राज्ञीकवचम् Rajni Kavacham

ॐ श्रीभैरव उवाचशृणु देवि प्रवक्ष्यामि राज्ञीकवचमुत्तमम् ।त्रैलोक्यविजयं नाम दिव्यं भोगापवर्गदम् ॥ १॥

oṃ śrībhairava uvācaśṛṇu devi pravakṣyāmi rājñīkavacamuttamam |trailokyavijayaṃ nāma divyaṃ bhogāpavargadam || 1||

मूलमन्त्रमयं साध्यमष्टसिद्धिप्रदायकम् ।सर्वैश्वर्यप्रदं लोके सर्वागमविनिश्चितम् ॥ २॥

mūlamantramayaṃ sādhyamaṣṭasiddhipradāyakam |sarvaiśvaryapradaṃ loke sarvāgamaviniścitam || 2||

पठनाद्धारणाद्देवि महापातकनाशनम् ।महोत्पातप्रशमनं मूलविद्यामनोहरम् ॥ ३॥

paṭhanāddhāraṇāddevi mahāpātakanāśanam |mahotpātapraśamanaṃ mūlavidyāmanoharam || 3||

विरूपाक्षः शिवो देवि विष्णुर्नारायणो बली ।ब्रह्मा पितामहो लोके जिष्णुर्गीर्वाणनायकः ॥ ४॥

virūpākṣaḥ śivo devi viṣṇurnārāyaṇo balī |brahmā pitāmaho loke jiṣṇurgīrvāṇanāyakaḥ || 4||

महोनिधिस्तथा सूर्यस्तारकाधिपतिः शशी ।रत्नाकरश्च जलधिः शेषश्चानन्ततां गतः ॥ ५॥

mahonidhistathā sūryastārakādhipatiḥ śaśī |ratnākaraśca jaladhiḥ śeṣaścānantatāṃ gataḥ || 5||

श्रीराज्ञ्याः कवचस्यास्य पठनाद्धारणात्सदा ।बहुनोक्तेन किं देवि कवचस्यास्य धारणात् ॥ ६॥

śrīrājñyāḥ kavacasyāsya paṭhanāddhāraṇātsadā |bahunoktena kiṃ devi kavacasyāsya dhāraṇāt || 6||

मर्त्योप्यमर्त्यतां याति राज्ञीपदमवाप्नुयात् ॥ ७॥

martyopyamartyatāṃ yāti rājñīpadamavāpnuyāt || 7||

ऋषिरस्य महादेवि ब्रह्मा छन्द उदाहृतम् ।गायत्रं देवता राज्ञी माया बीजमुदाहृतम् ॥ ८॥

ṛṣirasya mahādevi brahmā chanda udāhṛtam |gāyatraṃ devatā rājñī māyā bījamudāhṛtam || 8||

शरच्छक्तिः कीलकं च कामराजो महेश्वरि ।भोगापवर्गसिद्।ह्ध्यर्थे विनियोगः प्रकीर्तितः ॥ ९॥

śaracchaktiḥ kīlakaṃ ca kāmarājo maheśvari |bhogāpavargasid|hdhyarthe viniyogaḥ prakīrtitaḥ || 9||

अस्य श्रीमहाराज्ञिकवचमन्त्रस्य, ब्रह्मा ऋषिः, गायत्रं छन्दः,श्रीमहाराज्ञी देवता, ह्रीं बीजं, सौः शक्तिः, क्लीं कीलकं,आत्मनो वाङ्मनःकायोपार्जितपापनिवारणार्थंमहाराज्ञीप्रीत्यर्थं पाठे विनियोगः ॥ध्यानम्ॐ लक्ष्मीर्मे शिरः पातु ह्रीं ललाटं सरस्वती ।श्रीं बाला पातु मे नेत्रे त्र्य श्रं पातु श्रुती मम ॥ १॥

asya śrīmahārājñikavacamantrasya, brahmā ṛṣiḥ, gāyatraṃ chandaḥ,śrīmahārājñī devatā, hrīṃ bījaṃ, sauḥ śaktiḥ, klīṃ kīlakaṃ,ātmano vāṅmanaḥkāyopārjitapāpanivāraṇārthaṃmahārājñīprītyarthaṃ pāṭhe viniyogaḥ ||dhyānamoṃ lakṣmīrme śiraḥ pātu hrīṃ lalāṭaṃ sarasvatī |śrīṃ bālā pātu me netre trya śraṃ pātu śrutī mama || 1||

