviṣṭarā ca lalitā lakṣmīḥ sarojasthitā |mātaṅgī ca suratnapīṭhapadavī stutyāśca sarvāḥ paraṃsauvarṇāmbujamadhyagā vijayate tāsāṃ hi vindhyeśvarī || 1||

हस्तास्याङ्घ्रिदशा परं त्रिनयना देवी महाकालिकादुर्गा सिद्धिकरी जया शशिधरा ध्याता त्रिनेत्रा सताम् ।आराध्या भुवनेश्वरी शिवशिवा युक्ता त्रिभिर्लोचनैःसौम्या बाहुचतुष्टया त्रिनयना विन्ध्येश्वरी शङ्करी ॥ २॥

hastāsyāṅghridaśā paraṃ trinayanā devī mahākālikādurgā siddhikarī jayā śaśidharā dhyātā trinetrā satām |ārādhyā bhuvaneśvarī śivaśivā yuktā tribhirlocanaiḥsaumyā bāhucatuṣṭayā trinayanā vindhyeśvarī śaṅkarī || 2||

नीलाश्मद्युतिकालिकां भगवती कालाभ्रुतुल्या जयाविद्युद्दामसमा दिवाकरनिभा दुर्गा च पद्मावती ।ध्यातव्या च सरस्वती मतिमतां शीतांशुतुल्यप्रभादृश्या विन्ध्यनिवासिनी कलियुगे सौदामिनीसन्निभा ॥ ३॥

nīlāśmadyutikālikāṃ bhagavatī kālābhrutulyā jayāvidyuddāmasamā divākaranibhā durgā ca padmāvatī |dhyātavyā ca sarasvatī matimatāṃ śītāṃśutulyaprabhādṛśyā vindhyanivāsinī kaliyuge saudāminīsannibhā || 3||

खड्गादिं दघती करैः सुविदिता श्यामाऽसतां भीषणामालाकुम्भकपालनीरजकरा पद्मावती संस्तुता ।बालानां भुवनेश्वरी नहि तथा सौम्या सपाशाङ्कुशाशखं चक्रवराभयानि दधती विन्ध्येश्वरी वैष्णवी ॥ ४॥

khaḍgādiṃ daghatī karaiḥ suviditā śyāmā'satāṃ bhīṣaṇāmālākumbhakapālanīrajakarā padmāvatī saṃstutā |bālānāṃ bhuvaneśvarī nahi tathā saumyā sapāśāṅkuśāśakhaṃ cakravarābhayāni dadhatī vindhyeśvarī vaiṣṇavī || 4||

देवी बद्धहिमांशुरत्नमुकुटा मूर्धेन्दुरेखा जयामातङ्गी शशिखण्डधा शशिधरा दुर्गा च कामेश्वरी ।ध्यातव्या भुवनेश्वरीन्दुमुकुटा चन्द्रार्धपद्मावतीविन्ध्ये काऽपि निरीक्ष्यते सहृदयैरिन्दोः कलां बिभ्रती ॥ ५॥

devī baddhahimāṃśuratnamukuṭā mūrdhendurekhā jayāmātaṅgī śaśikhaṇḍadhā śaśidharā durgā ca kāmeśvarī |dhyātavyā bhuvaneśvarīndumukuṭā candrārdhapadmāvatīvindhye kā'pi nirīkṣyate sahṛdayairindoḥ kalāṃ bibhratī || 5||

काली सर्वविभूषणावृतवपुः कह्लारमालाश्रियामातङ्गी करुणातरङ्गितदृशा स्तुत्या भवानी सती ।भास्वद्देहलता सुरत्ननिवहैः पद्मावती, विन्ध्यगाग्रैवेयाङ्गदहारकुण्डलधरा भूषामृदुर्माधवी ॥ ६॥

kālī sarvavibhūṣaṇāvṛtavapuḥ kahlāramālāśriyāmātaṅgī karuṇātaraṅgitadṛśā stutyā bhavānī satī |bhāsvaddehalatā suratnanivahaiḥ padmāvatī, vindhyagāgraiveyāṅgadahārakuṇḍaladharā bhūṣāmṛdurmādhavī || 6||

