रुद्राणीस्तोत्रम् अथवा रुद्रशक्तिलाकिनीस्तोत्रम् Shri Rudrani Stotram

आनन्दभैरवी उवाचशृणु भैरव वक्ष्यामि रुद्राणीस्तोत्रमुत्तमम् ।श्रुत्त्वा पठित्त्वा देवेश धारयित्त्वा स्वदेहके ॥ १॥

ānandabhairavī uvācaśṛṇu bhairava vakṣyāmi rudrāṇīstotramuttamam |śruttvā paṭhittvā deveśa dhārayittvā svadehake || 1||

महासिद्धो भवेदेव महाकालवशो भवेत् ।त्रैलोक्यरक्षणार्थाय ब्रह्मणा विष्णुना तथा ॥ २॥

mahāsiddho bhavedeva mahākālavaśo bhavet |trailokyarakṣaṇārthāya brahmaṇā viṣṇunā tathā || 2||

रुद्रयुक्तां महारौद्रीं स्तुत्त्वा सर्वजयो भवेत् ।तच्छ्रुत्त्वा मुनयः सर्वे योगिनो योगदर्शकाः ॥ ३॥

rudrayuktāṃ mahāraudrīṃ stuttvā sarvajayo bhavet |tacchruttvā munayaḥ sarve yogino yogadarśakāḥ || 3||

सर्वे देवाः सर्वलोकाधिपाः स्युः प्राणरक्षकाः ।एतत्स्तवनमात्रेण ब्रह्मा ब्रह्मत्वमाप्नुयात् ॥ ४॥

sarve devāḥ sarvalokādhipāḥ syuḥ prāṇarakṣakāḥ |etatstavanamātreṇa brahmā brahmatvamāpnuyāt || 4||

विष्णुर्विष्णुत्वमाप्नोति देवत्वं सर्वदेवताः ।इदानीं शृणु तत्स्तोत्रमष्टाङ्गयोगसाधनम् ॥ ५॥

viṣṇurviṣṇutvamāpnoti devatvaṃ sarvadevatāḥ |idānīṃ śṛṇu tatstotramaṣṭāṅgayogasādhanam || 5||

एतत्स्तवनपाठेन चाष्टाङ्गकुलदेवताः ।वशीभूताः प्रभवन्ति सप्तस्वर्गस्थदेवताः ॥ ६॥

etatstavanapāṭhena cāṣṭāṅgakuladevatāḥ |vaśībhūtāḥ prabhavanti saptasvargasthadevatāḥ || 6||

अस्य महारुद्रशक्तिस्तोत्रस्य महाकालभैरवऋषिरनुष्टुप्छन्दः ।श्रीमछ्रीरूपिणी देवता । वां बीजं द्रां शक्तिः समौं स्फें कीलकम् ।महोग्रादि देवता सर्वाभीष्टसिद्ध्यर्थे जपे विनियोगः ॥महारौद्री रुद्रारुणारवरवक्रोधनिकराविकारा धर्माणां हरतु विषयं देहि परमम् ।विवेकं सत्पुत्रं त्वमपि जगतामादिपुरुषंविभाकोटिग्रामस्खलननिचला लोचनचला ॥ ७॥

asya mahārudraśaktistotrasya mahākālabhairavaṛṣiranuṣṭupchandaḥ |śrīmachrīrūpiṇī devatā | vāṃ bījaṃ drāṃ śaktiḥ samauṃ spheṃ kīlakam |mahogrādi devatā sarvābhīṣṭasiddhyarthe jape viniyogaḥ ||mahāraudrī rudrāruṇāravaravakrodhanikarāvikārā dharmāṇāṃ haratu viṣayaṃ dehi paramam |vivekaṃ satputraṃ tvamapi jagatāmādipuruṣaṃvibhākoṭigrāmaskhalananicalā locanacalā || 7||

