रुक्मिणीसहस्रनामस्तोत्रम् Shri Rukmini Sahasranama Stotram

अथ श्रीरुक्मिणीसहस्रनामस्तोत्रम् ।ॐ नमो भगवते वासुदेवाय ।ॐ श्रीगणेशाय नमः ।सूत उवाच ।शृणु शौनक मद्वाक्यमाश्चर्यं द्वारकामगात् ।नारदः पूजयित्वा तं कृष्णो वचनमब्रवीत् ॥ १॥

atha śrīrukmiṇīsahasranāmastotram |oṃ namo bhagavate vāsudevāya |oṃ śrīgaṇeśāya namaḥ |sūta uvāca |śṛṇu śaunaka madvākyamāścaryaṃ dvārakāmagāt |nāradaḥ pūjayitvā taṃ kṛṣṇo vacanamabravīt || 1||

श्रीकृष्ण उवाच ।रुक्मिणीनामसाहस्रं कथयस्व तपोधन ।यस्य स्मरणमात्रेण चित्तं मे शान्तिमेष्यति ॥ २॥

śrīkṛṣṇa uvāca |rukmiṇīnāmasāhasraṃ kathayasva tapodhana |yasya smaraṇamātreṇa cittaṃ me śāntimeṣyati || 2||

नारद उवाच ।कृष्ण कृष्णाप्रमेयस्य भार्यानामसहस्रकम् ।शृणुष्व बुद्धिमाश्रित्य लोकानुग्रहकाम्यया ॥ ३॥

nārada uvāca |kṛṣṇa kṛṣṇāprameyasya bhāryānāmasahasrakam |śṛṇuṣva buddhimāśritya lokānugrahakāmyayā || 3||

पठेन्नामसहस्रं तु यो ब्रह्मन् विशदाशयः ।तस्मै तुष्टा भवत्याशु रुक्मिणी करुणालया ॥ ४॥

paṭhennāmasahasraṃ tu yo brahman viśadāśayaḥ |tasmai tuṣṭā bhavatyāśu rukmiṇī karuṇālayā || 4||

सूत उवाच ।इत्युक्त्वा नारदः प्राह कृष्णं विधिविदांवरः ।रुक्मिणीनामसाहस्रं भगवत्तोषकारकम् ॥ ५॥

sūta uvāca |ityuktvā nāradaḥ prāha kṛṣṇaṃ vidhividāṃvaraḥ |rukmiṇīnāmasāhasraṃ bhagavattoṣakārakam || 5||

