राकिणीराधिकास्तवम् Rakini Radhika Stavam

आन्दोलिता रसनिधौ कुलचञ्चला यामायामयो सकलदुःखविनाशवीरा ।वीरासना स्थितिगता सुलभा मुनीनांभव्या प्रपातु भविका कुलराकिणी माम् ॥ ४११८॥

āndolitā rasanidhau kulacañcalā yāmāyāmayo sakaladuḥkhavināśavīrā |vīrāsanā sthitigatā sulabhā munīnāṃbhavyā prapātu bhavikā kularākiṇī mām || 4118||

आनन्दसिन्धु जडिताखिलसारपानाबाला कुलीननमिता दलषट्कुलस्था ।कालीकलामलगुणा धनिनां धनस्था ।कृष्णेश्वरी समुदयं कुरु राकिणी मे ॥ ४११९॥

ānandasindhu jaḍitākhilasārapānābālā kulīnanamitā dalaṣaṭkulasthā |kālīkalāmalaguṇā dhanināṃ dhanasthā |kṛṣṇeśvarī samudayaṃ kuru rākiṇī me || 4119||

या राकिणी त्रिजगतामुदयाय चेष्टासंज्ञामयी कुलवती कुलवल्लभस्था ।विश्वेश्वरी स्मरहरप्रियकर्मनिष्ठाकृष्णप्रिया मम सुखं परिपातु देवी ॥ ४१२०॥

yā rākiṇī trijagatāmudayāya ceṣṭāsaṃjñāmayī kulavatī kulavallabhasthā |viśveśvarī smaraharapriyakarmaniṣṭhākṛṣṇapriyā mama sukhaṃ paripātu devī || 4120||

षड्वर्गनाथकरपद्मनिषेविता याराधेश्वरी प्रियकरी सुरसुन्दरी सा ।माता कुलेशजननी जगतां मनुस्था ।विद्या परा रिपुहरावत मे शरीरम् ॥ ४१२१॥

ṣaḍvarganāthakarapadmaniṣevitā yārādheśvarī priyakarī surasundarī sā |mātā kuleśajananī jagatāṃ manusthā |vidyā parā ripuharāvata me śarīram || 4121||

गोविन्दरामरमणी नवमालिनी याराज्येश्वरी स्मरहरा नवकामिनी वा ।मे षड्दलाश्रितसुरं परिपातु नित्यंश्रीकुण्डली सुविमला कुलराकिणी सा ॥ ४१२२॥

govindarāmaramaṇī navamālinī yārājyeśvarī smaraharā navakāminī vā |me ṣaḍdalāśritasuraṃ paripātu nityaṃśrīkuṇḍalī suvimalā kularākiṇī sā || 4122||

श्रीसुन्दरी कुलपरा कुलवृन्दवन्द्यासन्ध्याविधि प्रभवतामतिकामतीर्था ।श्रीदायिनी कुलगणामलभावदात्रीनित्यं प्रपातु विषयं कुलषड्दलानाम् ॥ ४१२३॥

śrīsundarī kulaparā kulavṛndavandyāsandhyāvidhi prabhavatāmatikāmatīrthā |śrīdāyinī kulagaṇāmalabhāvadātrīnityaṃ prapātu viṣayaṃ kulaṣaḍdalānām || 4123||

चैतन्यदाननिरतां त्रिगुणाभिरामांश्यामां नितम्बधृतसुन्दररत्नघण्टाम् ।नीलाचलस्थितकरां वरदानहस्तांश्रीकृष्णवाम कमलोपरि पूजयामि ॥ ४१२४॥

caitanyadānaniratāṃ triguṇābhirāmāṃśyāmāṃ nitambadhṛtasundararatnaghaṇṭām |nīlācalasthitakarāṃ varadānahastāṃśrīkṛṣṇavāma kamalopari pūjayāmi || 4124||