त्वमेका त्रैलोक्यं व्यवसि सततं मे शुभभवाअनन्ता सा चातीन्द्रियगणकला नागवसना ।श्रियं दातुं नित्यं समुदयति रश्मिस्तव शिवेशिवाह्लादानन्दा जडितमनमन्दा कुरु मुदा ॥ ८॥

tvamekā trailokyaṃ vyavasi satataṃ me śubhabhavāanantā sā cātīndriyagaṇakalā nāgavasanā |śriyaṃ dātuṃ nityaṃ samudayati raśmistava śiveśivāhlādānandā jaḍitamanamandā kuru mudā || 8||

महालोभं पापं हर हर हरे हीरकनिभेविषानन्दोद्घाता मम तनु विषं वेशवशिनि ।सुधानन्दं देहि क्षयमपि हर क्रोधमतुलंमदं कामं मोहं कुलजननि दिव्यं वितर तत् ॥ ९॥

mahālobhaṃ pāpaṃ hara hara hare hīrakanibheviṣānandodghātā mama tanu viṣaṃ veśavaśini |sudhānandaṃ dehi kṣayamapi hara krodhamatulaṃmadaṃ kāmaṃ mohaṃ kulajanani divyaṃ vitara tat || 9||

तपस्यासद्भावं त्वमपि च ददासीह यदि वाप्रदीप्ता सद्व्याप्ता भवति तव दाने मम मनः ।प्रफुल्लातिश्रीदे जय मम न भक्तिं निजशुभांसमीडे त्वामेकां भुवनजनरक्षां कुरु सदा ॥ १०॥

tapasyāsadbhāvaṃ tvamapi ca dadāsīha yadi vāpradīptā sadvyāptā bhavati tava dāne mama manaḥ |praphullātiśrīde jaya mama na bhaktiṃ nijaśubhāṃsamīḍe tvāmekāṃ bhuvanajanarakṣāṃ kuru sadā || 10||

विचार्य स्वे तन्त्रे रचयसि सुखं नित्यमिलितंमहाखड्गप्रख्या त्रिभुवनकरा रुद्रदयिता ।सुराणां संरक्षां यदि कुरु मुदा पीठनिकरेमणिद्वीपे तेजोमयि हि मणिपूरेऽमलपदम् ॥ ११॥

vicārya sve tantre racayasi sukhaṃ nityamilitaṃmahākhaḍgaprakhyā tribhuvanakarā rudradayitā |surāṇāṃ saṃrakṣāṃ yadi kuru mudā pīṭhanikaremaṇidvīpe tejomayi hi maṇipūre'malapadam || 11||

महाक्षेत्रे युद्धोत्सवभयहरा त्वं कुलकलाकिराती सर्वाणी मम कुलगतं पालय लये ।लयज्ञानानन्दं रचय हृदये योगजननियतीनां रक्षायै कुलयुवति विद्ये उदयति ॥ १२॥

mahākṣetre yuddhotsavabhayaharā tvaṃ kulakalākirātī sarvāṇī mama kulagataṃ pālaya laye |layajñānānandaṃ racaya hṛdaye yogajananiyatīnāṃ rakṣāyai kulayuvati vidye udayati || 12||

प्रतिष्ठा कीर्तिस्ते त्वमवतरसि त्रासि तिमिरान्न जाने त्वत्तत्त्वं तरुणि महिमानं सुखमयम् ।महापारावारांनिधिभवजलेशं कुरु जयंहिरण्याह्लादस्था त्वमपि करुणासागरमयी ॥ १३॥

pratiṣṭhā kīrtiste tvamavatarasi trāsi timirānna jāne tvattattvaṃ taruṇi mahimānaṃ sukhamayam |mahāpārāvārāṃnidhibhavajaleśaṃ kuru jayaṃhiraṇyāhlādasthā tvamapi karuṇāsāgaramayī || 13||

विधातारं विष्णुं सुरवरणवन्दीन् परजनान्प्रपासि त्वं सिद्धा सुखभुवनभङ्गक्षयकरा ।किरन्ती सानन्दा किरणशतकोटिं त्रिभुवनेत्वमेका कल्याणि गिरिशरमणिं पाहि सततम् ॥ १४॥

vidhātāraṃ viṣṇuṃ suravaraṇavandīn parajanānprapāsi tvaṃ siddhā sukhabhuvanabhaṅgakṣayakarā |kirantī sānandā kiraṇaśatakoṭiṃ tribhuvanetvamekā kalyāṇi giriśaramaṇiṃ pāhi satatam || 14||

