अनिमादिस्तुतिः Animadi Stutih

(अथ श्रीकालीविलासतन्त्रे चतुस्त्रिंशत्पटलः ।)शिव उवाच ।अकारादिक्षकारान्तं चन्द्रबिन्दुसमन्वितम् ।प्रजपेदनुलोमेन विलोमेन मनुं ततः ॥ १॥

(atha śrīkālīvilāsatantre catustriṃśatpaṭalaḥ |)śiva uvāca |akārādikṣakārāntaṃ candrabindusamanvitam |prajapedanulomena vilomena manuṃ tataḥ || 1||

इष्टमन्त्रं ततो जप्त्वा अक्षरादीन् जपेत्ततः ।तदा पूतो भवेन्मन्त्रः शापादिदोषसंयुतः ॥ २॥

iṣṭamantraṃ tato japtvā akṣarādīn japettataḥ |tadā pūto bhavenmantraḥ śāpādidoṣasaṃyutaḥ || 2||

अणि मे कामिनि मातः नमस्तुभ्यं नमोनमः ।कोमुदित्वणिमे नित्यं ज्योत्स्ना रूपिणि ते नमः ॥ ३॥

aṇi me kāmini mātaḥ namastubhyaṃ namonamaḥ |komuditvaṇime nityaṃ jyotsnā rūpiṇi te namaḥ || 3||

शशिवक्त्रे नमस्तुभ्यं सुलोचनि नमोनमः ।विरूपाक्षि नमस्तुभ्यं विशालाक्षि नमोनमः ॥ ४॥

śaśivaktre namastubhyaṃ sulocani namonamaḥ |virūpākṣi namastubhyaṃ viśālākṣi namonamaḥ || 4||

अणि मे वैष्णवितुभ्यं मोनाक्षि चाणि मे नमः ।नमस्ते नर्त्तकि देवि ! वित्यरूपे नमोनमः ॥ ५॥

aṇi me vaiṣṇavitubhyaṃ monākṣi cāṇi me namaḥ |namaste narttaki devi ! vityarūpe namonamaḥ || 5||

अनिमे निर्मलेतुभ्यं सिञ्जिनिते नमोनमः ।ज्योतिर्मयि नमस्तुभ्यं घोररूपिणि ते नमः ॥ ६॥

anime nirmaletubhyaṃ siñjinite namonamaḥ |jyotirmayi namastubhyaṃ ghorarūpiṇi te namaḥ || 6||

सद्योजातमुखादेषस्तवराजो विनिर्गतः ।श्रीवामदेव उवाच ।चन्द्रिके लधिमे तुभ्यं नमस्तुभ्यं नमोनमः ॥ ७॥

sadyojātamukhādeṣastavarājo vinirgataḥ |śrīvāmadeva uvāca |candrike ladhime tubhyaṃ namastubhyaṃ namonamaḥ || 7||

शङ्खहस्तेनमस्तुभ्यं चन्द्रास्येते नमोनमः ।हरिणाक्षि नमस्तुभ्यं नमस्तुभ्यं नमोनमः ॥ ८॥

śaṅkhahastenamastubhyaṃ candrāsyete namonamaḥ |hariṇākṣi namastubhyaṃ namastubhyaṃ namonamaḥ || 8||

सुलोचने नमस्तुभ्यं शङ्खिनिते नमोनमः ।शङ्खहस्ते प्राप्तिसिद्धे चक्रहस्ते नमोनमः ॥ ९॥

sulocane namastubhyaṃ śaṅkhinite namonamaḥ |śaṅkhahaste prāptisiddhe cakrahaste namonamaḥ || 9||

हे चक्रिणि नमस्तुभ्यं विद्यारूपिणि ते नमः ।विद्योप प्राप्तिसिद्।ह्ध्यर्थं नमस्तुभ्यं नमोनमः ॥ १०॥

he cakriṇi namastubhyaṃ vidyārūpiṇi te namaḥ |vidyopa prāptisid|hdhyarthaṃ namastubhyaṃ namonamaḥ || 10||