अस्य श्रीरुक्मिणीदिव्यसहस्रनामस्तोत्रमन्त्रस्य भगवान्श्रीकृष्णद्वैपायन ऋषिः । अनुष्टुप् छन्दः । मूलप्रकृतिः ।श्रीरुक्मिणीदेवता । बीजं योनिः । स्वयं व्यक्तिरिति बीजम् ।विदर्भकन्यकाशक्तिरिति शक्तिः । सर्वोद्भवकरादेवीति मन्त्रः ।विष्णुशक्तिश्चक्रधरेति कीलकम् ।श्रीरुक्मिणीदेवी प्रीत्यर्थे जपे विनियोगः ।अथ करन्यासः ।रुक्मिणी कृष्णपत्नी च विदर्भाधिपकन्यका ।मुनिवन्द्या मुनिस्तुत्या प्रियगा प्रियकृत्प्रिया ॥इति अङ्गुष्ठाभ्यां नमः ।चन्द्रसूर्योद्भवकरा चन्द्रसूर्यसमप्रभा ।गालवी वल्गुवचना वल्गुशब्दप्रिया घृणिः ॥इति तर्जनीभ्यां नमः ।ब्रह्मण्या करुणाशीला हरिपादप्रियेक्षणा ।सहस्रांशा सहस्राक्षा सहस्रवदना सुधा ।इति मध्यमाभ्यां नमः ।सुवर्णवर्णा हेमाढ्या सहस्रकटिशोभिता ।सहस्रनासिका पद्मा पद्मालयविलासिनि ॥इति अनामिकाभ्यां नमः ।आदित्यान्तर्गता ज्योतिरतिबुद्धिर्जितेन्द्रिया ।अणीयसी स्थूलरूपा सदसद्ग्रन्थिनी पटुः ॥इति कनिष्ठिकाभ्यां नमः ।धनुर्धरा महाशक्तिः श्रेयसामपि श्रेयसी ।गरीयसी वाक्यभङ्गी संविदग्निरनन्यभाक् ॥इति करतलकरपृष्ठाभ्यां नमः ।अथ हृदयादिन्यासः ।रुक्मिणी कृष्णपत्नी च विदर्भाधिपकन्यका ।मुनिवन्द्या मुनिस्तुत्या प्रियगा प्रियकृत्प्रिया ॥इति हृदयाय नमः ।चन्द्रसूर्योद्भवकरा चन्द्रसूर्यसमप्रभा ।गालवी वल्गुवचना वल्गुशब्दप्रिया घृणिः ॥इति शिरसे स्वाहा ।ब्रह्मण्या करुणाशीला हरिपादप्रियेक्षणा ।सहस्रांशा सहस्राक्षा सहस्रवदना सुधा ॥इति शिखायै वषट् ।सुवर्णवर्णा हेमाढ्या सहस्रकटिशोभिता ।सहस्रनासिका पद्मा पद्यालयविलासिनी ।इति कवचाय हुम् ।आदित्यान्तर्गताज्योतिरतिबुद्धिर्जितेन्द्रिया ।अणीयसी स्थूलरूपा सदसद्ग्रन्थिनी पटुः ॥इति नेत्रत्रयाय वौषट् ।धनुर्धरा महाशक्तिः श्रेयसामपि श्रेयसी ।गरीयसी वाक्यभङ्गी संविदग्निरनन्यभाक् ॥इति अस्त्राय फट् ।अथ ध्यानम् ।ॐ देवीमुन्नतपीठगां सुवसनां ताटङ्ककर्णां शुभांभास्वत्स्वर्णसुरेखितायुतमहावक्षस्थलां कामदाम् ।हस्तस्वर्णकरण्डकां कटितटप्रान्तैकपाणिं वरांश्रीमद्विठ्ठलचित्तचौर्यचतुरां श्रीरुक्मिणीं तां भजे ॥ॐ भैष्मीं चन्द्राननाभां सकलसुरगुरुस्तुत्यसद्रूपरूपांवन्द्यां ब्रह्मादिभिस्तां मुनिवरवरदां रुक्मिणीं कृष्णभार्याम् ।सर्वालङ्कारशोभां नतसुखदपदामादिशक्तिं सुरेन्द्रांव्यक्तामाद्यां गुणाढ्यां प्रियकरुणपरां सुन्दराङ्गीं भजेऽहम् ॥ॐ सिञ्जन्नूपुरशोभिपादकमलां मन्दास्मितोद्यन्मुखींकञ्जाक्षीं कुचभारभीरुविलसन्मध्यां क्वणत्कङ्कणाम् ।शम्भ्वाद्यैः परिसेवितां सुवसनां जाम्बूनदालङ्कृतांअम्बां तां प्रणतोऽस्मि कृष्णरमणीं लम्बालकां रुक्मिणीम् ॥अथ मानसपूजा ।ॐ लं पृथिव्यात्मकं गन्धं परिकल्पयामि ।ॐ हं आकाशात्मकं पुष्पं परिकल्पयामि ।ॐ यं वायव्यात्मकं धूपं परिकल्पयामि ।ॐ रं तेजात्मकं दीपं परिकल्पयामि ।ॐ वं अमृतात्मकं नैवेद्यं परिकल्पयामि ।ॐ सं सर्वात्मकान् सर्वोपचारान् परिकल्पयामि ॥ॐ ऐं ह्रीं श्रीं रुक्मिण्यै नमः ।अथ गायत्री ।ॐ भीष्मक्यै च विद्महे कृष्णपत्न्यै च धीमहितन्नो लक्ष्मीः प्रचोदयात् ।(हृदयादिन्यास फिरसे करियें ।)अथ ध्यानम् ।ॐ भैष्मीं चन्द्राननाभां सकलसुरगुरुस्तुत्यसद्रूपरूपांवन्द्यां ब्रह्मादिभिस्तां मुनिवरवरदां रुक्मिणीं कृष्णभार्याम् ।सर्वालङ्कारशोभां नतसुखदपदामादिशक्तिं सुरेन्द्रांव्यक्तामाद्यां गुणाढ्यां प्रियकरुणपरां सुन्दराङ्गीं भजेऽहम् ॥श्रीरुक्मिणीदेवी प्रीत्यर्थे जपे विनियोगः । हरिः ॐ ॥अथ सहस्रनामप्रारम्भः ।ॐ रुक्मिणी कृष्णपत्नी च विदर्भाधिपकन्यका ।मुनिवन्द्या मुनिस्तुत्या प्रियगा प्रियकृत्प्रिया ॥ १॥