त्वदीयं सुखान्तं समीच्छामि सत्यंविसर्गेन्दुवर्णात्मकं कामनाऽऽख्यम् ।कृपादृष्टिपाता मनः पाहि शुद्धात्वमेका परब्रह्मरूपेण सिद्धा ॥ १५॥

tvadīyaṃ sukhāntaṃ samīcchāmi satyaṃvisargenduvarṇātmakaṃ kāmanā''khyam |kṛpādṛṣṭipātā manaḥ pāhi śuddhātvamekā parabrahmarūpeṇa siddhā || 15||

जगत्तारिणी त्वं जगद्व्यापिनी त्वंजगज्ज्वालरूपा जगद्धर्मरूपा ।अनैकान्तिकत्त्वात्त्वमानन्दरूपात्वमेका परब्रह्मरूपेण सिद्धा ॥ १६॥

jagattāriṇī tvaṃ jagadvyāpinī tvaṃjagajjvālarūpā jagaddharmarūpā |anaikāntikattvāttvamānandarūpātvamekā parabrahmarūpeṇa siddhā || 16||

विधानं जनानां कुरु त्वं त्वमीशाक्षपाक्षामचित्ता प्रियानन्ददात्री ।त्वमाज्ञाम्बुजस्था त्वमार्या गुरूणांत्वमेका परब्रह्मरूपेण सिद्धा ॥ १७॥

vidhānaṃ janānāṃ kuru tvaṃ tvamīśākṣapākṣāmacittā priyānandadātrī |tvamājñāmbujasthā tvamāryā gurūṇāṃtvamekā parabrahmarūpeṇa siddhā || 17||

प्रभामण्डलस्था स्थितित्यागसंस्थास्थलाम्भोजमाला त्वमालग्नकण्ठा ।शिवश्यामवर्णा महापिङ्गलार्णात्वमेका परब्रह्मरूपेण सिद्धा ॥ १८॥

prabhāmaṇḍalasthā sthitityāgasaṃsthāsthalāmbhojamālā tvamālagnakaṇṭhā |śivaśyāmavarṇā mahāpiṅgalārṇātvamekā parabrahmarūpeṇa siddhā || 18||

चतुर्थश्रुतिस्था चलच्चन्द्रसंस्थामहावेदभाषा त्वमेका जगत्याम् ।महाभक्तिभावाश्रितं मां प्रसिद्धेत्वमेका परब्रह्मरूपेण सिद्धा ॥ १९॥

caturthaśrutisthā calaccandrasaṃsthāmahāvedabhāṣā tvamekā jagatyām |mahābhaktibhāvāśritaṃ māṃ prasiddhetvamekā parabrahmarūpeṇa siddhā || 19||

जगद्धामचेष्टे जगद्बुद्धिनिष्ठेजगद्यौवनस्था जगद्भावसंस्था ।समावर्त्तमध्ये महाघूर्णितं मांत्वमेका परब्रह्मरूपेण सिद्धा ॥ २०॥

jagaddhāmaceṣṭe jagadbuddhiniṣṭhejagadyauvanasthā jagadbhāvasaṃsthā |samāvarttamadhye mahāghūrṇitaṃ māṃtvamekā parabrahmarūpeṇa siddhā || 20||

महा सृष्टिसंहारकालक्रमस्थामहामांसभक्षा सदानन्दरूपा ।महाशाक्यमौनीन्द्रपूज्ये सुरेज्येत्वमेका परब्रह्मरूपेण सिद्धा ॥ २१॥

mahā sṛṣṭisaṃhārakālakramasthāmahāmāṃsabhakṣā sadānandarūpā |mahāśākyamaunīndrapūjye surejyetvamekā parabrahmarūpeṇa siddhā || 21||