रां दुर्गा पातु मे नासां क्लीं मुखं पातु शारिका ।सौः कण्ठं वैखरी पातु भं भुजौ पातु मे शिवा ॥ २॥

rāṃ durgā pātu me nāsāṃ klīṃ mukhaṃ pātu śārikā |sauḥ kaṇṭhaṃ vaikharī pātu bhaṃ bhujau pātu me śivā || 2||

गं हस्तौ पातु मे काली वं वक्षस्त्रिपुराऽवतु ।षडश्रं पातु मे मध्यं वृत्तं पार्श्वौ ममावतु ॥ ३॥

gaṃ hastau pātu me kālī vaṃ vakṣastripurā'vatu |ṣaḍaśraṃ pātu me madhyaṃ vṛttaṃ pārśvau mamāvatu || 3||

त्यै पृष्ठं पातु मे ब्राह्मी रां नाभिं पातु वैष्णवी ।ज्ञ्यै गुदं पातु रुद्राणी ह्रीं कटिं मे पराजिता ॥ ४॥

tyai pṛṣṭhaṃ pātu me brāhmī rāṃ nābhiṃ pātu vaiṣṇavī |jñyai gudaṃ pātu rudrāṇī hrīṃ kaṭiṃ me parājitā || 4||

स्वां कौमारी पातु जानू हां जङ्घेऽवतु चण्डिका ।स्वाहा गुल्फौ च वाराही ॐ पादौ नारसिंहिका ॥ ५॥

svāṃ kaumārī pātu jānū hāṃ jaṅghe'vatu caṇḍikā |svāhā gulphau ca vārāhī oṃ pādau nārasiṃhikā || 5||

विस्मारितं च यत्स्थानं यत्स्थानं नामवर्जितम् ।तत्सर्वं पातु मे राज्ञी मूलविद्यामयी परा ॥ ६॥

vismāritaṃ ca yatsthānaṃ yatsthānaṃ nāmavarjitam |tatsarvaṃ pātu me rājñī mūlavidyāmayī parā || 6||

वासुकिः पूर्वतः पातु नीलनागोऽनलेऽवतु ।तक्षको दक्षिणे पातु नैरृते पद्मनायकः ॥ ७॥

vāsukiḥ pūrvataḥ pātu nīlanāgo'nale'vatu |takṣako dakṣiṇe pātu nairṛte padmanāyakaḥ || 7||

कार्कोटकः पश्चिमेऽव्याद्वायव्यां शङ्खपालकः ।कुलिकश्चोत्तरे पातु शेष ईशानमण्डले ॥ ८॥

kārkoṭakaḥ paścime'vyādvāyavyāṃ śaṅkhapālakaḥ |kulikaścottare pātu śeṣa īśānamaṇḍale || 8||

ब्राह्मी ब्राह्मे मुहूर्तेऽव्याद्दिनादौ वैष्णवी मम ।रुद्राणी पातु मध्याह्ने सायं पात्वपराजिता ॥ ९॥

brāhmī brāhme muhūrte'vyāddinādau vaiṣṇavī mama |rudrāṇī pātu madhyāhne sāyaṃ pātvaparājitā || 9||

निशादौ पातु कौमारी निशीथे चण्डिकावतु ।निशान्ते पातु वाराही सर्वदा नारसिंहिका ॥ १०॥

niśādau pātu kaumārī niśīthe caṇḍikāvatu |niśānte pātu vārāhī sarvadā nārasiṃhikā || 10||