asya śrīrukmiṇīdivyasahasranāmastotramantrasya bhagavānśrīkṛṣṇadvaipāyana ṛṣiḥ | anuṣṭup chandaḥ | mūlaprakṛtiḥ |śrīrukmiṇīdevatā | bījaṃ yoniḥ | svayaṃ vyaktiriti bījam |vidarbhakanyakāśaktiriti śaktiḥ | sarvodbhavakarādevīti mantraḥ |viṣṇuśaktiścakradhareti kīlakam |śrīrukmiṇīdevī prītyarthe jape viniyogaḥ |atha karanyāsaḥ |rukmiṇī kṛṣṇapatnī ca vidarbhādhipakanyakā |munivandyā munistutyā priyagā priyakṛtpriyā ||iti aṅguṣṭhābhyāṃ namaḥ |candrasūryodbhavakarā candrasūryasamaprabhā |gālavī valguvacanā valguśabdapriyā ghṛṇiḥ ||iti tarjanībhyāṃ namaḥ |brahmaṇyā karuṇāśīlā haripādapriyekṣaṇā |sahasrāṃśā sahasrākṣā sahasravadanā sudhā |iti madhyamābhyāṃ namaḥ |suvarṇavarṇā hemāḍhyā sahasrakaṭiśobhitā |sahasranāsikā padmā padmālayavilāsini ||iti anāmikābhyāṃ namaḥ |ādityāntargatā jyotiratibuddhirjitendriyā |aṇīyasī sthūlarūpā sadasadgranthinī paṭuḥ ||iti kaniṣṭhikābhyāṃ namaḥ |dhanurdharā mahāśaktiḥ śreyasāmapi śreyasī |garīyasī vākyabhaṅgī saṃvidagnirananyabhāk ||iti karatalakarapṛṣṭhābhyāṃ namaḥ |atha hṛdayādinyāsaḥ |rukmiṇī kṛṣṇapatnī ca vidarbhādhipakanyakā |munivandyā munistutyā priyagā priyakṛtpriyā ||iti hṛdayāya namaḥ |candrasūryodbhavakarā candrasūryasamaprabhā |gālavī valguvacanā valguśabdapriyā ghṛṇiḥ ||iti śirase svāhā |brahmaṇyā karuṇāśīlā haripādapriyekṣaṇā |sahasrāṃśā sahasrākṣā sahasravadanā sudhā ||iti śikhāyai vaṣaṭ |suvarṇavarṇā hemāḍhyā sahasrakaṭiśobhitā |sahasranāsikā padmā padyālayavilāsinī |iti kavacāya hum |ādityāntargatājyotiratibuddhirjitendriyā |aṇīyasī sthūlarūpā sadasadgranthinī paṭuḥ ||iti netratrayāya vauṣaṭ |dhanurdharā mahāśaktiḥ śreyasāmapi śreyasī |garīyasī vākyabhaṅgī saṃvidagnirananyabhāk ||iti astrāya phaṭ |atha dhyānam |oṃ devīmunnatapīṭhagāṃ suvasanāṃ tāṭaṅkakarṇāṃ śubhāṃbhāsvatsvarṇasurekhitāyutamahāvakṣasthalāṃ kāmadām |hastasvarṇakaraṇḍakāṃ kaṭitaṭaprāntaikapāṇiṃ varāṃśrīmadviṭhṭhalacittacauryacaturāṃ śrīrukmiṇīṃ tāṃ bhaje ||oṃ bhaiṣmīṃ candrānanābhāṃ sakalasuragurustutyasadrūparūpāṃvandyāṃ brahmādibhistāṃ munivaravaradāṃ rukmiṇīṃ kṛṣṇabhāryām |sarvālaṅkāraśobhāṃ natasukhadapadāmādiśaktiṃ surendrāṃvyaktāmādyāṃ guṇāḍhyāṃ priyakaruṇaparāṃ sundarāṅgīṃ bhaje'ham ||oṃ siñjannūpuraśobhipādakamalāṃ mandāsmitodyanmukhīṃkañjākṣīṃ kucabhārabhīruvilasanmadhyāṃ kvaṇatkaṅkaṇām |śambhvādyaiḥ parisevitāṃ suvasanāṃ jāmbūnadālaṅkṛtāṃambāṃ tāṃ praṇato'smi kṛṣṇaramaṇīṃ lambālakāṃ rukmiṇīm ||atha mānasapūjā |oṃ laṃ pṛthivyātmakaṃ gandhaṃ parikalpayāmi |oṃ haṃ ākāśātmakaṃ puṣpaṃ parikalpayāmi |oṃ yaṃ vāyavyātmakaṃ dhūpaṃ parikalpayāmi |oṃ raṃ tejātmakaṃ dīpaṃ parikalpayāmi |oṃ vaṃ amṛtātmakaṃ naivedyaṃ parikalpayāmi |oṃ saṃ sarvātmakān sarvopacārān parikalpayāmi ||oṃ aiṃ hrīṃ śrīṃ rukmiṇyai namaḥ |atha gāyatrī |oṃ bhīṣmakyai ca vidmahe kṛṣṇapatnyai ca dhīmahitanno lakṣmīḥ pracodayāt |(hṛdayādinyāsa phirase kariyeṃ |)atha dhyānam |oṃ bhaiṣmīṃ candrānanābhāṃ sakalasuragurustutyasadrūparūpāṃvandyāṃ brahmādibhistāṃ munivaravaradāṃ rukmiṇīṃ kṛṣṇabhāryām |sarvālaṅkāraśobhāṃ natasukhadapadāmādiśaktiṃ surendrāṃvyaktāmādyāṃ guṇāḍhyāṃ priyakaruṇaparāṃ sundarāṅgīṃ bhaje'ham ||śrīrukmiṇīdevī prītyarthe jape viniyogaḥ | hariḥ oṃ ||atha sahasranāmaprārambhaḥ |oṃ rukmiṇī kṛṣṇapatnī ca vidarbhādhipakanyakā |munivandyā munistutyā priyagā priyakṛtpriyā || 1||