चतुःषष्टितन्त्रार्णवाह्लादकत्वान्महाभौतिकत्वान्महासिद्धिविद्या ।छलच्छिन्नदेहा छलानन्नसंज्ञात्वमेका परब्रह्मरूपेण सिद्धा ॥ २२॥

catuḥṣaṣṭitantrārṇavāhlādakatvānmahābhautikatvānmahāsiddhividyā |chalacchinnadehā chalānannasaṃjñātvamekā parabrahmarūpeṇa siddhā || 22||

शिवत्वं महत्त्वं समत्वामलत्वादनैकान्तिकत्वं ददासि त्वमाद्या ।सुधासागरस्था महामोहनस्था ।त्वमेका परब्रह्मरूपेण सिद्धा ॥ २३॥

śivatvaṃ mahattvaṃ samatvāmalatvādanaikāntikatvaṃ dadāsi tvamādyā |sudhāsāgarasthā mahāmohanasthā |tvamekā parabrahmarūpeṇa siddhā || 23||

महासिंहपृष्ठे पदाम्भोजलक्ष्मीर्मम श्रीशिरोमण्डलस्थं प्रपातु ।भवानन्दसन्तानकल्पेऽव देहंत्वमेका परब्रह्मरूपेण सिद्धा ॥ २४॥

mahāsiṃhapṛṣṭhe padāmbhojalakṣmīrmama śrīśiromaṇḍalasthaṃ prapātu |bhavānandasantānakalpe'va dehaṃtvamekā parabrahmarūpeṇa siddhā || 24||

स्थिरा सा महाविद्युदाकारहारामहाचञ्चला चाचला ज्ञानजन्या ।सदा भावनत्वात्सदा ज्ञापनस्थात्वमेका परब्रह्मरूपेण सिद्धा ॥ २५॥

sthirā sā mahāvidyudākārahārāmahācañcalā cācalā jñānajanyā |sadā bhāvanatvātsadā jñāpanasthātvamekā parabrahmarūpeṇa siddhā || 25||

कुलानन्दमोहा महाकौलकन्याकुलक्षेत्ररक्षा कुलच्छत्रकारा ।महाचञ्चलत्वान्महावायुघूर्णात्वमेका परब्रह्मरूपेण सिद्धा ॥ २६॥

kulānandamohā mahākaulakanyākulakṣetrarakṣā kulacchatrakārā |mahācañcalatvānmahāvāyughūrṇātvamekā parabrahmarūpeṇa siddhā || 26||

चिरञ्जीविनी भामिनी भूमिबीजाभयाभावहन्त्री शरत्कोटिचन्द्रा ।विभूतिर्भयाहारकर्त्री प्रकृष्टात्वमेका परब्रह्मरूपेण सिद्धा ॥ २७॥

cirañjīvinī bhāminī bhūmibījābhayābhāvahantrī śaratkoṭicandrā |vibhūtirbhayāhārakartrī prakṛṣṭātvamekā parabrahmarūpeṇa siddhā || 27||

महावीरभावाश्रया भावरूपाविशेषाविशेषे महाशैववीरा ।विसर्गापवर्गाश्रयार्णोज्ज्वलत्त्वात्त्वमेका परब्रह्मरूपेण सिद्धा ॥ २८॥

mahāvīrabhāvāśrayā bhāvarūpāviśeṣāviśeṣe mahāśaivavīrā |visargāpavargāśrayārṇojjvalattvāttvamekā parabrahmarūpeṇa siddhā || 28||

महापञ्चमत्वान्महामोदकत्वात्महाकौलिकात्वादसञ्चारणत्वात् ।कुलप्रेमभावक्रियानिश्चलत्वात्त्वमेका परब्रह्मरूपेण सिद्धा ॥ २९॥

mahāpañcamatvānmahāmodakatvātmahākaulikātvādasañcāraṇatvāt |kulapremabhāvakriyāniścalatvāttvamekā parabrahmarūpeṇa siddhā || 29||

वसोः सिद्धिदात्री शिवानन्दकर्त्रीमहामैथुनानन्दसम्भेदनत्वात् ।सुखाश्वासतत्त्वात्तपः प्राणरक्षात्वमेका परब्रह्मरूपेण सिद्धा ॥ ३०॥

vasoḥ siddhidātrī śivānandakartrīmahāmaithunānandasambhedanatvāt |sukhāśvāsatattvāttapaḥ prāṇarakṣātvamekā parabrahmarūpeṇa siddhā || 30||

