रुद्राणिरुद्रयोःनामानि Rudrani (51) Rudra (51) Names

रुद्रस्य एकपञ्चाशन्नामानिपञ्चाशदेकशक्तीनां तथा नाम शृणु प्रभो ।सर्वेषामभिधानान्ते ईशाय नम उच्चरेत् ॥ ४७३९॥

rudrasya ekapañcāśannāmānipañcāśadekaśaktīnāṃ tathā nāma śṛṇu prabho |sarveṣāmabhidhānānte īśāya nama uccaret || 4739||

एकैकं मातृकावर्णं नाम्न आद्ये नियोजयेत् ।शक्तियुक्तं सदा नाम ईशान्तं सन्त्यजेत् तथा ॥ ४७४०॥

ekaikaṃ mātṛkāvarṇaṃ nāmna ādye niyojayet |śaktiyuktaṃ sadā nāma īśāntaṃ santyajet tathā || 4740||

भेदने शक्तियुक्तस्तु न्यासं कुर्यान्महायतिः ।कुशासने सिद्धिहेतोश्चैलाजिनकुशोत्तरम् ॥ ४७४१॥

bhedane śaktiyuktastu nyāsaṃ kuryānmahāyatiḥ |kuśāsane siddhihetoścailājinakuśottaram || 4741||

बद्धैकमासनं योगी न्यासजालं समाचरेत् ।अथवा द्वीपिचर्मादि कोमलाद्यासनेऽपि वा ॥ ४७४२॥

baddhaikamāsanaṃ yogī nyāsajālaṃ samācaret |athavā dvīpicarmādi komalādyāsane'pi vā || 4742||

योगाभ्यासी न्यासजालं कृत्वा सावभयो भवेत् ।भद्रकाली गृहे स्थित्वा ये कुर्वन्ति निरन्तरम् ॥ ४७४३॥

yogābhyāsī nyāsajālaṃ kṛtvā sāvabhayo bhavet |bhadrakālī gṛhe sthitvā ye kurvanti nirantaram || 4743||

महान्यासं महादेव तत्क्षणादमरो भवेत् ।आयुरारोग्यसम्पत्तिं संप्राप्नोति महाश्रियम् ॥ ४७४४॥

mahānyāsaṃ mahādeva tatkṣaṇādamaro bhavet |āyurārogyasampattiṃ saṃprāpnoti mahāśriyam || 4744||

समायाति मम स्थाने न्यासयोगप्रसादतः ।न्यासधारणयोगेन मणिपूरे हृदो भवेत् ॥ ४७४५॥

samāyāti mama sthāne nyāsayogaprasādataḥ |nyāsadhāraṇayogena maṇipūre hṛdo bhavet || 4745||

आदौ तन्नाम वक्तव्यं पश्चात् शक्त्याभिधानकम् ।श्रीकण्ठश्चाप्यनन्तश्च सूक्ष्मा त्रिमूर्तिरेव च ॥ ४७४६॥

ādau tannāma vaktavyaṃ paścāt śaktyābhidhānakam |śrīkaṇṭhaścāpyanantaśca sūkṣmā trimūrtireva ca || 4746||

अमरेश्वरश्चार्घीशो भावभूतिस्ततः परम् ।अतिथीशस्थाण्वीशो (स्थानुकेशो) हरो झिण्टीश(झिष्टीश) एव च ॥ ४७४७॥

amareśvaraścārghīśo bhāvabhūtistataḥ param |atithīśasthāṇvīśo (sthānukeśo) haro jhiṇṭīśa(jhiṣṭīśa) eva ca || 4747||

भौतिकः सद्योजातश्चाप्यनुग्रहेश्वरस्तथा ।अक्रूरोऽपि महासेनो निर्जरादिश्च षोडश ॥ ४७४८॥

bhautikaḥ sadyojātaścāpyanugraheśvarastathā |akrūro'pi mahāseno nirjarādiśca ṣoḍaśa || 4748||

एते देवा महारुद्र षोडशस्वरविग्रहाः ।क्रोधीशश्चापि चण्डेशः पञ्चान्तकः शिवोत्तमः ॥ ४७४९॥

ete devā mahārudra ṣoḍaśasvaravigrahāḥ |krodhīśaścāpi caṇḍeśaḥ pañcāntakaḥ śivottamaḥ || 4749||

एकरुद्रस्तथा कूर्म एकनेत्रेश्वरस्ततः ।चतुराननोऽजेशश्च सर्वः सोमेश एव च ॥ ४७५०॥

ekarudrastathā kūrma ekanetreśvarastataḥ |caturānano'jeśaśca sarvaḥ someśa eva ca || 4750||

लाङ्गलीशो* दारुकेशोऽर्द्धनारीश्वर एव च ।(*उमाकान्तेश आषाढिः डिण्डीशोऽत्रीश एव च ।मीनेशश्चापि मेषेशो लोहितेशः शिखीश्वरः ॥छगलण्डे द्विरण्डेशो महाकालेश्वरस्ततः ।)वाणीशश्च भुजङ्गेशः पिनाकीशस्ततः परम् ॥ ४७५१॥

lāṅgalīśo* dārukeśo'rddhanārīśvara eva ca |(*umākānteśa āṣāḍhiḥ ḍiṇḍīśo'trīśa eva ca |mīneśaścāpi meṣeśo lohiteśaḥ śikhīśvaraḥ ||chagalaṇḍe dviraṇḍeśo mahākāleśvarastataḥ |)vāṇīśaśca bhujaṅgeśaḥ pinākīśastataḥ param || 4751||