वल्लभा वल्लरी नन्दा नन्दनाऽऽनन्दकृद्वरा ।ज्ञाननिष्ठा ज्ञानगम्या ज्ञानवाच्या वचःसुखा ॥ २॥

vallabhā vallarī nandā nandanā''nandakṛdvarā |jñānaniṣṭhā jñānagamyā jñānavācyā vacaḥsukhā || 2||

सुखदा सुखनिष्ठा च सुखगा सुखनिर्मला ।सुभगा भगगा गङ्गा गङ्गासागरवासगा ॥ ३॥

sukhadā sukhaniṣṭhā ca sukhagā sukhanirmalā |subhagā bhagagā gaṅgā gaṅgāsāgaravāsagā || 3||

खगापगा खगाऽगम्या खगगा गोपगाऽनघा ।विहङ्गा रूपसुभगा सत्रगाऽमित्रनाशिनी ॥ ४॥

khagāpagā khagā'gamyā khagagā gopagā'naghā |vihaṅgā rūpasubhagā satragā'mitranāśinī || 4||

योगनिष्ठा योगवासा योगकर्त्री सुयोगका ।योगिनी योगविन्नेत्री कर्त्री भर्त्री विशारदा ॥ ५॥

yoganiṣṭhā yogavāsā yogakartrī suyogakā |yoginī yogavinnetrī kartrī bhartrī viśāradā || 5||

कृष्णा विष्णुपदीवन्द्या कृष्णानन्दकरा शुभा ।शुभकर्त्री शुभानन्दी शुभगा शुभदायका ॥ ६॥

kṛṣṇā viṣṇupadīvandyā kṛṣṇānandakarā śubhā |śubhakartrī śubhānandī śubhagā śubhadāyakā || 6||

मोक्षदा मोक्षगा माया विष्णुशक्तिर्महाद्युतिः ।द्युतिगा द्युतिदा नित्याऽनित्यध्वंसनकारिणी ॥ ७॥

mokṣadā mokṣagā māyā viṣṇuśaktirmahādyutiḥ |dyutigā dyutidā nityā'nityadhvaṃsanakāriṇī || 7||

पञ्चवन्द्या पञ्चगम्या पञ्चाद्या पञ्चपल्लवा ।पञ्चवासा पञ्चनिष्ठा प्रपञ्चातीतगाऽमृता ॥ ८॥

pañcavandyā pañcagamyā pañcādyā pañcapallavā |pañcavāsā pañcaniṣṭhā prapañcātītagā'mṛtā || 8||