गलत्प्रेमभावा कुलज्ञानतत्त्वात्प्रिया श्रीकृपात्वं भवाधारमूर्तिः ।महैश्वर्यहेतोर्महाराजकन्यात्वमेका परब्रह्मरूपेण सिद्धा ॥ ३१॥

galatpremabhāvā kulajñānatattvātpriyā śrīkṛpātvaṃ bhavādhāramūrtiḥ |mahaiśvaryahetormahārājakanyātvamekā parabrahmarūpeṇa siddhā || 31||

महामोक्षविद्या महानिर्मलत्वात्प्रभापञ्चचूडस्य सिद्धिप्रिया च ।महानादबिन्दुप्रयासाभिरामात्वमेका परब्रह्मरूपेण सिद्धा ॥ ३२॥

mahāmokṣavidyā mahānirmalatvātprabhāpañcacūḍasya siddhipriyā ca |mahānādabinduprayāsābhirāmātvamekā parabrahmarūpeṇa siddhā || 32||

महाविद्रुमाकारवर्णाभिरामाकुलाह्लादसूत्रादिसंसाधनत्वात् ।महद्राज्यविद्याधना सङ्घटत्वात्त्वमेका परब्रह्मरूपेण सिद्धा ॥ ३३॥

mahāvidrumākāravarṇābhirāmākulāhlādasūtrādisaṃsādhanatvāt |mahadrājyavidyādhanā saṅghaṭatvāttvamekā parabrahmarūpeṇa siddhā || 33||

तवाङ्घ्रिद्वयाम्भोजपूजासुखत्वान्महाकालरूपा स्वयं सर्वविद्या ।विकारादि सम्बन्धविशेषणत्वात्त्वमेका परब्रह्मरूपेण सिद्धा ॥ ३४॥

tavāṅghridvayāmbhojapūjāsukhatvānmahākālarūpā svayaṃ sarvavidyā |vikārādi sambandhaviśeṣaṇatvāttvamekā parabrahmarūpeṇa siddhā || 34||

शिवत्वं शुभत्वं महाशैलकन्येप्रियत्वं परत्वं महापावनत्वम् ।समाधेहि तत्त्वादनैकान्तिकत्वात्त्वमेका परब्रह्मरूपेण सिद्धा ॥ ३५॥

śivatvaṃ śubhatvaṃ mahāśailakanyepriyatvaṃ paratvaṃ mahāpāvanatvam |samādhehi tattvādanaikāntikatvāttvamekā parabrahmarūpeṇa siddhā || 35||

महाचेतनादेवनादोन नत्वादसङ्ख्यामतीनां मनोयोगमुख्या ।विरोधापहन्त्री रिपुप्राणहन्त्रीत्वमेका परब्रह्मरूपेण सिद्धा ॥ ३६॥

mahācetanādevanādona natvādasaṅkhyāmatīnāṃ manoyogamukhyā |virodhāpahantrī ripuprāṇahantrītvamekā parabrahmarūpeṇa siddhā || 36||

चतुर्विंशतिक्रोधतत्त्वानुकूलेवियत्खण्डचन्द्रोज्ज्वले कीलकस्थे ।सदा मां प्रपातु प्रचण्डार्कवर्णात्वमेका परब्रह्मरूपेण सिद्धा ॥ ३७॥

caturviṃśatikrodhatattvānukūleviyatkhaṇḍacandrojjvale kīlakasthe |sadā māṃ prapātu pracaṇḍārkavarṇātvamekā parabrahmarūpeṇa siddhā || 37||

शुभं कामधेनुस्वरूपं स्वदेहंसदा दर्शने श्रद्धया चारुवर्णा ।हिमांशुप्रभाकोटिवर्णेऽत्वपूर्णेत्वमेका परब्रह्मरूपेण सिद्धा ॥ ३८॥

śubhaṃ kāmadhenusvarūpaṃ svadehaṃsadā darśane śraddhayā cāruvarṇā |himāṃśuprabhākoṭivarṇe'tvapūrṇetvamekā parabrahmarūpeṇa siddhā || 38||