असिताङ्गः क्षितेः पातु पयसो रुरुभैरवः ।चण्डो मां पवनात्पातु क्रोधेशः पातु माऽनलात् ॥ ११॥

asitāṅgaḥ kṣiteḥ pātu payaso rurubhairavaḥ |caṇḍo māṃ pavanātpātu krodheśaḥ pātu mā'nalāt || 11||

उन्मत्तः सोमतः पातु भीषणः सूर्यतोऽवतु ।याजकाच्च कपालेशो व्योम्नः संहारकोऽवतु ॥ १२॥

unmattaḥ somataḥ pātu bhīṣaṇaḥ sūryato'vatu |yājakācca kapāleśo vyomnaḥ saṃhārako'vatu || 12||

सदा समन्ततः पातु वपुर्वसुदलं पातु मम ।गुरवः पान्तु सर्वत्र दिगीशः पातु सर्वतः ॥ १३॥

sadā samantataḥ pātu vapurvasudalaṃ pātu mama |guravaḥ pāntu sarvatra digīśaḥ pātu sarvataḥ || 13||

वृत्तत्रयं पातु नित्यं धरा गेहं सदाऽवतु ।श्रीचक्रं पातु भीतिभ्यो योगिन्यः पान्तु सर्वदा ॥ १४॥

vṛttatrayaṃ pātu nityaṃ dharā gehaṃ sadā'vatu |śrīcakraṃ pātu bhītibhyo yoginyaḥ pāntu sarvadā || 14||

ऊर्ध्वं चाधः सदा पातु दिग्भ्यो राज्ञीश्वरः शिवः ।सर्वत्र सर्वदा सर्वं वपुर्भूतेश्वरोऽवतात् ॥ १५॥

ūrdhvaṃ cādhaḥ sadā pātu digbhyo rājñīśvaraḥ śivaḥ |sarvatra sarvadā sarvaṃ vapurbhūteśvaro'vatāt || 15||

पादादिमूर्धपर्यन्तं वपुः सर्वत्र मेऽवतु ।शिरसः पादपर्यन्तं राज्ञी पञ्चदशाक्षरी ॥ १६॥

pādādimūrdhaparyantaṃ vapuḥ sarvatra me'vatu |śirasaḥ pādaparyantaṃ rājñī pañcadaśākṣarī || 16||

इत्येवं कवचं राज्ञ्या मन्त्रगर्भं जयावहम् ।त्रैलोक्यविजयं नाम दारिद्र्यभयनाशनम् ॥ १७॥

ityevaṃ kavacaṃ rājñyā mantragarbhaṃ jayāvaham |trailokyavijayaṃ nāma dāridryabhayanāśanam || 17||

सर्वरोगहरं साक्षात्सिद्दिदं पापनाशनम् ।महाभयहरं देवि मूलविद्यामयं परम् ॥ १८॥

sarvarogaharaṃ sākṣātsiddidaṃ pāpanāśanam |mahābhayaharaṃ devi mūlavidyāmayaṃ param || 18||

परमार्थप्रदं नित्यं भोगमोक्षैककारणम् ।यः पठेत्कवचं देवि रणे राजभये क्षणात् ॥ १९॥

paramārthapradaṃ nityaṃ bhogamokṣaikakāraṇam |yaḥ paṭhetkavacaṃ devi raṇe rājabhaye kṣaṇāt || 19||

सङ्ग्रामेषु रिपुञ्जित्वा विजयी गृहमेष्यति ।पठनात्कवचस्यास्य राजकोपः प्रशाम्यति ॥ २०॥

saṅgrāmeṣu ripuñjitvā vijayī gṛhameṣyati |paṭhanātkavacasyāsya rājakopaḥ praśāmyati || 20||

