सन्तोषीमातुरष्टोत्तरशतनामस्तोत्रम् १ Shri Santoshimata Ashtottarashata Nama Stotram 108 Names

ॐ श्रीगणेशाय नमः ।सन्तोषजननी माता सर्वसम्पत्प्रदायिनी ।सामादिवेदसंस्तुत्या समानादिकवर्जिता ॥ १॥

oṃ śrīgaṇeśāya namaḥ |santoṣajananī mātā sarvasampatpradāyinī |sāmādivedasaṃstutyā samānādikavarjitā || 1||

अकारादि क्षकारान्ता आद्यन्तरहिताङ्गना ।अम्लानवदनाम्लेन म्लायमानमुखाम्बुजा ॥ २॥

akārādi kṣakārāntā ādyantarahitāṅganā |amlānavadanāmlena mlāyamānamukhāmbujā || 2||

करुणा कारणा कार्या काशीक्षेत्रविराजिता ।कथाश्रवणसन्तुष्टा कामितार्थप्रदायिनी ॥ ३॥

karuṇā kāraṇā kāryā kāśīkṣetravirājitā |kathāśravaṇasantuṣṭā kāmitārthapradāyinī || 3||

कालदेशापरिच्छिन्ना कालकाला कुटुम्बजा ।गुणत्रयस्वरूपार्याऽऽर्या कुडभक्तगणार्चिता ॥ ४॥

kāladeśāparicchinnā kālakālā kuṭumbajā |guṇatrayasvarūpāryā''ryā kuḍabhaktagaṇārcitā || 4||

गुणग्रामा गुणाराध्या गुणारामा गुणाश्रया ।गृहार्चिता गृहाराध्या गृहस्थजनपोषिणी ॥ ५॥

guṇagrāmā guṇārādhyā guṇārāmā guṇāśrayā |gṛhārcitā gṛhārādhyā gṛhasthajanapoṣiṇī || 5||

जया जयप्रदा जप्या जननी जन्मवर्जिता ।जीविता जीवना जीव्या जीवलोकसुखङ्करी ॥ ६॥

jayā jayapradā japyā jananī janmavarjitā |jīvitā jīvanā jīvyā jīvalokasukhaṅkarī || 6||

नमस्कारप्रिया नम्या नादिनी विश्वमोहिनी ।पुण्या पुण्यप्रदा पुण्यलब्धा पुरुजनाश्रिता ॥ ७॥

namaskārapriyā namyā nādinī viśvamohinī |puṇyā puṇyapradā puṇyalabdhā purujanāśritā || 7||

भवा भवानी भव्यस्था भामिनी भाविराजिता ।भाग्यदा भारती भाव्या भार्यापुत्रसुखप्रदा ॥ ८॥

bhavā bhavānī bhavyasthā bhāminī bhāvirājitā |bhāgyadā bhāratī bhāvyā bhāryāputrasukhapradā || 8||

माया मान्या महादेवि महादेवसुतोत्भवा ।मतिर्दान्तिः कृतिः कीर्तिर्धृतिः कान्तिर्गतिः स्मृतिः ॥ ९॥

māyā mānyā mahādevi mahādevasutotbhavā |matirdāntiḥ kṛtiḥ kīrtirdhṛtiḥ kāntirgatiḥ smṛtiḥ || 9||

मधुरा मधुरप्रीता मथुरानाथसंस्तुता ।विजया विश्वसंसेव्या विज्ञा विज्ञानदायिनी ॥ १०॥

madhurā madhuraprītā mathurānāthasaṃstutā |vijayā viśvasaṃsevyā vijñā vijñānadāyinī || 10||

शक्ता शक्तिस्वरूपा च शाम्भवी शम्भुलालिता ।शल्यादिदोषहन्त्री च शमादिगुणसेविता ॥ ११॥

śaktā śaktisvarūpā ca śāmbhavī śambhulālitā |śalyādidoṣahantrī ca śamādiguṇasevitā || 11||

विघ्नहन्त्री विघ्ननाथा विघ्नराजकुलोद्भवा ।शरण्या शारदा शीता शूलखड्गधराम्बिका ॥ १२॥

vighnahantrī vighnanāthā vighnarājakulodbhavā |śaraṇyā śāradā śītā śūlakhaḍgadharāmbikā || 12||

शुभा शुभप्रदा शुद्धा शुक्रवारव्रतार्चिता ।शोभना शोभनाकारा शोभमानमुखाम्बुजा ॥ १३॥

śubhā śubhapradā śuddhā śukravāravratārcitā |śobhanā śobhanākārā śobhamānamukhāmbujā || 13||

श्रीप्रदा श्रीनिधिः श्रीशा श्रितमानसतोषदा ।सिद्धिबुद्धिसुधासेव्या सिद्धिबुद्धिहितप्रदा ॥ १४॥

śrīpradā śrīnidhiḥ śrīśā śritamānasatoṣadā |siddhibuddhisudhāsevyā siddhibuddhihitapradā || 14||

क्षमारूपा क्षमाधारा क्षान्तिः शान्तिः शिवङ्करी ॥ १५॥

kṣamārūpā kṣamādhārā kṣāntiḥ śāntiḥ śivaṅkarī || 15||

फलश्रुतिःसन्तोषीमातुरित्येवं पुण्यमष्टोत्तरं शतम् ।गदितं लोककल्याणदायकं सौख्यवर्धनम् ॥ १६॥

phalaśrutiḥsantoṣīmāturityevaṃ puṇyamaṣṭottaraṃ śatam |gaditaṃ lokakalyāṇadāyakaṃ saukhyavardhanam || 16||

शुक्रवारे विशेषेण पठित्वा मातृसन्निधौ ।आरोग्यं भोगमैश्वर्यं सर्वान्कामानवाप्नुयात् ॥ १७॥

śukravāre viśeṣeṇa paṭhitvā mātṛsannidhau |ārogyaṃ bhogamaiśvaryaṃ sarvānkāmānavāpnuyāt || 17||

इति श्रीसन्तोषीमातुरष्टोत्तरशतनामस्तोत्रं सम्पूर्णम् ।

iti śrīsantoṣīmāturaṣṭottaraśatanāmastotraṃ sampūrṇam |