दत्तात्रेयस्तोत्रम् ११ Shri Dattatreya Stotram 11

निर्व्यसनि प्रियो विजयते ।निर् मलं निश्चलं शान्तं निशान्तं यस्य सन्ततम् ।व्य तीतरज उत्कृष्टमेकान्तं दयितं मतम् ॥ १॥

nirvyasani priyo vijayate |nir malaṃ niścalaṃ śāntaṃ niśāntaṃ yasya santatam |vya tītaraja utkṛṣṭamekāntaṃ dayitaṃ matam || 1||

स सर्वात्मापि सर्वेशः सर्वभूतगुहाशयः ।नि यन्ता सर्वभूतानां सर्वशक्तिसमन्वितः ॥ २॥

sa sarvātmāpi sarveśaḥ sarvabhūtaguhāśayaḥ |ni yantā sarvabhūtānāṃ sarvaśaktisamanvitaḥ || 2||

प्रि यश्चात्मवतां नित्यं दत्तात्रेयो जगद्गुरुः ।यो गेश्वरो योगिपूज्यो भक्तानां कल्पपादपः ॥ ३॥

pri yaścātmavatāṃ nityaṃ dattātreyo jagadguruḥ |yo geśvaro yogipūjyo bhaktānāṃ kalpapādapaḥ || 3||

वि श्वरूपधरो विश्वविहारी विजिताहितः ।ज न्ममृत्युजराव्याधिभयदोषनिवारणः ॥ ४॥

vi śvarūpadharo viśvavihārī vijitāhitaḥ |ja nmamṛtyujarāvyādhibhayadoṣanivāraṇaḥ || 4||

य तिसन्न्यासिसुगतिः सर्वारिष्टनिवारणः ।ते जसां तेज आत्मायं सदा ध्येयो मुमुक्षिभिः ॥ ५॥

ya tisannyāsisugatiḥ sarvāriṣṭanivāraṇaḥ |te jasāṃ teja ātmāyaṃ sadā dhyeyo mumukṣibhiḥ || 5||

इति श्रीवासुदेवानन्दसरस्वतीविरचितं दत्तात्रेयस्तोत्रं सम्पूर्णम् ।

iti śrīvāsudevānandasarasvatīviracitaṃ dattātreyastotraṃ sampūrṇam |