महाकामबीजान्विता खण्डयन्तीमहादोषजालं शनैरावहन्ती ।शिवा भद्रकाली स्थिरानन्दमालात्वमेका परब्रह्मरूपेण सिद्धा ॥ ३९॥

mahākāmabījānvitā khaṇḍayantīmahādoṣajālaṃ śanairāvahantī |śivā bhadrakālī sthirānandamālātvamekā parabrahmarūpeṇa siddhā || 39||

महाकालकूटाशिनं तीक्ष्णनेत्रंसदा पाहि शम्भुं भयार्द्रातिवेलम् ।भवापालनत्वादसङ्ख्यानिवासात्वमेका परब्रह्मरूपेण सिद्धा ॥ ४०॥

mahākālakūṭāśinaṃ tīkṣṇanetraṃsadā pāhi śambhuṃ bhayārdrātivelam |bhavāpālanatvādasaṅkhyānivāsātvamekā parabrahmarūpeṇa siddhā || 40||

हरन्ती विषाढ्यं वहन्ती कलाद्यम्रटन्ती नटन्ती विशाला भ्रमन्ती ।श्रियः पालनी पालिका बालिकात्वात्त्वमेका परब्रह्मरूपेण सिद्धा ॥ ४१॥

harantī viṣāḍhyaṃ vahantī kalādyamraṭantī naṭantī viśālā bhramantī |śriyaḥ pālanī pālikā bālikātvāttvamekā parabrahmarūpeṇa siddhā || 41||

भवानन्दहेतोः सदा श्रद्धया वापदाम्भोजमध्ये मनोयोगकाले ।परासङ्ख्यते कामसङ्क्षालनत्वात्त्वमेका परब्रह्मरूपेण सिद्धा ॥ ४२॥

bhavānandahetoḥ sadā śraddhayā vāpadāmbhojamadhye manoyogakāle |parāsaṅkhyate kāmasaṅkṣālanatvāttvamekā parabrahmarūpeṇa siddhā || 42||

क्षितिक्षोभनाशाय सिद्धादिविद्याकुलाढ्याखिलाढ्यानना सूक्ष्ममध्या ।प्रयत्नं करोषि क्षयानन्ददानात्वमेका परब्रह्मरूपेण सिद्धा ॥ ४३॥

kṣitikṣobhanāśāya siddhādividyākulāḍhyākhilāḍhyānanā sūkṣmamadhyā |prayatnaṃ karoṣi kṣayānandadānātvamekā parabrahmarūpeṇa siddhā || 43||

महाधैर्यमाहृत्यजं जप्यते यैस्तवाद्याभिधानानि कालिप्रभाते ।तदैवापि काले ददासीह सिद्धिंत्वमेका परब्रह्मरूपेण सिद्धा ॥ ४४॥

mahādhairyamāhṛtyajaṃ japyate yaistavādyābhidhānāni kāliprabhāte |tadaivāpi kāle dadāsīha siddhiṃtvamekā parabrahmarūpeṇa siddhā || 44||

चिरं स्थापयन्ती चिरं भासयन्तीत्वमाख्या गुरूणां कुलानन्दविद्ये ।स्वधाकारतुष्टा कलावह्निजायात्वमेका परब्रह्मरूपेण सिद्धा ॥ ४५॥

ciraṃ sthāpayantī ciraṃ bhāsayantītvamākhyā gurūṇāṃ kulānandavidye |svadhākāratuṣṭā kalāvahnijāyātvamekā parabrahmarūpeṇa siddhā || 45||

सुरानन्दकाले फलोद्भूतचिन्हाचितामध्यदेशे महासिद्धिदात्री ।त्रिभिन्ना विभिन्ना महारुद्रविद्येत्वमेका परब्रह्मरूपेण सिद्धा ॥ ४६॥

surānandakāle phalodbhūtacinhācitāmadhyadeśe mahāsiddhidātrī |tribhinnā vibhinnā mahārudravidyetvamekā parabrahmarūpeṇa siddhā || 46||