तां राकिणीं त्रिरमणीं समलापहन्त्रींसर्वस्थितां गगनमातरमम्बुजस्थाम् ।पद्मासनां श्रुतिभुजां गुरुजामनन्तांशान्तां षडम्बुजदलोपरि पूजयामि ॥ ४१२५॥

tāṃ rākiṇīṃ triramaṇīṃ samalāpahantrīṃsarvasthitāṃ gaganamātaramambujasthām |padmāsanāṃ śrutibhujāṃ gurujāmanantāṃśāntāṃ ṣaḍambujadalopari pūjayāmi || 4125||

शान्तिं कृपाकपटकोपरि नाशमुक्तिंशिवां परमवैष्णवपूजिताङ्घ्रिम् ।राधां सुधां वरमयीं जगतां गुणस्थांधर्मार्णवां रसदले परिपूजयामि ॥ ४१२६॥

śāntiṃ kṛpākapaṭakopari nāśamuktiṃśivāṃ paramavaiṣṇavapūjitāṅghrim |rādhāṃ sudhāṃ varamayīṃ jagatāṃ guṇasthāṃdharmārṇavāṃ rasadale paripūjayāmi || 4126||

कर्त्तीकरां सकरुणां रमणीं त्रिसर्गाम् ।तां राकिणीमतिदयाममलार्थचिन्ताम् ।भ्रान्तिं भ्रमागमवरां स्मृतिमादिपूज्याम् ।भार्यां हरेरतिसुखां परिपूजयामि ॥ ४१२७॥

karttīkarāṃ sakaruṇāṃ ramaṇīṃ trisargām |tāṃ rākiṇīmatidayāmamalārthacintām |bhrāntiṃ bhramāgamavarāṃ smṛtimādipūjyām |bhāryāṃ hareratisukhāṃ paripūjayāmi || 4127||

या कातरं निरवधिप्रणयस्ववस्थावागीश्वरी भगवती यतिकोटिनम्रा ।ताम्राकृतिप्रकृतिचेतसि रक्तवर्णामायामयी सुरकलावति पातु मेऽङ्गम् ॥ ४१२८॥

yā kātaraṃ niravadhipraṇayasvavasthāvāgīśvarī bhagavatī yatikoṭinamrā |tāmrākṛtiprakṛticetasi raktavarṇāmāyāmayī surakalāvati pātu me'ṅgam || 4128||

कल्पद्रुमाशयलता फलरूपिणी याभर्गस्थिता पुरुषकोटिमुनिस्तुवन्ती ।सा मे कुलेश्वररसं हरिहस्तपूज्याक्षान्तिः सदा मम धनं परिपातु राधा ॥ ४१२९॥

kalpadrumāśayalatā phalarūpiṇī yābhargasthitā puruṣakoṭimunistuvantī |sā me kuleśvararasaṃ harihastapūjyākṣāntiḥ sadā mama dhanaṃ paripātu rādhā || 4129||

क्षेमङ्करी वरकरी सुकरी हरिस्थाया सौकरी भवकरी त्रिपुरा महेशी ।वायुस्थिता लयमयी स्थितिमार्गसङ्गाभङ्गपिरया सकलका परिपातु राधा ॥ ४१३०॥

kṣemaṅkarī varakarī sukarī haristhāyā saukarī bhavakarī tripurā maheśī |vāyusthitā layamayī sthitimārgasaṅgābhaṅgapirayā sakalakā paripātu rādhā || 4130||

गङ्गा निर्मलभावदा ममशिरोदेशं सदा रक्षतुश्रीराधा कुलराकिणी मम कपालोर्ध्वं महावाक्प्रिया ।मन्त्रस्था जयदा मुदा कुमुदिनी भालं भ्रुवोरन्तरंविद्या वाग्भवकुण्डलीफलवलाबाला च नेत्रत्रयम् ॥ ४१३१॥

gaṅgā nirmalabhāvadā mamaśirodeśaṃ sadā rakṣatuśrīrādhā kularākiṇī mama kapālordhvaṃ mahāvākpriyā |mantrasthā jayadā mudā kumudinī bhālaṃ bhruvorantaraṃvidyā vāgbhavakuṇḍalīphalavalābālā ca netratrayam || 4131||