नारायणसरोवासी नारायणपरायणा ।नारायणी शारदाम्बा त्र्यम्बकी वसुधा शिवा ॥ ९॥

nārāyaṇasarovāsī nārāyaṇaparāyaṇā |nārāyaṇī śāradāmbā tryambakī vasudhā śivā || 9||

शिवगा शिववन्द्या च शिवध्यानपरायणा ।शङ्कराद्या शङ्करी च शङ्करप्रियनूपुरा ॥ १०॥

śivagā śivavandyā ca śivadhyānaparāyaṇā |śaṅkarādyā śaṅkarī ca śaṅkarapriyanūpurā || 10||

वाराही मत्स्यकी कूर्मी नारसिंही च वामनी ।भार्गवी सूर्यवंशाढ्या वासुदेवी जिनप्रिया ॥ ११॥

vārāhī matsyakī kūrmī nārasiṃhī ca vāmanī |bhārgavī sūryavaṃśāḍhyā vāsudevī jinapriyā || 11||

कल्किनी डाकिनी शूला शूलिनी शूलनाशिनी ।ब्रह्मादिवन्द्यपादा च ब्रह्मादिज्ञानदायिनी ॥ १२॥

kalkinī ḍākinī śūlā śūlinī śūlanāśinī |brahmādivandyapādā ca brahmādijñānadāyinī || 12||

जगत्कर्त्री जगद्धात्री जगद्वन्द्या जगत्प्रिया ।जगदाकाररूपा च जगदेकपरायणा ॥ १३॥

jagatkartrī jagaddhātrī jagadvandyā jagatpriyā |jagadākārarūpā ca jagadekaparāyaṇā || 13||

जगद्ध्वंसी जगद्वासी रुद्राणी रुद्रकारिणी ।रुद्रप्रिया रुद्रनाशा रुद्रा रुद्रानुगाऽगमा ॥ १४॥

jagaddhvaṃsī jagadvāsī rudrāṇī rudrakāriṇī |rudrapriyā rudranāśā rudrā rudrānugā'gamā || 14||

श्यामा श्यामाङ्गना रम्या रम्यकाननवासिनी ।भक्तिप्रिया भक्तिगम्या भक्तिशक्तिधराऽमरा ॥ १५॥

śyāmā śyāmāṅganā ramyā ramyakānanavāsinī |bhaktipriyā bhaktigamyā bhaktiśaktidharā'marā || 15||

यज्ञाङ्गा यज्ञवासा च यज्ञरूपा च यज्ञगा ।यज्ञध्वंसिनी यज्ञकर्त्री यज्ञा यज्ञाङ्गकारका ॥ १६॥

yajñāṅgā yajñavāsā ca yajñarūpā ca yajñagā |yajñadhvaṃsinī yajñakartrī yajñā yajñāṅgakārakā || 16||

रामा रामप्रियाऽऽरम्भाऽऽरम्भाभिप्रेतकारिणी ।रम्भा रम्याऽऽरम्भगा चाऽऽरम्भविद्रम्भघा नगा ॥ १७॥

rāmā rāmapriyā''rambhā''rambhābhipretakāriṇī |rambhā ramyā''rambhagā cā''rambhavidrambhaghā nagā || 17||

मालती मालिनी माला मालाऽऽकारा मलापहा ।मूलप्रकृतिराकाशाऽऽद्यानुगा मूलमर्दिनी ॥ १८॥

mālatī mālinī mālā mālā''kārā malāpahā |mūlaprakṛtirākāśā''dyānugā mūlamardinī || 18||

सदसद्रूपका भ्रान्तिः सरला भ्रान्तिनाशिनी ।भ्रमदा भ्रमकारा च भ्रमशर्वरिनाशका ॥ १९॥

sadasadrūpakā bhrāntiḥ saralā bhrāntināśinī |bhramadā bhramakārā ca bhramaśarvarināśakā || 19||

सूत्रात्मिका सूत्रसूत्रा सूत्रगा सूत्रकारिणी ।सूत्रपारा पारसूत्रा सूत्रान्तःसञ्चरी वरी ॥ २०॥

sūtrātmikā sūtrasūtrā sūtragā sūtrakāriṇī |sūtrapārā pārasūtrā sūtrāntaḥsañcarī varī || 20||