महापूर्वि कात्यायनि क्रोधमूलेविवेकादिकं धर्ममादौ ददासि ।त्रयाणां सुराणां मुदा रक्षणायत्वमेका परब्रह्मरूपेण सिद्धा ॥ ४७॥

mahāpūrvi kātyāyani krodhamūlevivekādikaṃ dharmamādau dadāsi |trayāṇāṃ surāṇāṃ mudā rakṣaṇāyatvamekā parabrahmarūpeṇa siddhā || 47||

विशुद्धस्फुटत्त्वान्महाकौतुकत्वात्तनुध्यानमोहादनन्ते कृतत्त्वात् ।कुलारक्षणात्मा महालक्षणात्मात्वमेका परब्रह्मरूपेण सिद्धा ॥ ४८॥

viśuddhasphuṭattvānmahākautukatvāttanudhyānamohādanante kṛtattvāt |kulārakṣaṇātmā mahālakṣaṇātmātvamekā parabrahmarūpeṇa siddhā || 48||

दहन्ती रिपूणां कुलञ्चात्मदेशंक्षणादेव सूक्ष्मासुसूक्ष्मा सती सा ।ममानन्ददेशं सदा पालय श्रीत्त्वमेका परब्रह्मरूपेण सिद्धा ॥ ४९॥

dahantī ripūṇāṃ kulañcātmadeśaṃkṣaṇādeva sūkṣmāsusūkṣmā satī sā |mamānandadeśaṃ sadā pālaya śrīttvamekā parabrahmarūpeṇa siddhā || 49||

चतुर्थाश्रमस्थाश्रमं पाहि रुद्रेमहोग्रप्रतापे महारौद्रि भद्रे ।महापातकादिक्षयत्वामृतत्त्वात्त्वमेका परब्रह्मरूपेण सिद्धा ॥ ५०॥

caturthāśramasthāśramaṃ pāhi rudremahograpratāpe mahāraudri bhadre |mahāpātakādikṣayatvāmṛtattvāttvamekā parabrahmarūpeṇa siddhā || 50||

महावायुरम्ये महाज्ञानगम्येमहामन्त्रजाप्यादिसिद्धिप्रसिद्धे ।लयं देहि बाह्यानिलाघातनत्वात्त्वमेका परब्रह्मरूपेण सिद्धा ॥ ५१॥

mahāvāyuramye mahājñānagamyemahāmantrajāpyādisiddhiprasiddhe |layaṃ dehi bāhyānilāghātanatvāttvamekā parabrahmarūpeṇa siddhā || 51||

न जानामि किं वामरो वापि विष्णुर्महाकौलिको वा न जानाति पूजाम् ।कुलाद्यासनन्ते सुरेन्द्रादिपाठेत्वमेका परब्रह्मरूपेण सिद्धा ॥ ५२॥

na jānāmi kiṃ vāmaro vāpi viṣṇurmahākauliko vā na jānāti pūjām |kulādyāsanante surendrādipāṭhetvamekā parabrahmarūpeṇa siddhā || 52||

मदीयं प्रलोभ्यं महाभद्रकालिप्रकाशेन कर्त्तुं समर्था भव त्वम् ।पदाब्जे च हन्तुं महापापसर्गेत्वमेका परब्रह्मरूपेण सिद्धा ॥ ५३॥

madīyaṃ pralobhyaṃ mahābhadrakāliprakāśena karttuṃ samarthā bhava tvam |padābje ca hantuṃ mahāpāpasargetvamekā parabrahmarūpeṇa siddhā || 53||

वहन्ती कपालं स्खलन्तीमपार्थंमहाहेममाला महाकाशयन्ती ।शिवो मङ्गलं मे तु वैश्वानरीशेत्वमेका परब्रह्मरूपेण सिद्धा ॥ ५४॥

vahantī kapālaṃ skhalantīmapārthaṃmahāhemamālā mahākāśayantī |śivo maṅgalaṃ me tu vaiśvānarīśetvamekā parabrahmarūpeṇa siddhā || 54||

