दत्तात्रेयस्तवः Shri Dattatreyastavah

दत्तात्रेयपदाब्जं वित्ताधीशाधिदेववर्येड्यम् ।हृत्तापहारचतुरं चित्तामलभावसिद्धये नौमि ॥ १॥

dattātreyapadābjaṃ vittādhīśādhidevavaryeḍyam |hṛttāpahāracaturaṃ cittāmalabhāvasiddhaye naumi || 1||

अनसूयासुतमीडे वनसञ्चारप्रसक्तचेतस्कम् ।कनक्नप्रदाननिरतं वनमालाभूषितग्रीवम् ॥ २॥

anasūyāsutamīḍe vanasañcāraprasaktacetaskam |kanaknapradānanirataṃ vanamālābhūṣitagrīvam || 2||

अविमुक्तस्नानरतं कोह्लापुरमध्यमन्त्रजपशीलम् ।सह्याद्रिशयनलोलं माधूकरभैक्ष्यभोजनं वन्दे ॥ ३॥

avimuktasnānarataṃ kohlāpuramadhyamantrajapaśīlam |sahyādriśayanalolaṃ mādhūkarabhaikṣyabhojanaṃ vande || 3||

आशाम्बरं प्रपद्ये पाशापहमाशु पादनम्राणाम् ।केशावधूतसूर्यं काशाग्रचलन्मनोनिरोधाय ॥ ४॥

āśāmbaraṃ prapadye pāśāpahamāśu pādanamrāṇām |keśāvadhūtasūryaṃ kāśāgracalanmanonirodhāya || 4||

औदुम्बरतरुमूले कृतवासं कृष्णभक्तिदानरतम् ।औदुम्बरादिदिव्यक्षेत्रावासं नमामि योगीशम् ॥ ५॥

audumbaratarumūle kṛtavāsaṃ kṛṣṇabhaktidānaratam |audumbarādidivyakṣetrāvāsaṃ namāmi yogīśam || 5||

शरदिन्दुतुल्यवदनं करराजद्बोधमुद्रमतिसुलभम् ।तरणाय भवपयोधेः शरणं यास्यामि दत्तयोगीन्द्रम् ॥ ६॥

śaradindutulyavadanaṃ kararājadbodhamudramatisulabham |taraṇāya bhavapayodheḥ śaraṇaṃ yāsyāmi dattayogīndram || 6||

कृतवीर्यपुत्रदेशिकमिन्दुप्रतिमानवदनकञ्जातम् ।बिम्बाधरमनसूयामुखपद्मार्कं नमामि गुरुदत्तम् ॥ ७॥

kṛtavīryaputradeśikamindupratimānavadanakañjātam |bimbādharamanasūyāmukhapadmārkaṃ namāmi gurudattam || 7||

कृत्ताघवृन्द नमतां चित्ताम्बुजमध्यसंस्थ भक्तानाम् ।दत्तात्रेय कृपाब्धे यत्ताक्षाराध्यचरण मां पाहि ॥ ८॥

kṛttāghavṛnda namatāṃ cittāmbujamadhyasaṃstha bhaktānām |dattātreya kṛpābdhe yattākṣārādhyacaraṇa māṃ pāhi || 8||

क्रव्यादवैरिरूपो नव्याम्बुदसन्निकाशदेहरुचिः ।भव्याय भवतु योगी निर्व्याजदयासुधाम्बुधिः कोऽपि ॥ ९॥

kravyādavairirūpo navyāmbudasannikāśadeharuciḥ |bhavyāya bhavatu yogī nirvyājadayāsudhāmbudhiḥ ko'pi || 9||

गतिविजितमत्तनागं मतिदानधुरन्धरं प्रणम्रेभ्यः ।यतिततिपूजितपादं पतितावनदीक्षमेनमाकलये ॥ १०॥

gativijitamattanāgaṃ matidānadhurandharaṃ praṇamrebhyaḥ |yatitatipūjitapādaṃ patitāvanadīkṣamenamākalaye || 10||

गोरक्षकमुखयोगिभिरादरतः सेव्यमानपदपद्मम् ।गोब्राह्मणहितकारणमत्रेः सुतमातनोमि हृत्पद्मे ॥ ११॥

gorakṣakamukhayogibhirādarataḥ sevyamānapadapadmam |gobrāhmaṇahitakāraṇamatreḥ sutamātanomi hṛtpadme || 11||

घुटिकाञ्जनमुखसिद्धीर्घटिकातः प्राप्नुवन्ति यद्भक्ताः ।स्फटिकाक्षमालिकाढ्यं तडिदाभं नौमि तं दत्तम् ॥ १२॥

ghuṭikāñjanamukhasiddhīrghaṭikātaḥ prāpnuvanti yadbhaktāḥ |sphaṭikākṣamālikāḍhyaṃ taḍidābhaṃ naumi taṃ dattam || 12||

दिननाथतुल्यवसनं दिष्ट्यैकप्राप्यचरणपाथोजम् ।दिवि भुवि पाताले च प्रचरन्तं नौमि योगिनं कञ्चित् ॥ १३॥

dinanāthatulyavasanaṃ diṣṭyaikaprāpyacaraṇapāthojam |divi bhuvi pātāle ca pracarantaṃ naumi yoginaṃ kañcit || 13||