महत्तत्त्वा महद्वक्त्रा महती महदाशनी ।महिमा मोहिनी माया मायामूला महाकृतिः ॥ २१॥

mahattattvā mahadvaktrā mahatī mahadāśanī |mahimā mohinī māyā māyāmūlā mahākṛtiḥ || 21||

सर्वोत्तमा सर्वशक्तिः सर्वविद्या सुरूपिणी ।सर्वकर्त्री सर्वभत्रीं सर्वविघ्नविनाशिनी ॥ २२॥

sarvottamā sarvaśaktiḥ sarvavidyā surūpiṇī |sarvakartrī sarvabhatrīṃ sarvavighnavināśinī || 22||

हिरण्यगर्भा गर्भा च हिरण्यसदृशानना ।हिरण्यवर्णा वर्णा च हिरण्यरजतामला ॥ २३॥

hiraṇyagarbhā garbhā ca hiraṇyasadṛśānanā |hiraṇyavarṇā varṇā ca hiraṇyarajatāmalā || 23||

परात्परा परानारी नरभूषणभूषणा ।विशालाक्षी महामारी सगुणा गुणवर्धना ॥ २४॥

parātparā parānārī narabhūṣaṇabhūṣaṇā |viśālākṣī mahāmārī saguṇā guṇavardhanā || 24||

सुपर्णा पार्वती दुर्गा कोटितीर्थाघनाशिनी ।विश्वम्भरा विश्वरूपा विश्वा विश्वात्मिका सुधीः ॥ २५॥

suparṇā pārvatī durgā koṭitīrthāghanāśinī |viśvambharā viśvarūpā viśvā viśvātmikā sudhīḥ || 25||

वैष्णवी माधवी लक्ष्मीः वैकुण्ठाऽकुण्ठसञ्चरी ।योगपीठा वषट्कारा भूतभव्यभवत्करा ॥ २६॥

vaiṣṇavī mādhavī lakṣmīḥ vaikuṇṭhā'kuṇṭhasañcarī |yogapīṭhā vaṣaṭkārā bhūtabhavyabhavatkarā || 26||

अव्यया पौरुषी साक्षी क्षेत्रज्ञा क्षेत्रपालका ।क्षेत्राधिष्ठा तु गहना क्षेत्रमाला महामतिः ॥ २७॥

avyayā pauruṣī sākṣī kṣetrajñā kṣetrapālakā |kṣetrādhiṣṭhā tu gahanā kṣetramālā mahāmatiḥ || 27||

क्षेत्राकृतिर्भूतभावा भूतभावनतत्परा ।पूतात्मिका पूतपरा मुक्तानां गतिरुत्तमा ॥ २८॥

kṣetrākṛtirbhūtabhāvā bhūtabhāvanatatparā |pūtātmikā pūtaparā muktānāṃ gatiruttamā || 28||

अक्षरी योगिनी जेष्ठा प्रधानपुरुषेश्वरी ।स्वयम्भवी महाशब्दा ह्यनादिनिधनाऽन्तका ॥ २९॥

akṣarī yoginī jeṣṭhā pradhānapuruṣeśvarī |svayambhavī mahāśabdā hyanādinidhanā'ntakā || 29||

विधात्री धारिणी धात्री पद्मनाभा शुचिश्रवाः ।अप्रमेया ध्रुवा शुद्धा स्थविष्ठा विश्वकर्मिका ॥ ३०॥

vidhātrī dhāriṇī dhātrī padmanābhā śuciśravāḥ |aprameyā dhruvā śuddhā sthaviṣṭhā viśvakarmikā || 30||

अग्राही शाश्वती बाला बालार्कसदृशाकृतिः ।ईशानी प्राणसृक्प्राणा प्राणाप्राणानुकारिणी ॥ ३१॥

agrāhī śāśvatī bālā bālārkasadṛśākṛtiḥ |īśānī prāṇasṛkprāṇā prāṇāprāṇānukāriṇī || 31||

ईश्वरी विक्रमी श्रेष्ठा धन्वी दैत्यनिषूदनी ।गोविदा गोपतीर्गोदा मधुसूदनतत्परा ॥ ३२॥

īśvarī vikramī śreṣṭhā dhanvī daityaniṣūdanī |govidā gopatīrgodā madhusūdanatatparā || 32||

विक्रमाक्रमणी क्रम्या दुराधर्षा सुरेश्वरी ।मेधानी क्रमणी मेधा शरण्या शरणप्रदा ॥ ३३॥

vikramākramaṇī kramyā durādharṣā sureśvarī |medhānī kramaṇī medhā śaraṇyā śaraṇapradā || 33||

