जगदीश्वरीवन्दना Jagadishvari Vandana

जगदीश्वरी ! शुभं नः शक्ता त्वमेव दातुम् ।भक्तास्तवानुरक्ताः सोढुं व्यथामशक्ताः ।तेषां त्वमेव शक्ता बाधामधो विधातुम् ॥ जगदीश्वरी ॥ १॥

jagadīśvarī ! śubhaṃ naḥ śaktā tvameva dātum |bhaktāstavānuraktāḥ soḍhuṃ vyathāmaśaktāḥ |teṣāṃ tvameva śaktā bādhāmadho vidhātum || jagadīśvarī || 1||

दुष्टा अहर्निशं हा ! घ्नन्ति ह्यसङ्ख्यका गाः ।मातर्जगत्तले ना कोप्यस्ति तास्तु पातुम् ! जगदीश्वरी ॥ २॥

duṣṭā aharniśaṃ hā ! ghnanti hyasaṅkhyakā gāḥ |mātarjagattale nā kopyasti tāstu pātum ! jagadīśvarī || 2||

आयत्त एष देशः क्व स्यात् सुखस्य लेशः ?भारस्त्वयि ह्यशेषः शक्यो जनैर्निधातुम् ॥ जगदीश्वरी ॥ ३॥

āyatta eṣa deśaḥ kva syāt sukhasya leśaḥ ?bhārastvayi hyaśeṣaḥ śakyo janairnidhātum || jagadīśvarī || 3||

दीना दशा तु नाथः सन्दृश्यते हि मातः !सर्व शुभं तवातः सामर्थ्यमस्ति रातुम् ॥ जगदीश्वरी ॥ ४॥

dīnā daśā tu nāthaḥ sandṛśyate hi mātaḥ !sarva śubhaṃ tavātaḥ sāmarthyamasti rātum || jagadīśvarī || 4||

इति जगदीश्वरीवन्दना सम्पूर्णा ।रचयितृ श्रीबालकृष्णशर्मा सारस्वतः ।

iti jagadīśvarīvandanā sampūrṇā |racayitṛ śrībālakṛṣṇaśarmā sārasvataḥ |