बालोन्मत्तसदृक्षं कालोत्पन्नाशनेन सन्तुष्टम् ।मालोल्लसद्गलतटं कालोच्छित्त्यै नमामि दत्तमुनिम् ॥ १४॥

bālonmattasadṛkṣaṃ kālotpannāśanena santuṣṭam |mālollasadgalataṭaṃ kālocchittyai namāmi dattamunim || 14||

भरताग्रजभक्ताग्र्यं भद्राणि दिशन्तमाशु नम्रेभ्यः ।भवभीतिभञ्जनचणं दत्तात्रेयं नमामि मोदेन ॥ १५॥

bharatāgrajabhaktāgryaṃ bhadrāṇi diśantamāśu namrebhyaḥ |bhavabhītibhañjanacaṇaṃ dattātreyaṃ namāmi modena || 15||

भवनीकृतानतहृदं भक्ताज्ञानेभदलनपञ्चास्यम् ।भसितावलिप्तगात्रं भव्यकरं नौमि दत्तमुनिवर्यम् ॥ १६॥

bhavanīkṛtānatahṛdaṃ bhaktājñānebhadalanapañcāsyam |bhasitāvaliptagātraṃ bhavyakaraṃ naumi dattamunivaryam || 16||

यस्याष्टविधा मन्त्राः शीघ्रं सिद्धिप्रदायकास्तिष्ये ।तस्याङ्घ्रिपङ्कजमहं दत्तात्रेयस्य नौमि योगीशः ॥ १७॥

yasyāṣṭavidhā mantrāḥ śīghraṃ siddhipradāyakāstiṣye |tasyāṅghripaṅkajamahaṃ dattātreyasya naumi yogīśaḥ || 17||

यागादिकर्मलभ्यं भोगालिं नम्रपङ्क्तये ददतम् ।योगाधिरूढमनिशं नागाधिपशायिनं नमस्यामि ॥ १८॥

yāgādikarmalabhyaṃ bhogāliṃ namrapaṅktaye dadatam |yogādhirūḍhamaniśaṃ nāgādhipaśāyinaṃ namasyāmi || 18||

रवधूतहंसगर्वं नवनवकविताप्रदानधौरेयम् ।विधिहरिशिवस्वरूपं प्रवणं वन्दे नतावने कञ्चित् ॥ १९॥

ravadhūtahaṃsagarvaṃ navanavakavitāpradānadhaureyam |vidhihariśivasvarūpaṃ pravaṇaṃ vande natāvane kañcit || 19||

वैराग्यदाननिरतं तीरातिक्रान्तवैभवोपेतम् ।काराबन्धविमोचकमैरावतयायिसेवितं नौमि ॥ २०॥

vairāgyadānanirataṃ tīrātikrāntavaibhavopetam |kārābandhavimocakamairāvatayāyisevitaṃ naumi || 20||

शरणागतपरिरक्षणनिरतं तरुणं तमालसमदेहम् ।सरसिजसदृक्षनयनं शरणं यास्यामि दत्तमुनिनाथम् ॥ २१॥

śaraṇāgataparirakṣaṇanirataṃ taruṇaṃ tamālasamadeham |sarasijasadṛkṣanayanaṃ śaraṇaṃ yāsyāmi dattamuninātham || 21||

कथितागमार्थसारं मथिताखिलदुःखकारणाविद्यम् ।पथि परमे स्थितमनिशं शिथिलितपापौघमाश्रये दत्तम् ॥ २२॥

kathitāgamārthasāraṃ mathitākhiladuḥkhakāraṇāvidyam |pathi parame sthitamaniśaṃ śithilitapāpaughamāśraye dattam || 22||

शीर्षत्रयेण सहितं शीर्षं वेदत्रयस्य नतलोकान् ।सम्बोधयन्तमनिशं भावयतु स्वान्तमादराद्यमिनम् ॥ २३॥

śīrṣatrayeṇa sahitaṃ śīrṣaṃ vedatrayasya natalokān |sambodhayantamaniśaṃ bhāvayatu svāntamādarādyaminam || 23||

स्मृतिमात्रतुष्टहृदयं मतिदं तरसाङ्घ्रिनम्रलोकाय ।शितिकण्ठमित्रमीडे कृतिनां प्रत्यक्षमन्वहं दत्तम् ॥ २४॥

smṛtimātratuṣṭahṛdayaṃ matidaṃ tarasāṅghrinamralokāya |śitikaṇṭhamitramīḍe kṛtināṃ pratyakṣamanvahaṃ dattam || 24||

गोरक्षाद्यैर्मुख्यसुशिष्यैः परिवीतंगोविप्राणां पोषणसक्तं करुणाब्धिम् ।गोलक्ष्मीशाम्बुजभवगिरिजासखरूपंदत्तात्रेयश्रीपदपद्मं प्रणतोऽस्मि ॥ २५॥

gorakṣādyairmukhyasuśiṣyaiḥ parivītaṃgoviprāṇāṃ poṣaṇasaktaṃ karuṇābdhim |golakṣmīśāmbujabhavagirijāsakharūpaṃdattātreyaśrīpadapadmaṃ praṇato'smi || 25||

इति शृङ्गेरि श्रीजगद्गुरु श्रीसच्चिदानन्दशिवाभिनवनृसिंहभारतीस्वामिभिः विरचितः श्रीदत्तात्रेयस्तवः सम्पूर्णः ।

iti śṛṅgeri śrījagadguru śrīsaccidānandaśivābhinavanṛsiṃhabhāratīsvāmibhiḥ viracitaḥ śrīdattātreyastavaḥ sampūrṇaḥ |