गण्डं चण्डसरस्वती श्रुतिकुलं कैलासशैलस्थितामेधा टं घटवासिनी शशीमुखी सूक्ष्मातिसूक्ष्माशया ।जिह्वाग्रं चिबुकं रदावधिवहा कण्ठं गलं स्कन्धगंस्कन्देशी दशनप्रभामलमति वैकुण्ठधामेश्वरी ॥ ४१३२॥

gaṇḍaṃ caṇḍasarasvatī śrutikulaṃ kailāsaśailasthitāmedhā ṭaṃ ghaṭavāsinī śaśīmukhī sūkṣmātisūkṣmāśayā |jihvāgraṃ cibukaṃ radāvadhivahā kaṇṭhaṃ galaṃ skandhagaṃskandeśī daśanaprabhāmalamati vaikuṇṭhadhāmeśvarī || 4132||

नानावर्णविलासिनी मृदुरसं शम्भोर्भवानी शिवापृष्ठं कर्मसु पृष्ठगा गतिकरी नित्योल्बणी भास्वती ।पार्श्वं मे कुलमालिनी मम कटिं लिङ्गं नितम्बाम्बरंकामाख्या धनदायिनी सकरुणा पादद्वयं पातु सा ॥ ४१३३॥

nānāvarṇavilāsinī mṛdurasaṃ śambhorbhavānī śivāpṛṣṭhaṃ karmasu pṛṣṭhagā gatikarī nityolbaṇī bhāsvatī |pārśvaṃ me kulamālinī mama kaṭiṃ liṅgaṃ nitambāmbaraṃkāmākhyā dhanadāyinī sakaruṇā pādadvayaṃ pātu sā || 4133||

मातृक्रोधनिवारिणी मम शिवं षट् पत्रशोभाकरंपातु श्रीचरुवासिनी कुलतरुं गौरी परानन्ददा ।चैतन्यस्थलवासिनी मम गता गोविन्दमातृप्रियाचैतन्यं सततं प्रपातु धरणी धात्री वरक्षेत्रगा ॥ ४१३४॥

mātṛkrodhanivāriṇī mama śivaṃ ṣaṭ patraśobhākaraṃpātu śrīcaruvāsinī kulataruṃ gaurī parānandadā |caitanyasthalavāsinī mama gatā govindamātṛpriyācaitanyaṃ satataṃ prapātu dharaṇī dhātrī varakṣetragā || 4134||

धन्या पिङ्गललोचनाम्बुजमुखी चैतन्यकर्मप्रियासर्वत्र प्रियमाकरोतु नियतं शक्तिः क्षमाकर्तृका ।कीर्तिस्था मम कीर्तिचक्रनिलयं लाक्षारुणा बल्वरीनीचा चक्रनिवासिनी मम जया जीवं मुदा पातु माम् ॥ ४१३५॥

dhanyā piṅgalalocanāmbujamukhī caitanyakarmapriyāsarvatra priyamākarotu niyataṃ śaktiḥ kṣamākartṛkā |kīrtisthā mama kīrticakranilayaṃ lākṣāruṇā balvarīnīcā cakranivāsinī mama jayā jīvaṃ mudā pātu mām || 4135||

एतत्स्तोत्रं पठेन्नित्यं प्राणवायुवराशुभे ।षट्चक्रभेदसमये सदा पाठ्यं सुयोगिभिः ॥ ४१३६॥

etatstotraṃ paṭhennityaṃ prāṇavāyuvarāśubhe |ṣaṭcakrabhedasamaye sadā pāṭhyaṃ suyogibhiḥ || 4136||

कुलविन्याससमये कुलचक्रप्रवेशने ।अवश्यं प्रपठेद्विद्वान् राकिणीराधिकास्तवम् ॥ ४१३७॥

kulavinyāsasamaye kulacakrapraveśane |avaśyaṃ prapaṭhedvidvān rākiṇīrādhikāstavam || 4137||