आदौ संस्तुतवांस्तथा कमलजो बोधाय कालीं हरेःसिद्।ह्ध्यर्थं सुजनैर्जया सुरवृता कन्याभिरासेविता ।ध्यातव्या ह्यणिमादिभिश्च किरणैः काम्यैर्भवानी वृताविन्ध्यस्था शरणं स्वतो भुवि परञ्चाखण्डलाद्यैः स्तुता ॥ ७॥

ādau saṃstutavāṃstathā kamalajo bodhāya kālīṃ hareḥsid|hdhyarthaṃ sujanairjayā suravṛtā kanyābhirāsevitā |dhyātavyā hyaṇimādibhiśca kiraṇaiḥ kāmyairbhavānī vṛtāvindhyasthā śaraṇaṃ svato bhuvi parañcākhaṇḍalādyaiḥ stutā || 7||

भक्तानां वितनोति सौख्यनिकरं लक्ष्मीः प्रसन्नाननामातुः पालनशिक्षणं वितनुते वक्त्रारविन्दश्रिया ।संसारे भुवनेश्वरी स्मितमुखी स्तोतुश्च दाने सदाविन्ध्याद्रौ पृथुलोचना शशिमुखी तापौषधिर्दर्शनात् ॥ ८॥

bhaktānāṃ vitanoti saukhyanikaraṃ lakṣmīḥ prasannānanāmātuḥ pālanaśikṣaṇaṃ vitanute vaktrāravindaśriyā |saṃsāre bhuvaneśvarī smitamukhī stotuśca dāne sadāvindhyādrau pṛthulocanā śaśimukhī tāpauṣadhirdarśanāt || 8||

सिंहस्कन्धगता जया मृगपतिस्कन्धे च दुर्गा स्थितासर्वज्ञेश्वरभैरवाङ्कनिलया पद्मावती सुप्रिया ।सिंहः पार्श्वगतः शिवोऽथ दयितः पञ्चाननो द्वावपिप्रीतिं विन्ध्यगतोभयीं वितनुते पार्श्वस्थपञ्चानना ॥ ९॥

siṃhaskandhagatā jayā mṛgapatiskandhe ca durgā sthitāsarvajñeśvarabhairavāṅkanilayā padmāvatī supriyā |siṃhaḥ pārśvagataḥ śivo'tha dayitaḥ pañcānano dvāvapiprītiṃ vindhyagatobhayīṃ vitanute pārśvasthapañcānanā || 9||

आख्याने प्रथमे स्तुता सुविधिना काली द्वितीये ततोलक्ष्मीश्चापि सरस्वती च महती सर्वा तृतीयेऽन्ततः ।मातङ्गी भुवनेश्वरी च विजया दुर्गा भवानी शिवातासां विन्ध्यनिवासिनी सकरूणा गङ्गासखीलोचना ॥ १०।

ākhyāne prathame stutā suvidhinā kālī dvitīye tatolakṣmīścāpi sarasvatī ca mahatī sarvā tṛtīye'ntataḥ |mātaṅgī bhuvaneśvarī ca vijayā durgā bhavānī śivātāsāṃ vindhyanivāsinī sakarūṇā gaṅgāsakhīlocanā || 10|

विन्ध्याचलनिवासिन्याः स्थानं सर्वोत्तमोत्तमम् ।सासम्मुखगतानां हि प्रीणाति विन्ध्यवासिनी ॥ ११॥

vindhyācalanivāsinyāḥ sthānaṃ sarvottamottamam |sāsammukhagatānāṃ hi prīṇāti vindhyavāsinī || 11||

श्रीविन्ध्यवासिनी माता गीता दशपदीस्तुतिः ।वितनोतु सतां मोदं सर्वमङ्गलसंयुतम् ॥ १२॥

śrīvindhyavāsinī mātā gītā daśapadīstutiḥ |vitanotu satāṃ modaṃ sarvamaṅgalasaṃyutam || 12||

इति श्री विन्ध्यवासिनि दशपदी सम्पूर्णा ।॥ इति शम् ॥

iti śrī vindhyavāsini daśapadī sampūrṇā ||| iti śam ||