प्रचण्डा प्रसन्ना भवक्षोभहेतोर्विवादादिघाताय शान्तिः प्रतुष्टिः ।कियत्कालसंस्था प्रसन्नान्तरात्मात्वमेका परब्रह्मरूपेण सिद्धा ॥ ५५॥

pracaṇḍā prasannā bhavakṣobhahetorvivādādighātāya śāntiḥ pratuṣṭiḥ |kiyatkālasaṃsthā prasannāntarātmātvamekā parabrahmarūpeṇa siddhā || 55||

महावायुपाना क्रियामोक्षकालेकुलज्ञानदाना दिवारूपिणी त्वम् ।प्रभुत्वं विधेहि क्षमे कामकर्त्रीत्वमेका परब्रह्मरूपेण सिद्धा ॥ ५६॥

mahāvāyupānā kriyāmokṣakālekulajñānadānā divārūpiṇī tvam |prabhutvaṃ vidhehi kṣame kāmakartrītvamekā parabrahmarūpeṇa siddhā || 56||

यदि श्रीवराद्ये ममाख्या ससिद्धिंविदेहीति चित्ते समाधाय भक्तः ।समाप्नोति शीघ्रं सदा प्रार्थ्यते यैःसदा पठ्यते वा मुदा वारमेकम् ॥ ५७॥

yadi śrīvarādye mamākhyā sasiddhiṃvidehīti citte samādhāya bhaktaḥ |samāpnoti śīghraṃ sadā prārthyate yaiḥsadā paṭhyate vā mudā vāramekam || 57||

महाकालशम्भो महाज्ञानसिद्धःसदा कालवश्ये पठेदेकचित्तः ।महाभक्तिभावं लभेद् वेद मुक्तिंमहादेवभक्तिं त्रिकालेन योगम् ॥ ५८॥

mahākālaśambho mahājñānasiddhaḥsadā kālavaśye paṭhedekacittaḥ |mahābhaktibhāvaṃ labhed veda muktiṃmahādevabhaktiṃ trikālena yogam || 58||

मणेः पीठमध्ये महारुद्रकान्तांमहालाकिनीं कुण्डलीं भावयन्ती ।महापुण्यलाभं स्तवं ब्रह्मसारंमहाकान्तलाभाय पुण्याय सिद्ध्यै ॥ ५९॥

maṇeḥ pīṭhamadhye mahārudrakāntāṃmahālākinīṃ kuṇḍalīṃ bhāvayantī |mahāpuṇyalābhaṃ stavaṃ brahmasāraṃmahākāntalābhāya puṇyāya siddhyai || 59||

महाकालि रुद्राणि भद्राणि कृष्णेभवानन्दमूर्तिप्रकाशाय कुर्यात् ।किलानन्दमाकृत्य सम्पूज्यते यैर्महादेवि चण्डे तव ध्याननिष्ठा ॥ ६०॥

mahākāli rudrāṇi bhadrāṇi kṛṣṇebhavānandamūrtiprakāśāya kuryāt |kilānandamākṛtya sampūjyate yairmahādevi caṇḍe tava dhyānaniṣṭhā || 60||

महामोक्षभावं समाप्नोति शीघ्रंमहाशुद्धता कामहा कालरूपी ॥ ६१॥

mahāmokṣabhāvaṃ samāpnoti śīghraṃmahāśuddhatā kāmahā kālarūpī || 61||

इति श्रीरुद्रयामले उत्तरतन्त्रे महातन्त्रोद्दीपने सिद्धिमन्त्रप्रकरणेषट्चक्रप्रकाशे मणिपूरभेदनक्रमे भैरवीभैरवसंवादेरुद्रशक्तिलाकिनीस्तोत्रं नाम षट्चत्त्वारिंशः पटलः ॥ ४६॥

iti śrīrudrayāmale uttaratantre mahātantroddīpane siddhimantraprakaraṇeṣaṭcakraprakāśe maṇipūrabhedanakrame bhairavībhairavasaṃvāderudraśaktilākinīstotraṃ nāma ṣaṭcattvāriṃśaḥ paṭalaḥ || 46||

ंउक्तबोध ळिब्रर्य्

ṃuktabodha ḷibrary