वराहमुखीस्तवः तथा वाराह्यनुग्रहाष्टकम् Hymn To Goddess Varahamukhi

कुवलयनिभा कौशेयार्धोरुका मुकुटोज्ज्वलाहलमुसलिनी सद्भक्तेभ्यो वराभयदायिनी ।कपिलनयना मध्ये क्षामा कठोरघनस्तनीजयति जगतां मातः सा ते वराहमुखी तनुः ॥ १॥

kuvalayanibhā kauśeyārdhorukā mukuṭojjvalāhalamusalinī sadbhaktebhyo varābhayadāyinī |kapilanayanā madhye kṣāmā kaṭhoraghanastanījayati jagatāṃ mātaḥ sā te varāhamukhī tanuḥ || 1||

तरति विपदो घोरा दूरात् परिह्रियते भयस्खलितमतिभिर्भूतप्रेतैः स्वयं व्रियते श्रिया ।क्षपयति रिपूनीष्टे वाचां रणे लभते जयंवशयति जगत् सर्वं वाराहि यस्त्वयि भक्तिमान् ॥ २॥

tarati vipado ghorā dūrāt parihriyate bhayaskhalitamatibhirbhūtapretaiḥ svayaṃ vriyate śriyā |kṣapayati ripūnīṣṭe vācāṃ raṇe labhate jayaṃvaśayati jagat sarvaṃ vārāhi yastvayi bhaktimān || 2||

स्तिमितगतयः सीदद्वाचः परिच्युतहेतयःक्षुभितहृदयाः सद्यो नश्यद्दृशो गलितौजसः ।भयपरवशा भग्नोत्साहाः पराहतपौरुषाभगवति पुरस्त्वद्भक्तानां भवन्ति विरोधिनः ॥ ३॥

stimitagatayaḥ sīdadvācaḥ paricyutahetayaḥkṣubhitahṛdayāḥ sadyo naśyaddṛśo galitaujasaḥ |bhayaparavaśā bhagnotsāhāḥ parāhatapauruṣābhagavati purastvadbhaktānāṃ bhavanti virodhinaḥ || 3||

किसलयमृदुर्हस्तः क्लिश्यते कन्दुकलीलयाभगवति महाभारः क्रीडासरोरुहमेव ते ।तदपि मुसलं धत्से हस्ते हलं समयद्रुहांहरसि च तदाघातैः प्राणानहो तव साहसम् ॥ ४॥

kisalayamṛdurhastaḥ kliśyate kandukalīlayābhagavati mahābhāraḥ krīḍāsaroruhameva te |tadapi musalaṃ dhatse haste halaṃ samayadruhāṃharasi ca tadāghātaiḥ prāṇānaho tava sāhasam || 4||

जननि नियतस्थाने त्वद्वामदक्षिणपार्श्वयोर्मृदुभुजलतामन्दोत्क्षेपप्रणर्तितचामरे ।सततमुदिते गुह्याचारद्रुहां रुधिरासवैरुपशमयतां शत्रून् सर्वानुभे मम देवते ॥ ५॥

janani niyatasthāne tvadvāmadakṣiṇapārśvayormṛdubhujalatāmandotkṣepapraṇartitacāmare |satatamudite guhyācāradruhāṃ rudhirāsavairupaśamayatāṃ śatrūn sarvānubhe mama devate || 5||

हरतु दुरितं क्षेत्राधीशः स्वशासनविद्विषांरुधिरमदिरामत्तः प्राणोपहारबलिप्रियः ।अविरतचटत्कुर्वद्दंष्ट्रास्थिकोटिरटन्मुकोभगवति स ते चण्डोच्चण्डः सदा पुरतः स्थितः ॥ ६॥

haratu duritaṃ kṣetrādhīśaḥ svaśāsanavidviṣāṃrudhiramadirāmattaḥ prāṇopahārabalipriyaḥ |aviratacaṭatkurvaddaṃṣṭrāsthikoṭiraṭanmukobhagavati sa te caṇḍoccaṇḍaḥ sadā purataḥ sthitaḥ || 6||

क्षुभितमकरैर्वीचीहस्तोपरुद्धपरस्परैश्चतुरदधिभिः क्रान्ता कल्पान्तदुर्ललितोदकैः ।जननि कथमुत्तिष्ठेत् पातालसद्मबिलादिलातव तु कुटिले दंष्ट्राकोटी न चेदवलम्बनम् ॥ ७॥

kṣubhitamakarairvīcīhastoparuddhaparasparaiścaturadadhibhiḥ krāntā kalpāntadurlalitodakaiḥ |janani kathamuttiṣṭhet pātālasadmabilādilātava tu kuṭile daṃṣṭrākoṭī na cedavalambanam || 7||

तमसि बहुले शून्याटव्यां पिशाचनिशाचरप्रमथकलहे चोरव्याघ्रोरगद्विपसङ्कटे ।क्षुभितमनसः क्षुद्रस्यैकाकिनोऽपि कुतो भयंसकृदपि मुखे मातस्त्वन्नाम संनिहितं यदि ॥ ८॥

tamasi bahule śūnyāṭavyāṃ piśācaniśācarapramathakalahe coravyāghroragadvipasaṅkaṭe |kṣubhitamanasaḥ kṣudrasyaikākino'pi kuto bhayaṃsakṛdapi mukhe mātastvannāma saṃnihitaṃ yadi || 8||

विदितविभवं हृद्यैः पद्मैर्वराहमुखीस्तवंसकलफलदं पूर्णं मन्त्राक्षरैरिममेव यः ।पठति स पटुः प्राप्नोत्यायुश्चिरं कवितां प्रियांसुतसुखधनारोग्यं कीर्तिं श्रियं जयमुर्वराम् ॥ ९॥

viditavibhavaṃ hṛdyaiḥ padmairvarāhamukhīstavaṃsakalaphaladaṃ pūrṇaṃ mantrākṣarairimameva yaḥ |paṭhati sa paṭuḥ prāpnotyāyuściraṃ kavitāṃ priyāṃsutasukhadhanārogyaṃ kīrtiṃ śriyaṃ jayamurvarām || 9||

इति श्रीवराहमुखीस्तवः समाप्तः ॥वाराह्यनुग्रहाष्टकम्

iti śrīvarāhamukhīstavaḥ samāptaḥ ||vārāhyanugrahāṣṭakam