वामदेव मुखादेषस्तवराजो विनिर्गतः ।श्रीअघोर उवाच ।बाणि तेन नमस्तुभत्र काम्यसिद्धिस्वरूपिणि ॥ ११॥

vāmadeva mukhādeṣastavarājo vinirgataḥ |śrīaghora uvāca |bāṇi tena namastubhatra kāmyasiddhisvarūpiṇi || 11||

प्रकाम्य विमले तुभ्यं पिशालाक्षे नमोनमः ।हे विशाले नमस्तुभ्यं विषमे च नमोनमः ॥ १२॥

prakāmya vimale tubhyaṃ piśālākṣe namonamaḥ |he viśāle namastubhyaṃ viṣame ca namonamaḥ || 12||

अघोरमुखसम्मुक्तः स्तवराजः प्रकीर्त्तितः ।श्रीईशान उवाच ।नमस्ते महिमे शोभे स्वरूपे ते नमोनमः ॥ १३॥

aghoramukhasammuktaḥ stavarājaḥ prakīrttitaḥ |śrīīśāna uvāca |namaste mahime śobhe svarūpe te namonamaḥ || 13||

सुन्दरि महिमे तुभ्यं गन्धवाहे नमोनमः ।गन्धिनि मर्हिमे तुभत्र नमस्तुभत्र नमोनमः ॥ १४॥

sundari mahime tubhyaṃ gandhavāhe namonamaḥ |gandhini marhime tubhatra namastubhatra namonamaḥ || 14||

गगणेच नमस्तुभत्र गानरूपिनिते नमः ॥ १५॥

gagaṇeca namastubhatra gānarūpinite namaḥ || 15||

रुद्ररूपि नमस्तुभ्यं ईश्वरि त्वां नमाम्यहम् ।श्रीतामस उवाच ।पिनाकिनि नमस्तुभ्यं वशित्वा सिद्धिरूपिणि ॥ १६॥

rudrarūpi namastubhyaṃ īśvari tvāṃ namāmyaham |śrītāmasa uvāca |pinākini namastubhyaṃ vaśitvā siddhirūpiṇi || 16||

शङ्कररूपिणि तुभ्यं हररूपिणि ते नमः ।कल्याणि हे नमस्तुभ्यं हररूपिणि ते नमः ॥ १७॥

śaṅkararūpiṇi tubhyaṃ hararūpiṇi te namaḥ |kalyāṇi he namastubhyaṃ hararūpiṇi te namaḥ || 17||

मङ्गले हे नमस्तुभ्यं नमस्ते सिद्धिरूपिणि ।नमस्ते मङ्गले नित्ये कोणविंशतिसंयुते ॥ १८॥

maṅgale he namastubhyaṃ namaste siddhirūpiṇi |namaste maṅgale nitye koṇaviṃśatisaṃyute || 18||

कामावसायिते कीर्ते नमस्तुभ्य नमोनमः ।मनोरूपि नमस्तुभ्यं नमस्तुभ्यं नमोनमः ॥ १८॥

kāmāvasāyite kīrte namastubhya namonamaḥ |manorūpi namastubhyaṃ namastubhyaṃ namonamaḥ || 18||

बुद्ध मातर्नमस्तुभ्यं विलक्षणि नमोनमः ।नानारूपमयितुभ्यं नमस्तुभ्यं नमोनमः ॥ २०॥

buddha mātarnamastubhyaṃ vilakṣaṇi namonamaḥ |nānārūpamayitubhyaṃ namastubhyaṃ namonamaḥ || 20||

य इदं पठतिस्तोत्रं त्रिसन्ध्यं शिवसन्निधौ ।सहसा मन्त्रसिद्धिः स्यात् लक्षावर्त्तनमात्रतः ॥ २१॥

ya idaṃ paṭhatistotraṃ trisandhyaṃ śivasannidhau |sahasā mantrasiddhiḥ syāt lakṣāvarttanamātrataḥ || 21||

एतत् स्तोत्रं महेशानि कलिकाले पठेत् सुधीः ।एतत् स्तोत्रं विना देवि ! अन्यस्तोत्रं पठेत्तुयः ॥ २२॥

etat stotraṃ maheśāni kalikāle paṭhet sudhīḥ |etat stotraṃ vinā devi ! anyastotraṃ paṭhettuyaḥ || 22||