कलिप्रकृतिविध्वंसी विश्वशुक्ला प्रजाभवा ।अहः संवत्सरी व्याला सर्वसिद्धिरजाऽन्विता ॥ ३४॥

kaliprakṛtividhvaṃsī viśvaśuklā prajābhavā |ahaḥ saṃvatsarī vyālā sarvasiddhirajā'nvitā || 34||

सर्वदर्शी प्रत्ययाना सर्वाद्याऽप्रच्युता वृषा ।सम्मिता समचिद्रूपा सर्वयोगविनिःसृता ॥ ३५॥

sarvadarśī pratyayānā sarvādyā'pracyutā vṛṣā |sammitā samacidrūpā sarvayogaviniḥsṛtā || 35||

वृषाकृतिरमेयात्मा वृषकर्मी ह्यमोघधृक् ।अमोघा पुण्डरीकाक्षा विश्वयोनिः कवीश्वरी ॥ ३६॥

vṛṣākṛtirameyātmā vṛṣakarmī hyamoghadhṛk |amoghā puṇḍarīkākṣā viśvayoniḥ kavīśvarī || 36||

स्थाणुरूपा वरारोहा सर्वगा बभ्रुवाहना ।विष्वक्सेना वेदवेदी जनलोकनिवासिनी ॥ ३७॥

sthāṇurūpā varārohā sarvagā babhruvāhanā |viṣvaksenā vedavedī janalokanivāsinī || 37||

महातपःपरा लोकधिषणा च जनार्दनी ।धर्माध्यक्षा चतुर्दंष्ट्रा चतुर्व्यूहाऽसुराशनी ॥ ३८॥ (चतुर्व्यूहाऽसुरनाशिनी)

mahātapaḥparā lokadhiṣaṇā ca janārdanī |dharmādhyakṣā caturdaṃṣṭrā caturvyūhā'surāśanī || 38|| (caturvyūhā'suranāśinī)

चतुर्भुजा वसुभुजा सुराध्यक्षा कृतागमा ।जैत्री भोक्त्री सुविजयी भ्राजिष्णुर्जगदात्मिका ॥ ३९॥

caturbhujā vasubhujā surādhyakṣā kṛtāgamā |jaitrī bhoktrī suvijayī bhrājiṣṇurjagadātmikā || 39||

उपेन्द्रा सङ्ग्रही वैद्या सर्वस्थित्यन्तकारिणी ।महामदा महायोग्या मधुहा वीरहा तथा ॥ ४०॥

upendrā saṅgrahī vaidyā sarvasthityantakāriṇī |mahāmadā mahāyogyā madhuhā vīrahā tathā || 40||

ऊर्जिता यमुना वेद्या महोत्साहा महाबला ।इन्द्रियातीतगा देवी महाबुद्धिरतीन्द्रिया ॥ ४१॥

ūrjitā yamunā vedyā mahotsāhā mahābalā |indriyātītagā devī mahābuddhiratīndriyā || 41||

अनिर्देश्या महाकाया महावीर्या धृतात्मिका ।श्रीमती च महेष्वासा श्रीनिवासा महीधरा ॥ ४२॥

anirdeśyā mahākāyā mahāvīryā dhṛtātmikā |śrīmatī ca maheṣvāsā śrīnivāsā mahīdharā || 42||

अनिरुद्धपदा नन्दी कौमारी च सतां पतिःहंसी मरीचदमनी पद्मवासा सुलोचना ॥ ४३॥

aniruddhapadā nandī kaumārī ca satāṃ patiḥhaṃsī marīcadamanī padmavāsā sulocanā || 43||

सुतपस्वी रमा पद्मा भुजगा भुजगोत्तमा ।अमृत्युर्विश्रुता शस्त्री गदापाणिः स्थिरा मतिः ॥ ४४॥

sutapasvī ramā padmā bhujagā bhujagottamā |amṛtyurviśrutā śastrī gadāpāṇiḥ sthirā matiḥ || 44||

सुदुर्मर्षी सुसन्धात्री सिंहस्कन्धा गुरूत्तमा ।निमिषाऽनिमिषा काली कपिला कपिलप्रिया ॥ ४५॥

sudurmarṣī susandhātrī siṃhaskandhā gurūttamā |nimiṣā'nimiṣā kālī kapilā kapilapriyā || 45||