त्रिसन्ध्यं चेदमाकुर्यात् पठित्वा च पुनः पुनः ।ध्यात्वा भावपरो भूत्वा मुच्यते भवबन्धनात् ॥ ४१३८॥

trisandhyaṃ cedamākuryāt paṭhitvā ca punaḥ punaḥ |dhyātvā bhāvaparo bhūtvā mucyate bhavabandhanāt || 4138||

अचलां भक्तिमाप्नोति विश्वामित्रो यथा वशी ।पठनात् पामरो याति ब्रह्मलोकं कुलाधिप ॥ ४१३९॥

acalāṃ bhaktimāpnoti viśvāmitro yathā vaśī |paṭhanāt pāmaro yāti brahmalokaṃ kulādhipa || 4139||

एतत्पठनमात्रेण शीतलो गुणवान् भवेत् ।अप्रकाश्यमिदं स्तोत्रं सर्वान्तकविनाशनम् ॥ ४१४०॥

etatpaṭhanamātreṇa śītalo guṇavān bhavet |aprakāśyamidaṃ stotraṃ sarvāntakavināśanam || 4140||

समभावं समाकृत्य जीवन्मुक्तो भवेद्वशी ।पञ्चाचाररतो भूत्वा साधयेद् यदि साधनम् ॥ ४१४१॥

samabhāvaṃ samākṛtya jīvanmukto bhavedvaśī |pañcācārarato bhūtvā sādhayed yadi sādhanam || 4141||

कुण्डलीयोगकाले च कुलाचारं न वर्जयेत् ।कुलाचारवर्जनेन महाहानिः प्रजायते ॥ ४१४२॥

kuṇḍalīyogakāle ca kulācāraṃ na varjayet |kulācāravarjanena mahāhāniḥ prajāyate || 4142||

ब्राह्मणः क्षत्रियो वापि वैश्यो वा शूद्र एव च ।समभावं सदा कृत्वा कुलाचारं समाश्रयेत् ॥ ४१४३॥

brāhmaṇaḥ kṣatriyo vāpi vaiśyo vā śūdra eva ca |samabhāvaṃ sadā kṛtvā kulācāraṃ samāśrayet || 4143||

कुण्डली पृथिवी देवी राकिणी स्वारिदेवता ।तद्गेहगामिनी देवी राधिका राज्यकामिनी ॥ ४१४४॥

kuṇḍalī pṛthivī devī rākiṇī svāridevatā |tadgehagāminī devī rādhikā rājyakāminī || 4144||

अस्याः साधनकाले च समयाचारमाश्रयेत् ।समभावे महामोक्ष इति तन्त्रार्थनिर्णयः ॥ ४१४५॥

asyāḥ sādhanakāle ca samayācāramāśrayet |samabhāve mahāmokṣa iti tantrārthanirṇayaḥ || 4145||

समभावार्थकथनं त्यक्त्वा योगी भवेत्कृती ॥ ४१४६॥

samabhāvārthakathanaṃ tyaktvā yogī bhavetkṛtī || 4146||

इति श्रीरुद्रयामले उत्तरतन्त्रे महातन्त्रोद्दीपने सिद्धिमन्त्रप्रकरणेषट्चक्रप्रकाशे भैरवीभैरवसंवादे स्वाधिष्ठानराकिणीस्तोत्रंनामैकचत्वारिंशत्तमः पटलः ॥ ४१॥

iti śrīrudrayāmale uttaratantre mahātantroddīpane siddhimantraprakaraṇeṣaṭcakraprakāśe bhairavībhairavasaṃvāde svādhiṣṭhānarākiṇīstotraṃnāmaikacatvāriṃśattamaḥ paṭalaḥ || 41||

ऱुद्रयमल उत्तरतन्त्र।

rudrayamala uttaratantra|