द्यूते धनं लभेद्द्युती श्मशाने सिद्धिमाप्नुयात् ।त्रिवारं यः पठेद्रात्रौ रेतःस्रावे महेश्वरि ॥ २१॥

dyūte dhanaṃ labheddyutī śmaśāne siddhimāpnuyāt |trivāraṃ yaḥ paṭhedrātrau retaḥsrāve maheśvari || 21||

तस्य राज्ञी महाविद्या स्वप्नेऽभीष्टप्रदा भवेत् ।स्वयम्भूकुसुमैः शुद्धै रेतःस्तन्योभयाङ्कितैः ॥ २२॥

tasya rājñī mahāvidyā svapne'bhīṣṭapradā bhavet |svayambhūkusumaiḥ śuddhai retaḥstanyobhayāṅkitaiḥ || 22||

रसैर्भूर्जे लिखेद्वर्म रवौ प्रातर्महेश्वरि ।चीरतन्तुभिरव्यक्तं लाक्षया वेष्टितं तथा ॥ २३॥

rasairbhūrje likhedvarma ravau prātarmaheśvari |cīratantubhiravyaktaṃ lākṣayā veṣṭitaṃ tathā || 23||

सुवर्णगुटिकान्तःस्थं पूजयेद्यन्त्रराजवत् ।गुटिकैषा महाविद्या राज्ञीमूर्तिरिवापरा ॥ २४॥

suvarṇaguṭikāntaḥsthaṃ pūjayedyantrarājavat |guṭikaiṣā mahāvidyā rājñīmūrtirivāparā || 24||

मूलविद्यामयी देवि कुक्षिस्था भोगदायिनी ।पृष्ठस्था बलदा देवि कुक्षिस्था रोगनाशिनी ॥ २५॥

mūlavidyāmayī devi kukṣisthā bhogadāyinī |pṛṣṭhasthā baladā devi kukṣisthā roganāśinī || 25||

सर्वार्थसाधनी लोके यथाभीष्टफलप्रदा ।गुटिकेयं शुभा राज्ञ्या न देया यस्य कस्यचित् ॥ २६॥

sarvārthasādhanī loke yathābhīṣṭaphalapradā |guṭikeyaṃ śubhā rājñyā na deyā yasya kasyacit || 26||

इदं कवचमीशानि मूलविद्यामयं परम् ।सारस्वतप्रदं लक्ष्मीपुत्रपौत्रविवर्धनम् ॥ २७॥

idaṃ kavacamīśāni mūlavidyāmayaṃ param |sārasvatapradaṃ lakṣmīputrapautravivardhanam || 27||

आयुष्करं पुष्टिकरं श्रीकरं च यशस्करम् ।चतुःषष्ट्यादितन्त्राणां सारमादाय वर्णितम् ॥ २८॥

āyuṣkaraṃ puṣṭikaraṃ śrīkaraṃ ca yaśaskaram |catuḥṣaṣṭyāditantrāṇāṃ sāramādāya varṇitam || 28||

श्मशाने यः पठेत्सायं महाचीनक्रमेश्वरः ।स साधको महादेवि राज्ञीपुत्रो भविष्यति ॥ २९॥

śmaśāne yaḥ paṭhetsāyaṃ mahācīnakrameśvaraḥ |sa sādhako mahādevi rājñīputro bhaviṣyati || 29||

इदं ते मम सर्वस्वं त्रैलोक्यविजयाभिधम् ।कवचं मन्त्रगर्भं च गोपनीयं स्वयोनिवत् ॥ ३०॥

idaṃ te mama sarvasvaṃ trailokyavijayābhidham |kavacaṃ mantragarbhaṃ ca gopanīyaṃ svayonivat || 30||

इति श्रीरुद्रयामले तन्त्रे दशविद्यारहस्ये श्रीराज्ञीकवचम् ।

iti śrīrudrayāmale tantre daśavidyārahasye śrīrājñīkavacam |