खड्गीशश्चरकेशश्च श्येनो भृग्वीश एव चनकुलीशः शिवेशश्च संवर्त्तकेश एव च ॥ ४७५२॥

khaḍgīśaścarakeśaśca śyeno bhṛgvīśa eva canakulīśaḥ śiveśaśca saṃvarttakeśa eva ca || 4752||

एते रुद्राः समाख्याताः सर्वकाले कुलेश्वराः ।यस्य नाम्नश्चान्तभाते ईशशब्दो न विद्यते ॥ ४७५३॥

ete rudrāḥ samākhyātāḥ sarvakāle kuleśvarāḥ |yasya nāmnaścāntabhāte īśaśabdo na vidyate || 4753||

केशान्तं नाम संस्कृत्य न्यासं मौलीशमाचरेत् ।कामं मोहादिनाशार्थं यः करोति निरन्तरम् ॥ ४७५४॥

keśāntaṃ nāma saṃskṛtya nyāsaṃ maulīśamācaret |kāmaṃ mohādināśārthaṃ yaḥ karoti nirantaram || 4754||

मातृकावर्णघटितं मातृकास्थलके न्यसेत् ।शक्तियुक्तं यदा न्यासं तत्कालेऽपीशयोजनम् ।अथवा रुद्रशक्त्या च तथा रुद्रेण सम्पुटम् ॥ ४७५५॥

mātṛkāvarṇaghaṭitaṃ mātṛkāsthalake nyaset |śaktiyuktaṃ yadā nyāsaṃ tatkāle'pīśayojanam |athavā rudraśaktyā ca tathā rudreṇa sampuṭam || 4755||

निजमन्त्रेण वा नाथ पुटितं मातृकास्थले ।शक्त्या च ग्रथनं कृत्वा संसारं सन्तरेत् क्षणात् ॥ ४७५६॥

nijamantreṇa vā nātha puṭitaṃ mātṛkāsthale |śaktyā ca grathanaṃ kṛtvā saṃsāraṃ santaret kṣaṇāt || 4756||

रुद्राणीनामानितत्प्रकारं शृणु प्राणनाथ शङ्कर वल्लभ ।पूर्णोदरी च गिरिजा शाल्मली तदनन्तरम् ॥ ४७५७॥

rudrāṇīnāmānitatprakāraṃ śṛṇu prāṇanātha śaṅkara vallabha |pūrṇodarī ca girijā śālmalī tadanantaram || 4757||

लोलाक्षी वर्त्तुलाक्षी च दीर्घघोणा ततः परम् ।सुदीर्घमुखिगोमुख्यौ दीर्घजिह्वा ततः परम् ॥ ४७५८॥

lolākṣī varttulākṣī ca dīrghaghoṇā tataḥ param |sudīrghamukhigomukhyau dīrghajihvā tataḥ param || 4758||

कुण्डोदरी चोर्ध्वमुखी तथा विकृतमुख्यपि ।ज्वालामुखी वह्निमुखी लोलजिह्वा ततः परम् ॥ ४७५९॥

kuṇḍodarī cordhvamukhī tathā vikṛtamukhyapi |jvālāmukhī vahnimukhī lolajihvā tataḥ param || 4759||

विद्यामुखी तथा नाथ एताश्च स्वरशक्तयः ।काद्यार्णशक्तिविद्याश्च वक्ष्यामि पार्वतीश्वर ॥ ४७६०॥

vidyāmukhī tathā nātha etāśca svaraśaktayaḥ |kādyārṇaśaktividyāśca vakṣyāmi pārvatīśvara || 4760||

महाकालीसरस्वत्योर्महालक्ष्म्यास्ततः परम् ।द्राविणी नागरी भूयः खेचरी चापि मञ्जरी ॥ ४७६१॥

mahākālīsarasvatyormahālakṣmyāstataḥ param |drāviṇī nāgarī bhūyaḥ khecarī cāpi mañjarī || 4761||

रूपिणी बिम्बिनी पश्चात् काकोदरी च पूतना ।भद्रकाली योगिनी च शङ्खिनी गर्ज्जिनी तथा ॥ ४७६२॥

rūpiṇī bimbinī paścāt kākodarī ca pūtanā |bhadrakālī yoginī ca śaṅkhinī garjjinī tathā || 4762||

कालरात्रिः कुञ्जिका च कपर्द्दिनी ततः परम् ।वज्रा जया ततो नाथ सुमुखेश्वर्यपि प्रभो ॥ ४७६३॥

kālarātriḥ kuñjikā ca kaparddinī tataḥ param |vajrā jayā tato nātha sumukheśvaryapi prabho || 4763||

रेवती माधवी चैव वारुणी वायवी तथा ।वक्षोविदारिणी चैव सहजालक्ष्म्यथ प्रभो ॥ ४७६४॥

revatī mādhavī caiva vāruṇī vāyavī tathā |vakṣovidāriṇī caiva sahajālakṣmyatha prabho || 4764||

व्यापिनी चैव माया च रुद्राङ्कपीठदेवताः ।इति रुद्राणिरुद्रयोः नामानि समाप्ता ।ऱुद्रयमल उत्तरतन्त्र।

vyāpinī caiva māyā ca rudrāṅkapīṭhadevatāḥ |iti rudrāṇirudrayoḥ nāmāni samāptā |rudrayamala uttaratantra|