दत्तात्रेयस्तोत्रम् ०४ Shri Dattatreya Stotra 4

अनसूयात्रिसम्भूत दत्तात्रेय महामते ।सर्वदेवाधिदेव त्वं मम चित्तं स्थिरीकुरु ॥ १॥

anasūyātrisambhūta dattātreya mahāmate |sarvadevādhideva tvaṃ mama cittaṃ sthirīkuru || 1||

शरणागतदीनार्ततारकाऽखिलकारक ।सर्वचालक देव त्वं मम चित्तं स्थिरीकुरु ॥ २॥

śaraṇāgatadīnārtatārakā'khilakāraka |sarvacālaka deva tvaṃ mama cittaṃ sthirīkuru || 2||

सर्वमङ्गलमाङ्गल्य सर्वाधिव्याधिभेषज ।सर्वसङ्कटहारिन् त्वं मम चित्तं स्थिरीकुरु ॥ ३॥

sarvamaṅgalamāṅgalya sarvādhivyādhibheṣaja |sarvasaṅkaṭahārin tvaṃ mama cittaṃ sthirīkuru || 3||

स्मर्तृगामी स्वभक्तानां कामदो रिपुनाशनः ।भुक्तिमुक्तिप्रदः स त्वं मम चित्तं स्थिरीकुरु ॥ ४॥

smartṛgāmī svabhaktānāṃ kāmado ripunāśanaḥ |bhuktimuktipradaḥ sa tvaṃ mama cittaṃ sthirīkuru || 4||

सर्वपापक्षयकरस्तापदैन्यनिवारणः ।योऽभीष्टदः प्रभुः स त्वं मम चित्तं स्थिरीकुरु ॥ ५॥

sarvapāpakṣayakarastāpadainyanivāraṇaḥ |yo'bhīṣṭadaḥ prabhuḥ sa tvaṃ mama cittaṃ sthirīkuru || 5||

य एतत्प्रयतः श्लोकपञ्चकं प्रपठेत्सुधीः ।स्थिरचित्तः स भगवत्कृपापात्रं भविष्यति ॥ ६॥

ya etatprayataḥ ślokapañcakaṃ prapaṭhetsudhīḥ |sthiracittaḥ sa bhagavatkṛpāpātraṃ bhaviṣyati || 6||

इति श्रीपरमहंस परिव्राजकाचार्यश्रीमद्वासुदेवानन्दसरस्वतीस्वामीविरचितं श्रीदत्तस्तोत्रं सम्पूर्णम् ॥(यह एक प्रभावी स्तोत्र है । साधक व विद्यार्थी इसका प्रयोग मनकी चञ्चलता कम करने हेतु वा एकाग्रता बढाने हेतु अवश्यकरें और अनुभव लें ।)

iti śrīparamahaṃsa parivrājakācāryaśrīmadvāsudevānandasarasvatīsvāmīviracitaṃ śrīdattastotraṃ sampūrṇam ||(yaha eka prabhāvī stotra hai | sādhaka va vidyārthī isakā prayoga manakī cañcalatā kama karane hetu vā ekāgratā baḍhāne hetu avaśyakareṃ aura anubhava leṃ |)