सर्वं तस्य भवेत् व्यर्थं क्षिप्तस्य वचनं यथा ।एतत् स्तोत्र पठित्वादौ ततोऽन्यकवचं पठेत् ॥ २३॥

sarvaṃ tasya bhavet vyarthaṃ kṣiptasya vacanaṃ yathā |etat stotra paṭhitvādau tato'nyakavacaṃ paṭhet || 23||

पठित्वा सिद्धिमाप्नोति न च मे वचनं मृषा ।विनावोजपरिज्ञान कवचाध्ययनं वृथा ॥ २४॥

paṭhitvā siddhimāpnoti na ca me vacanaṃ mṛṣā |vināvojaparijñāna kavacādhyayanaṃ vṛthā || 24||

वर्णस्तवम विज्ञाय स्तवमन्यं वृथा भवेत् ।वर्णतत्त्व मविज्ञाय पुराणं प्रपठेत्तु यः ॥ २५॥

varṇastavama vijñāya stavamanyaṃ vṛthā bhavet |varṇatattva mavijñāya purāṇaṃ prapaṭhettu yaḥ || 25||

सॠण सर्व देवानां भूत्वा याति परत्र च ।ऋणी भूत्वा स पापिष्ठो भेक योनिषु जायते ॥ २६॥

saṝṇa sarva devānāṃ bhūtvā yāti paratra ca |ṛṇī bhūtvā sa pāpiṣṭho bheka yoniṣu jāyate || 26||

ब्रह्मदिनमभिव्याप्य भेको भवति निश्चितम् ।दिनान्ते तु महेशानि नाना योनी प्रजायते ॥ २७॥

brahmadinamabhivyāpya bheko bhavati niścitam |dinānte tu maheśāni nānā yonī prajāyate || 27||

सभ्रष्टः स च पापिष्ठो न पुनर्मानुषो भवेत् ।श्रीगणेश उवाच ।पार्वत्या निकटे स्थित्वा यत् श्रुतं शिव वक्तृतः ॥ २८॥

sabhraṣṭaḥ sa ca pāpiṣṭho na punarmānuṣo bhavet |śrīgaṇeśa uvāca |pārvatyā nikaṭe sthitvā yat śrutaṃ śiva vaktṛtaḥ || 28||

तदद्यकथितं सर्वं कालीविलाससम्मतम् ।रहस्यं सर्ववीजानां वर्णानां मुनिपुङ्गव ॥ २८॥

tadadyakathitaṃ sarvaṃ kālīvilāsasammatam |rahasyaṃ sarvavījānāṃ varṇānāṃ munipuṅgava || 28||

दिवारात्रपरिज्ञान प्रथमं प्रहरं तथा ।विना यत् क्रियते विप्र सर्वं विधिविरम्बनम् ॥ ३०॥

divārātraparijñāna prathamaṃ praharaṃ tathā |vinā yat kriyate vipra sarvaṃ vidhivirambanam || 30||

अष्टाङ्ग योगविज्ञानं भक्त्या ते परिकीर्त्तितम् ।न योगेन विना मन्त्रो मन्त्रेण विफलो हि सः ॥ ३१॥

aṣṭāṅga yogavijñānaṃ bhaktyā te parikīrttitam |na yogena vinā mantro mantreṇa viphalo hi saḥ || 31||

द्वयोरभ्यासमात्रेण मन्त्रसिद्धिः प्रजायते ।विनात्वेकतराभ्यासं मन्त्रसिद्धिर्नजायते ॥ ३२॥

dvayorabhyāsamātreṇa mantrasiddhiḥ prajāyate |vinātvekatarābhyāsaṃ mantrasiddhirnajāyate || 32||

इति अनिमादि स्तुतिः समाप्ता ।इति श्रीकालोविलामतन्त्रे चतुस्विंशत्तमः पटलः समाप्तः ।

iti animādi stutiḥ samāptā |iti śrīkālovilāmatantre catusviṃśattamaḥ paṭalaḥ samāptaḥ |